o ao1990 foi ratificado em 2009 em Timor Leste

Ricardo Antunes
35 mins ·
Shared via AddThis
·

Para que não restem dúvidas e não se andem por aí a alardear falsidades: Timor-Leste ratificou o Acordo Ortográfico por resolução do Parlamento Nacional (30 de março de 2009) e posterior promulgação pelo Presidente da República (29 de abril de 2009).

RESOLUÇÃO DO PARLAMENTO
14/2009

APROVA, PARA ADESÃO, O ACORDO ORTOGRÁFICO DA LÍNGUA PORTUGUESA ENTRE OS ESTADOS MEMBROS DA COMUNIDADE DOS PAÍSES DE LÍNGUA PORTUGUESA

O Parlamento Nacional resolve, sob proposta do Governo, nos termos da alínea f) do n.° 3 do artigo 95.° da Constituição da República, o seguinte:

Artigo 1º
Aprovar, para adesão, o Acordo Ortográfico da Língua Portuguesa entre os Estados Membros da Comunidade dos Países de Língua Portuguesa, assinado em Lisboa a 16 de Dezembro de 1990, cujo texto, na versão em língua portuguesa, segue em anexo.

Artigo 2º
Formular a seguinte reserva:
O topónimo/topônimo “Timor-Leste”, constituindo uma exceção à regra prevista no parágrafo 2º da Base XV do Acordo Ortográfico da Língua Portuguesa, escreve-se com os elementos separados por hífen, dado ser essa a grafia correspondente à denominação oficial constitucionalmente consagrada e em uso corrente no território nacional.

Aprovada em 30 de Março de 2009.
O Presidente do Parlamento Nacional em substituição,
Vicente da Silva Guterres
Publique-se.

Em 29 de Abril de 2009.
O Presidente da República,
Dr. José Ramos Horta

timor agora 22/4/17

TIMOR AGORA

Aviaun Amerika Tama TL, Laiha Relasaun Funu Korea do Norte
Arao Noe: Habibie Lalika Tau Kanuru Tohar Ba Timor
PR ELEITU HUSU BA XEFI SUKU HOTU, PARTISIPA IHA SEREMONIA TOMADA DE POSE
Mike Pence elojia valor demokrátiku no tolerante sira Indonézia nian
Prezidente filipinu hakarak fó arma ba sivil hodi kombate extremista sira
Jacinta ho Francisco Marto sei simu kanonizasaun iha 13 Maiu iha Fátima
Primeira Dama Organiza Seminariu Papel Sidadaun
Liu Husi BNCTL, Governu Fo Kreditu Ba Emprezariu

Aviaun Amerika Tama TL, Laiha Relasaun Funu Korea do Norte

Posted: 21 Apr 2017 07:41 PM PDT
DILI – Relasiona aviaun funu Amerika neebe tama iha Aeroportu Internasional Nicolao Lobato Dili Comoro loron Kinta, (20 Abril 2017), laiha relasaun funu Korea no Amerika maibe ida nee hanesan destakamentu normal nebe halao iha fulan neen dala ida.

Lia hirak nee hatoo husi Public Affairs Officer Embasada Amerikanu iha TL Scott Hartmann ba jornalista sira iha Embaxada Amerika Bairos Eskoteiros Dili Sesta, (21/4). Destakamentu ida nee sempre iha realasaun diak entre Governu Timor Leste, Falintil Forsa Defeza Timor Leste (F-FDTL) no komunidade lokalsira.

Misaun aviaun nee lori ema sira nebe atu mai servisu halo servisu projeitus balun maibe sempre servisu hamutuk ho governu Timor liu husi ministeiru edukasaun atu halo rehabilitasaun eskola iha Manleuana, no projeitus balun iha Tibar Munisipiu Liquica no mos hare ba iha parte bee mos nian iha Timor.

Ami hakarak dehan objetivu aviaun forsa Naval Amerikanu tun iha Timor iha loron Kinta nee ho objetivu lori hela ema nebe servisu humanitarian nia mai Timor. Sira nia servisu iha projeitus hanesan konstrusaun eskola no areia bee mos. Laos nee deit katak destakamentu nee normal tamba ami sempre servisu hamutuk ho parte governu no F-FDTL iha Timor,”nia dehan.

Aviaun nee tun iha aeroportu Dili iha majomenus tuku 10:30-14:00 depois ida nee sai fali husi Timor Leste ba Amerika. Laos nee deit maibe iha mos aviaun Amerika nian mai Timor mos dalaruma tula nia ema sira nebe servisu iha embasada iha Timor kuandu sira feriadu ruma. Laos nee deit ba ema militar sira mos hanesan nee. est4

Suara Timor Lorosae

Arao Noe: Habibie Lalika Tau Kanuru Tohar Ba Timor

Posted: 21 Apr 2017 07:37 PM PDT
DILI – Reprezentante povu iha Uma Fukun Parlamentu Nasional, husu ba eis Prezidente Indonezia Habibie, atu lalika tau kanuru tohar ba Timor, tanba ekonomia nasaun hotu lahanesan.

Kestaun ida nee deputadu Arao Noe hato, relasiona ho estetimentu neebe eis Prezidente Indonezia Habibi halo avaliasaun hodi kompara Indonezia ho Timor katak, nia lakoi Indenesia sai hanesan Timor Leste, neebe depende deit ba fundu minarai, nunee hodi fo impaktu ba dezenbolvimentu neebe halao iha rai laran rungu ranga.

lalika tau kanuru tohar ba politika ekonomia nasaun idak idak ninian, tanba ita moris lahanesan, ita boot sira ninia ekonomia oinseluk ona, ami nian prisipiu politika maka nee lakoi karega impostu ba povu hodi finansia dezenvolvimentu estadu, tanba iha alternative seluk, iha fundu rekursu naturais nian sei bele kobre Orsamentu Jeral Estadu,” dehan deputadu Arao ba STL, iha PN, Dili, Sesta (21/04/2017).

Indonezia tuir deputadu Arao katak, Sira lakoi depende ba rekursu naturais, depende liu karega impostu ba nia povu para nasaun moris, nee opsaun sira nian, maibe Timor ninia opsaun maka ida nee, lakoi karega nia povu selu impostu ba estadu.

Iha fatin hanesan membru PN husi bankada FRETILIN Paulo Moniz Maia hateten, Eis Prezidente Habibi labele kompara nasaun Indonesia ho nasaun TL, tanba rekursu naturais, rekursu humanus Indonesia ho Timor lahanesan. Carme Ximenes

Suara Timor Lorosae

PR ELEITU HUSU BA XEFI SUKU HOTU, PARTISIPA IHA SEREMONIA TOMADA DE POSE

Posted: 21 Apr 2017 03:43 AM PDT
Primeiru Ministru (PM) Rui Maria de Araujo informa katak, Prezidenti Republika (PR) eleitu, Francisco Guterres Lu-Olo hakarak konvida Xefi Suku sira hotu-hotu, atu partisipa iha seremonia tomada depose Prezidente Republika nian iha 20 de Maiu.

“Prezidenti Republika eleitu, husu ba Governu atu haree posibilidade lori Xefi Suku sira ho nia estrutura suku hotu-hotu, atu mai partisipa tomada depose iha Tasi Tolu, iha loron 20 Maiu ne’e. Nune’e sei koalia ho Ministeriu Administrasaun Estatal para serbisu atu haree ida ne’e,” hatete PM Rui Maria de Araujo hafoin enkontru ho Prezidente eleitu Francisco Guterres ‘Lu-Olo’, iha Sede Nasional Comite Central FRETILIN (CCF), Comoro, Dili, Kuarta (19/04).

Iha enkontru ne’e, Xefi Governu ho Xefi Estadu eleitu ne’e mós koalia konaba preparasaun ba seremonia tomada de pose ne’ebe hala’o iha fatin no data istóriku Tasi Tolu, 20 de Maiu 2017.

Nune’e mós iha enkontru ne’e, Xefi Governu mai reintera fila fali pozisaun Governu nian ba Prezidente eleitu konaba knar ne’ebe Governu hala’o maka fo apoiu ba desizaun ne’ebe Parlamentu Nasional ho Prezidente eleitu nia ekipa foti, eskoella fatin no prosesu atu hala’o seremonia tomada de pose nian.

“Perspektiva Governu nian hato’o ba PR eleitu katak, 20 Maiu sei haree seremonia sira ne’ebe ita atu halo iha periodu ida ne’e, ninia hirarkia importante primeiru maka tomada de pose Prezidente eleitu, inaugura siklu PR foun ida, segundu maka selebrasaun tinan 15 ba restaurasaun independensia ninian, depois konferensia internasionais ninian,” Rui Araújo esplika.

Preparasaun fatin ba seremonia ne’e organiza husi Ministeriu Administrasaun Estatal (MAE) ho Ministeriu Obras Publika Transporte no Telekomunikasaun (MOTK), lojistika no protokolu ninian ne’e husi parte Ministeriu Negosiu Estranjeiru no Koperasaun (MNEK) mak responsabiliza.

Husi parte Ministériu Negosius Estranjeirus no Kooperasaun (MNEK) mós haruka ona karta ba bainaka internasional sira maibé to’o oras ne’e sei hein konfirmasaun fila fali husi MNEK.

Iha okaziaun ne’e, Prezidente Repúblika (PR) eleitu, Francisco Guterres Lu-Olo mos rekonhese iha enkontru ho Primeiru Ministru ne’e koalia mos kona ba atu konvida xefi Suku sira hotu hodi hola parte iha tomada de pose iha 20 Maiu.

“Ami koalia mos kona ba posilibidade konvida mos Xefi Suku ho orgaun Suku nian hotu-hotu iha Timor-Leste mai partisipa mos iha ha’u nian seremonia tomada de pose iha Tasi Tolu ne’e,” PR eleitu haktuir.

Francisco Guterres ‘Lu-Olo’ eleitu iha eleisaun Prezidensiál iha 20 Marsu 2017, ho votus 295,048 ka 57,1 porsentu ne’ebé Tribunal Rekursu (TR) legaliza Lu-Olo nia vitória ne’e iha loron 30 fulan Marsu liu ba.des

Jornal Nacional Diário

Mike Pence elojia valor demokrátiku no tolerante sira Indonézia nian

Posted: 21 Apr 2017 03:06 AM PDT
Visi-Prezidente Estadus Unidus nian, Mike Pence, elojia ona demokrasia indonéziu nian no nia islamizmu modernu, hafoin enkontru ida iha loron-kinta ne’e ho Prezidente hosi nasaun musulmanu boot liu iha mundu.

Komentáriu sira hanesan importnate tebes ba Prezidente indonéziu, Joko Widodo, ne’ebé loron ida antes hetan kontratempu polítiku ida, bainhira nia aliadu ida lakon ho konservador islámiku sira iha eleisaun ba governador Jakarta nian. Polémika kampaña ne’ebé halo fraku Indonézia nia imajen iha estranjeiru, hanesan nasaun musulmanu tolerante ida.

Iha konferénsia hamutuk ho Widodo, Pence hatete ona katak Estadus Unidus hakarak aumenta nia parseria estratéjiku ho Indonézia.

Visi-Prezidente norte-amerikanu elojia ona Indonézia tanba pratika Islaun ho dalan moderadu no hatete ona katak nasaun rua sei kontinua kopera iha kombate hasoru terorizmu.

“Hanesan demokrasia daruak no datoluk boot liu iha mundu, ami nia nasaun fahe valor sira ne’ebé hanesan, inklui liberdade, estadu direitu, direitu ema nian no diversidade relijiozu. Estadus Unidus iha orgullu hodi sai parseiru Indonézia nian, [ne’ebé] promove no proteje valor sira ne’e”, nia afirma.

Donald Trump sei partisipa iha Simeira ASEAN iha Novembru

Visi-prezidente Estadus Unidus nian, Mike Pence, fó sai iha loron-kinta ne’e katak prezidente, Donald Trump, sei partisipa iha Simeira hosi Asosiasaun Nasaun sira Sudeste Aziátiku (ASEAN) nian, iha Filipina, iha fulan-Novembru.

Pence, ne’ebé halo vizita ida ba Indonézia, fó sai ona katak Trump sei partisipa mós iha Simeira hosi Sudeste Aziátiku nian ne’ebé sei hala’o hafoin reuniaun rejional, iha fulan hanesan, iha Filipina, no iha Simeira hosi Koperasaun Ekonómiku Ázia Pasífiku nian, iha mós fulan-Novembru, iha Vietnam.

SAPO TL ho Lusa | Foto@ Bay Ismoyo/EPA

Prezidente filipinu hakarak fó arma ba sivil hodi kombate extremista sira

Posted: 21 Apr 2017 03:00 AM PDT
Prezidente Filipina nian, Rodrigo Duterte, hatudu ona intensaun hodi entrega arma sira ba populasaun sira iha Bohol hodi kombate militante extremista sira ne’ebé subar iha illa, hafoin atake ida ne’ebé falla hosi grupu Abu Sayyaf iha semana liubá.

“Ha’u iha intensaun hodi fó arma no envole ema sivil sira”, hatete hosi Prezidente iha loron-kuarta kalan, iha entrevista ida ba imprensa lokal, durante vizita iha Bohol, iha rejiaun sentral nasaun nian.

Duterte hatete katak bainhira ema rezidente sira iha zona oho ema sira ne’ebé deskonfia hanesan terorista “lalika preokupa: ba iha polísia, halo relatóriu ida ne’ebé deklara lia-loos no sei laiha problema ruma”, hodi promete fó perdaun ba posível homisídiu sira.

Prezidente hatete ona katak sei ko’alia ho autoridade lokal sira kona-ba proposta fó arma ba sivil sira, tanba ne’e “bele hamosu dúvida ruma”.

Duterte vizita Bohol liutiha semana ida hafoin membru na’in 13 hosi Abu Sayyaf tama infiltradu iha illa, iha ró peska sira nia laran hodi bele halo sekuestru ba turista sira.

Iha final fulan ne’e nian, Asosiasaun hosi Nasaun sira Sudeste Aziátiku nian (ASEAN) sei hasoru malu iha Bohol.

Populasaun sira haree grupu ne’e iha loron 11 liubá no ezérsitu hasoru ona sira, hodi halo mate soldadu na’in tolu, polísia na’in ida no rebelde na’in neen, inklui Abu Rami ne’ebé konsidera hanesan líder ida hosi Abu Sayyaf.

Extremista na’in neen konsege halai, nune’e maka Duterte oferese ona iha loron-kuarta rekompensa ida ho folin peso millaun ida (euro 18.700) ba sé maka fasilita hodi kaer sira, “mate ka moris”.

“Ha’u oferese rekompensa ida kona-ba terorista sira mate ka moris, maibé ha’u hakarak sira mate tanba bainhira sira moris tenki fó han sira no sai karun liu”, nia hatete.

Insidente ne’e bele reprezenta golpe todan ida ba ekonomia illa nian, destinu turístiku ida ne’ebé to’o agora la hetan prezensa hosi movimentu extremista sira.

Abu Sayyaf, harii iha tinan 1991 iha illa Basilan, kaer ona iha tinan hirak ikus ne’e ema sanulu resin iha bee sira hosi sudueste Filipina nian no nordeste Malázia nian, hodi husu resgate hodi sira bele moris.

Iha fulan-Fevereiru, grupu oho ona refén alemaun ida tanba sira la simu osan ne’ebé sira husu, no mantén iha sira nia kbiit refén na’in 30, inklui ema estranjeiru na’in 20 resin.

SAPO TL ho Lusa

Jacinta ho Francisco Marto sei simu kanonizasaun iha 13 Maiu iha Fátima

Posted: 21 Apr 2017 02:56 AM PDT
Papa Francisco sei kanoniza pastoriñu na’in rua Jacinta ho Francisco Marto durante nia vizita iha Fátima, iha loron 13 Maiu, fó sai hosi Rádiu Renascença iha loron-kinta ne’e.

Anúnsiu ne’e halo hosi papa iha Konsistóriu ne’ebé maka fiksa tiha ona loron sira ba serimónia kanonizasaun nian hosi santu foun sira hamutuk na’in 37, entre sira maka Jacinta ho Francisco.

Kanonizasaun hosi Francisco ho Jacinta nian, ne’ebé sai ona beatu hosi Papa João Paulo II, iha Fátima, iha loron 13 Maiu 2010, antes hein hela rekoñesimentu hosi milagre ida, kura hosi labarik brazileiru na’in ida, iha 2013, ne’ebé akontese ona iha loron 23 Marsu.

Iha loron ne’ebé hatene ona notísia hosi aprovasaun hosi Jorge Bergoglio hosi milagre ne’ebé atribui ba Jacinta ho Francisco, kardeal patriarka Lisboa nian, Manuel Clemente, hatete katak senti “haksolok tebes” ho notísia.

Papa vizita Fátima iha loron 12 no 13 Maiu ba sentenáriu hosi “aparisaun sira” iha tinan 1917.

SAPO TL ho Lusa | Foto@ Paulo Cunha/EPA

Primeira Dama Organiza Seminariu Papel Sidadaun

Posted: 21 Apr 2017 02:29 AM PDT
DILI – Primeira Dama Isabel Fereira organiza seminariu ba estudante nivel universitariu no entidade balun ho tema “papel sidadaun iha dezemvolvimentu bem estar”. Objektivu husi seminariu nee atu eleva konesiemntu estudante.

Seminariu neebe organiza husi Primeira Dama Isabel Fereira ho objetivu oinsa atu fo konesimentu ba estudante sira, konaba prosesu neebe maka oras nee lao iha Timor-Leste.

“Ohin ita hare orador husi instituisaun estadu sira neebe makaa hola parte iha seminariu nee maka hanesan parte Komisaun Nasiona Eleisaun (CNE), Tribunal Tribunal Rekursu, Ministeridu Publiku, STAE no Polisia Nasional Timor-Leste no Funsaun Publika sira hodi mai divulga informasaun balun relasiona servisu neebe maka durante nee ita nian instituisaun sira nee halo hodi fo susesu ba prosesu eleisaun presidensial neebe maka Timor-Leste halao ona” dehan Primeira Dama Isabel ba jornalista sira hafoin remata seminariu, iha Centru Convensaun Dili (CCD), Kinta (20/4/2017).

Primeira Dama Isabel hateten seminariu nee importante ba estudante sira atu hatene saida maka durante nee lao iha Timor-Leste, entermus dezemvolvimentu fisiku no non fisiku, relasiona ho nee estudante sira bele hatene hodi konese liu tan saida maka orador sira esplika.

Iha fatin hanesan liu husi seminariu nee Adjunto Prokurador Jeral Republika Zelia Trindade hatoo kona servisu Ministeriu Publiku durante nee, neebe maka halo hodi atende kazu sira sira relasiona ho krimi eleitoral.

Nunee mos Presidente Komisaun Funsaun Publika Faustino da Cardoso nudar orador iha seminariu nee hateten, servisu Komisaun Funsaun Publika sei kontinua tau matan ba iha servisu funsaun publiku liu-liu ba funsionariu sira. Natalino T.da Costa

Suara Timor Lorosae

Liu Husi BNCTL, Governu Fo Kreditu Ba Emprezariu

Posted: 21 Apr 2017 02:27 AM PDT
DILI – Governu aloka orsamentu miliaun U$ 2 ba Banku Nasional Comersial Timor Leste (BNCTL) hodi apoiu kreditu ba emprezariu sira no negosiante kiik atu halo negosiu.

Ministru Estadu Kordenador Asuntu Ekonomia e Ministru Agrikultura e Peskas Estanislau da Silva hatete, governu esforsu halo lei bankaria oinsa garantia bankaria, tanba osan estadu nian, tenke iha kriteria mekanismu diak, atu nunee emprezariu asesu kreditu maibe tenke selu banku nian osan.

Ami tau osan miliaun U$ 2 iha BNCTL hodi apoiu emprezariu asesu kreditu, neebe servisu lao, governu apoiu setor privadu sira promove sira nafatin, oinsa sira bele halo atividade negosiu, no investimentu diak iha TL, “dehan Estanislau liu husi sesaun plenaria iha PN, Tersa (18/04/2017).

Nia hatete, Governu koalia banku central TL oinsa hare garantia bankaria, hanoin lei aprova, espera bele fo kreditu ba emprezariu timor oan, oinsa hodi proteze sira hetan kondisaun diak, importante lei rai, aprova hodi fo garantia banku hodi fo kreditu ba timor oan sira. Governu kontinua promove setor privadu nasional, oinsa sira ajuda estadu halo investimentu iha rai laran, kria kampu servisu ba timor oan.

Nia hatete, Governu liu husi ajensia trade invest fo ona sertifikadu Investimentu hamutuk 150 ba investidor estranjeiru no nasional.

Investimentu simente, sei harii iha Baucau, heneiken produs tua service iha Hera, harii hotel iha tasi tolu area turismu, bele kontribui fo reseitas ba estadu, tanba durante reseitas domestika tun, importante halo oinsa atrai investor estranjeiru tama barak bele ajuda dezenvolve ekonomia rai laran lao diak, neebe xina halo atividade kiik sira lahetan sertifikadu investimentu.

Iha fatin hanesan Deputadu Eladio Faculto de Jesus bankada Fretelin hatete, setor privadu sai parseiru governu hanoin governu tenke apoiu asesu kreditu iha banku hodi halo investimentu hodi kria kampu servisu ba joven sira, laos setor privadu hein projetu governu nian, hanoin diak, parte ida, ajuda hetan osan husi projetu atu investe iha setor produtivu.

Maibe importante ekonomia lao diak, labele xina domina, halo negosiu, governu tenke apoiu setor privadu asesu kreditu finanseiru iha banku hodi halo atividade ekonomia no investimentu iha rai laran, tanba setor privadu hasoru problema finanseiru,’’dehan nia.

Nia hatete, oras nee dadaun xina domina halo atividade ekonomia iha rai laran, tuir lolos ema estranjeiru mai halo investimentu, laos halo negosiu, hadau malu ho timor oan sira.

Nunee mos Diretor Ezekutivu CCI-TL Nuno Trindade hatete, setor privadu sai parseiru governu nian, prontu apoiu programa no politika planu governu halo dezenvolvimentu ekonomia iha rai laran, maibe importante governu tenke apoiu setor privadu sira asesu kreditu iha banku hodi halo investimentu.

“Tanba setor privadu problema neebe ami detekta falta kapasidade finanseiru no falta kuinesementu halo jestaun diak ba sira nian, negosiu, tanba nee ami husi CCI-TL koalia banku Central ho governu ho banku ANZ fo trenamentu ba emprejariu iha area jestaun no akuntabilidade, atu nunee bele hasae sira nian, kuinesementu no abilidade, wainhira hetan kreditu husi banku BNCTL bele halo negosiu diak,” dehan nia. Josefa dos Santos

Suara Timor Lorosae
You are subscribed to email updates from TIMOR AGORA.
To stop receiving these emails, you may unsubscribe now. Email delivery powered by Google
Google Inc., 1600 Amphitheatre Parkway, Mountain View, CA 94043, United States

timor agora 20/4/17

TIMOR AGORA

KARIK AMANDAMEN BA KONSTITUISAUN …?!
PM RUI ARAÚJO: TRIBUNAL REKURSU PREOKUPA EZEKUSAUN OJE 2014-2015
Estabelese Autoridade Maritima, F-FDTL Aprezenta Opsaun
Paixao: Aktividade Ilegal Laos Problema F-FDTL Nian
ELPAR SEI HALA’O MÓS IHA KOREA, INGLATERRA HO IRLANDA
UKUN NAIN PERTURBA ORDEM KONSTITUISAUN
Eskola Tekniku Informatika Manufahi Laiha Eletrisidade
MP Kestiona Estudantes La Hatene Koalia Portugues
Austrália halo susar entrada ba traballador estranjeiru kualifikadu sira
PM británika justifika eleisaun antesipadu ho "jogu polítiku sira" hosi opozisaun
PM RUI ALERTA BA PN LABELE TRAVA LEI ANTI KORUPSAUN
XANANA GUSMAO, KONTA JERAL ESTADU 2014-2015 LAIHA VIOLASAUN
Folin Mina Sae
Kazamentu Trans Jender Kontra Doutrina Igreza
Aderito Hugo: Labele Ignora Obra Neebe FRETILIN-CNRT Halo
Kumpri Pedidu Xanana, Lu-Olo Sei Partisipa ANZAC Day Australia

KARIK AMANDAMEN BA KONSTITUISAUN …?!

Posted: 19 Apr 2017 02:41 PM PDT

Jornal Nacional Diário | editorial

Parlamento Nasional sei halo avaliasaun “amandamen” ba konstituisaun Republika Demokratika Timor Leste (RDTL). Antes halo amadamen ba lei inan nee, sei realiza kolokiu loron tomak hodi rona konstituante sira nia apresiasaun ba implementasaun konstituisaun durante nee.

Konstituisaun RDTL nian iha 2017 nee kompleta ona tinan 15 (2002- 2017) iha implementasaun. Tan nee Parlamento Nasional haree tempo suficiente ona atu halo avaliasaun ba konstituisaun ninia implementasaun durante nee.

Tuir konstituisaun RDTL, revizaun lei inan nian iha artigu 154 konaba inisiativa no tempo halo revizaun nian iha alenia 1. hatete katak deputadu no Bankada Parlamentár sira maka halo inisiativa revizaun nian ba Lei-Inan. 2. Parlamentu Nasionál bele halo revizaun Lei-Inan liutiha tinan neen sura hosi data publikasaun ida ikusliu kona-ba lei revizaun nian. 3 Prazu tinan neen atu halo revizaun ba dalauluk ba Lei-Inan ida-ne’e nian, sei konta hosi loron ne’ebé Lei-Inan tama iha vigór. 4. Parlamentu Nasionál, lalika haree ba prazu tempu nian, bele asume kbiit atu halo revizaun Lei-Inan, wainhira Deputadu barak liu baluk-lima haat (4/5) ne’ebé hala’o sira-nia knaar mak hakarak. 5. Proposta ruma kona-ba hala’o revizaun ba Lei-Inan tenke hatama ona iha Parlamentu Nasionál iha loron atus ida ruanulu nia laran, molok atu hahú haksesuk. 6. Atu hato’o projetu ruma ba Revizaun Lei-Inan, nu’udar hateten ona iha númeru hirak liubá, eh seluk-seluk tan, sei bele hato’o duni iha prazu loron 30 nia laran.

Inisiativa parlamento nasional atu halo amandamen ba konstitusional tuir duni konstituisaun artigu 154. Agora tau halo aprovasaun ba buat ruma iha konstituisaun tenki kumpri konstituisaun artigu 155 konaba aprovasaun no promulgasaun.

Nebe iha alenia, 1. Atu hafila buat ruma ba Lei-Inan, tenki hetan apovasaun hosi marioria baluk-tolu rua (2/3) hosi Deputado sira-ne’ebé hala’o hela sira-nia knaar. 2. Testu Lei-Inan ida-ne’ebé foun sei publika hamutuk ho Lei revizaun nian. 3. Prezidente-Repúblika labele rekuza atu promulga lei revizaun nian.

Agora saida mak Parlamentu bele halo amandamen no saida mak parlamento labele halo amandamen? Iha artigu 156 nebe limita materia sira ba revizaun. Tamba Lei kona-ba hala’o revizaun ba Lei-Inan tenke respeita: alenia c nebe koalia konaba Forma republika governu nian no alenia , i) konaba bandeira nasional.

Nee hatudu katak atu halo amandamen ba sistema governasaun husi semi presidensial ba presidensial no troka bandeira tenki liu husi referendum. Haree esperensia Turkia nian. Presidente Republika Turkia halo referendum iha domingo liu ba hodi halo amandamen ba konstituisaun nebe durante nee sistema parlamentar muda ba sistema presidensial.

Agora kestaun mak intensaun deputado sira nian atu amandamen nee saida los? Karik hakarak muda sistema governasaun husi semi presidensial ba presidensial? Ka amandamen nee so para hatudu deit ba publiku katak deputado sira iha duni seriedade?, lahatene los, deputado sira mak bele esplika.

Sistema semi presidensial nebe durante nee Timor iha hatudu katak govensaun lao ladun efektivu. Orgaun soberano sira, Presidente Republika, Parlamento Nasional, governo no tribunal sira, ida idak ho ninia ego no kontrola malu makaas, tamba base ba separasaun ba poderes. Sistema semi presidensial nee laiha komando uniku, Presidente Republika lamanda parlamento no governo, nunee mos Parlameno ho governu lamanda tribunal sira.

Sistema semi presidensial nee diak, politiku sira fahe kadeira ba malu maibe ninia ladun diak mak desenvolvimentu lalao ba oin tamba kontrola malu makaas, impendem malu mos makaas, semak sofre konsekuensia, povu.

Realidade, Timor Leste restaura ninia independensia iha 20 Maiu 2002, tinan 15 ona, Orsamentu Jeral Estadu kada tinan biliaun ida resin, ne’ebe kuaze gasta ona biliaun 8 ba rai ida nee maibe oinsa publiku ninia observasaun durante nee. Timor Leste nasaun kiik no populasaun oituan deit, desenvolvimentu lao neneik liu, osan mos mout ba bebeik. *

PM RUI ARAÚJO: TRIBUNAL REKURSU PREOKUPA EZEKUSAUN OJE 2014-2015

Posted: 19 Apr 2017 02:36 PM PDT
Primeiru Ministru (PM), Rui Maria de Araujo hatete katak, rekomendasaun Tribunal Rekursu (TR), la kestiona legalidade ezekusaun Orsamentu Jeral Estadu (OJE) tinan 2014 no 2015 nian, maibe preokupa liu kona ba kualidade ezekusaun.

Montante Orsamentu Jeral Estadu 2014 $ 1.5 biliaun no 2015 $ 1.5 biliaun, ne’ebe tinan-tinan Parlamentu Nasional lori povu nia naran autoriza atu instituisaun Estadu sira hotu utiliza ba dezenvolviementu sosio ekonomiku Timor-Leste nian.

“Tribunal ba Kontas la kestiona, maibe hatudu liu preokupasaun konaba kumprimentu tekniku husi norma sira ne’ebe iha, liu-liu iha área orsamentasaun, ezekusaun despezas, aprovizionamentu no kontabilizasaun ka relatoriu ba kontas,” hatete PM Rui Araújo, iha diskursu wainhira debate Konta Jeral Orsamentu Estadu ba tinan 2014 ho 2015, iha uma Fukun Parlamentu Nasional (PN), Segunda (17/04).

Xefi Governu ne’e esplika katak, kaer tuir kompetensia atu halo eskrutiniu ka fiskalizasaun juridisional, relasiona ho konta jeral Estadu tinan 2014, Tribunal Rekursu hato’o rekomendasaun 24 no hato’o pareser iha loron 10 fulan Dezembru 2015.

“Haree ba buat ne’ebe temi iha relatoriu laran, maske ho rezerva balun relasiona ho in obserbvansia balun ba prinsipiu orsamentu nian, ajustamentu ne’ebe hala’o no haree ba observasaun no rekomendasaun ne’ebe halo ona, Tribunal Rekursu hakotu katak prestasaun kona ba fundu konsolidade Timor-Leste, fundu infrastrutura no fundu dezenvolvimentu kapital humanu ba tinan 2014 validu ona, halo tuir ona prinsipius konstitusionais, legais no regulamentares no Tribunal Rekursu hanoin katak konta jeral Estadu ida ne’e iha kondisaun atu Parlamentu Nasional bele aprova”, Rui Araújo haktuir.

Nune’e mos tenik Xefi Governu ne’e, relasiona ho tinan 2015, Tribunal Rekursu hafoin ejerse ninia kompetensia konstitusional atu halo eskrutiniu ka fiskalizasaun juridisional iha loron 15 Dezembru 2016, hato’o rokomendasaun 52), hafoin hato’o pareser hanesn ho ida ne’ebe konta jeral Estadu 2014 katak prestasaun konta fundu konsolidadu, infrastrutura, dezenvolvimentu kapital humanu ba tinan 2015 validu ona, halo tuir ona prinsipius konstitusional, legais no regulamentares nune’e TK hanoin katak konta jeral Estadu ida ne’e iha ona kondisaun atu Parlamentu Nasional bele aprova.

Ho ida ne’e, Rui Araújo hatutan katak, PN liu husi komisaun C PN nian ne’ebé trata ba asuntu Ekonomia no Finansas halo apresiasaun ba orsamentu 2014 nian iha 18 Fevereiru 2016 no halo pareser ho rekomendasaun sia (9) ba Governu.

Nune’e mós tenik Rui Araújo ba tinan 2015, iha loron 22 Fevereiru 2017, Komisaun C halo rekomendasaun walu (8), ba Governu no konsidera katak plenaria bele ona halo debate no votasaun.

PM Rui haklaken liu tan katak, dadus ezekusaun OJE 2014-2016, hatudu momos katak buat lubuk ida mak Governu hala’o ona hanesan, asinatura ba kontratu orsamentu kategoria ben i serbisus, kapital menor no kapital dezenvolimentu maioria ka besik 50 %, akontese iha terseiru no kuartu trimestre.

Alende ne’e, tenik Rui Araújo, ajustamentu ka transferensia interna ka virement iha instituisaun hotu hotu maioria ka entre 30 to’o 40% akontese iha terseiru no kuartu trimestre.

“Ida ne’e akontese tanba ita nia orsamentu ne’e periodicidade annual deit, la’os plurianual. Wainhira montante orsamentu iha kategoria ida la konsege utiliza hotu no wainhira la halo transferensia ba kategoria ka ba item seluk, tuir nesesidade instituisaun nian, to’o tinan nia rohan, orsamentu sei fila ba kofre estadu. Ida ne’e bele refleta kapasidade planeamentu ka kapasidade atu antisipa husi instituisaun ida-idak”, Rui Araújo esplika.

Razaun seluk maka, Rui Araújo esplika tan, ezekusaun ka despeza ka pagamentu cash montante bo’ot liu entre 40-50% iha instituisaun hotu hotu akontese iha kuartu trimestre.

“Ida ne’e akontese tanba para alende orsamentu la’os plurianual, kontabildiade ho baze ba kaixa ka cash basis/modified cash basis accounting la permiti halo pagamentu, wainhira to’o ona tinan fiscal nia rohan, maski kontratu asina ona no sasan ka serbisu ka obra iha hela prosesu finalizasaun. Tanba limitasaun ida ne’e mosu dívidas não financeiras, pagamentos precipitados no pagamentos indevidos ne’ebe komisaun C observa iha relatóriu pareser ba tinan 2015”, Rui Araújo fundamenta.

Ho ida ne’e Xefi Governu ne’e fundamenta tan katak, presiza akomoda konteudu rekomendasaun hirak ne’ebe mai husi Tribunal Kontas no Parlamentu Nasional, liu husi revizaun ba politika atual iha sistema jestaun finansas publikas liu-liu komponente despeza hanesan parte husi reforma fiskal ne’ebe hala’o hela dadaun, VI Governu hahu introduz iha tinan 2015, elementu balun husi orsamentu ba programas iha instituisaun 25 no sei kontinua iha 2017, hodi kompleta tan instituisaun besik 40.

VI Governu mos hahu hala’o ona konsulta ho peritus internasional, instituisaun Estadu nian, inklui komisaun C iha PN, sosiedade sivil, akademia no parseria dezenvolvimentu sira hodi prepara retiru ida ba orsamentu ba programa ne’ebe Konselhu Ministrus aprova tiha ona liu husi rezulusaun ida, hodi sai guia ba reforma sistematiku hirak ne’ebe sei ajuda lori Timor-Leste ba orsamentasaun, ezekusaun no responsabilizasaun orsamentu Estadu ho kualidade ne’ebe di’ak liu.des

Jornal Nacional Diário

Lee liu iha Timor Agora
XANANA GUSMAO, KONTA JERAL ESTADU 2014-2015 LAIHA VIOLASAUN

Estabelese Autoridade Maritima, F-FDTL Aprezenta Opsaun

Posted: 19 Apr 2017 02:13 PM PDT
DILI – Institusaun Falintil Forsa Defeza Timor Leste (F-FDTL) aprezenta opsaun Tolu ba Governu, hodi estabelese autoridade maritima nomos Sistema maritima iha rai laran.

Tuir Vise Xefi estadu Maior F-FDTL, Brigadeiru Filomeno Paixao de Jesus hatete inkontru neebe halao ho Prezidente Republika hodi informa konaba Dezenvolvimentu formasaun Autoridade maritima.

Hau mos Informa ba prezidente kona ba dezenvolvimentu formasaun Autoridade maritima, oras nee ita hetan ona obsaun tolu hodi hasae ba ministeriu defeza atu loron ida estabelese ita nia sistemta Autoridade maritime no se mak autoridade maritima,” dehan Filomeno ba Jornalista Kuarta (19/04/2017) iha Palasiu Prezidensial Nicolao Lobato.

Filomeno hatete Durante enkotru ho prezidente koalia mos kona ba iha estrutura superior F-FDTl nian agora iha kompetente lima mais sei estuda didiak tanba atu propoin mos komponente tolu.

Iha fatin ketak Observador Politiku Jose da Costa hatete parte lakoho komentariu klean ba aktividade militar nian tamba sidadaun bai-bain ladun hatene servisu militar nian maibe hanesan sidadaun fo hanoin atu asegura didiak. Timotio Gusmao

Suara Timor Lorosae

Paixao: Aktividade Ilegal Laos Problema F-FDTL Nian

Posted: 19 Apr 2017 02:11 PM PDT
DILI – Atividade Ilegal neebe lao iha rai laran problema Polisia Nasional Timor Leste (PNTL) nian, laos prolema Falintil Forsa Defeza Timor Leste (F-FDTL) maibe presiza apoiu atu ajuda.

Tuir Vise Xefi estadu Maior F-FDTL, Brigadeiru Filomeno Paixao de Jesus hatete sasan neebe tama ilegal iha rai latan nee problema polisia nian laos problema F-FDTL.

Sasan tama sai ilegal nee problema polisia nian laos problema F-FDTL,” dehan Paixao ba Jornalista Kuarta (19/04/2017) iha Palasiu Prezidensial Nicolao Lobato.

Hatan kona ba servisu hamutuk hodi asegura seguransa Eksterna no interna, Paixao hatete F-FDTL hein deit diretiva husi Politika hodi fo apoiu ba PNTL, F-FDTL prontu atu fo apoiu.

Iha fatin ketak Deputadu Bankada Partidu Demokratiku Paulino Monteiro katak Nudar nasaun ida lakohi sai fatin ba ema drogadu no sai sentru ba traksaksaun droga maibe rekursu mak sei menus no mos kontrolu.

Nia hatete fatin sira neebe mak fasil ema hatama droga mak liu tasi sirkulasaun livre tamba ladun iha kontrola makas husi tasi, no mos fronteira terestre dalan tikus sei barak inkliu fatin balun ema fo osan bele hatama droga. Timotio Gusmao

Suara Timor Lorosae

ELPAR SEI HALA’O MÓS IHA KOREA, INGLATERRA HO IRLANDA

Posted: 19 Apr 2017 06:11 AM PDT
Secretariado Técnico Administração Eleitoral (STAE) ho Comissão Nacional das Eleições (CNE) sei estabelese sentru votasaun iha Korea, Inglaterra ho Irlanda atu fasilita traballadores Timoroan sira bele tuir Eleisaun Parlamentar (ElPar).

“Agora dadaun Ministeriu Negosius Estranjeirus no Koperasaun (MNEK) halo hela identifikasaun, iha tempu badak sei rekomenda ba Konsellu Ministru para bele halo desizaun, atu aumenta tan Nasaun no sentru votasaun ne’ebe tuir informasaun katak, sei loke tan iha Korea Inglatera no Irlanda. Tanba ita nia traballador barak maka serbisu iha ne’eba”, hateten Diretor Jeral STAE Acilino Manuel Branco ba jornalista sira iha nia knar fatin Matadoru Díli semana ne’e.

Ho estabelesementu sentru votasaun iha nasaun tolu ne’ebe mensiona ona iha leten, Acilino Manuel Branco dehan katak, sentru votasaun no estasaun votasaun sei aumenta liu atus resin.

“Total sentru votasaun iha eleisaun prezidensial hamutuk 793 nune’e STAE sei aumenta tan sentru votasaun iha eleisaun parlamentu tinan ne’e (2017) sei sa’e ba 839 no estasaun votasaun husi 941 sei sa’e ba 1115 iha territoriu Timor laran inklui mós estranjeirus”, Acilino Branco haktuir.

Diretor STAE ne’e fundamenta katak, kestaun ne’e iha faze diskusaun entermos de konsultas ne’ebe mak parte MNEK tenke propoin ida ne’e, tanba tuir lei parte MNEK mak iha kompetensia atu bele rekomenda.

Entretantu Acilino mos informa iha sentru votasaun tolu ne’ebe iha tiha ona iha estranjeiru, agora dadaun hahú hala’o hela atualizasaun.

“Iha nasaun rua Australia no Portugal fatin tolu ne’e komesa halo dadaun ona atualizasaun, tanba ne’e kalendariu ba resenseamentu preve mos ba loron Sabadu no Domingu atu nune’e bele fasilita mos ita nia maluk sira iha rai liur bele hola parte ba halo atualiza”, dehan Acilino.

Aleinde ne’e ministru negosiu estranjeiru e kooperasaun (MNEK) Hernanio Coelho hateten, posivelmente sei loke tan sentru votasaun iha nasaun ne’ebe maka Timoroan hela barak.

“Proposta MNEK hatama ona ba konsellu ministru semana oin sei diskuti konaba posibilidade, alargamentu konaba ita nia regulamentu eleisaun exterior ba iha rai seluk, hanesan Korea no Inglatera i sei diskuti mos konaba lojistika no orsamentu”, Hernanio Coelho dehan.

Entretantu iha eleisaun Prezidensial foin lalais ne’e, hala’o deit iha Australia no Portugal Lisboa, maibé iha eleisaun parlamentar ne’e, STAE no CNE sei loke tan sentru votasaun iha Korea, Inglaterra no Irlandia, atu fasilita Timoroan sira ne’ebe durante ne’e serbisu iha rai liur ne’e bele mos hola parte iha prosesu festa demokrasia hodi ejerse sira nian direitu de votu hanesan sidadaun Timor.

Iha parte seluk Direktur Jeral SEPFOPE, Paulo Alves dehan, nia parte seida’uk hatene konaba sidadaun Timor ne’ebe mak oras ne’e iha Korea do Sul atu tuir eleisaun parlamentar, maibe se la hala’o eleisuan parlamentar iha ne’eba ho numeru 2000 resin ne’e lakon sira nia direitu.

Ohin loron nee Timor oan nain 2.400 liu mak servisu iha Korea do Sul, sei lakon direitu iha eleisaun parlamentar wainhira la realiza eleisaun iha nasaun refere.

“Iha Korea do Sul Timor oan barak tebes 2.000 e tall ona, signifika halo eleisaun iha ne’eba kontribui mos ba eleisaun rasik, i bainhira la halo eleisaun iha ne’eba ema na’in hira mak lakon nia dereitu atu hili sira nia partidu reprezenta iha parlamentu nasional,” dehan Paul Alves ba jornalista sira iha Parlamentu Nasional, Segunda (17/04/2017).

Direktur Jeral SEPFOPE ne’e hatutan, SEPFOPE prontu atu koopera ho Estatal karik atu identifika sira nia hela fatin no servisu iha Korea do Sul SEPFOPE prontu koopera tanba adidu SEPFOPE mos reprezenta Timor iha ne’eba. Maibe, tuir Paul, proseseu sira ne’e respoensalve Servisu Teknika Administrativu Eleitoral (STAE) ho Ministeriu Negosiu Estrangeiru no Kooperasaun (MNEK) nian.gmn/ eus

Jornal Nacional Diário

UKUN NAIN PERTURBA ORDEM KONSTITUISAUN

Posted: 19 Apr 2017 06:08 AM PDT
Durante tinan 15 implementasaun Konstitusaun Republika Demokratika de Timor Leste (RDTL) hatudu momos katak, ukun nain balun uza nia poder halo ‘perturbasaun’ ba konstituisaun.

Diretor Ezekutivu Asosiasaun HAK, Manuel Monteiro, konsidera katak, durante ne’e, ukun nain balun halo violasaun ba ordem Konstituisaun no pior liu tan balun fali uza nia poder halo tuir nia vontade hodi minimiza tiha valor sira Konstituisaun nian.

“Hau hakarak hahuu ho artigu 69 Konstituisional konaba prinsipiu separasaun do poderes. Ukun nain balun faila iha inplementasaun hodi tama ho intervensaun politika maka’as tebes iha orgaun judisiariu,” hateten Manuel Monterio, hodi responde JNDiario via telefone iha Dili, Tersa (18/4/2017).

Manuel esplika katak, iha situasaun balun, ukun nain sira uza kompetensias ho razaun ‘interese nasional’ halo violasaun ba artigu 29 Konstituisaun RDTL ne’ebe hateten Estadu garante vida humana, maibe la dun tau atensaun no kontinua iha violasaun ba direitus humanus iha rai laran.

Tuir Manuel Monteiro, autoridade balun mos kontinua uza nia poder viola artigu 164 Konstituisaun ne’ebe tuir lolos atu garante sidaduan sira nia seguransa, maibe sira mak sai fali autor ba sidadaun sira nia moris la hakmatek.

Manuel mos dehan katak, oras ne’e dadaun besik tama ona eleisaun parlamentar hein partidu sira ne’ebe hetan konfiansa husi povu, sei ukun tuir Konstituisaun katak, laos ukun tuir sira nia vontade no gostu. ety

Jornal Nacional Diário

Eskola Tekniku Informatika Manufahi Laiha Eletrisidade

Posted: 19 Apr 2017 05:10 AM PDT
Eskola Tekniku Professional Informatika munisipiu Manufahi durante tinan barak ona laiha eletrisidade, ho ida ne’e dificulta prosesu aprendizajen estudantes nian, liu –liu bainhira halo pratika.

Membru Parlamentu (MP), Angelica da Costa hateten eskola ida ne’e harii desde Timor ukun aan e ate agora seidauk iha eletrisidade.

“Ita hotu hatene eskola tekniku professional ne’e presiza pratika, e durante ne’e estudante sira buka fatin ne’ebe asesu ba eletrisidade hodi hala’o sira nia pratika,” nia levanta, iha plenaria.

Ho situasaun ida ne’e, nia dezafia kualidade ensino nian, tanba iha politika hateten ensino tekniku tenke iha pratika, maibe realidade estudante sira simu deit teoria sein pratika tanba kondisaun la permite intermus ekipamentus.

Entaun, nia hateten problema ne’e seriu no governu tenke toma atensaun hodi responde ba dificuldade sira ne’e hodi asegura kualidade ba estudante sira, tanba ensino tekniku ne’e prepara ema ba merkadu.

Iha parte seluk, Sekretario Nasional Timor –Leste Coalition for Education (TLCE), Jose de Jesus hateten infra-estruktura eskolar iha teritorio tomak sei iha problema, eskola barak laiha eletrisidade no aula limitado.

Nia mos preokupa tebes ho politika governu nian atu dezenvolve ensino vocational iha rai laran, tanba realidade eskola tekniku vocational barak laiha kondisaun, agora governu loke tan iha 13 munisipios.

“Infra-estrukturas eskolar iha nasaun ne’e seidauk bele atu transforma ensino sekundario jeral ba ensino tekniku vocational, tanba laiha kondisaun,” nia hateten.

Nia apresia duni politika governu nian atu dezenvolve ensino vocational iha rai laran, maibe tenke hadia infra-estrukturas eskola sira kompleta ho ekipamentus pratika nian.

Tanba, tuir nia limitasaun hirak ne’e fo impaktu bo’ot ba futuru estudantes nian tanba maske sira bele remata estudu, maibe la kompletu.

The Dili Weekly

MP Kestiona Estudantes La Hatene Koalia Portugues

Posted: 19 Apr 2017 05:05 AM PDT
Membrus Parlamentu (MP) Nasional kestiona kona ba sistema aprendizajen iha rai laran ne’ebe durante ne’e la’o, tanba estudantes iha kinta klase ensino baziku barak lahatene koalia lian Portugues.

MP David Dias Ximenes, hateten iha tempu uluk estudante primeiru ano hatene ona lee no halo intrepretasaun ba liafuan, maibe agora estudante sira lee mos sei araska.

“Ita ba husu sira, soe letra mos lahatene, ne’e edukasaun saida mak ne’e,” nia preokupa .

“Presiza atensaun bo’ot, lalika halimar ho edukasaun ita nia labarik sira nian tanba kompromete edukasaun adekuadu ba futuru nasaun.”

Entretantu, Sekretario Nasional Timor –Leste Coalition For Education (TLCE), Jose de Jesus hateten ne’e realidade ne’ebe akontese iha rai laran.

Nia dehan, problema ida ne’e la’os sala profesores nian mesak, maibe inan-aman sira mos tanba labarik sira tempu barak liu iha uma duke eskola.

“Difisil tebes ba estudante sira atu orienta aan iha lian Portugues tanba iha uma labarik sira koalia Tetun deit,” nia hateten.

Nia husu, ba inan-aman sira ne’ebe hatene lian Portugues atu pratika koalia ho oan sira iha uma no enkoraja sira atu lee barak hodi hadia sira nia kualidade pesoal.

Nia dehan, la’os deit estudantes ensino baziku maibe ensino pre-sekundario no sekundario mos difisil atu hatan pergunta ruma iha lian Portugues.

Nia mos rekomenda ba Ministerio Edukasaun atu fo prioridade hadia sistema edukasaun iha rai laran, hodi povu ki’ik nia oan sira mos bele hetan edukasaun ne’ebe kualidade, labele haree liu ba bolsu estudu ba rai liur.

The Dili Weekly

Austrália halo susar entrada ba traballador estranjeiru kualifikadu sira

Posted: 19 Apr 2017 04:56 AM PDT
Iha loron-tersa ne’e, primeiru-ministru Austrália nian, Malcolm Turnbull, fó sai ona katak laiha ona vistu temporáriu ne’ebé koñesidu ba traballador estranjeiru sira no nia substituisaun ho autorizasaun ba entrada ne’ebé eziji kualifikasaun profisional maka’as.

Vistu 457 ne’ebé uluk fó ba traballador estranjeiru sira no ba sira nia família durante tinan haat no hakarak hatán ba nesesidade sira hosi traballador sira iha área sira ne’ebé ema australianu sira ladún buka.

Vistu foun sira sei eziji experiénsia profisional prévia no koñesimentu maka’as iha lian inglés, no rekizitu sira seluk.

Turnbull hatete katak programa sira migrasaun nian tenki hamosu satisfasaun iha interese nasional no garanti fatin barak serbisu nian ba ema australianu sira.

“Ami sei la permiti tan atu vistu sira 457 nian sai hanesan pasaporte ba serbisu sira ne’ebé bele no tenki diriji ba ema australianu sira”, primeiru-ministru hatete iha mensajen ida ne’ebé fó sai iha nia konta iha rede sosial Facebook.

Xefe Governu refere ona katak Austrália “hanesan produtu imigrasaun no nasaun multikultural ida susesu nian”, maibé garanti katak “traballador australianu sira tenki iha prioridade iha serbisu sira iha Austrália”.

Primeiru-ministru hatete mós katak desizaun ne’e foti ona hafoin análize detalle ida ba situasaun no nega ona katak ne’e hanesan resposta ida ba partidu sira hosi extrema-direita hanesan One Nation.

“Governu sei rekuza nafatin katak hametin medida sira imigrasaun nian. Planu hodi halakon vistu 457 iha ligasaun ho One Nation, ita hotu hatene”, afirma hosi líder formasaun nian, Pauline Hanson, iha Twitter.

Iha fulan-Setembru 2016 iha Austrália iha ema hamutuk 95.758 maka hanesan rezidente ho vistu ida hanesan ne’e, haktuir hosi informasaun ikus hosi departamentu Imigrasaun australianu nian.

Titular balun hosi vistu ida ne’e mai hosi Índia, tuir Reinu Unidu ho 19,5% hosi total, no hosi Xina ho 5,8%.

Tuir primeiru-ministru, ema sira ne’ebé iha ona vistu sira ne’e sei la afetadu ho medida ne’e.

SAPO TL ho Lusa

PM británika justifika eleisaun antesipadu ho “jogu polítiku sira” hosi opozisaun

Posted: 19 Apr 2017 04:52 AM PDT
Iha loron-tersa ne’e, primeira-ministra británika, Theresa May, responsabiliza ona opozisaun tanba desizaun hodi konvoka eleisaun lejislativu antesipadu sira, hodi akuza partidu sira hodi halo “jogu polítiku sira” no prejudika Reinu Unidu iha negosiasaun sira ‘Brexit’ nian.

Theresa May fó sai iha loron-tersa ne’e realizasaun hosi eleisaun lejislativu antesipadu sira ba loron 08 fulan-Juñu.

“Ha’u desidi konvoka lejislativu antesipadu sira ba loron 08 Juñu”, Theresa May hatete iha deklarasaun supreza ida iha nia rezidénsia ofisial, iha Downing Street, Londres, liutiha semana tolu hafoin lansamentu ba prosesu saída nian hosi Uniaun Europeia (‘Brexit’).

Iha nia deklarasaun, primeira-ministra akuza ona opozisaun hosi “jogu polítiku sira” ne’ebé invade nasaun iha negosiasaun sira ‘Brexit’ nian no afirma ona katak opozisaun tenki apoia nia proposta ba konvokasaun hosi eleisaun sira hodi fó opsaun ida ba eleitor sira.

May hatete ona katak dezde referendu fulan-Juñu, ne’ebé hatudu rezultadu saída Reinu Unidu nian hosi Uniaun Europeia, “nasaun sai unidu, maibé Westminster la’e” no atribui diferensa sira iha parlamentu ba desizaun hodi konvoka eleisaun antesipadu sira, buat ne’ebé nia rekuza halo dezde nia simu pose, iha fulan-Jullu.

“Divizaun iha Westminster hamosu risku iha ami nia kapasidade hodi halo susesu ida hosi ‘Brexit'”, nia hatete.

Xefe Governu afirma ona katak konklui atu “dalan úniku hodi garanti di’ak no seguransa durante tinan hirak tuirmai maka halo eleisaun sira ne’e”.

Eleisaun jeral sira tuirmai iha Reinu Unidu tenki halo de’it iha tinan 2020, maibé bele antesipa bainhira deputadu barak iha Kámara Komun vota hodi konkorda.

Partidu Traballista, partidu prinsipal opozisaun nian, hatete ona katak apoia proposta hodi antesipa eleisaun sira.

Tuir sondajen sira, Partidu Konservador, Theresa May nian, halakon Traballista sira. Vitória loloos ida iha eleisaun sira sei hametin mandatu hosi primeira-ministra iha negosiasaun sira ‘Brexit’ nian.

SAPO TL ho Lusa

PM RUI ALERTA BA PN LABELE TRAVA LEI ANTI KORUPSAUN

Posted: 19 Apr 2017 03:43 AM PDT
Primeiru Ministru (PM), Rui Maria de Araújo, alerta ba deputadu sira iha Parlamentu Nasionál (PN) atu labele trava lei anti korupsaun, kuandu hakarak halakon korupsaun iha Timor Leste ne’e.

“Se ita liga fila fali ho kestaun ne’ebé mosu korupsaun, pontu importante ida ne’ebé ha’u mós hakarak alerta ba deputadu sira mak ne’e, ita nia lei anti korupsaun ne’e, importante tebes,”katak PM Rui iha PN, Segunda (17/04), hodi responde preokupasuan deputadu sira nian kona ba korupsaun.

Xefi Governu ne’e hatutan, prova ne’e mós importante tebes atu hateten korupsaun ba ema seluk.

“Se la’e, kombate korupsaun sei la konsege hetan rezultadu ne’ebé masimu, wainhira ita husik liu prinsipiu sira importante hanesan ne’e,” tenik PM Rui.

Nia hatutan, sinais extermus rikeza ne’e, tenki sai indisiu ida atu investigador sira hahú investigasaun, para ema koruptor ne’e bele responsabiliza indisius externa rikeza ne’e mai husi ne’ebé.

“Emquanto ida ne’e seida’uk iha, susar tebes ita atu halo kombate efetivu ida ba desviu sira ne’e,” dehan PM Rui.

Xefi Governu ne’e dehan, husi perspetiva Governu nian, laiha dúvidas hodi halo esforsu atu kombate situasaun ida ne’e. maibé importante mak, enkuadramentu legal fasilita efetividade kombate korupsaun ne’e, responsabilidade instituisaun Estadu hotu nian.

PM Rui hateten lia hirak ne’e, hodi hatan ba deputadu Adriano do Nascimento ne’ebé hateten katak, Deputadu Adriano do Nascimento husi bankada PD hateten katak, osan Estadu nian durante ne’e, barak mak naben iha servisu aprovizionamentu, pagamentu ba taxa no selu multa.

“Ita ukun na’in balu nian ne’e, no mós funsionáriu públiku husi nivel aas to’o karaik, iha Komisaun Anti Korupsaun nia relatóriu 2016 nian hateten nune’e, funsionáriu Estadu sira no ema ne’ebé sai parseria, aproveita hodi buka benefisiu ba nia-aan no ema seluk, liu husi servisu aprovizionamentu Estadu nian, kontrolu internu, kontrolu kualidade no jestaun finanseira, relasiona pagamentu taxa no multa, sai fatin hodi halo krime korupsaun. KAK hateten katak, halakon osan US$ 18 miloens resin, husi aktus krime ida ne’e,” katak Adriano iha nia intervensaun ba debate konta jeral Estadu 2014-2015 iha PN, Segunda (17/04). cos

Jornal Nacional Diário

XANANA GUSMAO, KONTA JERAL ESTADU 2014-2015 LAIHA VIOLASAUN

Posted: 19 Apr 2017 03:19 AM PDT
Eis Primeiru Ministru atual, Ministru Planeamentu no Investementu Estratéjiku, Kay Rala Xanana Gusmão hateten katak, konta jeral Estadu 2014-2015 nian, la presiza atu diskuti, tanba laiha problema ida ne’ebé ejiji responsabilidade criminal no jurídika.

“Ha’u senti katak, problema mak ida ne’e, tanba ita haree dehan, konta jeral Estadu tinan rua ne’e laiha inkonstitusionalidade, no laiha violasaun ba buat barak ne’ebé dehan katak, ita tenki mai responde,” afirma Xanana Gusmão iha nia intervensaun ba debate konta jeral Estadu 2014-2015 iha Parlamentu Nasionál, Segunda (17/04).

Xanana Gusmão hatutan, konta jeral Estadu 2014 no 2015 ne’e, iha rekomendasaun husi Tribunal de Kontas atu hadia de’it buat balu.

“Ha’u senti katak, ita bele haree ba konta jeral Estadu rua ne’e, tanba ita mós tama ona tinan ida ne’e tinan eleisaun, konta jeral 2016 nian, Governu mak sei mai responde fali,” relata Xanana.

Nia haktuir, husi parte Governu haree tuir konta jeral Estadu, li-liu rekomendasaun sira husi Tribunal de Kontas no Komisaun C, hahú husi 2012 to’o 2015.

Eis Xefi Governu ne’e afirma, husi rekomendasaun sira ne’e hotu, hakarak atu hadia Estadu ida ne’e, hadia instituisaun Estadu, hadia prátika jestaun orsamentu.

“Ha’u hanoin katak, laiha buat bo’ot teb-tebes ida ne’ebé iha responsabilidade criminal, ou responsabilidade jurídika,” tenik Xanana.

Xanana salienta, kuandu hakarak fila fali ba kotuk, atu haree dehan katak, Estadu Timor Leste iha administrasaun públika iha instituisaun Estadu, presija atu hadia liu tan.

“Dalaruma ita temi buat hotu Governu, maibé ita hatene katak, Governu ne’e la’os Ministrus de’it, Governu ne’e iha ninia kraik ne’eba, ne’ebé ita presija koriji nafatin no hadia buat sira ne’e hotu,” dehan Xanana.cos

Jornal Nacional Diário

Folin Mina Sae

Posted: 19 Apr 2017 02:52 AM PDT
DILI – Depois iha tinan 3 nia laran folin mina mundial tun makaas kuaze 30 dolar pur barel maibe, agora komesa sae neneik ona ba 55 dolar pur barel.

Ita haree ba folin mina iha Pertamina sira nee mos komesa sae dadauk ona, tanba haree ba folin mina mundial komesa sae fali ona, ida nee hatudu progresu neebe diak,”informa Ministru Petrolium Rekursu no Minarais, Alfredo Pires ba Jornalista iha Parlamentu Nasional, Segunda (17/04/2017).

Nia mos informa liu tan katak, kuandu folin mina tun ema barak kestiona, no mina folin sae fila fali ema barak kestiona, tanba nee governu nafatin halo esforsu atu nunee bele halo kontrola kona ba folin mina.

Iha fatin hanesan Reprezentante povu iha uma fukun parlamentu Nasional, Deputadu Arao Noe mos hatutan katak iha fulan hirak ba kotuk nee mina mundial folin tun makas iha merkadu.

Ita nia osan husi fundus mina no gas tun makas tanba impaktu husi mina mundial folin tun, tanba nee maka osan husi fundu mina rai nian mos hahu tun dadauk, maibe agora mina folin komesa sae neneik fali ona no sei la fo impaktu ba osan neebe iha,”informa nia.

Nunee mos Prezidente Komisaun D, neebe trata asuntu ekonomia dezenvolvimentu iha PN, Jacinta Abucau Pereira hateten mina folin kuandu tun foimpaktu boot ba osan mina tanba TL moris ho osan mina nian. Madalena Horta

Suara Timor Lorosae

Kazamentu Trans Jender Kontra Doutrina Igreza

Posted: 19 Apr 2017 02:46 AM PDT
DILI – Deputadu bankada FRETILIN Paulo Moniz Maia hateten, Maromak halo ema kriatura moris mai nee ninia jeneru iha ona, mane ho feto, maibe bainhira atu forma familia liu husi trans jender nee kontra ona dutrina igreza katolik.

Ita ema kriatura maromak halo moris mai ninia jeneru nee iha tiha ona, ida mane, ida feto, tanba nee maka mromak mos hateten, ema ida atu forma familia mane ida feto ida, lalika mane hotu, lalika feto hotu, se ida nee maka deskonfia akontese iha ita nia rai kontra ona dutrina igreza katolik nian,” dehan deputadu Paulo, ba STL, iha PN, Dili, Kuarta (19/04/2017).

Kazamentu Trans Jender tuir deputadu Paulo katak, labele akontese iha Timor, tanba dignidade humanu hanesan ema Timor oan neebe maioria relijaun katolika no sei laiha lei ida maka admiti hahalok hanesan.

Iha fatin hanesan Prezidente Komisau G (PN), neebe trata asuntu etika moral Agostinho Lay hateten, Kazamentu trans jende iha nasaun balu lei fo dalan, maibe iha Timor Leste lei lafo dalan, tanba igreza katolika bandu.

Entretantu membru PN husi bankada CNRT deputadu Jacinto Viegas hateten karik kazamentu trans jender nee maka akontese iha rai laran, maka hatun dignidade nasaun, neebe maka maioria populasaun relijaun katolik. Carme Ximenes

Suara Timor Lorosae

Aderito Hugo: Labele Ignora Obra Neebe FRETILIN-CNRT Halo

Posted: 19 Apr 2017 02:42 AM PDT
DILI – Relasion ho estetimentu neebe sosidade sivil balu lansa katak, Governu FRETILIN no CNRT lahalo buat ida, Prezidente Parlamentu Nasional Aderito Hugo da Costa hateten, Ema balu neebe espresa observasaun ida kuandu ignora tomak tiha progresu lubuk boot ida neebe ke laos ema rai laran maka rekoinese, mais ema mundu internasional apresia nivil attinzimentu neebe ke Timor Leste iha periode 15 anuS de restaurasaun independensia.

Se laos ita maka valoriza se tan maka valoriza, entaun ita presiza deit ema liur maka halo avaliasaun ba ita duke ita propriu, tanba ita nunka halo avaliasaun ida ho fer hanesan Timor oan, ita tenke senti mos katak, ita mos fasparte obra ida nee, saida maka atiizi ona, laos dehan buat hotu hotu prefeitu,” dehan PR PN Aderito ba jornalista sira iha PN, Dili, Kuarta (19/04/2017).

Prezidente Parlamentu Nasional Aderito mos konkorda katak, laos buat hotu hotu prefeitu iha tinan 15 nee, liu liu iha Governasaun 15 anus nee rezista tiha istoriu, Governasaun neebe ke lider husi FRETILIN no mos CNRT.

Nia dehan, Aprende husi sala atu lori ba exprenesia ho kuidadu diak liu tan kuandu povu fo fiar ba halo Governasaun ida diak liu tan. Tanba FRETILI-CNRT iha esprensia ukun balu ukun tinan 5 no balu ukun tinan 10, ho esprensia neebe iha bele halo koresaun ba saida maka sala no saida maka los.

Iha fatin hanesan Deputadu husi bankada CNRT Cesar Valente hateten, tinan sanuluh partidu CNRT kaer ukun buat barak lao ladun diak lasignifika CNRT maka halo, tanba ukun nee laos CNRT mesak. Carme Ximenes

Suara Timor Lorosae

Kumpri Pedidu Xanana, Lu-Olo Sei Partisipa ANZAC Day Australia

Posted: 19 Apr 2017 02:37 AM PDT

DILI – Prezidente eleitu Francisco Guterres Lu-Olo hanesan Veteranu sei lidera Veteranu Timor Leste, Partisipa seremonia ANZAC DAY iha Australia hodi kumpri pedidu Xanana Gusmao maibe lakoalia negosiasaun fronteira maritima.

Veteranu lubuk ida halao enkotru ho Prezidente Eleitu Francisco Guterres Lu-olo hodi koalia kona ba prezensa. Veteranu husi Timor Leste nian atu partisipa loron boot Veteranu Australia neebe monu iha loron 25 fulan Abril tinan nee.

Remata enkontru Prezidente eleitu Francisco Guterres Lu-Olo hatete nia parte sei aranka ba Australia iha loron 22 Abril, hodi partisipa seremonia Anzac Day hamutuk ho Ekipa Veteranu sira husi Timor leste.

Hau ba hanesan partisipante, hau ba iha ekipa nia oin, tuir pedidu neebe mak mai husi Maun Boot Xanana nian no mos baun boot sira seluk neebe husu hau atu bele ba partisipa loron Anzac Day iha Australia,” dehan Lu-OLo ba Jornalista Tersa (18/04/2017) iha Sede Nasional CCF, Comoro.

Hatan kona ba Vizita nee sei koalia mos kona ba Fronteira maritima, Lu-Olo hatete Negosiasaun fronteira maritima asuntu ketak tan nee nia parte sei lakoalia kona ba negosiasaun fronteira maritima entre Timor Leste no Australia.

Lu-OLo hatrete programa neebe mak mai husi Seremonia Anzac day lahatete atu sai orador maibe prontu kaolia hodi fo liafuan ruma hodi reprezenta Veteranu husi Timor leste ba Veteranu sira iha Australia.

Iha fatin hanesan Sekretariu Veteranu ba Asuntu Interese nasional, Jorge Alves hatete enkotru neebe mak halao ho prezidente eleitu hodi koalia kona ba Veteranu husi Timor leste neebe atu partisipa Seremonia Anzac day iha Australia. Timotio Gusmao

Suara Timor Lorosae
You are subscribed to email updates from TIMOR AGORA.
To stop receiving these emails, you may unsubscribe now. Email delivery powered by Google
Google Inc., 1600 Amphitheatre Parkway, Mountain View, CA 94043, United States

bolsas de formação para Timor

Está aberto, até 27 de abril, o prazo de apresentação de candidaturas para constituição de Bolsa de interessados no Projeto Formar Mais, em Timor-Leste. Editais publicitados hoje.
Por favor divulguem nos vossos círculos de amigos, colegas, membros da equipa e potenciais interessados.

Segue o link http://www.ua.pt/sgrhf/PageText.aspx?id=15045

Abraço amigo,

Isabel Martins


não contactem a AICL, nós apenas transmitimos esta mensagem…