timor agora 28.3.18

TIMOR AGORA

Lamentavel Inan Kastigu Oan Bebe Inosente
Branco: Mari-XG Lase Kotuk Ba Malu
Prezidente Repúblika Hahí Profisionalizmu PNTL
PNTL-F/FDTL Kordenadu Asegura EA
Tempu Badak, Sei Halo Termu Entrega Ba Aeroportu Suai
GMN TV | Jornal Nacional Kalan
AMP Ezije Governu Aprezenta Relatoriu ODD, Alkatiri: ” Hau Laaprezenta Ba AMP”
Lu Olo: “Hau Sei Hakbit Institusaun PNTL”
PR timorense promulga decreto-lei sobre estatuto Conselho Combatentes
Timor-Leste: Nem todos os carpinteiros têm a mesma sorte

Lamentavel Inan Kastigu Oan Bebe Inosente

Posted: 27 Mar 2018 08:05 AM PDT
DILI – Lamentavel inan Rasik kastigu oan sei bebe, kazu nee triste tanba halo violasaun hasoru bebe inosente.

Tuir Deputada CNRT Carmelita Moniz katak, lamentavel inan rasik kastigu ona sei ebbe, mezmu deputada nee seidauk haree ho matan rasik ba video neebe inan kastigu oan, maibe hahalok nee tama iha violensia domestika, ameasa ba labariik minoridade, i ida nee iha agravasaun no mos iha kodiku penal mos iha gravasaun ba tortura neebe inan rasik no familia rasik halo ba labarik kiik oan.

“Relasiona ho kazu inan kastigu nia oan sei bebe, ita haree kazu neebe triste no lamentavel tebes, sa tan dehan labarik nee sei bebe,” katak Carmelita ba jornalista Segunda (276/03/2018) iha PN.

Nia hatutan, tenke haree ba kondisaun ba inan psikolojika, saude no mos tenke haree ba responsabilidade husi aman ba oan. Nunee mos responsabilidade laen ba oan. Mezmu ida nee haketak husi krime, maibe responsabilidade nudar aman ba oan tenke iha.

Guilhermina Franco | Suara Timor Lorosae

Branco: Mari-XG Lase Kotuk Ba Malu

Posted: 27 Mar 2018 08:00 AM PDT
DILI – Oras nee ema balu hatete Mari Alkatiri ho Xanana Gusmao se kotuk ba malu maibe nee laloos, tanba Alkatiri kaer metin unidade nasional. Enkuantu Partidu Politiku (PARPOL) balu halo konsolidasaun lauza programa, maibe uza figura hodi hatete sira mak luta liu.

Husi prinsipiu ida nee ami fiar katak Sekjer Mari hakarak fo liman ba malu tuir rezultadu eleisaun 2017, neebe husi povu rasik mos hakarak lider nasional, politikamente hamutuk fo liman ba malu hodi ukun ita nia rain, balu iha governu, iha PN sai opozisaun, maibe hotu-hotu nia objetivu atu fo liman ba malu hodi hadia povu nia moris,” katak Xefe Bankada Fretilin Francisco Branco ba jornalista iha PN, Tersa, (27/03/2018).

Nia dehan, ema balu hatete iha media katak Xanana Gusmao ho Mari Alkatiri se kotuk ba malu, maibe lae tanba Sekjer Fretilin sei kaer metin nafatin prinsipiu unidade nasional, atu ema hotu hamutuk hodi dezenvolve nasaun, no hahu luta ba libertasaun hasai povu husi kiak no mukit.

Iha fatin hanesan Xefe Bankada PLP, Fidelis Magalhaes hatete, objetivu konsolidasaun AMP konsolida atu hametin no hadia estadu, atu asegura rikusoin TL nian.

Notisia kompletu lee iha jornal edisaun Kuarta, (28/03/2018)

Guilhermina Franco | Suara Timor Lorosae

Prezidente Repúblika Hahí Profisionalizmu PNTL

Posted: 27 Mar 2018 06:22 AM PDT

DILI, (TATOLI) – Prezidente Repúblika, Francisco Guterres Lú Olo, hakarak hahí esforsu no profisionalizmu membru Polísia Nasionál Timor-Leste (PNTL) tanba lor-loron tau án iha risku laran hodi garante seguransa no moris hakmatek ba timoroan hot-hotu.

“Ami hotu hatene katak ita boot sira fó án tomak, ho haraik án no domin mak ita boot sira hala’o serbisu atu kumpri misaun fó seguransa ba hot-hotu. Dala barak ita boot sira sakrifika án, fó hakmatek ba ita nia rain no ami mós bele moris ho laran metin no hakmatek, iha ami nia hela fatin ka iha fatin ne’ebé de’it”, Xefe Estadu hato’o liuhusi ninia diskursu iha aniversáriu PNTL ba dala-18 ne’ebé hala’o iha Akademia Polísia Komoro, tersa ne’e.

Nia hateten ho laran haksolok bainhira haree PNTL la’o ba oin ho espíritu serbisu hamutuk ho populasaun no hatutan populasaun sente membru PNTL sira nia prezensa no serbisu maka’as atu serbí sidadaun hot-hotu.

Prezidente Repúblika hatutan violénsia no inseguransa sai preokupasaun boot tebe-tebes ba sidadaun no ba ukun na’in sira iha Estadu demokrátiku.

Iha tinan hirak foin liubá no iha tinan ne’e, Lú Olo haktuir númeru krime sa’e ba beibeik iha Timor-Leste, liu-liu krime hanesan violénsia fízika ka baku ema iha uma laran ka liur, violénsia seksuál, asidente viasaun no kaer karreta maibé laiha lisensa.
Hirak ne’e akontese, tuir nia tanba laiha edukasaun sívika natón no laiha oportunidade empregu barak, liu-liu ba klosan balun ne’ebé moris iha sidade laran nomós tanba problema sosiál sira seluk tan.

“Nu’udar país pós-konflitu, ita bele dehan buat sira ne’e hotu mak fó dalan ba krime sira ne’ebé kria instabilidade ba ita nia seguransa”, argumenta.

Haree ba sosiedade ne’ebé nakonu ho difikuldade oi-oin no ba mundu ida ne’ebé nakfilak-án maka’as no ba beibeik, Xefe Estadu afirma PNTL tenke iha kapasidade atu hatán ba ambiente seguransa foun ne’ebé mosu dadaun ne’e.

Nune’e mós polísia tenke iha meius atu antesipa, akompaña no haree oinsá hatán ba situasaun krime, oinsá hatán ba ameasa no risku ba ema nia seguransa no rikusoin.

“Estratéjia seguransa iha ita nia rai laran tenke hatuir Konseitu Estratéjiku ba Defeza no Seguransa Nasionál ne’ebé aprova foin lalais ne’e, hodi haklaken kompeténsias Forsa no Serbisu Seguransa nian iha ámbitu sistema Seguransa Nasionál. Bainhira presiza, Forsa Seguransa bele simu tulun hosi Forsa Defeza atu garante seguransa interna, tuir hanoin, prinsípiu komplementaridade no regra instituisaun rua nian”, tenik.

“Ha’u hakarak akompaña prosesu hadi’a no moderniza Forsa no Servisu Seguransa nian, hamutuk ho órgaun soberania sira seluk. Nune’e, ha‘u sei buka hakbit instituisaun sira seluk atu serbisu hamutuk, haforsa di’ak liután seguransa iha Timor-Leste atu ema hotu bele haree momoos liután katak ita iha duni sistema seguransa di‘ak ida”, salienta.

Atu bele hasees país hosi situasaun inseguransa, Lú Olo dehan polísia presiza iha rekursu umanu no finanseiru no presiza mós sosa ekipamentu di’ak liu no harii infra-estrutura sira ne’ebé bele hatán ba situasaun inseguransa.

Jornalista: Xisto Freitas | Editora: Rita Almeida
Imajen: Prezidente Repúblika, Francisco Guterres Lú Olo, bainhira hato’o diskursu iha tinan PNTL ba dala 18 iha Sentru Formasaun Komoro, ohin. Foto Antonio Gonçalves

PNTL-F/FDTL Kordenadu Asegura EA

Posted: 27 Mar 2018 06:20 AM PDT

DILI, (TATOLI) – Major Jenerál, FALINTIL-Forsa Defeza Timor-Leste (F/FDTL), Lere Anan Timur informa, Polisia Nasionál Timor-Leste (PNTL) ho F/FDTL sei koordena di’ak liu tan hodi garante pás no estabilidade hosi períodu kampaíña to’o realizasaun eleisaun antisipada.

“Kooperasaun F/FDTL no PNTL sira sei koopera nafatin no servisu hamutuk atu bele asegura estabilidade tantu kampaíña to’o eleisaun,” Lere Anan Timur hato’o iha akademia PNTL, Komoro, ohin.

Povu, tuir Lere mak sai autór ba pas no estabilidade tanba ne’e, husu atu povu kontinua kolabora ho autoridade seguransa no defeza hanesan PNTL ho F/FDTL hahú hosi períodu kampaíña to’o realizasaun eleisaun antisipada.

“PNTL ho F/FDTL intervein kuadu iha problema, povu no lider mak tenke garante seguransa, lider sira tenkii evita liafuan insulta,” Lere fó hanoin.

Ba PNTL, Jenerál fitun rua ne’e husu atu mantein profisionalizmu no aumenta formasaun rekursu umanus ba membru PNTL sira.

Aleinde ida ne’e, governu mós tenke kria tan kondisaun para PNTL sai profisionalizmu liu tan hanesan F/FDTL. Aumenta tan polisia komunitáriu hodi habesik liu tan seguransa ba povu.

Entretantu relasiona ho loron ohin PNTL komemora aniversáriu ba dala 18, jenerál F/FDTL ne’e lori instituisaun F/FDTL nia naran hato’o parabéns ba instituisaun PNTL no agradese ba governu ho PNTL tanba kondekora Jenerál Lere.

“Kondekorasaun ne’e la’ós ba ha’u, Lere, maibé ba instituisaun F/FDTL tanba durante ne’e instituisaun rua ne’e mak kria komunikasaun, koordenasaun servisu hamutuk di’ak tebes, tanba ne’e, mak sira (PNTL) rekoñese hodi kondekora ha’u nu’udar komandante forsa armadas,” Lere Anan Timur haktuir.

Jornalista:Agapito dos Santos | Editór : Manuel Pinto

Imajen: Prezidente Repúblika kondekora Major Jenerál, FALINTIL-Forsa Defeza Timor-Leste (F/FDTL), Lere Anan Timur iha selebrasaun aniversáriu PNTL ba dala XVIII, ho tema “PNTL Prontu Hametin Estabilidade no Pás ba Povu no Rai Doben Timor-Leste”

Tempu Badak, Sei Halo Termu Entrega Ba Aeroportu Suai

Posted: 27 Mar 2018 05:52 AM PDT

DILI, (TATOLI) – Aeroportu Suai ne’ebé inagura ona iha tinan kotuk, tempu badak sei halo termu entrega husi kompañia ne’ebé kaer obra ne’e tanba investór mak hakarak uza fasilidade aeroportu.

“Ita hein fulan rua hanesan ne’e bele halo ona termu entrega para investór sira bele uza fasilidade aeroportu”, tenik Vise-Ministru Dezenvolvimentu ba Transporte no Komunikasaun, Inácio Moreira, ba jornalista sira iha Palásiu Governu, segunda (26/3).

Nune’e, Governante ne’e hasoru Xefe Governu hodi koordena ho ekipa husi project management unit atu finaliza aeroportu suai hodi fó aluga fasilidade ba investór sira.

Alende ne’e, nia haktuir enkontru ohin ko’alia mós kona-ba estensaun kontratu ba kontratór no konsultór ne’ebé halo hela konstrusaun aeroportu Suai hafoin efetua pagamentu nesesáriu tuir progressu konstrusaun.

Administrasaun Navegasaun Aériu Timor-Leste (ANATL-Air navigation Administration of Timor-Leste) ne’ebé hanesan jestór ba aeroportu mak sei prepara kontratu ba investór ne’ebé hakarak investe.

Antes ne’e, Empreza Northerm Oil & Gas Australia (NOGA) akompaña husi Vise-Ministru hasoru Primeiru-Ministru hodi ko’alia fasilidade ne’ebé kompañia ne’e atu uza iha aeroportu hodi halo esplorasaun ba minarai.

Alende halo investimentu iha aeroportu, kompañia ne’e sei rekruta timoroan hodi servisu iha ninia empreza. Nune’e mós sei servisu hamutuk Ministériu Saúde hodi transporta ema moras iha área ba kapitál rurál uza helikoptru.

Entretantu, iha loron 20 juñu 2017 Prezidente Repúblika, Francisco Lú Olo, inagura ona aeroportu ne’e.

Obra konstrusaun aeroportu ne’e hahú iha loron 30 maiu 2014, konstrui husi kontratór PT Waskita Karya (Persero), Tbk ho montante US$67,691,189.85, durasaun servisu loron 1163 no hetan fiskalizasaun husi konsultan Jurutera Perunding Zaaba.

Jornalista: Julia Chatarina | Editora: Rita Almeida

Imajen: Aeroportu Kay Rala Xanana Gusmão Suai. Foto Tatoli

GMN TV | Jornal Nacional Kalan

Posted: 27 Mar 2018 03:38 AM PDT

AMP Ezije Governu Aprezenta Relatoriu ODD, Alkatiri: ” Hau Laaprezenta Ba AMP”

Posted: 27 Mar 2018 02:57 AM PDT

DILI – Primeiru Ministru Mari Alkatiri deklara sei lalori relatoriu orsamentu dua desimu ba deputadu Aliansa Maioria Parlamentar sira, tanba Parlamentu Nasional disolve tiha ona.

AMP Lareprezenta buat ida ona, tanba Parlamentu Nasional disolve tiha ona, nee duni hau laaprezenta relatoriu ba AMP,” dehan PM Mari ba jornalista sira, hafoin remata serimonia aniversariu PNTL ba dala XVIII, iha Akademia PNTL Comoro, Dili, Tersa, (27/03/2018).

Iha biban nee mos Xefi Governu dehan, konaba dezenvolvimentu neebe lao iha rai laran positivu, maibe dala barak ema dehan neneik, mais Timor Leste foin dizaseis anus, klaru ke iha kestaun balu tenke resolve.

Iha parte ketak Ministru Planu Finansas, Rui Gomes hateten, VII Governu Konstitusional ejekuta tiha ona orsamentu dua desimu sentu vinte dois miloens iha fulan Janeiru to Febreiru, agora sei hela pur volta sentu kurenta miloens de dolar Amerikanu.

Notisia kompletu lee iha jornal edisaun Kuarta, (28/03/2018)

Carme Ximenes | Suara Timor Lorosae

Lu Olo: “Hau Sei Hakbit Institusaun PNTL”

Posted: 27 Mar 2018 02:45 AM PDT

DILI – Prezidente Republika Fransisco Luolo hatete, nia parte sei servisu hamutuk ho orgaun soberania hotu, instituisaun hotu iha TL atu buka oinsa para hakbiit diak liu tan seguransa iha Timor Leste.

Hau hakarak akompana prosesu hadia no moderniza Forsas no Servisus Seguransa nian, hamutuk ho orgaun soberania sira seluk. Nunee hau sei buka hakbit instituisaun sira seluk, atu servisu hamutuk, hodi haforsa diak liutan seguransa iha Timor Leste, atu ema hotu bele haree momos liutan katak, ita iha duni sistema seguransa diak ida,” dehan nia liu husi nian deskursu, bainhira partisipa seremonia aniversariu institusaun PNTL nian ba dala XVIII, iha Akademia PNTL Comoro, Tersa, (27/3/2018).

Nia dehan, seguransa hahu ho prevensaun. Atu bele hasees pais husi situasaun inseguransa, Polisia presiza iha rekursus umanus no finanseirus. Presiza mos sosa ekipamentu diak, no harii infra-estrutura sira neebe bele hatan ba situasaun inseguransa. Iha organizasaun neebe deit, ema mak rekursu ho valor boot liu.

Notisia kompletu lee iha jornal edisaun Kuarta, (28/03/2018).

Natalino Costa | Suara Timor Lorosae

PR timorense promulga decreto-lei sobre estatuto Conselho Combatentes

Posted: 27 Mar 2018 02:25 AM PDT

Díli, 26 mar (Lusa) – O Presidente da República timorense anunciou hoje que foi promulgado o decreto-lei sobre o estatuto do Conselho de Combatentes da Libertação Nacional, que se espera passe a ser o órgão central de todas as associações de veteranos de Timor-Leste.

Segundo informou hoje o gabinete da Presidência da República, o diploma, que foi promulgado no passado dia 21, “define a estrutura, os objetivos e as competências do Conselho de Combatentes”.

O novo conselho, refere uma nota da Presidência, pode “juntar todos os veteranos para, em conjunto, continuarem a contribuir para o desenvolvimento nacional”.

O Conselho é “uma associação de direito público, passando a constituir o órgão central de todas as associações de veteranos de Timor-Leste” e um órgão de consulta do Governo para os assuntos dos veteranos.

Em comunicado, a Presidência explica que o chefe de Estado Francisco Guterres Lu-Olo promulgou o diploma “porque deseja seriamente envolver os veteranos no processo de desenvolvimento nacional e contribuir, através do referido Conselho, para o processo de melhoria da vida dos veteranos”.

Uma primeira versão do diploma foi vetada pelo chefe de Estado em 2017 por considerar haver “várias dúvidas sobre disposições do referido diploma, ligadas a aspetos de constitucionalidade e legalidade.

Na ocasião, explica agora o Presidente, não assinou o decreto-lei “por desejar um diploma legal com boa qualidade para prevenir o surgimento de problemas práticos de aplicação”.

“O Presidente da República espera que todas as entidades públicas e as componentes privadas se empenhem conjuntamente para concretizar o sonho de todos nós – incluindo dos veteranos que durante muitos anos se dedicaram completamente à causa da Independência – de sentirmos verdadeiramente os frutos da Independência”, refere o comunicado.

A promulgação, explica ainda, “é parte do cumprimento do compromisso político do Presidente da República de pôr em foco durante o seu mandato a questão dos Combatentes da Libertação Nacional e da Luta dos Veteranos pela Independência”.

ASP // PJA

Timor-Leste: Nem todos os carpinteiros têm a mesma sorte

Posted: 27 Mar 2018 02:25 AM PDT
Nesta altura pensei que eu estava enganado, afinal, nem todos os carpinteiros têm a mesma sorte

João Luís Gonçalves | DN Madeira

A sorte de uns é o azar de outros.

Num dia, em novembro de 2002, em Timor-Leste, ao viajar com uns amigos de Díli para Liquiçá, à entrada desta localidade visitámos uma carpintaria que ali se encontrava ao lado direito da estrada. No estabelecimento havia móveis velhos para consertar e alguns novos (camas, armários, mesas, cadeiras, etc.), até estavam a construir dois barcos de pesca a partir de troncos. O dono do estabelecimento, senhor José da Silva, disse-nos que trabalhava com os familiares e não tinha mãos a medir, tal era o volume de trabalho.

Com a guerra de 1999, em Timor-Leste, calcula-se que cerca de 80% das casas foram total ou parcialmente destruídas. Por este motivo eu pensei que a atividade de carpinteiro era uma das mais prósperas em Timor-Leste. Aliás, em Díli foi visível o aparecimento de muitas carpintarias nos primeiros três anos de independência.

Carpinteiro de caixões

Num outro dia, ao passar junto a uma carpintaria de caixões, em Bidau, junto à casa do senhor Bispo, caixões de vários tamanhos estavam expostos na berma da estrada para venda.

Qual a minha surpresa quando, ao conversar com o carpinteiro, Marcelino Sarmento, este disse que “o negócio estava fraco”. Na verdade, com o fim dos massacres, regresso da paz e melhores condições de vida, o negócio dos caixões caiu a pique.
Nesta altura pensei que eu estava enganado, afinal, nem todos os carpinteiros têm a mesma sorte.

Negócios da paz e da guerra

A sorte oposta destas duas carpintarias é o espelho do que se passa com a paz e a guerra. Alguns ganham com a guerra, como os carpinteiros de caixões, mas o povo perde com a guerra e muito ganha com a paz. A sorte de uns é o azar de outros.
You are subscribed to email updates from TIMOR AGORA.
To stop receiving these emails, you may unsubscribe now. Email delivery powered by Google
Google, 1600 Amphitheatre Parkway, Mountain View, CA 94043, United States

Please follow and like us:
error