11.10.18 TIMOR AGORA

TIMOR AGORA

Timor-Leste Tenke Mantein Proteje Animal Protejidu

Posted: 10 Oct 2018 08:01 PM PDT

DILI, (TATOLI) – Organizasaun Sosiedade Sivíl sira, halo afirmasaun Konjunta hodi hato’o sira nia preokupasaun konaba Governu Japaun ne’ebé promove kaer ikan baleia no husu Timor-Leste nafatin mantein pozisaun hanesan nasaun ne’ebé proteje animal protejidu sira hanesan baleia no golfiñu iha tasi timor.

“Hare asaun sira foin daudaun husi Governu Japaun atu promove kasa ka kaer baleia sira, ami preokupa katak asuntu ne’e bele tama iha diskusaun durante vizita Ministru Estranjeiru Japaun nian iha Timor-Leste iha loron 11 Outubru. Ami hakarak afirma ami nia pozisaun no suporta Timor-Leste tenke mantein sai área protejidu ba animál protejidu sira hanesan baleia no golfiñu”, refere artigu ne’ebé divulga husi sosiedade sivíl sira, ohin.

Sosiedade sivíl ne’ebé afirma iha artigu ne’e mak hanesan, La’o Hamutuk, Fundasaun Haburas, Friends of the Earth TL, PERMATIL, HASATIL Network, Movimentu Hadomi Natureza (Mohana), Konservasaun Flora and Fauna, Asosiasaun Tafon Green, Asosiasaun HAK, Rede ba Rai, Kadalak Sulimutu Institute, Movimentu Tasi Moos , RENETIL, Oxfam iha Timor-Leste.

Nu’udár organizasaun ne’ebé tau matan mós ba ambiente, sosiedade sivíl sira ne’e afirma ho kompromisu atu proteje ambiente natural ne’ebé úniku no sai patrimóniu importante Timor-Leste nian, nó mós apoiu Governu nia suporta ne’ebé forte ba dezenvolvimentu eko-turizmu marina (tasi nian), protesaun ba riku soin tomak ne’ebé moris iha tasi laran, hanesan haktuir iha Planu Estratéjiku Dezenvolvimentu Nasionál (PEDN) 2011-2030 no Polítika Turizmu ne’ebé foin estabelese.

“Ami rekoñese no suporta esforsu husi Ministériu Turizmu nó mós nia parseiru sira, atu promove no dezenvolve setór eko-turizmu marina, liuhosi ninia programa tau matan ba baleia no golfiñu. Programa ne’e sei kolabora no servisu hamutuk ho ajénsia turizmu lokál sira, organizasaun eko-voluntáriu no komunidade peskadór lokál sira”, tenik.

Hodi suporta katak presiza iha protesaun ba tasi no eko-turizmu hanesan parte husi planu dezenvolvimentu diversifikadu no ekonomia ne’ebé sustentável, tamba persentajen boot husi populasaun depende moris ba riku soin iha tasi laran no tasi ibun hodi hetan ai-han, nutrisaun no rendimentu ba família uma kain.

“Se rekursu sira ne’e dezenvolve ho di’ak, hahú husi buat ne’ebé Governu estabelese tiha ona, dezenvolve indústria turizmu hanesan baleia no golfiñu, iha poténsia atu lori benefísiu ekonómiku ne’ebé signifikante ba komunidade lokál sira”, katak.

Tuir sosiedade sivíl, agora ita iha nesesidade urjénsia atu diversifika ekonomia, haluan no haforsa setór sira ne’ebé la’ós mina hanesan agrikultura, peska, indústria produsaun ho eskalaun ki’ik sira no turizmu, no tenke dezenvolve ho kompromisu boot hodi tuir polítika ne’ebé sustentável hodi bele garante no proteje ambiente ne’ebé sei frajil hela nudár patrimóniu naturál.

Nune’e, sira konsidera Timor-Leste nia diversidade marina ne’ebé importante iha nivel global presiza no merese hetan protesaun no prezervasaun liuhosi define área protejidu no parke nasionál marina sira.

“Governu liuhosi Ministériu Turizmu agora presiza dezenvolve enkuadramentu legál importante no nesesáriu, ho infraestrutura, formasaun ba ospitálidade iha setór turizmu, akreditasaun ba ajénsia turizmu sira, no komprende rikusoin sira hodi bele jere no tau matan di’ak ba oin. Nune’e ita bele asegura indústria eko-turizmu ne’ebé sustentável, protesaun ba baleia no golfiñu sira hodi fó benifísiu ba komunidade lokál”, dehan tan.

Antes ne’e iha loron 3 outubru, Governu liuhosi reuniaun Konsellu Ministru, halo análize ba aprezentasaun husi ekipa Whales and Dolphin in Timor-Leste, konaba “Planu Dezenvolvimentu ba Ekonomia Sustentável Eko-Turizmu Marina iha Timor-Leste”, hodi transforma Timor-Leste sai referénsia iha turizmu tasi okos (diving) no hare movimentu furak husi baleia no golfiñu iha rejiaun Sudeste Aziátiku, inklui protesaun no konservasaun ba rikusoin tomak ne’ebé mak moris iha tasi laran.

Baleia no golfiñu rasik, tuir diploma ministerial konjuntu Ministériu Agrikultura no Peska (MAP) no Ministériu Komérsiu Indústria no Ambiente (MKIA) 12 Abril 2017, sai hanesan lista espésie akuátika protejida sira iha Timor-Leste.

Tuir diploma ne’e, protesaun ba espésie akuátika sira fundamental atu prezerva bio diversidade iha Marítima nasionál sira, nune’e tenke obdese ba kritériu sientífiku sira no nesesidade ba protesaun ba espésie sira ne’ebé determina ona.

Jornalista: Julia Chatarina | Editór: Manuel Pinto

Imajen: Golfinu Spinner iha Baucau. Imajen: Kevin Austin

Lere: ”Hau Nia Mandatu Hotu Ga Lahotu Desizaun Politika”

Posted: 10 Oct 2018 07:21 PM PDT

DILI – Xefi de Estadu Maior Jeneral Forsas Armadas, Major Jeneral Lere Anan Timor afirma katak, nia mandatu nudar Xefi de Estadu Maior Jeneral Forsas Armadas nee atu hotu ga lahotu desizaun politika, tanba F-FDTL nee laos formasaun Governu.

Hau nia mandatu nee hotu ka lahotu desizaun Politika, hau nia preokupasaun, no hau nia hakarak nee estabilidade ida nee deit, tanba F-FDTL nee laos formasaun governu nian, neebe ita bolu joven – joven sira neebe matenek mai iha F-FDTL, maibe F-FDTL nee FALINTIL nia klamar,” dehan Jeneral Lere, ba jornalista sira hafoin remata enkontru ho Prezidente da Republika, iha Palasiu Prezidente Nicolau Lobato, Dili, Kuarta (10/10/2018).

Portantu responde konaba tuir informasaun katak governu prolonga tan mandatu ba Xefi de Estadu Maior Jeneral Forsas Armadas, Jeneral Lere hateten, Uluk 24 anus prolonga mos nia bele halao servisu agora sae kareta, toba tan iha AC nia laran, pasiar ba Bali, pasiar ba Portugal nusa mak labele.

Iha parte ketak Ministru Defesa Filomeno Paixao hateten, Nia parte aprezenta ona karta ba iha Konsellu Ministru, Konaba prosesu subtituisaun kargu ba Xefi de Estadu Maior Jeneral Forsas Armadas, Major Jeneral Lere Anan Timor.

Informasaun kompletu iha STL Jornal no STL Web, edisaun Kinta (11/10/2018)

Carme Ximenes | Suara Timor Lorosae

Foti Osan Husi Fundu Minarai Montante Boot, Resetas Domestika Kiik

Posted: 10 Oct 2018 07:15 PM PDT

DILI – Kada Tinan governu sempre hasai osan boot husi fundu mina rai nian, tanba resetas domestika neebe TL hetan nee kiik tebes, tanba nee hahu agora tenke tenke iha planu diak hodi rekola resetas husi baze, liu liu fatin estasionamentu neebe eziste ona iha Dili laran.

“Hau hanoin ita tenke halo duni tanba ida nee, hanesan parte ida atu kontrbui resetas alternativu ba iha kofre estadu, tanba nee husu ba Ministeriu Transporte komunikasaun atu halo estudu biablidade ida, oinsa bele rekola resetas husi estasionamentu sira nee,” informa Reprezentante povu iha uma fukun Parlamentu Nasional PN, Deputadu Faviao de Oliveira, liu husi sesaun plenaria Tersa (09/10/2018) iha PN.

Nia mos afirma liu tan katak,governu mos tenke toma atensaun ba kareta sira neebe maka para arbiru deit iha Estrada ninin sira nee, oinsa atu rekola resetas husi neeba, kareta sira neebe para iha dalan ibun, fo ameasa boot ba transporte neebe lao ba mai, tan nee presiza atensaun husi Ministeriu Transporte.

Iha fatin hanesan Deputadu Francisco Branco mos hatutan, nia parte preokupa tebes ho osan husi fundu mina, tanba tinan tinan governnu foti osan boot husi neeba, maibe liga ba resetas domestika atu selu deit funsionariu sira la too.

“Hau hanoin agora ita tenke kria mekanismu ida, ho nunee bele rekolia resetas husi baze, liu liu portu, Aeroportu nomos sira seluk oinsa atu kontribui resetas neebe diakm ho nunee TL bele kore aan husi dependensia ba osan mina rai nian.

Atu hatene klean konaba notisia nee lee iha jornal STL edisaun, Kinta (11/10/2018)

Madalena Horta | Guilhemina Franco | Suara Timor Lorosae

Sosa Partisipasaun iha Greater Sunrise husi ConocoPhillips

Posted: 10 Oct 2018 12:44 PM PDT

Signifika saida mai Timor-Leste? Signifika saida kona-ba kadoras?

Analiza husi La’o Hamutuk, 4 Outubru 2018

Semana kotuk, negosiadór husi Governu Timor-Leste ho kompañia mina internasionál ConocoPhillips konkorda katak Timor-Leste sei sosa ConocoPhillips nia partisipasaun husi Konsórsiu (Joint Venture) kompañia mina haat nian ne’ebé hetan kontratu atu dezenvolve kampu mina no gás Greater Sunrise. Bainhira sosa ho osan hamutuk tokon $350, Timor-Leste sei sai na’in ba 30% husi projetu ne’e, hamutuk ho Woodside (33%), Shell (27%) no Osaka Gas (10%). Se prosesu sosa ne’e liu husi TimorGAP nudár Timor-Leste nia kompañia mina nasionál, TimorGAP sei partisipa iha prosesu foti desizaun ba projetu, iha responsabilidade atu kontribui 30% husi investimentu, no iha direitu atu simu 30% husi projetu nia lukru.

Artigu ne’e sei responde ba konfuzaun balu no informasaun laloos ne’ebé sirkula iha Timor-Leste no media internasionál kona-ba sosa partisipasaun no Projetu Sunrise. La’o Hamutuk akompaña asuntu ne’e iha tinan barak nia laran (Ami publika livru kona-ba ”Sunrise LNG iha Timor-Leste, Mehi, Realidade no Dezafiu” iha 2008), no ami kontinua enkoraja desizaun hirak ne’ebé bazeia ba faktu no loloos ne’ebé klaru atu responde ba povu Timoroan sira nia interese. Ami hein katak artigu ida ne’e sei ajuda imi hotu atu kompriende aspetu legál, ekonómiku, sosiál no ambientál husi projetu ne’e, ne’ebé potensiálmente lori benefísiu signifikante ka lakon boot ba ita nia povu. Atu fó hanoin katak, buat importante liu bainhira halo desizaun la’ós atu manán kadoras ka manán opiniaun husi nasaun seluk no kompañia sira, maibé saida mak sei sai benefísiu liu ba povu Timor-Leste iha tempu naruk.

Antesedente

Kampu mina no gás iha tasi okos Greater Sunrise deskobre iha 1974, maibé seidauk dezenvolve tanba okupasaun Indonesia, disputa ba fronteira maritima ho Austrália (ne’ebé foin lalais mak rezolvidu), no seidauk iha konkordánsia kona-ba prosesu gás sei halo iha ne’ebé. Analista balun estimatiza katak mina no gás iha Greater Sunrise sei fa’an ho folin hamutuk biliaun $50. Hafoin selu ba investimentu kapitál, kustu operasaun no kompañia nia lukru, Timor-Leste bele hetan reseita husi taxa no direitu (hak milik) biliaun $8-20. Se karik Timor-Leste sai na’in sorin balu, ita sei fahe osan lukru, no mós hetan responsabilidade ba investimentu.

Iha tinan barak nia laran Sunrise nia projetu paradu tan de’it Governu Timor-Leste insiste katak kadoras husi gás natural tenke kanaliza mai Timor-Leste hodi gás hirak ne’e sei sai malirin liu no sei hafoin nabeen transforma ba LNG (Liquefied Natural Gas) nune’e bele hatama iha ró tanke boot sira no bele fa’an ba konsumidór sira iha rai li’ur. Maske nune’e, kompañia mina haat iha Konsórsiu fiar katak meius ba produsaun LNG – liuhosi kadoras ba Australia (Darwin LNG ka DLNG) ka uza plataforma namlele (floating LNG) – sei aumenta rendimentu no iha risku ki’ik liu. Governu Timor-Leste fiar katak kriasaun servisu lubun, kontratu no dezenvolve ekonomia lokál husi projetu Tasi Mane iha Kosta súl sei lori kompensasaun aas liu fali kustu no risku husi lori gás mai iha ne’e, Governu Australia, Konsórsiu Sunrise nian, no Komisaun Konsiliasaun ONU ne’ebé fasilita Tratadu Fronteira la iha fiar ne’e hanesan Governu Timor-Leste. La’o Hamutuk no peritu hirak ne’ebé ami konsulta tiha ona la konvensidu katak benefísiu ba Timor-Leste sei boot liu fali nia kustu, no ami ezije beibeik ba jestór husi projetu ne’e atu fahe dadus no asumsaun sira ne’ebé mak halo sira sai optimístiku tebes ba projetu ne’e.

Fulan Marsu foin lalais, Timor-Leste no Australia asina Tratadu istóriku atu estabelese fronteira maritima, no nia ratifikasaun ne’ebé pendente hela iha nasaun rua. La’o Hamutuk selebra susesu boot ida ne’e nudár aspetu signifikante ida atu avansa Timor-Leste nia soberania nasionál. Maske negosiadór sira iha esperansa katak bele rezolve kestaun Sunrise nian molok Tratadu ne’e asina, sira seidauk bele atinje ida ne’e. Tanba kampu Sunrise la’ós iha sorin ida de’it husi fronteira ne’ebé fixu husi tratadu foun, Timor-Leste sei simu 70% husi rendimentu governu nian husi mina no gás Sunrise nian bainhira prosesamentu gás akontese iha Timor-Leste, no 80% se prosesamentu gás akontese iha Australia.

Sosa Partisipasaun husi ConocoPhillips

ConocoPhillips nia partisipasaun iha Konsórsiu Greater Sunrise mak 30% husi projetu tomak. Timor-Leste sosa partisipasaun ne’e nudár pasu ida iha prosesu naruk atu lori kadoras husi kampu Sunrise ba Beaçu iha parte kosta-súl. Povu Timoroan barak mak orgullu ba ita nia lider polítika sira nia abilidade hodi konvense ka selu Australia no kompañia mina sira atu simu pozisaun ida ne’e. Maibé, kestaun ida ne’e sei iha konsekuénsia boot tebes ba orsamentu, ekonomia, ambiente no sosiedade ne’ebé bele afeta ema barak nia moris iha jerasaun ba jerasaun. Konsekuénsia sira ne’e sei fixu iha tempu naruk no importante liu fali duke emosaun patriotismu ne’ebé temporáriu. Seidauk klaru katak kadoras husi Sunrise nudár dalan ida di’ak ba povu Timor-Leste.

Nasaun presiza no merese hetan análiza detallu no loloos, ho informasaun públiku, kona-ba kustu, benefísiu risku no impaktu husi projetu sira Greater Sunrise no Tasi Mane nian, molok uza hotu osan biliaun dolares husi povu nia osan ba selu kompañia mina, kontraktór sira, indivíduu sira no kompañia sira seluk ne’ebé laiha kompromisu naruk ba nasaun ka obrigasaun atu serve interese públiku.

La’o Hamutuk iha duvida boot katak estudu ne’ebé presiza halo duni sei prova katak benefísiu husi lori kadoras Sunrise mai Timor-Leste sei nato’on atu justifika kustu, risku no impaktu sosiál ne’ebé boot. Karik estudu ida sei bele prova duni, akordu foin lalais atu sosa partisipasaun husi ConocoPhillips la sufisiente atu garante katak kadoras sei mai duni Timor-Leste.

Saida de’it mak sei presiza akontese atu bele lori kadoras mai Timor-Leste??

1. Tuir regulasaun Konsórsiu Sunrise nian, parseiru idak-idak – Woodside, Shell no Osaka Gas – iha direitu atu “pre-empt” entidade ne’ebé atu sosa. Signifika katak se ConocoPhillips hakarak atu fa’an ninia partisipasaun, kompañia ida husi kompañia hirak ne’e bele sosa fali atu prevene interese ne’e monu fali ba entidade seluk nia liman. Notísia sira iha mídia indika katak Woodside karik uza podér ida ne’e, no bele prevene Timor-Leste atu sosa partisipasaun husi ConocoPhillips.

2. Reguladór sira husi Governu Australia no Timor-Leste sei presiza aprova prosesu sosa no fa’an ida ne’e. Konkordánsia husi kontratu fa’an no konkordánsia husi Konsórsiu presiza aprova husi Konsellu Ministru no hetan revizaun husi Tribunal de Contas.

3. Timor-Leste sei selu tokon $350 ba ConocoPhillips iha inísiu tinan oin nudár kustu avansu no obrigasaun finanseiru ba kustu osan ne’ebé boot liután iha futuru (haree #5 iha okos). Tokon $350 – liu fali dobru husi saida mak Timor-Leste hasai kada tinan atu eduka ita nia labarik sira – sei hasai husi Fundu Petróleu, karik mós bele sai parte ida husi OJE 2019 ne’ebé governu sei proposta ba Parlamentu iha Novembru. Ami hein katak debate iha Parlamentu kona-bá OJE sei hakle’an liután diskusaun kona-ba kestaun sira ne’e hotu, inklui mós obrigasaun finanseira no buat seluk ne’ebé asume kona-ba Timor-Leste nia partisipasaun iha Konsórsiu ne’e.

4. Bainhira Timor-Leste sai na’in ba 30% partisipasaun husi Greater Sunrise, Governu Timor-Leste mós presiza atu konvense ho Shell no Woodside atu aprova katak kadoras dada mai Timor-Leste, ne’ebé posibilidade sei hamenus rendimentu husi projetu. Baibain iha konsórsiu hanesan ne’e, presiza iha konkordánsia ho unidade (aprovasaun husi parte ida-idak) atu deside asuntu boot hanesan ne’e.

ConocoPhillips hakarak prosesa gás iha Darwin, karik tanba nia mak sai na’in prinsipál husi planta LNG ne’ebé prosesa ona gás husi Bayu-Undan (ne’ebé lakleur remata no halo planta ne’e la uza), no sira enkoraja Shell no Woodside atu suporta sira nia pozisaun. Molok ida ne’e, Konsórsiu hakarak liu plataforma namlele (Floating LNG); Timor nia LNG ne’e sempre sai preferénsia datoluk ba parseiru sira hotu.

Se laiha ConocoPhillips, Konsórsiu Sunrise sei menus rekursu finanseiru no tékniku profisionál no administrativu, no parseiru sira seluk sei husu kompensasaun ba kustu no risku tékniku no seguransa husi liña kadoras iha tasi kle’an ba planta LNG foun iha Beaçu. Nune’e mós sei iha infrastrutura adisionál atu suporta regulamentu ne’ebé nesesáriu.

Entidade ne’ebé sei sosa LNG ne’e mós presiza aprova opsaun dezenvolvimentu no sira sei hakarak garantia katak presu, kontinuidade ba fornesimentu no seguransa operasaun bele responde ba sira nia nesesidade.

5. Timor-Leste sei presiza selu maizumenus 30% husi kustu kapitál atu dezenvolve kampu Sunrise, ne’ebé sei aumenta dolares biliaun balun. Investimentu ne’e la’ós de’it ba kadoras no planta LNG, maibé mós ba perfurasaun ba posu sira hodi halo peskiza no produsaun, harii infrastrutura atu prosesa mina no gás iha kampu (karik inklui mós prosesamentu namlele (Floating Production Storage and Offloading Vessel, armazenamento iha ró ne’ebé lori atu rezerva no fa’an mina husi Sunrise), infrastrutura operasionál, no ba kustu sira seluk. Karik osan hirak ne’e mai husi empréstimu, Timor-Leste tenke selu fali ho tomak osan inan ho nia funan. Mezmu ema hotu espera katak investimentu ne’e sei rekupera fila fali hafoin kampu ne’e komesa prodús iha tinan 6-12, osan hirak ne’e tenke selu lalais, no laiha serteza atu rekupera.

6. Hafoin parseiru no governu sira aseita, no finansiamentu ba investimentu kapitál garante ona, Konsórsiu tenke dezeña no harii projetu, no kumpre regulamentu sira no konkordánsia ba prátika di’ak ambientál nian.

Protesaun

Indústria mina no gás sei kauza poluisaun, fakar, asidente, ahi han no esplozaun iha mundu tomak, no ita presiza atu hare medida apropriadu atu proteje ita nia rai doben ida ne’e. Seidauk iha buat boot hanesan ne’e harii husi Timor-Leste nia istória, no seidauk iha ema ida mak esperiénsia ona dezastre ambientál ne’ebé bele mosu husi ida ne’e.

Ita nia ajénsia reguladór sira no autoridade ambientál seidauk iha koñesimentu, kompriensaun ka perspetiva atu jere rasik projetu hanesan ne’e, no sira dala barak susar atu kontra presaun polítika. Mezmu nune’e, kapasidade sientífiku no administrativa bele dezenvolve iha tempu naruk – ho apoiu husi ema sira ne’ebé iha ona responsabilidade boot ba projetu sira ne’ebé hanesan. Prosesu aprende sei naruk no konsekuénsia karik sala boot tebes. “Aprende husi pratika” sei la bele atu simu bainhira lori biliaun dolar no ema rihun nia vida mak sai risku.

Indústria petróleu nudár indústria ida ho lala’ok segredu no projetu boot sira ne’e iha mundu tomak, ne’ebé inklui mós selu rihun atus dolar too dúzia husi entidade, dala barak sei fó fatin atu mosu korrupsaun. Hafoin Timor-Leste sai na’in ba Sunrise, ita nia nasaun no osan sei sai magneto ba na’ok-teen no bosok-teen sira ne’ebé hakarak sai parte husi asaun, no ita mós karik sei selu barak liu fali duké saida ita espera atu selu. Ho projetu boot no kompleksu hanesan ne’e, Timor-Leste presiza atu implementa ho transparénsia, iha supervizaun, akontabilidade no kontrolu no balansu de podér durante ninia implementasaun Ita seidauk iha protesaun di’ak ne’ebé presiza, no ita tenke dezenvolve lalais.

Konkluzaun

Nudár sumáriu, ema hotu iha Timor-Leste presiza iha serteza katak viajen ba tempu naruk ida ne’e mak sei lori ita ba hetan fatin di’ak. Timor-Leste hasai tiha ona maizumenus tokon $250 ba projetu Tasi Mane, no barak liu ba aeroportu Suai no Auto-Estrada Suai-Fatukai. Ita agora sei gasta tan tokon $350 liu atu sosa ba iha Greater Sunrise, ne’ebé tuirmai sei hasai tan biliaun balu ba preparasaun atu hasai mina no gás. Karik ita sei hasai maizumenus biliaun $5 atu dezenvolve restu husi projetu Tasi Mane.

Ho liafuan seluk katak, posibilidade katak estadu sei hasai maioria husi Fundu Petróleu biliaun $17 – ne’ebé atu finansia ba edukasaun, saúde, estrada, bee, eletrisidade, veteranu, PNTL, F-FDTL no buat barak tan – duni atu hetan gás husi Greater Sunrise. Ida ne’e seidauk tarde atu tetu ninia kustu no benefísiu ho sériu, no atu haree se liuhosi mina mak dalan ne’ebé garantido, prátiku, no produtivo atu uza rekursu ekonómiku nasaun nian ne’ebé limitadu no naun renovável. Karik ita investe tempu, osan, kapitál polítika, no abilidade administrativa iha projetu Sunrise no Tasi Mane – ka karik ita tenke foti dalan ne’ebé seguru no klaru liu no menus perigozu atu diversifika ita nia ekonomia, harii rekursu umanu no agríkola?

Se bainhira ita foti desizaun ne’ebé sala agora, sei sai difisil atu muda iha futuru, no ita bele kontinua soe osan di’ak bainhira hetan ladi’ak.

Iha fulan rua liubá mídia internasionál hakerek tiha ona artigu barak kona-ba asuntu ida ne’e, no ami inklui iha link sira iha okos atu nune’e bele aumenta informasaun no perspetiva ida fasil atu hetan:

6 Ago, Artigu husi Interfax Natural Gas Daily: Timor-Leste buka atu sosa Greater Sunrise nia parseiru sira. East Timor seeks to buy out Greater Sunrise partners

13 Set, Artigu husi Australian Financial Review: Timor-Leste buka investimentu biliaun $7 husi Woodside nia Projetu gás Sunrise. East Timor pursues A$7b investment in Woodside-run Sunrise gas project

28 Set, Artigu husi LUSA: Timor-Leste sosa ConocoPhillips nia partisipasaun iha Greater Sunrise nia Konsórsiu. Timor-Leste sosa participação husi ConocoPhillips no consórsiu do Greater Sunrise

30 Set, Artigu husi: Australian Financial Review: Timor-Leste sosa ConocoPhillips nia partisipasaun ho tokon $484 – East Timor buys ConocoPhillips’ Greater Sunrise share for A$484m

1 Out, Artigu husi The West Australian: Woodside konsidera opsaun sira bainhira ConocoPhillips fa’an partisipasaun iha Sunrise LNG ba Governu Timor-Leste. Woodside considers options as ConocoPhillips sells Sunrise LNG stake to East Timor Government

1 Out, Artigu husi Reuters: ConocoPhillips fa’an nia partisipasaun iha kampu gás Sunrise ba Timor-Leste. ConocoPhillips sells stake in Sunrise gas field to East Timor

2 Out, Artigu husi ABC News: Timor-Leste sosa tokon $484 partisipasaun husi kampu Greater Sunrise no dudu ba LNG kadoras. (rona mós radio) Timor-Leste buys A$484 million stake in Greater Sunrise fields and pushes for LNG pipeline (also radio broadcast)

2 Out, Artigu husi Platts S&P Global: Analiza: Timor-Leste pasu ida tan ba ambisaun LNG maibé obstákulu nafatin iha. Analysis: one step closer to LNG ambitions but hurdles remain

2 Out, Artigu husi Reuters: Timor-Leste sosa partisipasaun lori kampu gás Sunrise besik daudaun. East Timor stake buy brings Sunrise gas field a step closer

Seidauk Extende-Substitui Mandatu Lere, Labele Asumi Kargu Laiha Baze Legal

Posted: 10 Oct 2018 11:59 AM PDT

DILI – Relasiona ho Xefe Estadu Maior Jeneral, F-FDTL Major Lere Anan Timur nia mandatu remata ona iha dia 06 Outubru presiza iha ona desizaun extende ka substitui, atu nunee labele asumi kargu laiha baze legal.

Kestaun nee Vice Bankada PLP Francisco de Vasconcellos hatete, seidauk rona informasaun katak extende ka substitui mandatu jeneral Lere nian, tanba mandatu hotu ona iha dia 6 de Outubru.

Too ohin loron seidauk halo nomeasaun ba komandante xefe estadu major jeneral forsa armadas nian nee ladun diak viola lei, kargu agora dadaun nee seidauk prense nia legalidade. Ida nee perigu tanba bele iha implikasaun ba desizaun, se nasaun imfrenta situasaun difisil ruma ida nee Xefe Estadu major Lere nia mandatu hotu, ona mak nia foti desizaun ida nee konsidera illegal. Tanba mandatu hotu iha dia 6 seidauk extende” katak Vice bankada PLP ba STL iha Bankada PLP Kuarta (10/10/2018) PN.

Nia dehan, iha momentu extende nee tanba hasoru eleisaun antisipada. Maibe agora informasaun katak mandatu hotu ona iha dia 6 Outubru, neebe tuir loos tenke extende ka hili ona ema foun, tanba n ee situasaun ladun diak ba pozisaun jeneral nian rasik.

Nunee mos Deputadu CNRT Atual Prezidente Komisaun B Aderito Hugo hatete, mandatu Lere nian nee iha nia limita, maibe nia rekezitus atu extende kalae depende ba lei, maibe hanesan ema hotu hatene kompetensia propriu atu extende kargu superior forsa defeza nee kompetensia liu husi governu ministeriu defeza depois ikus kompetensia PR nian, tanba nee hein prosesu nee lao.

Notisia Kompletu Lee Iha Jornal STL iha edisaun kinta (10102018).

Guilhermina Franco | Suara Timor Lorosae

Timor-Leste hakarak portugués sai hanesan lian serbisu Uniaun Interparlamentar nian (UIP)

Posted: 10 Oct 2018 10:17 AM PDT

Prezidente Parlamentu Nasional timoroan apela iha loron-kuarta ne’e ba “nasaun belun sira” hodi aprova portugués nu’udar lian serbisu Uniaun Interparlamentar nian (UIP) iha Asembleia Jeral instituisaun ne’ebé maka halao iha fulan ne’e iha Jenebra.

“Ida ne’e asuntu importante ida no, bainhira ha’u eleitu hanesan prezidente parlamentu, asuntu dahuluk ne’ebé maka ha’u trata maka luta ba introdusaun lian portugueza hanesan lian serbisu UIP nian”, afirma Arão Noé Amaral iha deklarasaun ba Lusa.

“Ha’u haruka karta barak ba nasaun ASEAN no G7+ hodi bele hetan apoiu iha votasaun ne’e. Ha’u hein katak, ho ha’u nian prezensa no intervensaun ne’e iha UIP, bele hetan apoiu hosi nasaun belun sira no fó votu favoravel ba inisiativa ida ne’e”, akresenta tan.

Arão Noé Amaral lidera delegasaun parlamentu timoroan nian ne’e maka sei partisipa, entre loron 14 no 14 Outubru iha Jenebra, iha Asembleia Jeral Uniaun Inter Parlamentar (UIP) nian ba dala 139, ne’ebé maka kestaun ne’e sei iha votasaun.

“Ida ne’e sei sai luta ida hodi ita bele too iha ne’ebá. Numeru ba ema ne’ebé koalia lian portugués iha mundu ne’e signifikativa tebes no, tanba ne’e, portugués merese sai nu’udar lian ba serbisu nian iha instituisaun hanesan UIP”, hatete.

Portugal lidera hela esforsu diplomatiku sira, liu-liu hamutuk ho nasaun luzofonu sira seluk, hodi konsegue portugués aprovadu nu’udar lian serbisu nian iha Asembleia Jeral instituisaun ne’ebá nian, ne’ebé maka sei halao iha fulan ne’e iha Jenebra.

Tan ne’e presiza alterasaun ida ba estatutu sira organizasaun nian, pozisaun ne’ebé espresa iha karta ida ne’ebé maka deputadu portugués Duarte Pacheco haruka ba responsável parlamentar luzofonu sira.

“Ho delegasaun portugueza nian naran ha’u solisita interese hamutuk ho grupu jeopolitiku ne’ebé maka insere, no mós korpu diplomatiku hamutuk ho Estadu belun sira, hodi bele hetan apoiu ho numeru ne’ebé boot ba proposta ne’ebé maka haforsa ba hotu-hotu no haboot UIP rasik”, refere karta ne’e.

“Ida ne’e hanesan ideia únika ida. Ita la hatene bainhira maka iha fali oportunidade ida hodi inklui portugués nu’udar lian serbisu UIP nian, so ho hotu hotu nian interese no ita ida-idak maka bele alkansa rezultadu ne’ebé maka ita hotu hein”, subliña.

Objetivu maka kestaun ne’e bele debate no votada iha asembleia-jeral fulan MArsu nian, maibé asuntu ne’e adiadu tiha.

Mexikana Gabriela Cuevas Barron, prezidente UIP nian, assume durante ninian kampaña ba kargu kompromisu ida hodi inklui portugués, espñol no árabe nu’udar lian ofisial organizasaun nian, atu nune’e bele sai inkluziva.

Objetivu ne’ebé akollidu ho “rezerva sira” hosi nasaun oioin, tanba ne’e objetivu ne’e alteradu hodi bele konsegue portugués sai nu’udar lian ofisial serbisu nian, destaka mós hanesan lian ofisial Estadu membru sia UIP nian no ne’ebé maka koalia liu iha emisfériu-súl.

Iha karta ne’ebé haruka ba parlamentu luzofonu sira, Duarte Pacheco refere kataka mesmu ke opsaun ne’e preokupa nasaun balun, tanba impaktu balu iha kustu sira, ho konsekuénsia, iha kontribuisaun nasional.

Deputadu portugués hatete katak iha merkadu bele hetan solusaun ne’ebé baratu liu ne’ebé maka atualmente uza iha UIP no konkretiza introdusaun ba lian portugués.

Konabá kestaun ne’e, Arão Noé Amaral aproveita ninian viajen ba Jenebra hodi fó konta konabá avansu demokratiku iha Timor-Leste.

“Timor-Leste sempre a favor ba democrasia. Dezde proklamasaun independénsia nian, iha loron 28 Novembru, maka ita defini Republika Demokratika de Timor-Leste. Demokrasia maka ita nian prinsípiu no ita luta too ita nian ran ikus tanba ne’e maka guerilleiru sira barak mate tanba defende demokrasia”, konsidera.

“No agora ita iha debate ba diferensa politika interna, maibé ha’u sente ida ne’e sei la afeta prosesu demokratiku iha Timor-Leste” hatete tan.

SAPO TL ho Lusa

Prezidente timoroan aponta “dezafiu” ba konta publika sira hafoin aprova Orsamentu

Posted: 10 Oct 2018 10:11 AM PDT

Prezidente Prezidente-Repúblika timoroan hatete iha loron-kinta ne’e katak desidi promulga Orsamentu Jeral Estadu nian (OJE) ba tinan 2018 tanba konsidera katak importante hodi selu divida empreza sira nian no ativa fali ekonomia, no aponta mós “dezafiu” ba konta publika sira.

Iha mensajen ida ba nasaun, Francisco Guterres Lu-Olo hatete katak valor orsamentu ne’e barak liu, no husu atu husik “pratika ba gastu sira arbiru” no kestiona kapasidade ba ezekusaun mákina Estadu nian ne’ebé maka falta too final tinan ne’e nian.

“Ha’u foin promulga Lei Orsamentu Jeral Estadu nian ba tinan 2018, tuir kompeténsia ne’ebé maka fó mai ha’u hosi (…) Konstituisaun”, hatete loron-kinta ne’e iha Palásiu Prezidensial.

“Hosi analiza, ha’u konklui katak laiha fundamentu ruma atu halo pedidu fiskalizasaun preventiva konstitusionalidade no legalidade. Orsamentu Jeral Estadu nian ba tinan 2018 ne’e ho selu divida sira empreza nian hodi kria kampu serbisu atu hasa’e ekonómia iha rai-laran, iha nível interinu”, afirma.

Iha mensajen, xefe Estadu esplika katak promulgasaun ne’e permite “fasilita estadu tama iha ezekusaun orsamentál normál hodi kumpre obrigasaun prioritária sira, liu-liu ba grupu sidadaun vulnerável sira”, no mós selu tusan ba ospitál iha rai-li’ur no mina ba jeradór sira.

Apezarde desizaun ne’e, Lu-Olo esplika dezafiu sira ne’ebé hasoru ho promulgasaun OJE, inklui mós kapasidade ezekusaun ne’ebé ki’ik – falta de’it trimestre ida ba final ba tinan fiskal nian – alokasaun “orsamentu ne’ebé barak liu ba setor infraestrutura no ladun tau osan ba edukasaun no saúde”.

“Ita kontinua hatudu hatudu katak alokasaun orsamentu makaas ba projetu Tasi Mane, maski seidauk hatene loloos saida mak sei akontese ho Greater Sunrise”, hatete no refere ba projetu dezenvolvimentu kosta súl nian ba setor mina no gás.

Lu-Olo konsidera katak OJE ne’e “ass tebes” no ne’ebé maka obriga transferénsia adisional ne’ebé ass hosi Fundu Petroliferu nian.

“Karik ezekusaun durante fulan tolu ikus liu tinan ida ne’e nian, hanesan ho taxa ezekusaun orsamentál, iha rejime duodesimál, iha fulan ualu nian laran, maka montante global OJE ba tinan 2018 tuir loloos dolares biliaun 1.1 de’it”, hatete.

“Ita presiza hatoman-an hodi gasta ho kuidadu. No husik tiha prátika sira ne’ebé ita halo horihuluk, iha tinan hira liubá. Fundu Minarai ne’e ita-nia fundu soberanu mesak ida de’it, nune’e ita tenke asegura katak benefísiu la’ ós de’it ba jerasaun ohin ninian maibé tenke hato’ o mós ba jerasaun sira sei tuir mai. No asegura nafatin kapasidade finanseiru Estadu nian wainhira enfrenta dezafiu oioin iha futuru”, afirma.

Tanba motivu hirak ne’e, xefe Estadu husu ba Governu “hatudu rigor iha ezekusaun despeza públika, liuliu iha tempu ezekusaun ida ne’ebé badak tebes” no atu previzaun sira makroekonómiku nian halo ho di’ak no lolós tuir realidade no liga ho mudansa iha estrutura ekonomia, no “lalika mai ho númeru oioin atu justifika de’it Orsamentu ida ke bo’ot”, ho ezekusaun ne’ebé difisil.

“Karik orsamentu ne’e destina ba selu tusan sira ne’ebé maka la selu tanba limitasaun orsamental, iha periodu duodesimal, ha’u hein katak iha futuru ita labele monu tan iha tusan sira hanesan ne’e tamba ita la selu iha ninia tempu rasik”, hatete tan.

Lu-Olo mós refere katak elementu ida ba OJE ne’ebé maka iha debate makas liu maka, konjuntu projetu sira besik 140 ne’ebé aprovadu iha loron ikus sira governasaun VI Governu nian, iha tinan 2017.

“Tamba Parlamentu Nasionál hatán ona atu harii Komisaun Inkéritu Parlamentar hodi fiskaliza projetu sira antes atu selu, ha’u apela atu harii lalais Komisaun ida ne’e, atu nune’e prosesamentu pagamentu hotu bele tuir dalan ne’ebé loos, ho transparénsia no rigor”, hatete.

Defende mós katak parlamentu bele konsidera “oinsá hadi’ak kestaun normativa sira ka regulamentar sira hodi artikula di’ak liután dispozisaun sira hosi Lei Fundu Minarai no Lei Orsamentu no Jestaun Finanseiru, inklui fó fila fali osan sira ne’ebé kobra liu tiha ona.

Hanoin ba futuru – ne’ebé maka Governu prepara ona OJE ba tinan 2019 – Prezidente husu atu orsamentu sira ba tinan sira oin mai tenke buka halo ekilíbriu di’ak liután, katak alokasaun osan justu liu entre dezenvolvimentu umanu no dezenvolvimentu fíziku no gradualmente despeza labele bo’ot liu reseitas sira”.

Atu investimentu sira hotu tenki bazeia ba “kritériu retornu sosiál no ekonómiku ida aas babeibeik”, atu OJE sira ba tinan sira oinmai, tenke bazeia “ba prinsípiu sustentabilidade Estadu nian no sosiedade rasik”, katak persentajem finansiamentu bo’ot liu hahú mai husi reseitas la’ ós-minarai, ne’ebé aumenta babeibeik, husi ekonomia diversifikadu no reforma.

“Ita tenke hatene prepara, ezekuta no fiskaliza, jere di’ak liután Orsamentu Jeral Estadu nian nu’udar instrumentu finanseiru ida ke bele finansia kresimentu ekonómiku no dezenvolvimentu sosiál. Importante mós atu hanoin katak ida ne’e prosesu ida ke presija ezijénsia no persisténsia husi tinan ida ba tinan seluk, husi fulan ida ba fulan seluk, husi loron ida ba loron seluk”, afirma.

SAPO TL ho Lusa

Governo timorense aprova compra de participação no consórcio do Greater Sunrise

Posted: 10 Oct 2018 10:03 AM PDT

Díli, 10 out (Lusa) – O Governo timorense aprovou hoje em Conselho de Ministros uma resolução sobre a compra da participação de 30% da petrolífera ConocoPhillips na ‘joint-venture’ de Greater Sunrise, por um valor de 350 milhões de dólares (303 milhões de euros).

A resolução, aprovada na reunião de hoje do executivo, abrange “o contrato de aquisição de interesses participativos e direitos no campo Greater Sunrise” e ainda a “participação de Timor-Leste em operações petrolíferas”.

Segundo explica o Governo em comunicado, a resolução determina ainda a “transferência dos referidos interesses participativos e direitos a favor da Timor Gap, EP ou às suas subsidiárias para detenção e gestão dos mesmos em nome e representação do Estado de Timor-Leste”.

Em setembro, Timor-Leste chegou a acordo para comprar a participação da petrolífera norte-americana, sendo que além do da resolução do Governo, e como refere um comunicado conjunto das partes, a operação está condicionada à “aprovação de fundos pelo Parlamento Nacional”.

Timor-Leste considera a operação um passo essencial na sua estratégia para trazer um gasoduto do Greater Sunrise até à costa sul do país, marcando assim o desenvolvimento nacional do setor e antecipando impacto adicional da estratégia na economia doméstica.

A operação, que poderá estar concretizada “no primeiro trimestre de 2019”, necessita igualmente de aprovação dos reguladores e de passar pelo processo de opção de direitos de preferência de parceiros, indicou a petrolífera ConocoPhillips.

O consórcio de Greater Sunrise é liderado pela australiana Woodside, a operadora (com 33,44% do capital), e inclui ainda a ConocoPhillips (30%), a Shell (26,56%) e a Osaka Gas (10%).

Os campos de Greater Sunrise estão, na quase totalidade, em águas territoriais timorenses, no âmbito do novo tratado de fronteiras marítimas assinado em março com a Austrália e que está ainda para ser ratificado pelos parlamentos dos dois países.

A este valor da compra pela participação da ConocoPhillips, Timor-Leste terá que somar um valor adicional, para os custos de desenvolvimento dos campos, além do custo da operação para trazer o gasoduto para Timor-Leste e para o processamento em terra.

A comissão de conciliação da ONU que mediou entre Timor-Leste e a Austrália para fechar o novo Tratado de Fronteiras marítimas estimou que a construção de um gasoduto para Timor-Leste só terá retornos comerciais viáveis com um “subsídio direto” do Governo, ou de outra fonte, no valor de 5,6 mil milhões de dólares (4,8 mil milhões de euros).

Os campos de Greater Sunrise contêm reservas estimadas de 5,1 triliões de pés cúbicos de gás e estão localizados no mar de Timor, a aproximadamente 150 quilómetros a sudeste de Timor-Leste e a 450 quilómetros a noroeste de Darwin, na Austrália.

ASP // VM

Timor-Leste quer português como língua de trabalho da União Interparlamentar (UIP)

Posted: 10 Oct 2018 02:01 AM PDT

Díli, 10 out (Lusa) – O presidente do Parlamento Nacional timorense apelou hoje às “nações amigas” para que o português seja aprovado como língua de trabalho da União Interparlamentar (UIP) na Assembleia Geral da instituição que decorre este mês em Genebra.

“Este é um assunto muito importante e, quando fui eleito presidente do parlamento, o primeiro assunto que tratei foi a luta para a introdução da língua portuguesa como língua de trabalho da UIP”, afirmou Arão Noé Amaral em declarações à Lusa.

“Enviei muitas cartas aos países da ASEAN e do G7+ para obter apoio nesta votação. Desejo que, com esta minha presença e intervenção na UIP, consiga que os nossos países amigos apoiem e deem um voto favorável a esta iniciativa”, acrescentou.

Arão Noé Amaral lidera a delegação do parlamento timorense que participa, entre 14 e 18 de outubro em Genebra, na 139.ª Assembleia Geral da União Inter Parlamentar (UIP), onde esta questão deverá ser votada.

“Esta vai ser uma luta para podermos chegar até lá. O número de falantes de português no mundo é muito significativo e, por isso, merece que o português seja língua de trabalho em instituições como a UIP”, disse.

Portugal tem estado a liderar os esforços diplomáticos, especialmente junto dos restantes países lusófonos, para conseguir que o português seja aprovado como língua de trabalho na Assembleia Geral daquela instituição, que decorre este mês em Genebra.

Para isso é necessária uma alteração aos estatutos da organização, posição expressa numa carta que o deputado português Duarte Pacheco enviou a responsáveis parlamentares lusófonos.

“Solicito em nome da delegação portuguesa o seu empenho junto do grupo geopolítico em que se insere, assim como do vosso corpo diplomático junto de Estados amigos, para obter o apoio do maior número de países para esta proposta que nos fortalece a todos e engrandece a própria UIP”, refere a carta.

“Esta é uma hipótese única. Não sabemos quando haverá nova oportunidade de incluir o português como língua de trabalho da UIP, só com o empenho de todos e de cada um de nós será possível alcançar o resultado que todos desejamos”, sublinha.

O objetivo era que a questão tivesse sido debatida e votada na assembleia-geral de março, mas o assunto acabou por ser adiado.

A mexicana Gabriela Cuevas Barron, presidente da UIP, assumiu durante a sua campanha para o cargo o compromisso de incluir o português, o espanhol e o árabe como línguas oficiais da organização, para assim a tornar mais inclusiva.

O objetivo foi acolhido com “reservas” por vários países tendo, por isso, o objetivo sido alterado para conseguir que o português seja língua oficial de trabalho, destacando que é língua oficial de nove Estados membros da UIP e a mais falada no hemisfério sul.

Na carta enviada aos parlamentos lusófonos, Duarte Pacheco refere que mesmo essa opção preocupa alguns dos países, dado o seu eventual impacto nos custos e, por conseguinte, nas contribuições nacionais.

O deputado português diz que no mercado é possível encontrar soluções mais baratas que as atualmente usadas pela UIP e que viabilizam a introdução do português.

Paralelamente a esta questão, Arão Noé Amaral aproveitará a ida a Genebra para dar conta dos avanços democrático em Timor-Leste.

“Timor-Leste sempre esteve a favor da democracia. Desde a proclamação da independência, a 28 de novembro, que definimos a República Democrática de Timor-Leste. A democracia é o nosso princípio e lutamos até á última gota de sangue por isso e muitos guerrilheiros tombaram por causa desta defesa da democracia”, considerou.

“E agora estamos num debate de diferenças políticas internas, mas penso que isso não vai afetar o processo democrático em Timor-Leste”, disse ainda.

ASP // FST

Subtituisaun Kargu Lere, Filomeno” Karta Hau Aprezenta Ona Ba KM”

Posted: 10 Oct 2018 01:50 AM PDT

DILI – Ministru Defesa Filomeno Paixao hateten, Nia parte aprezenta ona karta ba iha Konsellu Ministru, Konaba prosesu subtituisaun kargu ba Xefi de Estadu Maior Jeneral Forsas Armadas, Major Jeneral Lere Anan Timor.

“Surat ida nee hau aprezenta hotu ona ba iha Konsellu Ministru, desizaun portantu iha F-FDTL hasae ona konaba se maka atu kontinua nafatin ou atu ba fali Xefi Estadu Maior Jeneral, semak atu ba XEM atu troka Vise XEM portantu sira nee hein Konsellu Ministru, Konsellu Ministru sei hola desizaun ba nee para haruka mai Prezidente da Republika,” dehan Ministru Filomeno ba jornalista sira, bainhira remata enkontru ho Prezidente da Republika Francisco Guetrres Lu Olo, iha Palasiu Prezidente Nicolau Lobato, Dili, Tersa (09/10/2018).

Portantu responde konaba Jeneral Lere sei atu prolonga tan Ministru Filomeno hateten, depende intrepretasaun neebe fo, tanba iha tinan rua ou tolu iha intrepretasaun rua, intrepretasaun ida dehan Jeneral Lere tinan hat, pedidu ida tanba idade liu ona bele renova deit tinan tinan.

Iha biban nee mos Ministru Defesa Filomeno Paixao hateten, Ohin mai hasoru Prezidente da Republika hodi relata konaba servisu iha F-FDTLno PNTL, asuntu espesifiku liu liu konaba elaborasaun orsamentu 2019 ba F-FDTL – PNTL. Portantu Forsa Armadas nian atensaun especial liu ba iha seguransa mar de Timor.

Nia dehan, Iha Polisia nian ba iha polisia komunitariu, tanba Dili Ministru Defsa kolia ho Komandante PNTL katak, Dili nee tenke kontroladu, labele hetan ameasa husi se deit.

Portantu Ministru Defesa Filomeno hateten, iha PNTL hanoin mos atu kria estatutu PNTL seidauk iha agora sei diskute hela agora prontu ona para sira submete mai Ministru konaba sira nia kareira ajente soladdu, bainhira mak ba reforma no ho idade saida mak okupa Suprentindenti komesa husi Ispetor sae to leten.

Notisia kompletu lee iha jornal STL edisaun Kuarta (10102018)

Carme Ximenes | Suara Timor Lorosae

Imajen: Filomeno Paixão | iha Tatoli

Xanana: Hau Uza Osan ba Interese Nasional

Posted: 10 Oct 2018 01:40 AM PDT

DILI – Xefe Negosiador Xanana Gusmao durante nee nia uza osan laos ba iha nian aan deit, maibe osan neebe maka nian uza durante ba iha prosesu negosiasaun ba tratadu Fronteira Maritima ba povu no nasaun nian interese.

Se sira dehan hau uza estadu, hau uza osan estadu manan Fronteira Maritima, hau uza osan estadu laos ba hau nian aan rasik,” dehan Xanana ba jornalista sira liu husi Komferensia Imprensa hafoin fila husi extrajeira iha sede CNRT Bairru dos Gruillos, Segunda (8/10/2018).

Xanana Gusmao kazu lia hirak nee hodi hatan ba iha preukupasaun bankada oposizaun sira nian pedidu atu husu Xefe Negosiador Fronteira Maritima Xanana Gusmao apresenta relatoriu finaseira, durante halo negosiasaun ba tratadu Fronteira Maritima.

Tuir Xanana Gusmao katak, sobre ba relatoriu finaseiru osan huira maka durante ekipa negosiador sira uza ba halo negisiasaun Fronteira Maritima nee tinan tinan gabinete FM nian semprese apresenta relatoriu nee ba iha parlamentu.

Lider mazimu Aliansa Mudansa ba Progressu (AMP) nee rekonese iha Timor-Leste kona ba kestaun interees nasiona nee difisil atu suporta malu ba interese nasional.

Ba tempu ida nee nia husu ba iha partidu hotu aqtu hamtuk lao hamutuk hodi atinji mehi povu nian.

Natalino Costa | Suara Timor Lorosae

TL-Portugal Hametin Kooperasaun iha área Komunikasaun

Posted: 10 Oct 2018 01:15 AM PDT

DILI, (TATOLI) – Governu Timor Leste no Portugal nafatin iha kompromisu hodi dezenvolve área komunikasaun sosiál.

Sekretáriu Estadu Negósiu Estranjeiru no Kooperasaun ba Asuntu Kooperasaun Servisu Portugal, Teresa Ribeiro ho Sekretáriu Estadu Komunikasaun Sosiál, Mericio Juvinal dos Reis Akara hato’o kompromisu ne’e durante hasoru malu iha Palásiu Governu Dili, ohin.

Omólogu Portuguesa ne’e hateten, iha sorumutu ko’alia kona-ba melora servisu iha área komunikasaun sosiál tanba importante hodi forma sosiedade ida demokrátika.

ʺÁrea ida ne’e iha papél decisivu atu informa ba sidadaun hodi eskola desizaun polítika ho konxiénsia,ʺ dehan, Teresa Ribeiro.

Governu Portugal liuhosi ninia organizasaun sira hanesan RTP, Ajénsia Lusa mós sei servisu hamutuk ho Governu no Ajénsia Notísias Timor Leste (TATOLI) iha área Komunikasaun. Sekretáriu Estadu, Mericio Juvinal dos Reis Akara aumenta, reprezenta Governu da ualu apresia kooperasaun entre nasaun rua ne’ebé la’o ona durante ne’e.

ʺAmi ko’alia kona-ba formasaun lingua Portuguesa ne’e ninia rezultadu positive, segundu ita ko’alia kona-ba kooperasaun entre ajénsia LUSA no TATOLI hahú agora ba oin bele iha kooperasaun, Kooperasaun entre RTTL, ep no RTP,ʺ Governante reforsa.

Nia mós konsidera kooperasaun entre Ajénsia LUSA no TATOLI entremus interkámbiu entre jornalista, apoiu tékniku ba hakerek notísia iha Lian Portuguesa no seluk tan.

Jornalista: Agapito dos Santos | Editór: Manuel Pinto

Imajen: Sekretáriu Estadu Negósiu Estranjeiru no Kooperasaun ba Asuntu Kooperasaun Servisu Portugal, Teresa Ribeiro ho Sekretáriu Estadu Komunikasaun Sosiál, Mericio Juvinal dos Reis Akara ka’er liman durante hasoru malu iha Palásiu Governu Dili, ohin.

Tribunál Tenke Kriminaliza Hahalok Mal Edukadu Hasoru Líder Nasionál

Posted: 10 Oct 2018 01:06 AM PDT

DILI, (TATOLI) – Xefe Estadu Maior Jenerál FALINTIL-Forsa Dezesa Timor Leste (F-FDTL), Lere Anan Timur, apela ba Tribunál tenke kriminaliza ema sira ne’ebé insulta líder nasionál sira liuhusi karikatura.

Hanesan ezemplu, nia esplika, iha loron ida liu-ba, ema edita Primeiru-Ministru, Taur Matan Ruak nia foto depois tau tali ba iha kakorok nomós insulta tan ho liafuan mal edukadu.

“Timoroan balun la respeita no la dignifika líder nasionál sira nia esforsu no sira nia matenek ne’ebé halo Timor-Leste sai ukun-án. Hanesan ezemplu, sira tau tali ba primeiru-ministru nia kakorok hodi tara (publika iha medsos) hanesan mós uluk halo ba Prezidente Lú Olo, Xanana, Ramos Horta no Alkatiri. Ida ne’e ha’u dehan katak laiha edukasaun no morál,” Lere ba jornalista sira iha Palásiu Prezidente Nicolau Lobato, Bairru Pité, kuarta ne’e, hafoin levanta kestaun ne’e ba Prezidente Repúblika, Francisco Guterres Lú Olo.

Tuir nia katak ema ne’ebé halo ida ne’e (edita foto ho defama), dalaruma ema ne’ebé maka uluk lakohi ukun-án, ne’e duni, husu Tribunál tenke kriminaliza tanba ne’e krimi públiku no nia sei atua hahalok ne’e fora hosi lei.

“Ha’u nu’udar elementu seguransa ida nian, ha’u aban bainrua toman ema sira hanesan ne’e, ha’u atua fora hosi lei no ha’u hein para ema kontra ha’u nia desizaun,” eis Komandante Rezisténsia ne’e realsa.

Nia hateten, nia admira tanba buat sira ne’e kona de’it ba sira Rezisténsia Libertasaun Nasionál hanesan Marí, Xanana, Taur no Lú Olo, maibé la halo ba ema seluk.

Jornalista: Xisto Freitas | Editór: Manuel Pinto

Imajen: Xefe Estadu Maiór FALINTIL-Forsa Defeza Timor-Leste (F-FDTL), Majór Jenerál Lere Anan Timur

Mehi no pensamentu polítiku Maun Boot Kay Rala Xanana Gusmão…

Posted: 09 Oct 2018 11:51 PM PDT

…nian no ninia implementasaun iha procesu konstrusaun Estadu

Roger Rafael Soares * | opinião

“Viva Timor-Leste” expresaun ne′ebé Maun Boot Kay Rala Xanana Gusmão, uza bebeik, durante procesu históriku naruk iha autodeterminasaun ba ita nia rain. La trata deit nudar simples frase ida. Maibé, sim, frase ne′ebé nakonu ho firmeza no determinasaun, husi expresaun ida ne′ebé karega ho emosaun bo′ot, sentidu nasionalista, dejezu ne′ebé inkansável atu alkansa direitu ba Timor Leste, konsekuentemente, paz ba ninia povu.

Alkansada ona etapa ida husi mehi Maun Boot nian, Timor Leste hetan independénsia no sai ona nudar Nasaun ida soberana iha mundu. Maibé figura no lideransa Maun Boot nian, iha procesu ba konstrusaun Estadu no Nasaun Timor Leste, sei nafatin inkontornável no desijivu durante tinan senulu resin nen nia laran.

Maun Boot nia mehi agrega objektivu prinsipal rua: hetan ukun rasik an ba Timor Leste, ne′ebé rekoñesidu, internasionalmente, iha loron 20, fulan Maiu, tinan 2002. Dezde momentu ne′eba persiste objektivu segundu, dezenvolvimentu nasional, ne′ebé proporciona ba povu tomak, ho forma ne′ebé justa no hanesan, acesu ne′ebé permite vivencia hodi hetan moris diak ho dignidade no kualidade, iha teritóriu Timor laran tomak.

Nudar instrumentu polítiku husi luta ne′ebé koresponde ba kada objetivu Maun Boot nian, hamosu Conselho Nacional de Resistência Timorense (iha momentu resistensia nia laran) no hafoin, funda no sai nudar prezidente ba Congresso Nacional de Reconstrução Timorense (CNRT) − instrumentu rua ne′ebé hatur iha objetivu ida deit – defesa ba interese nasional no dezenvolvimentu nasional.

Iha kada momentu históriku Timor Leste nian, Xanana Gusmão sempre hatene, ho forma ne′ebé diak no elegante tebes, mobiliza no haforsa unidade nasional, ne′ebé sai nudar motor aranke importante no principal hodi implementa metas no objetivu husi Nasaun no husi Povu.

Duante procesu dezenvolvimentu nasional, Maun Boot sempre proporsiona, ho empenhu ne′ebé boot no maka′as hodi arketekta no hadiak sistema Nasaun nian, ne′ebé sai nudar aliserce importante, no mos meius esenciais ba funcionamentu diak husi sistema demokratiku no seguransa, atu nune′e bele fo solusaun adekuada ba problemas sociais no ekonomikus ne′ebé Nasaun no Povo hasoru.

Iha momentu rejisténsia Maun Boot konta ho partisipasaun povu nian, ohin loron mos, alkansadu tiha ona ukun rasik an, Maun Boot konta nafatin ho povu iha procesu konstrusaun Estadu-Nasaun, ne′ebé koinside tebes ho lema ne′ebé Maun Boot rasik maka designa “ Libertada a Patria e libertemos o Povo”, projetu boot ida ne′ebé exije empenhu, dedikasaun no esforsu atu humutuk ida deit ho povu, hodi fo kontinuidade ba implementasaun Planu Estratejiku Desenvolvimentu Nasional, iha ne′ebé reflete aspirasaun no mehi husi timor ona tomak nian hodi moris iha prosperiedade nia laran.

Ohin, Maun Boot hakerek tan istória foun iha procesu konstrusaun Estadu−Nasaun: Vitória ba Delimitasaun Fronteira Marítima ho ita nia nasaun viziñu, kadoras dada mai Timor Leste − vitórias ne′ebé komprova esforsu no sakrefisiu Maun Boot nian hodi luta atu hasai povu timor tomak husi kiak no mukit nia laran −, komprometidu dunik ho promesas eleitorais iha eleisoens jerais rua ne′ebé liu ba. Ohin mos ita bele afirma katak Maun Boot nudar figura polítika destakada iha país, nunka falha iha ninia kompromisu politiku eleitoral. Politiku sériu no responsável ne′ebé kumpri promesa sira sein reserva, promesas ne′ebé Nia promete duranta kampaña eleitoral. Nune′e, hamutuk ho Maun Boot, ita loke kapítulu foun iha prosesu konsolidasaun Estadu−Nasaun, prosesu ne′ebé hatur iha konkretizasaun ba mehi sira: mehi atu lori dezenvolvimentu humanu no fíziku ba ita nia rain, mehi atu muda povu nia moris, liu husi kriasaun kampu servisu ba joven sira, mehi atu moderniza ita nia rain. Mehi ita hotu nian!

Parabéns Maun Boot, Kay Rala Xanana Gusmão!

Rojer Rafael T. Soares | Ailiili, Manatuto, Timor-Leste

[email protected]

Kazu Sona Mate Carlos iha Hera Ohin, Polisia Kaer tan Na’in 5

Posted: 09 Oct 2018 11:25 PM PDT

DILI: Kazu sona mate Carlos da Costa iha Hera, Munisipiu Dili, iha fulan kotuk sai naruk liu tan no envolve suspeitu barak liu tan. Iha inisiu fulan ne’e polisia kaer ona suspeitu na’in haat, no ohin, Kuarta (10/10), polisia sei kaer tan suspeitu na’in lima (5) seluk.

Ofisial polisia ida ne’ebé lakohi públika ninia identidade informa, iha Tersa (09/10) Polisia Servisu Investigasaun Kriminal Munisipiu Dili simu tan mandadu detensaun husi Tribunal Munisipiu Dili (TMD) hodi halo tan kapturasaun ba joven na’in lima.

Nia dehan, TMD rasik mak indika atu polisia halo kapturasaun ba ema na’in lima seluk relasiona ho kazu omesidu agravadu hasoru Carlos da Costa ne’ebé akontese iha Hera iha 9 Setembru 2018.

“Orden (detensaun) ne’e sei ezekuta iha loron 10 Outubru dader maizumenus tuku 09:00,” informa fonte ne’e horseik.

Ho kapturasaun ba na’in lima ne’e signifika sei iha suspeitu na’in sia mak tuir prosesu justisa ba kazu oho Carlos iha Hera.

Entretantu iha 3 Outubru foin lalais, polisia konsege kaptura suspeitu na’in haat ho inisial FFR, LBG, AG no AC, hafoin simu karta detensaun husi tribunal iha 2 Outubru.

Komandante Polisia Munisipiu Dili, Superintendente Xefe Pedro Belo kapturasaun ba suspeitu na’in haat ne’e ho kooperasaun husi autoridade local, inklui Ofisial Polisia Suku no Konsellu Polisiamentu Komunitariu.

“Tribunal fó karta detensaun iha loron 2 Outubru 2018 husu polisia atu ezekuta orden ida ne’e. Ne’eduni iha 3 Outubru 2018, SIK aranka ba Hera iha oras dader tuku 08:30 hodi lori joven na’in haat ne’e ho karta notifikasaun ne’ebé tribunal fó sai,” informa Pedro Belo iha nia knar fatin.

Nia hatutan, polisia kaptura uluk suspeitu na’in rua, FFR no AC, iha Ailok-Laran, Hera, hafoin kaptura tan LBG no AG iha aldeia Mota Ki’ik, Hera.

Suspeitu ida ho inisial AG, Komandante ne’e informa, bainhira polisia to’o nia uma, suspeitu ne’e iha hela eskola, nune’e polisia husu ba ninia inan-aman atu ba bolu, hafoin polisia kaptura suspeitu refere.

Komandante ne’e dehan tan, SIK halo identifikasaun ba suspeitu sira no tuir mandadu tribunal sira tenke kumpri oras 72 hodi hein prosesu julgamentu.

Tomé Amado | Independente

Indonézia Hakarak Koopera ho TL Promove Setór Turizmu Arte-Kultura

Posted: 09 Oct 2018 11:25 PM PDT

BELU: Liu husi Festival Cross Border Tourism Governu Indonézia hakarak atu koopera ho Governu Timor-Leste hodi promove setór turizmu no arte-kultura entre rai rua ne’e.

Kultura populasaun Indonézia, liuliu sira ne’ebé lokaliza iha área fronteira terrestres Timor-Leste nian laiha diferensa dook, tanba ne’e nu’udar eventu ida hodi hametin nafatin lasu amizade populasaun rai rua ne’e nian.

Nune’e, kooperasaun ne’e inisia atu atrai turista husi estranjeiru, nune’e bele fó benefísiu ba nasaun viziñu rua ne’e através eventu arte-kultura no mós turizmu lokál.

Governu Indonézia rasik kria atividade Festival Cross Border Tourism ho alvu ida oinsá atu dada atensaun turista nasaun viziñu sira hanesan Timor-Leste no Austrália hodi hametin setór turizmu.

Ministru Turizmu Indonézia, Arief Yahya, ne’ebé partisipa diretamente iha eventu ne’e hateten, kooperasaun bilaterál Indonézia ho Timor-Leste iha área ne’e foka liu ba setór turizmu no arte-kultura.

“Kultura Belu no Timor-Leste laiha diferensa dook ne’ebé bele sai lasu entre nasaun rua ne’e hodi hametin mós kooperasaun iha setór komérsiu no investimentu”, dehan Ministru Yahya, bainhira partisipa Festival Cross Border iha Simpang Lima, BeluAtambua, Nusa Tenggara Timur (NTT), foin lalais ne’e.

Tuir nia, bainhira relasaun povu ho povu la’o di’ak ona, automatikamente sei eleva kooperasaun iha área sira seluk. Ne’e duni, presiza atu hahú husi setór turizmu no arte-kultura nian.

La’ós ne’e de’it, tuir planu, sei promove mós sport tourism (desportu turizmu) nian iha área fronteira. Nune’e, populasaun iha nasaun rua ne’e bele esplora mós area desportu sira.

Iha vizita ne’e Ministru Turizmu Indonezia mos inaugura Destinasi Digital no Abertura Festival Wonderful Indonesia, iha Tasi-Ibun Rai Henek Mutin, Suku Kenebibi, Atapupu.

Festival Cross Border Tourism tama ba kategoria 100 wonderful event CoE 2018 hala’o iha Belu-Atambua, Nusa Tenggara Timur (NTT) durante loron rua (4-5/10) ho eventu oioin, hanesan Festival Fulan Fehan no mós konsertu Cross Border, ne’ebé harame husi kantora Indonesian Idol 2017, Maria Simorangkir, artista lokál no mós dansa kulturál.

Entretantu, Administradór Distritu Belu-NTT, Willybrodus Lay hateten, eventu lubuk ida ne’ebé hala’o iha Belu-Atambua nu’udar maneira ida hodi hametin lasu amizade entre populasaun viziñu iha nasaun rua ne’e.

Tanba ne’e, Governu Indonézia kontinua konvida nafatin populasaun Timor-Leste nian atu hola parte mós iha eventu hirak ne’e hala’o iha fronteira rai rua ne’e nian.

Atu hametin lasu amizade ne’e, Governu Indonézia mós hanoin ona oinsá koopera ho Governu Timor-Leste atu kria atividade desportu turizmu. Prinsipalmente sei envolve área desportu sira hotu hodi bele atrai mós turista sira husi estranjeiru.

Área hirak ne’ebé Indonézia hakarak atu haree hamutuk ho Timor-Leste maka oinsá bele hamutuk hodi haree hikas mekanizmu burokrasia atu hakat husi fronteira, ne’ebé durante ne’e bele mós sai hanesan dezafiu ida atu atrai turista sira.

Eujevio da Silva | Independente

You are subscribed to email updates from TIMOR AGORA.
To stop receiving these emails, you may unsubscribe now.
Email delivery powered by Google
Google, 1600 Amphitheatre Parkway, Mountain View, CA 94043, United States