Views: 0
Monitoramantu ba Projetu Tasi Mane (Auto Estrada)
Auto Estrada Suai to’o Viqueque ho distansia 155 Km, foin mak governu finalize 34 Km, konstrusaun ne’e hahu hosi tinan 2012 no inagura iha tinan 2018. Auto estrada ho distansi 34 Km, ho nia sesaun hosi Suai – Fatukai, governu kuaze gasta orsamentu hamutuk tokon US$223, Ho nia average kada kilometru governu gasta tokon US$6 resin, ba total distansia Auto Estrada hosi Suai to’o Viqueque ho 155Km. Signifika posibilidade governu sei gasta orsamentu hamutuk biliaun US$1,020 hodi finalize, bele liu, bele mós lae, depende estrutura rai.
Auto Estrada ho distansia 34Km, inagura iha Novembru 2018, la to’o fulan ida, auto estrada iha area Suku Matai, diresaun Labarai ba Matai naksobu ka mout kuaze 20M.
Iha prosesu nia laran, governu desidi hodi responsanbiliza no lakoi hodi husu kompañia nia responsabilidade maske nia kualodade durasaun fulan ida nia laran deit.
Tuir públikasaun iha media online Tatoli, S.E. Ministru Obras Públiku planea ona hodi aloka orsamentu hamutuk tokon US$1 resin. Auto estrada ne’ebé mout, hahu hosi governu, ema polítiku balun, no parte academia balun mós deklara katak, auto estrada ne’ebé monu, natureza nia kulpa (Konsultan ba auto estrada ne’e kontenti no hamnasa los ita). Ita la konsege hanoin ka ita ikut-ikutan tuir ema sira ne’ebé fó sala natureza, maske problema natureza balun ita bele hases án. Hases án liu hosi estudu ne’ebé mais klean, maibé la akontese.
Tokon US$1 ho balun ne’ebé governu planu ona hodi utiliza ba manutensaun seidauk la’o, maibé iha area balun hosi Suku Ogues ba Matai kontinua monu namtati (rezutadu montoring hosi loron 22 to’o 27 Junhu 2020). Core Group Transparency ne’ebé durante ne’e tau matan, senti triste, gastus boot ho hanoin dura ba tinan 40 to’o 50 kontinua naksobu bebeik, hodi kontinua mós fó todan ba sustentabildidade Fundu Minarai.
Core Group Transparency kontinua preokupa ho polítika governu ba mega projetu sira ne’ebé laiha analiza ba Cost Benefit, ho razaun kuaze mega projetu sira, fó deit efeteitu social (parte positivu no negativu) barak duke efeitu ekonómia, enkuantu ita presija iha efeitu ekonómia barak hodi fó garantia ba sustentabildade fiscal.