timor agora 26.3.18

TIMOR AGORA

PR Husu Kria Pas No Establidade Iha EA
GMN TV | Jornal Nacional Kalan - direto
Xefe Suku Timor Laran Sei Vizita ZEESM
Grupu Organizasaun Rezisténsia Apoiu Xanana-Taur
GMN TV | Jornal Nacional Meiu Dia

PR Husu Kria Pas No Establidade Iha EA

Posted: 25 Mar 2018 04:07 AM PDT

DILI – Atu hametin pas no estbalidade iha kampana no eleisaun antisipada (EA)neebe besik dadauk ona maka, Prezidente Republika (PR), Francisco Guterres Lú Olo halo telekonferensia ho autiridade lokal, veteranus no komunidade husi rejiaun oeste mak hanesan Munisipiu Liquiça, Ermera no Bobonaru.

Tuir Prezidente da REepublika Francisco Guterres Lú Olo katak, iha dialogu ho Auturidade lokal sira nee hodi fo hanoin no promove konaba hametin estabilidade no pas iha tempu kampana nomos eleisaun antesipada mai, tanba auturidade lokal sira maka hatene liu situsaun kondisaun real neebe akontese iha baze, no liu husi telekonfrensia nee PR bele rona direta povu nia preokupasaun liu husi Auturidade lokal sira.

“Hau hanoin liu husi dialogu ida nee espera katak, sidadaun hotu husi parte neebe deit bele rona no kompriende diak konaba topiku neebe Prezidente halo liu husi telekonferensia, katak atu garante pas no establidade iha kampana nomos iha eleisaun antisipada neebe sei monu iha tempu badak nia laran,” dehan PR Lú Olo iha Palaciu Prezidensial Bairro Pite Dili, bainhira halo dialogu ho Auturidade lokal Munisipiu tolu liu husi telekofrensia Sesta (23/03/2018).

Prezidente Republika mos sauda ba povu tomak neebe matenek no halo tuir knar estadu nian hodi kumpri duni bain hira tama ba eleisaun, nafatin kria pas no establidade atu nunee prosesu tomak ba elisaun nee bele lao diak, no forma governu hadia povu nia moris no hadia mos dezenvolvementu iha nasaun Timor Leste ho diak.

Iha fatin hanesan liu husi Letelekofrensia Administrador Bobonaro Jeferino dos Santos mos hatutan, tinan halo elisaun dala tolu hanesan elisaun ba Prezidente da Republika, elisaun ba Parlamentu Nasional no elisaun suku sempre lao ho susesu, tanba povu agora nee hatudu ona sira nia matenek tanba nee, kria duni pas no establidade.

Madalena Horta | Suara Timor Lorosae

GMN TV | Jornal Nacional Kalan – direto

Posted: 25 Mar 2018 03:36 AM PDT

Xefe Suku Timor Laran Sei Vizita ZEESM

Posted: 25 Mar 2018 03:35 AM PDT

VIQUEQUE, (TATOLI) – Governu liuhusi Ministériu Estatál sei konvida xefe suku sira iha Timor laran tomak atu vizita Rejiaun Administrativu Espesiál Oe-Cusse Ambenu (RAEOA) iha tempu besik.

Primeiru Ministru, Marí Alkatiri deklara asuntu ne’e liuhusi Konsultasaun Programa Sétimu Governu Konstitusionál iha edifísiu Administrasaun Munisípiu Viqueque, Kinta ne’e, hafoin responde autoridade lokál sira nia preokupasaun kona-ba dezenvolvimentu iha sira nia munisípiu hakdasak liu kompara ho Oe-Cusse.

Objetivu vizita Oe-Cusse, Xefe Governu esplika, atu observa direta progresu dezenvolvimentu Zona Espesiál Ekonomia Sosiál Merkadu (ZEESM).

“Xefe suku sira bele hetan referénsia ruma hosi dezenvolvimentu Oe-Cusse, nune’e sira dezenvolve sira nia munisípiu bainhira akontese transferénsia podér ba munisípiu iha tempu oin mai,” Marí esplika.

Autoridade lokál sira hosi Munisípiu Viqueque husu Governu atu aplika mós ZEESM iha Viqueque no munisípiu sira seluk.

Primeiru Ministru hatán, ZEESM ne’e ba de’it zona espesiál ne’ebé dook hosi munisípiu 12 hanesan Oe-Cusse, maibé modelu dezenvolvimentu ZEESM ne’e bele habelar ba munisípiu sira seluk iha Timor laran.

“Depende Governu foun ne’ebé mai. Karik FRETILIN manán iha eleisaun antesipada 12 Maiu mai ne’e, sei aplika Polu Dezenvolvimentu iha munisípiu 12 ho nia referénsia maka Oe-Cusse,” Marí esklarese.

Jornalista: Xisto Freitas | Editór: Manuel Pinto

Imajen: Mapa Oekusi. Foto espesiál

Grupu Organizasaun Rezisténsia Apoiu Xanana-Taur

Posted: 25 Mar 2018 03:56 AM PDT

DILI, (TATOLI) – Grupu sira hanesan; Santo António, 12 Novembru lidera hosi Abesi, PSHT, Eis Falintíl, eis petisionáriu, sete-sete, cinco-cinco, Juventude loriku Movimentu, Kolimau, Fitun, THS-THM, Kera Sakti, Bua Malus, intelektuál UNTL, Kamponeza, deklara apoiu Kay Rala Xanana Gusmão ho Taur Matan Ruak hodi hetan vitória iha Eleisaun Antisipada (EA).

“Ema hamutuk na’in 500, hosi grupu sira hanesan; Santo António, 12 Novembru lidera hosi Abesi, PSHT, Eis Falintil, eis petisionáriu, grupu sete-sete, grupu cinco-cinco, Juventude loriku Movimentu, Kolimau, Fitun, PHM, Kera Sakti, grupu Bua Malus, intelektuál hosi UNTL, Grupu Kamponeza, mai atu apoiu, Aliansa ba Mudansa Progresu (AMP),” Sekretariu Jerál Partidu CNRT, Francisco Kalbuady Lay fó sai iha nia intervensaun, iha Diálogu Maun Boot Kay Rala Xanana Gusmão ho Forsa Polítika Sira Ne’ebé Apoia AMP, iha Salão Katedrál, Sábadu (24/03).

Iha fatin hanesan Reprezentante Grupu Santo Antonio deklara; “Ami hosi Santo Antonio, prontu apoiu maun boot Kay Rala Xanana, ho maun boot Taur Matan Ruak. Iha eleisaun Antisipada.”

Grupu Mate Restu, 12 Novembru, Antes halo deklarasaun loke ho espanduk ho liafuan “Komisaun Independente Pesoál Mate Restu 12, Novembru 1991, Apoiu XARUA (Xanana-Taur).”

“Ami pro-Xanana-ho Taur, Naimori. sei servisu makas iha baze atu fó votu ba maun na’in tolu atu hetan vitória iha Eleisaun Antisipada, atu nune’e, Maun Boot Xanana hakotu ona funu ba libertasaun nasionál.”

Hosi parte PSHT deklara, “Ami ran no isin lolon Timoroan, ami mai iha ne’e suporta maun boot na’in rua, maibé la’ós lori organizasaun, maibé reprezenta membru sira ne’ebé uluk apoiu rezisténsia.”

“Ami sei apoiu maximal para depois AMP bele manan EA, husu ba Maun Boot atu reativa artemarsias ne’ebé mate ona,” nia husu.

Reprezentante Grupu arte ritual 77 mós deklara, “Ami nia grupu hamutuk atu reforsa maun Xanana-Taur Matan Ruak, tanba, ami uluk terus ne’e tanba de’it maun Xanana ho Maun Taur nia naran.”

Ennkuantu Prezidente Orgaun Oitu, Afonso Rangel husu ba grupu sira ne’ebé deklara ona atu apoiu AMP hodi manan EA, labele deklara de’it iha Maun Boot Xanana nia oin, maibé tenke servisu makas hodi nune’e, Maun Xanana ho Taur Matan Ruak manan iha eleisaun antisipada.

“Oportunidade ohin di’ak. Tanba organizasaun hotu-hotu mai réafirma pozisaun atu apoiu total ba AMP, ne’ebé lidera hosi Maun Boot, Xanana, Matan Ruak, no mós maun Naimori. Razaun fó apoiu AMP tanba prosesu seidauk hotu,” Afonso deklara.

Jornalista: Zezito Silva | Editór: Manuel Pinto

Imajen: Kay Rala Xanana Gusmão, hakuak veterana ida iha Diálogu ho forsa politika sira ne’ebe apoiu AMP, iha Salão Katedrál, Dili, 24/04. Foto : Tatoli/Zezito Silva

GMN TV | Jornal Nacional Meiu Dia

Posted: 25 Mar 2018 03:16 AM PDT
You are subscribed to email updates from TIMOR AGORA.
To stop receiving these emails, you may unsubscribe now. Email delivery powered by Google
Google, 1600 Amphitheatre Parkway, Mountain View, CA 94043, United States

Please follow and like us:
error