AMADEU FERREIRA , que biografei no livro O FIO DAS LEMBRANÇAS (Âncora Editora, 2015) foi o maior divulgador e tradutor desta segunda língua oficial de Portugal.

Em 5 de Maio de 2012, comecei a preparar a sua biografia.

Uma das primeiras perguntas que lhe fiz :

Qual é a tua maior qualidade?

Respondeu-me: é a humildade.

Aqui vos deixo a resposta dele em mirandês:

LA MAIS GRANDE CULIDADE?

La houmildade ye ua culidade:

– de l’anteligença superior, aqueilha que ye capaç de recoincer que percisa de star siempre a daprender, siempre, i que, al cabo i al restro pouco sabe, i que até l saber houmano stá tan sparbado que nunca chegará a agarrar mais que un cinoés de todo quanto todos sáben, esto para nun falar de l que inda se bai a saber ne l feturo i que nien mos passa pula cabeça;

– de l sentir, de l’eimoçon, puis nien le chegamos al carcanhales de ls nuossos suonhos, de la nuossa manginaçon, de todos ls nuossos deseios i anseios, de la nuossa ansastifaçon, pequerricos delantre de nós mesmos, i nun somos capazes de bibir sien carino de alguien delantre de quien mos assumimos cumo fracos;

– de l ser social, puis cada un de nós se bibisse solico nun serie capaç de se mantener bibo, talbeç nun durasse un més, i hai ua cadena de trabalho, de saber i de ourganizaçon sociales que mos manténen bibos, puis sien la sociadade nada seremos;

– de l ser stórico, puis l mundo yá eisiste hai melhones d’anhos sien tener persiado de nós para nada, i bai a cuntinar a eisistir outros tantos ou mais sien sequiera saber que un die eisistimos;

– será perciso cuntinar? cuido que bonda, para yá.