timor agora

TIMOR AGORA

Mariña Xina Tulun Asisténsia Médika ba Timor-Leste
Informasaun FRETILIN la simu proposta CNRT, deside ba opozisaun lalos
Forma Saida Mak Governu-Dahituk Konsentra Hodi Reforsa Kooperasaun Internasionál?
Karta Xanana Ba PM Alkatiri Nu’udar Kompadre
PJR-KAK Lansa Livru Jornalizmu Investigativu
Violensia Domestika ‘Dezeña’ Tribunal Lorloron
Liga Árabe konvoka reuniaun emerjénsia hodi ko'alia estatutu Jeruzalén nian
Ativista sira hosi Amnistia Internasional denunsia violasaun ba direitu hosi ema metan sira iha Brazil
Papa defende manutensaun hosi estatutu Jeruzalén nian
Vladimir Putin anunsia katak nia kandidatu ba prezidensial rusu tinan 2018
Lú Olo: Dialogu No Konstitusaun Dalan Solusiona Politika
AIFAESA Sei Fo Sansaun Ba Kompana Fabrik Es Krim
Parlamentos lusófonos defendem maior cooperação entre membros da CPLP
Timor-Leste: breve crónica de uma turbulência não anunciada
UE adopta lista metan hosi paraízu fiskal hamutuk 17 ne'ebé inklui Makau
Asesu ba kontraseptivu modernu sira iha nasaun kiak sira aumenta maibé sei dook hosi objetivu
Opozisaun Sei La-Retira Mosaun Sensura
Timor Sei La Iha Krize Tan
Hadi’ak Servisu ADN Alkatiri Hein Xanana
Ró Ida Husi Best Sea Foods Hetan Kaer Husi Indonézia

Mariña Xina Tulun Asisténsia Médika ba Timor-Leste

Posted: 06 Dec 2017 08:48 PM PST

DILI, (TATOLI) – Ró Ospitál Mariña, Repúblika Populár Xina, ho naran ARCA DA PAZ sei vizita Timor-Leste (TL) hodi fó asisténsia médika ba populasaun, veteranu, Polísia Nasionál Timor-Leste (PNTL), Falintil-Forsa Defeza Timor-Leste (F-FDTL), família no seluk tan, husi loron 14 to´o 21 dezembru 2017.

“Ró ospitál ne´e sei mai ho médiku ka doutór espesialista ba moras oi-oin,” ministru defeza no seguransa, José Agostinho Siqueira “Somotxo” anunsia liuhusi karta avizu, Ministériu Defeza no seguransa ho nú. ref: 119/GabMDS/XII/2017, redasaun Ajénsia TATOLI asesu, kuarta (06/12) loro-kra´ik.

Médiku espesialista moras li´ur no laran mak hanesan iha, surgery, clinical medicines, traditional chinese medicine, acupuntura and moxibution, medical imaging diagnosis, stomatology medicine, dermatology, medical examination no seluk tan no ho ai-moruk nomós ekipamentu oi-oin.

Ró Ospitál Mariña, Repúblika Populár Xina, ho naran ARCA DA PAZ ne´e iha sala operasaun walu (rua ba operasaun kuidadu intensivu no neen ba operasaun jerál).

“Médiku ho ró lubuk ida hamutuk ho ita-nia médiku sira husi Hospital Nasionál Guido Valadares, F-FDTL no PNTL sei fó konsulta ba ema hotu ne´ebé mak hakarak halo konsulta ba saúde durante loron hirak nia ne´e nia laran,” refere karta avizu ne´e.

Ajenda ka programa ba konsulta hanesan

Kinta, 14 dezembru 2017;

Tuku 14:30 (loro-kra´ik), hahú tratamentu ba veteranu sira (liu-liu sirurjia/operasaun hasai kilat-musan ka estillasu iha isin, másimu ema na´in 30) ne´ebé ezamina, selesiona no rekomenda husi HNGV (Hospitál Nasionál Guido Valadares).

Tanba ne´e, ba veteranu sira ne´ebé hakarak hasai kilat-musan ka estillasu diriji uluk ba HNGV, divizaun asuntu veteranu hodi halo ona rejistu. Rejistu hahú loron 11, 12 no 13.

Sesta, 15 dezembru 2017;

Konsulta ba populasaun. Dader tuku 08:00 to´o tuku 11:00 no loro-kraik tuku 14:00-17:00, iha Portu Díli.

Kontinua tratamentu ba veteranu sira ne´ebé rekomenda husi HNGV (sirurjia/operasaun hasai kilat-musan ka estillasu), hahú tuku 09:00 dader, iha Portu Díli.

Sábadu, 16 dezembru 2017;

Konsulta ba populasaun. Dader tuku 08:00 to´o tuku 11:00 no loro-kraik tuku 14:00-17:00, iha Portu Díli.

Sei halo mós konsulta ba populasaun iha Ataúro (sei uza elikoptéru tula médiku, ekipamentu no ai-moruk). Hahú tuku 08:00 to´o tuku 11:00 no loro-kraik tuku 14:00-17:00, iha Ataúro.

Domingu, 17 dezembru 2017;

Konsulta ba populasaun. Dader tuku 08:00 to´o tuku 11:00 no loro-kraik tuku 14:00-17:00, iha Portu Díli.

Sei halo mós konsulta iha embaixada Xina iha Díli, liu-liu ba populasaun sira besik embaixada hanesan Kampu Alor no Ai-tarak laran. Hahú tuku 08:00 to´o tuku 11:00 no loro-kraik tuku 14:00-17:00, iha embaixada Xina.

Sei halo konsulta ba populasaun iha Ataúro. Hahú tuku 08:00 to´o tuku 11:00 no loro-kraik tuku 14:00-17:00, maibé sei konfirma loos iha, 16 dezembru.

Segunda, 18 dezembru 2017;

Konsulta ba populasaun. Dader tuku 08:00 to´o tuku 11:00 no loro-kraik tuku 14:00-17:00, iha Portu Díli.

Sei halo mós konsulta ba militár F-FDTL ho família no PNTL. Hahú tuku 08:00 to´o tuku 11:00 no loro-kraik tuku 14:00-17:00, iha Ministériu Defeza no Kuartel Jenerál F-FDTL, Fatuhada, Díli.

Tersa, 19 dezembru 2017;

Konsulta ba populasaun sei halo iha dader de´it. Hahú tuku 08:00 to´o tuku 11:00, iha Portu Díli.

Konsulta ba F-FDTL no PNTL. Hahú tuku 14:00 to´o tuku 17:00.

Kuarta, 20 dezembru 2017;

Konsulta ba F-FDTL no PNTL sei halo iha dader de´it. Hahú tuku 08:00 to´o tuku 11:00, iha fatin hanesan.

Entretantu, prezensa ró ospitál husi Repúblika Populár Xina mai Timor-Leste, ho naran ARCA DA PAZ ne´e, tanba konvite husi Timor-Leste hodi realiza misaun umanitária. Nune´e, bele hametin liutan relasaun entre instituisaun defeza no povu nasaun rua nian, Timor-Leste no Xina.

Vizita ró ospitál militár ARCA DA PAZ ne´e nu´udar vizita dahuluk mai iha Timor-Leste.

Jornalista: Rafy Belo | Editór: Manuel Pinto

Informasaun FRETILIN la simu proposta CNRT, deside ba opozisaun lalos

Posted: 06 Dec 2017 08:38 PM PST
XANANA la husu saláriu ba VII Governu

Sekretariu Jeral Partidu Congresso Nacionál de Recontrução Timorense (CNRT) Francisco Calbuady Lay, hatete, CNRT rejeita informasaun ne’ebé espalla iha media sosial katak, CNRT ba opozisaun tanba FRETILIN la simu proposta rekomendasaun ba pozisaun tolu hanesan Ministériu Finansa, Rekurusu Minerais no Ministériu Planeamentu Investimentu Estratéjiku (MPIE), tamba ne’e laloos.

Sekretariu Jeral Partidu CNRT, Francisco Calbuady Lay, esplika, informasaun ne’ebé espalla katak, CNRT ba opozisaun tanba FRETILIN la simu proposta rekomendasaun ba pozisaun tolu ne’e lalos no laiha baze fundamental.

“Antes ne’e, Prezidente Partidu CNRT Kay Rala Xanana Gusmão hato’o proposta rekomendasaun ne’e, CNRT hili nanis atu sai opozisaun iha Parlamentu Nasional tanba lamanan maioria,”haktuir Francisco Kalbuadi Lay, liu hosi konferensia imprensa ne’ebé hala’o iha sede nasionál CNRT, Bairo sentral Dili, Tersa (05/12/2017).

Nia rekoñese katak, Prezidente Partidu CNRT rekomenda duni proposta ba pozisaun tolu nian, atu hodi apoiu ba VII Governu konstitusional, hodi halo kontinua ema hirak ne’ebé iha nanis esperiensia ba pozisaun tolu refere, hanesan individual para apoiu, la’os reprezenta partidu, tanba partidu sai opozisuan.

“Ha’u rasik (Kalbuadi) tuir prosesu negosiasaun ne’e to’o remata, no desizaun husi ami-nia konferensia deside tiha ona katak pozisaun CNRT nian mak hanesan opozisaun, segunda vez, iha fali enkontru ne’ebé FRETILIN hahú, iha altura ne’e partisipa mós husi Maun Bo’ot Kay Rala Xanana Gusmão, iha ne’eba ami hala’o negosiasaun ida kapaaz tebes, husi partidu FRETILIN husu mai se bele partisipa mezmu opozisaun, ou bele apoiu hanesan insidensial, ha’u rasik ho maun bo’ot husu kedas karta ofisial ida, para ami bele haree saída mak ami bele kontribui iha konstrutivu sétimu governu ne’e, karta ne’ebé ami husu la mai to’o agora, depois ne’e maun bo’ot mak hakerek duni karta ida ba Dr. Marí Alkatiri, nu’udar maun alin, no karta ida ne’e hanesan pessoal, ne’ebé maun bo’ot husu duni postu hira, maibe la’os ba kuadru CNRT nian, husu ba de’it iha sira ne’ebé mak durante tinan hirak servisu ekipa hamutuk ho maun bo’ot iha Governu dalima no neen nian, katak iha tékniku hira maka maun bo’ot considera merese bele kontribui ba boa governasaun no sustentabilidade ba iha futuru, ida ne’ebé maun bo’ot husu mak MPIE, Ministério ne’ebé uluk maun bo’ot kaer, no finansa, para bele assegura sistema ne’ebé maka harí tiha ho didiak, no Sr. Alfredo Pires maun bo’ot husu nia kontinua nia pozisaun tanba negosiasaun Fronteira Marítima sei la’o hela no atu to’o ona rohan, sebele Alfredo ho nia ekipa bele kontinua servisu nafatin iha parte petroleum, nune’e bele halo negosiasaun to’o iha rohan,”esplika Kalbuadi.

Kalbuadi informa tan, karta ne’e Xanana rekomenda rasik, maibe to’o agora lahetan reposta husi FRETILIN, maibe la’os orbigasaun.

“Iha karta maun bo’ot nian mós hateten dehan, ida ne’e proposta, sekarik simu, prontu, la simu mós la’os origasaun. tanba kuadrus CNRT husi inisiu hateten ona katak opozisaun, maibe depois iha enkontru ida entre Prezidente repúblika ho maun bo’ot Xanana no Marí, ha’u (Kalbuadi) rasik akompaña, maske ha’u la akompaña ba liu laran, maibe maun bo’ot rasik mak informa mai ha’u katak, iha enkontru refere, maun dehan se Estadu prontu apoiu nia parte sei hala’o nia servisu ba Fronteira Marítima to’o rohan, maibe la husu salariu ba Estadu, karik governu konsidera nia servisu, fo de’it perdiam (osan la’o nia_red) para bele halo servisu refere, maibe tanba la fo fatin tolu ne’e maka mosu opozisaun ne’e laloos, tanba mosu AMP ne’e mosu situasional no insidensial iha negosiasaun,”haktuir Francisco Lay.

Sorin seluk, Prezidente Bankada FRETILIN, Francisco Branco, hateten, informasaun ne’e tebes ka lae, bainhira Prezidente Partidu CNRT, Kay Rala Xanana Gusmão to’o iha Timor mak bele hatene realidade loloos. Say

GMN TV | Grupo Média Nacional

Forma Saida Mak Governu-Dahituk Konsentra Hodi Reforsa Kooperasaun Internasionál?

Posted: 06 Dec 2017 12:14 PM PST
Dezafius no Oportunidade

Hosi: Ambrósio Dias Fernandes (Rósio)* | opiniaun

Sétimu governu konstitusionál simu posse iha 15 Setembru 2017, hosi S.E Prezidente da Repúblika Dr. Francisco Guterres Lu-olo, hafoin S.E Dr. Mari Alkatiri sai Primeiru Ministru, S.E Dr. Aurélio Guterres nu’udar Ministru Negósiu Estranjéiru no Kooperasaun ba mandatu 2017-2022. Governu ofisialmente hahú dadaun servisu balun no sei aprezenta tan programa governu ba dala-rua ba Parlamentu Nasionál, iha biban ne’e hakerek-nain hakarak fó énfaze liu ba programa Ministériu Negósiu Estranjéiru no Kooperasaun (MNEK) nian, oinsá sétimu governu bele buka forma ne’ebé apropriadu atu reforsa no konsolida kooperasaun internasionál. Konstituisaun Timor-Leste artigu 8 no 115 fó kompeténsia tomak ba Governu, liu-hosi desizaun Konsellu Ministrus ba aprovasaun polítikas jerais molok MNEK ezekuta planus no polítika estérna Timor-Leste nian. Planu Estratéjiku Dezenvolvimentu Nasionál (PEDN 2011-2030) hatu’ur mós prinsípiu ba polítika estérna hodi estabelese relasaun mútua ho ema no nasaun hotu-hotu, liu-liu nasaun viziñu sira hanesan Austrália, Indonézia, ASEAN, CPLP no Ázia Pasífiku (A Million Friends and Zero Enemies).

Depoizde Prezidente Repúblika promulga tiha Dekretu Lei Númeru 35/2017, Lei Orgânica Do VII Governo Constitucional, hakerek-nain konxiente katak, governu atuál hasoru dezafiu oin-oin kona-ba impasse polítika ne’ebé seidauk remata, klaru ida ne’e sei afeta ba ideas no polítikas ne’ebé hakerek-nain aprezenta, maibe fiar katak governu atuál ka futuru governu bele tau iha konsiderasaun.

Dezafius Atuais Ministériu Negósiu Estranjeiru no Kooperasaun (MNEK)
MNEK hosi 2017-2022 sei infrenta dezafius balun ne’ebé pertinente, hakerek-nain hakarak konsentra liu ba problemas xave tolu (3) ne’ebé sai mós maior dezafiu ba efisiénsia no efikásia servisu no misaun MNEK nian mak hanesan menus rekursus umanus kualifikadu no kompetente. Desde ministériu ne’e hari’i iha 2001, bazeia ba dadus ne’ebé Sr. Eis-Ministru Hernani Coelho aprezenta ba ajénsia Tatoli katak total funsionáriu ministériu refere hamutuk ema 255 no 100 resin mak servisu nu’udar tékniku administrasaun. Realidade hatudu katak Timor-Leste menus kareira diplomata atu halo rotasaun iha ministériu laran nomós destaka ba Timor-Leste nia embaixada sira iha rai-liur, to’o 2016 Timor-Leste konsege estabelese ona Embaixada iha nasaun 28 no konsuladu 4 (Tuir tarjetu PEDN nian, to’o tinan 2030, sei kompleta Timor-Leste nia Embaixada ba nasaun 30).

Aleinde ne’e, desde restaurasaun independénsia iha 20 Maiu 2002 too agora, MNEK mós seidauk konsege estabelése grupu tékniku permanente no pontu fokál hosi kada liñas-ministeriais ne’ebé reprezenta hosi Diretór Jerál ka Vice-Ministru atu haree ba kestaun detallus implementasaun akordus internasionais, protokolus no MoU iha âmbitu kooperasaun internasionál nivél bilaterál no multilaterál. Problemas fundamentais ba Timor-Leste iha tinan 15 ikus ne’e maka kada ministériu asina no halao rasik kooperasaun bilaterál ne’ebé iha ligasaun ba área servisu sira nian, maibé laiha koordenasaun di’ak ho MNEK nu’udar ministériu ne’ebé lidera asuntu kooperasaun internasionál no polítika estérna Timor-Leste nian. Iróniku liu, ministériu refere mós seidauk konsege estabelese mekanismu ruma hodi halibur dadus hotu-hotu kona-ba implementasaun akordus hirak ne’e no la-konsege partilla no transmite informasaun hirak ne’e ho entidades relevantes, tuir lolos MNEK presiza iha informasaun detallus kona-ba akordu kooperasaun internasionál hira mak asina no implementa ona? Hira mak seidauk? Tamba Saida maka la-implementa, sá fatór mak kontribui? Pergunta hirak ne’e esensiál atu bele atuáliza nafatin informasaun hodi halo diálogu regular no permanente ho parseirus dezenvolvimentu sira (doadores).

Iha era globalizadu hanesan ohin loron, interasaun sosiál no kria espasu ba komunikasaun entre instituisaun estadu ho sidadaun sira, ne’e elementu ida ne’ebé esensiál iha prosesu konstrusaun estadu, iha kontestu ne’e hakerek-nain foka liu ba Website MNEK, desde 2001 to’o agora seidauk dezenvolve Website hodi atuáliza informasaun ba públiku, kona-ba progresu, oportunidade no dezafiu ne’ebé ministériu hasoru. Dalaruma MNEK halao servisu barak no di’ak, maibé tan deit laiha espasu atu transmite ba públiku, sidadaun bele jeneraliza prestasaun servisu ministériu ladun-másimu.

Oportunidade no Solusaun Ba Ministériu Negósiu Estranjeiru no Kooperasaun (MNEK)

Lideransa foun MNEK nian S.E Ministru Aurélio Guterres no S.E Vice-Ministra Adalgiza Magno, lori mós esperansa foun, vizaun foun, esperiénsia foun liu-liu iha âmbitu diplomásia no polítika estérna Timor-Leste nian, iha sira nain-rua nia kba’as atan-ha’u sujere forma balun atu responde dezafiu atuál ministériu refere nian ne’ebé ha’u sita ona iha leten hodi prioritiza durante mandatu.

Primeiru, aselera implementasaun Regime Transição Decreto do Governo Nº 4/2017, no Estatutu Kareira Diplomátika Decreto-Lei Nº 23/2016, ba funsionáriu MNEK ne’ebé prenxe ona rekezitus, hodi komesa klasifika dadaun funsionáriu atuál ba kategoria kareira diplomátika no funsionáriu tékniku administrasaun, ho nune’e ba futuru bainhira MNEK iha nesesidades ba rekursus umanus hodi reforsa institusionál, presiza separa rekrutamentu ba funsionáriu tékniku administrasaun no funsionáriu kareira diplomátika por meritokrásia, esperiénsia profisionál no kompeténsia atu nune’e evita indisius ba KKN durante prosesu rekrutamentu. Liu hosi meius ne’ebé mensiona iha leten, sei fasilita tebes lideransa MNEK nian atu koloka funsionáriu ba formasaun rai-laran ka rai-liur bazeia deit ba kada funsionáriu nia kompeténsia no kna’ar lor-loron nian, hodi hasa’e koñesimentu, hanoin krítiku no esperiénsia profisionál hodi reforsa dezenvolvimentu institusionál atu asegura efisiénsia no efikásia diplomásia no polítika estérna Timor-Leste nian ne’ebé sei lori rezultadu pozitivu mai ita hanesan nasaun foun iha Sudeste Aziátiku.

Segundu, MNEK presiza konsolida dadaun rekursus umanus atuál iha ministériu refere hodi estabelese no instala grupu tékniku permanente no koordena ho liñas-ministeriais hotu-hotu ka pontu fokál sira (reprezenta hosi Diretór Jerál ka Vice Ministru) hodi komunika ho MNEK regularmente, bainhira kada ministériu asina-rasik akordus bilaterais, protokolus no MoU sira. Ho nune’e ministeriu ida ne’e iha dadus kompletu kona-ba akordu hotu-hotu, hodi kontinua follow-up nia progresu, rezultadu no obstákulu.

Terseiru, MNEK presiza duni dezenvolve Website ida hodi públika atividades hotu-hotu ministériu refere nian. Iha era sékulu 21 agora ne’ebé globalizadu no dijitalizadu liu, instituisaun estadu mos presiza esforsu-an atu adapta ba fenómena foun, ho website sei fasilita mós informasaun detallus ba sidadaun no públiku sira hodi iha interasaun sosiál ne’ebé ativu no konstrutivu ba prosesu dezenvolvimentu nasionál. Nu’udar ejemplu, Ministériu Finansas iha website ne’ebé modernu tebes hodi promove informasaun ba atividades importante hotu-hotu ne’ebé ministériu refere halao. Aleinde ida ne’e, iha mós NGO lokál balun ne’ebé promove sira nia organizasaun no atividade liu-hosi website. Tanba ne’e, esensiál tebes ba MNEK hanesan órgaun estadu ne’ebé responsavel ba polítika internasionál, kooperasaun internasionál no polítika estérna Timor-Leste nian hodi promove no haburas interasaun sosiál iha nível nasionál no internasionál.

Atu konklui, nu’udar nasaun foun, instituisaun estadu ne’ebé nurak iha prioridades barak ne’ebé ejizi atu halao. Maibé atan-ha’u rekomenda ba lideransa MNEK nian atu konsidera no prioritiza faktus ba dezafius no solusaun ne’ebé ha’u-atan aprezenta liu-hosi artigu ne’e. Ha’u ho firmeja katak dezafiu sira ne’e presiza seriedade hosi estadu, liu-liu MNEK nian atu rezolve molok Timor-Leste adere ba ASEAN iha tinan hirak oin mai. Ha’u iha esperansa katak, se asuntu hirak ne’e konsidera antes, Timor-Leste sei tama ba ASEAN ho instituisaun sira ne’ebé sólidu, preparadu hodi implementa akordu internasionál sira no iha mehi atu lori benefísiu diréta mai ita nia nasaun iha nível polítiku, ekonómiku, sósio no kulturál.

*Ambrósio D. Fernandes (Rósio) – Nu’udar Political Specialist iha Embaixada Estados Unidos America, Dili, Timor-Leste. Artigu ida ne’e opiniaun pesoál no la-reprezenta kualker instituisaun ida.

Referénsia:
1 – Konstituisaun RDTL.
2 – Planu Estratéjiku Dezenvolvimentu Nasionál Timor-Leste nian (PEDN 2011-2030).
3 – Rejime Tranzisaun Decreto Governu Nº 4/2017.
4 – Estatutu Kareira Diplomátika Decreto-Lei Nº 23/2016.
5 – Programas Sétimu Governu Konstitusionál nian.
6 – Dekretu Lei Numeru 35/2017, Lei Orgânica Do VII Governo Constitucional
7 – Agéncia Notícia Tatoli (Timor-Leste News Agency, Tatoli)

Photo Credit: Ministry of Finance (TLDPM)

Karta Xanana Ba PM Alkatiri Nu’udar Kompadre

Posted: 06 Dec 2017 11:41 AM PST
DILI, (TATOLI) – Primeiru Ministru Sétimu Governu Mari Alkatiri rekoñese katak Prezidente Partidu CNRT, Kay Rala Xanana Gusmão hakerek karta ida ba nia, maibé karta ne’e Xanana hakerek hanesan kompadre.

Ho ida ne’e nu’udar kompadre ba Xanana Gusmão, Mari Alkatiri sei hein nia kompadre Xanana to’o iha Timor mak sira na’in rua ko’alia ba malu.

“Karta nee segredu entre ha’u ho Xanana Gusmão. Karta husi kompadre ida ba kompadre seluk entre ami na’in rua mak hatene, ami rua sei ko’alia bainhira hasoru malu,” Primeiru Ministru Dr. Mari Alkatiri informa ba jornalista sira iha selebrasaun natal ksolok no tinan foun 2018 governu ho korpu diplomátiku sira, iha Lauhata, Likisá, Kuarta (06/12).

Biar nune’e, Prezidente Bankada Fretilín, Francisco Branco, antes ne’e dehan sai, karta ne’ebé mak Xanana Gusmão hakerek ba Primeiru Ministru nia konteúdu mak primeiru, Xanana hato’o ba nia kompadre katak bele ukun ba maibé husik nafatin ministru finansas, ministru Obras Públika no Telekomunikasaun ho Ministru Rekursu Minarais ba governante antigu alias eis membru governu V ho VI nian.

“Lahatene se maka hateten ida nee, maibé ne’e surat cinta (karta amor) ne’ebé Prezidente Partidu CNRT Xanana Gusmao hakerek ba Sekretáriu Jerál partidu Fretilín ami mós rona ida nee dehan ukun ba, maibé tenke husik nafatin Ministru Finansas maka Santina Cardoso (Eis Ministra Finansas), MOPTK (Ministru Obras Públika no Telekomunikasaun) maka Gastão Sousa (Eis-Ministru) no Ministru Rekursu Minarais maka Alfredo Pires (Eis Ministru),” Vise Prezidente Partidu Fretilín Francisco Branco, informa ba STL, iha Parlamentu, Segunda (04/12/2017).

Maibé, Branco haree katak tanba Fretilín la tuir ezijénsia hosi Xanana Gusmão mak ikus mai iha Parlamentu Nasionál opozisaun sira hamosu Bloku ne’ebé Aliansa Maioria Parlamentár (AMP) no realidade hatudu AMP konsege halo rejeisaun ba programa governu bainhira Primeiru Ministru aprezenta iha Parlamentu Nasionál.

Iha parte seluk Sekretáriu Jerál CNRT, Francisco Kalbuady konsidera informasaun ne’ebé espalladu katak Prezidente CNRT, Kay Rala Xanana Gusmão husu kargu tolu ba Primeiru Ministru ne’e la los.

Laloos mós, bainhira Fretilín konsidera, tanba Fretilín la responde karta Prezidente CNRT mak ikus mai hamosu AMP iha Parlamentu Nasionál.

“Ami husu la konsege mai. Maibé maun Xanana atu ba asina akordu rai li’ur (momentu ne’ebá) entaun nia hakerek duni karta ida ba Dr. Mari Alkatiri nu’udar nia irmaun no karta ne’e dirije ba hanesan pesoál no maun boot husu duni postu hira maibé la’ós ba CNRT nia kuadru no ba de’it iha sira ne’ebé durante tinan barak iha V no VI governu katak iha tékniku na’in hira mak merese bele kontribui ba boa governasaun iha futuru,” Kalbuady konta tuir.

Hodi fó hanoin katak uluk CNRT ho Fretilín halo negosiasaun ida kapás tebes bainhira atu forma governu, iha tempu ne’ebá Fretilín husu ba CNRT atu partisipa mezmu iha opozisaun maibé bele apoiú hanesan insidénsia iha Parlamentu.

Tanba ida ne’e, ikus mai CNRT husu ba Fretilín se bele haruka karta ofisiál ida ba CNRT atu CNRT haree saida mak CNRT bele kontribui konstrutivu iha governasaun ne’e. maibé antes Fretilín fó karta tanba Xanana nu’udar Prezidente Partidu CNRT sei halo viajen ba Kopenhagen hodi atende kazu fronteira Marítima nian iha loron 22 Agostu nune’e iha loron 20 Xanana manda karta ida ba aktual Primeiru Ministru (momentu ne’e nu’udar sekretáriu jerál Fretilín) iha loron 20 Agostu, ne’ebé ikus mai dehan husu kargu ne’e.

Maibé, tuir loloos iha karta ne’e tuir Kalbuady nia entendimentu, Xanana so hato’o proposta de’it.

“Asuntu proposta, se karik simu di’ak liu no lakohi mós la iha obrigasaun maibé karik bele tékniku sira didi’ak bele simu ba hodi partisipa iha VII Governu,” Kalbuady konta tuir konteúdu balun hosi karta Xanana nian ba nia kompadre Dr. Mari Alkatiri.

“Mosu AMP ne’e labele fó kulpa ba ema ida maibé oinsá mak bele armonia situasaun ne’e ho responsabilidade ho sentidu estadu atu ema hotu bele hakmatek.”

Jornalista: Agapito dos Santos & Zezito Silva | Editór: Manuel Pinto

Foto Espesial

PJR-KAK Lansa Livru Jornalizmu Investigativu

Posted: 06 Dec 2017 11:32 AM PST
DILI, (TATOLI) – Prokuradór Jerál Repúblika, José Ximenes inklui autoridade prevensaun no kombate KKN (Korrupsaun, koluzaun no nepotizmu) lansa módulu treinamentu jornalizmu investigativu, prodúz husi CEPAD-Sentru Estudu ba Dame no Dezenvolvimentu, ne´ebé utiliza iha treinamentu ba jornalista sira, durante loron tolu, 19-21 Setembru 2017.

Módulu ho títulu Habiit Koñesimentu Mídia ba Prevene Korrupsaun iha Timor-Leste ne´e, lansa iha Salaun Delta Nova, Dili, Kuarta (06/11), iha ámbitu komemorasaun loron mundiál ba korrupsaun, sei monu iha Sábadu (09/12), organiza husi CEPAD, Husi Ita Ba Ita.

Hafoin lansamentu, módulu ne´e entrega diretamente ba reprezentante jornalista, husi mídia imprime no eletrónika, la inklui Ajénsia Notísias Timor-Leste-TATOLI no online, www. Tafara.tl.

Módulu treinamentu jornalizmu investigativu ne´e kompostu husi pájina 34 ho konteúdu hanesan; definisaun korrupsaun, impaktu korrupsaun, instituisaun xave ba kombate korrupsaun, papél mídia iha jornalizmu investigativu.

Nune´e mós, téknika kobertura investigativu ba korrupsaun, kódigu étika jornalista, informasaun saida mak públiku bele asesu no labele asesu, ezemplu kobertura investigativu ba korrupsaun nó mós prátika hakerek lead news ba features.

Autór pakote treinamentu ba jornalizmu investigativu ne´e mak konsultór independente, komunikasaun negósiu-étika, Gerardus Nuba Biban no konsultór independente no jornalista senior, Otelio Ote.

Kontribuisaun mós husi ekipa CEPAD, koordenadora programa KKN, Ivonia Pinto Tsia, peskizadora programa KKN, Adelaide Lopes Sarmento no asistente peskizadór, Abílio Tilman.

Entretantu, elaborasaun módulu treinamentu ne´e ho objetivu atu apoia jornalista sira nu´udar meius ida atu habiit koñesimentu públiku liuhusi reportajen ba kazu korrupsaun ne´ebé loloos no kredivel ba públiku atu bele asesu liuhusi mídia espesífiku jornál sira.

Enkuantu, prosesu dezenvolve módulu treinamentu ne´e, hahú iha Fevereiru 2017, CEPAD liuhusi ekipa audio-vizuál hetan malu ho ema xave sira iha instituisaun mídia hodi diskute kona-ba nesesidade ba abilidade (skill) no treinamentu ba jornalista sira hodi hala´o kobertura kona-ba asuntu korrupsaun.

Prosesu ba hamosu módulu treinamentu ne´e, liuhusi mós faze peskiza dokumentu, teste ba instituisaun relevante sira hodi integra mós ho konsultór sira-nia hanoin molok hato´o treinamentu inklui konkorda ba prosesu treinamentu no finalizasaun ba módulu ne´e hafoin treinamentu.

Jornalista: Rafy Belo | Editór: Manuel Pinto

Foto: Prokuradór Jerál Repúblika (PJR), José Ximenes. Foto Tatoli/Egas Cristovão

Violensia Domestika ‘Dezeña’ Tribunal Lorloron

Posted: 06 Dec 2017 11:01 AM PST
DILI: Violensia ne’ebé akontese entre feto no mane hanesan la hotu hela de’it. Ida ne’e bale hatudu liu husi audensia julgamentu ne’ebé Tribunal Distrital Dili hala’o lorloron.

Tuir dadus ne’ebé iha, kuaze lorloron TDD sempre halo julgamentu ba kazu violensia domestika.

Prezidente Asosisaun Mazislatura Judisiariu Timor-Leste (AMJTL), Antonino Goncalves konsidera kazu violensia domestika ne’e mosu barak tanba ekonomia uma laran no deskonfia malu.

Tuir nia, uluk kazu violensia domestika ladun maibé daudauk ne’e kazu ne’e barak tebtebes ona. “Violensia domestika uluk kuaze ladun maibé agora ne’e barak demais ona. Kazu violensia (domestika) tama mai iha tribunál ne’e tanba ekonomia uma laran, deskonfia malu,” dehan Prezidente AMJTL ne’e iha nia knar fatin, TDD, Tersa (05/12).

Kazu barak, nia dehan, mosu tanba mane sira la tau-atensaun ba nia feen no oan sira.

“Dala-ruma mós labarik sira aman la fó asistensia. Inan husu osan, aman la fó, aman lori osan ba fakar iha fatin seluk, ida ne’e mak hamosu diskusaun hodi baku malu,” dehan Antonino.

Iha parte seluk, Diretór Ezekutivu JSMP Luis de Oliveira Sampaio dehan, dezde lei violensia domestika ne’ebé tama vigor iha 2010, kuaze lorloron tribunal julga kazu violensia domestika.

Molok tinan 2010, nia dehan, iha mós kazu violensia domestika barak, maibé kazu hirak ne’e para de’it iha polisia.

“Iha tinan 2016 ami monitoriza kazu violensia domestika (hamutuk) kazu 957,” dehan Luis.

Martinha Gumão | Independente

Liga Árabe konvoka reuniaun emerjénsia hodi ko’alia estatutu Jeruzalén nian

Posted: 06 Dec 2017 10:46 AM PST
Iha loron-kuarta ne’e Liga Árabe konvoka ona reuniaun emerjénsia ida hosi ministru sira Negósiu Estranjeiru sira hosi rejiaun ne’e hodi ko’alia kona-ba intensaun Estadus Unidus nian hodi rekoñese Jeruzalén hanesan kapital Israel nian.

Konvokasaun hosi reuniaun ne’e husu hosi Jordánia, hafoin pedidu ida hosi Palestina, no hafoin Prezidente Estadus Unidus nian, Donald Trump, komunika ba líder árabe balun nia hanoin hodi muda nia embaixada hosi Telavive ba Jeruzalén.

Trump telefone ona iha loron-tersa ne’e ba liurai-mane Abdullah II hosi Jordánia, ba prezidente ejípsiu, Abdelfatah al Sisi, no ba prezidente hosi Autoridade Palestinianu nian, Mahmud Abbas, hodi hatete ba sira kona-ba desizaun ne’ebé karik sei halo ofisial iha loron-kuarta ne’e iha tuku 13:00 oras lokal.

Liga Árabe hatudu iha loron hirak ikus ne’e nia preokupasaun ho intensaun hosi Estadus Unidus, hodi konsidera katak bele “estraga prosesu tomak dame nian” no reprezenta ameasa ida ba seguransa no estabilidade iha Palestina no iha rejiaun.

Tuir fonte diplomátiku ida, ne’ebé haktuir hosi ajénsia France-Presse, reuniaun hosi Liga Árabe sei hala’o iha loron-sábadu.

Donald Trump karik sei anunsia iha loron-kuarta ne’e desizaun hodi muda embaixada, ne’ebé agora daudaun iha Telavive, hodi sai hanesan nasaun dahuluk ne’ebé maka halo asaun ne’e.

Desizaun ne’e hetan ona krítika internasional oioin no nasaun barak, hanesan Fransa, Reinu Unidu, Xina ka Portugal, hatudu ona tauk ba konsekuénsia sira, liuliu aumentu ba violénsia nian.
SAPO TL ho Lusa

Ativista sira hosi Amnistia Internasional denunsia violasaun ba direitu hosi ema metan sira iha Brazil

Posted: 06 Dec 2017 10:39 AM PST
Ativista sira hosi Amnistia Internasional konsentra, iha loron-kuarta ne’e, iha Ministériu Justisa Brazil nia oin hodi protesta hasoru violasaun sira ba direitu ema nian hosi populasaun metan, maioria iha nasaun.

“Ami eziji direitu ba moris livre ida hosi prekonseitu sira no violénsia”, hatete iha dokumentu ida ne’ebé entrega hosi Amnistia Internasional ba Ministériu Justisa, hodi haktuir relatóriu oioin ne’ebé retrata nível aas hosi violénsia ne’ebé maka ema metan no mulatu sira hetan, ne’ebé reprezenta besik 55% hosi populasaun brazileiru.

Tuir informasaun sira ne’e, joven metan sira hamutuk rihun 23 resin ema oho tinan-tinan iha nasaun, ekivale ba 70% hosi ema sira ne’ebé lakon nia moris iha asaun sira violénsia nian.

Dokumentu eziji atu Governu Brazil “konfronta ho korajozu rasizmu estrutural no institusional” ho “polítika públika sira integradu ho seguransa públika, edukasaun, kultura, serbisu no mobilidade urbanu”, tanba populasaun metan mós hanesan ida ne’ebé maka terus liu ho pobreza, dezempregu no falta habitasaun honestu ka ho serbisu báziku sira.

Diretora hosi Amnistia Internasional iha Brazil, Jurema Werneck, hatete ona katak dokumentu ne’ebé entrega ba autoridade sira hosi Ministériu Justisa brazileiru nian iha asinatura hamutuk 63.132 ne’ebé hetan liuhosi plataforma online ida no reprezenta “sentimentu maioritáriu hosi sosiedade brazileiru”.

Tuir Werneck, Estadu brazileiru iha “dever” hodi “valoriza no prezerva moris” hosi populasaun metan nian no garanti “seguransa no integridade fíziku tomak, mental no moral hosi juventude metan sira” iha nasaun.

SAPO TL ho Lusa

Papa defende manutensaun hosi estatutu Jeruzalén nian

Posted: 06 Dec 2017 10:28 AM PST
Papa Francisco husu ona, iha loron-kuarta ne’e, respeitu ba estatutu Jeruzalén nian no “sabedoria ho prudénsia”, iha tempu ne’ebé Prezidente Estadus Unidus nian prepara hodi rekoñese sidade hanesan kapital Israel nian.

“Ha’u labele hakmatek ho ha’u nia preokupasaun maka’as hasoru situasaun ne’ebé maka mosu iha loron hirak ikus ne’e” kona-ba Jeruzalén, papa hatete no la haktuir diretamente anúnsiu hosi Donald Trump.

“Ha’u husu ba ema tomak atu kompromete hodi respeita estatutu sidade nian, konforme ho rezolusaun sira hosi ONU”, nia subliña durante audiénsia semanal, ba fiar-na’in millaun resin, iha Vatikanu.

Papa fó hanoin katak “Jeruzalén hanesan sidade úniku ida, lulik ba ema judeu sira, ba ema kristaun sira no ba ema musulmanu sira, ne’ebé iha fatin ne’e adora fatin lulik sira ba sira nia relijiaun ida-idak, no nia iha vokasaun espesial ida ba dame”.

“Ha’u husu ba Maromak atu identidade ne’e sei prezerva no reforsadu, hodi iha benefísiu ba Rai Santa, hosi Médiu Oriente no mundu tomak, no destaka sabedoria ho prudénsia, hodi evita mosu elementu tensaun foun sira iha panorama mundial ne’ebé violentu ona no marka ona ho konflitu aat barak”, nia hatete.

Tuir responsável sira hosi administrasaun norte-amerikanu, ne’ebé lakohi hatete sira nia identidade, katak Trump sei rekoñese Jeruzalén hanesan kapital Israel nian, iha anúnsiu ne’ebé marka ba tuku 13:00 (oras lokal).

Bainhira konfirma desizaun ne’e, Estadus Unidus sei sai hanesan nasaun úniku iha mundu ne’ebé maka rekoñese Jeruzalén hanesan kapital Israel nian.

SAPO TL ho Lusa

Vladimir Putin anunsia katak nia kandidatu ba prezidensial rusu tinan 2018

Posted: 06 Dec 2017 10:24 AM PST
Prezidente rusu, Vladimir Putin, anunsia iha loron-kuarta ne’e katak sei kandidata aan ba mandatu dahhat iha prezidensial sira ne’ebé previstu ba loron 18 Marsu 2018 iha Rúsia.

“Ha’u anunsia ha’u nia kandidatura ba kargu prezidente Rúsia nian”, Putin hatete durante enkontru ida ho operáriu sira hosi fábrika automóvel GAZ iha Nijni Novgorod, iha Volga, ne’ebé transmiti diretu hosi televizaun.

“Ha’u hetan fatin di’ak ida no momentu di’ak ida” ba anúnsiu, nia hatete, no operáriu sira basa-liman maka’as.

Vladimir Putin kumpri ona mandatu prezidensial rua susesivu, entre tinan 2000 no 2008. Hafoin ne’e, tanba konstituisaun bandu hodi kandidata fali, nia kaer knaar sira nu’udar primeiru-ministru bainhira aliadu Dmitri Medvedev, iha kargu prezidente nian, aumenta mandatu prezidensial ba tinan neen. Iha tinan 2012, bainhira Medvedev hakotu nia mandatu, Putin kandidata fali no eleitu fali nu’udar prezidente.

Ho taxa ida popularidade 80%, Putin, iha poder durante tinan 17 nia laran, iha vitória ne’ebé metin ona. Bainhira manán, sei kaer poder to’o tinan 2024.

Loron eleisaun sei marka ofisial hosi Konsellu Federasaun, kámara alta hosi parlamentu rusu, entre loron 07 no 17 Dezembru.

“Kandidatu veteranu sira” hosi tinan hirak ikus ne’e – líder komunista Guenadi Ziuganov, ultranasionalista Vladimir Jirinovski no liberal Grigori Iavlinski – anunsia ona intensaun hodi kandidata fali.

Hamutuk ho sira, vedera ida televizaun nian, Ksenia Sobchak, karik sei kandidata mós.

Rival ne’ebé vizível Putin nian, Alexei Navalny, hakarak sai hanesan kandidatu, maibé hetan bandu atu halo tanba hetan kondenasaun hosi justisa iha kazu sira ne’ebé, afirma katak, iha motivasaun polítika.

Oras antes halo anúnsiu, Putin sai hanesan evazivu, bainhira kestionadu kona-ba kandidatura iha enkontru ida ho joven voluntáriu sira iha Moskovo.

“Ha’u hamutuk nafatin ho imi”, nia hatán bainhira sira husu ba nia katak “sei hamutuk nafatin” ho ema rusu sira.

“Hanesan desizaun ida importante tebes ba ema ruma, tanba motivasaun ne’ebé hanesan vontade úniku hodi hadi’a moris iha nasaun, hodi halo poderozu liu no seguru liu”, nia hatete.

“Bainhira foti desizaun ne’e, ha’u sei iha imi nia apoiu no hosi ema sira ne’ebé hanoin hanesan imi?”, nia husu, rona hakilar iha audiénsia ba “Sim!” hafoin ne’e basa-liman.

SAPO TL ho Lusa

Lú Olo: Dialogu No Konstitusaun Dalan Solusiona Politika

Posted: 06 Dec 2017 06:36 AM PST
DILI – Prezidente Republika Francisco Guterres Lú Olo reafirma tan dala ida katak dalan rua deit nia uza hodi solusiona polemika politika neebe dadaun nee lao iha Timor-Leste, maka kontinua mantein dialogu ho lider partidu politiku no ida seluk maka tuir konstitusaun haruka.

Afirmasaun nee hatoo husi Xefe Estadu Francisco Guterres Lú Olo, liu husi nia intervensaun bainhira halao dialogu ho veteranus sira, iha palasiu Prezidensial Nicolau Lobato Birru Pite, Kuarta (6/12/2017).

“Hau sei uza dalan rua hodi solusiona situasaun poltika nee maka uza dialogu ho lider partidu politiku, nunee mos dalan ida seluk maka tuir konstitusaun haruka, neebe hau hateten no hakarak reafirma fila fali hanesan hau dehan hotu no hakarak ohin koalia ida aban mos koalia nafatin hodi labele fo buat neebe ladiak ba povu,” dehan PR Lú Olo.

Nia hateten objetivu konvida veteranus sira atu mai hamutuk ho Prezidente iha palasiu nee, hodi partilla hanoin balun, relasiona situasaun politika neebe lao dadaun, oinsa maka bele buka dalan hamutuk hodi fo apoiu ba malu atu resolve situasaun nee.

Iha fatin hanesan Veteranus Antonio Ai Tahan Matak hateten Prezidente Republika iha obrigasaun boot atu hare hodi solusiona polemika politika, tuir saida maka konstitusaun fo kompetensia ba Prezidente.

Natalino Costa | Suara Timor Lorosae

AIFAESA Sei Fo Sansaun Ba Kompana Fabrik Es Krim

Posted: 06 Dec 2017 06:33 AM PST
DILI – Dirasaun Auturidade de Inspesaun Fiskalizasaun ekonomia, Sanitaria Alimentar (AIFAESA), halo inspesaun ba fabrika es krim neebe halo husi kompana Xineza Berry Fuud, iha comor Kampung Baru.

Tuir Xefi inspesaun AIFAESA, Gabriel da Costa katak, inspesaun neebe halo iha fatin fabrika es krim nee tanba, AIFAESA simu informasaun husi komunidade sira katak, iha kompana Xina ida mai halo atividade illegal iha rai laran.

No atividade neebe Xina nee halo maka produs es krim, tanba nee maka parte AIFAESA mai haree konaba sira nia lisensa de negosiu iha ka lae, maibe realidade lisensa nee iha duni maibe lisensa nee mate tiha ona, tan nee parte AIFAESA sei buka atu hadia.

“Nain ba fabrika es krim nee ema xineza ida, no nia lisensa konaba fabrika nee iha duni maibe, mate tiha ona no atividade sei kontinua lao tan nee maka ita mai haree hodi foti medidas tanba, lisensa atu faan mos laiha tanba nee ita konsideira kompana nee la lao tuir regras neebe iha,” dehan Gabriel ba jornalista, Kuarta (06/12/2017) iha Comoro Kampun Baru.

Iha fatinesan Manajer Lorensa Martins hateten, atividade neebe maka halo iha fatin nee maka fabrika es krim hodi hatama ba iha loja sira neebe maka sai ona langanan.

Nunee mos traballador Auria Amaral hatutan, fabrika es krim nee foin muda mai iha Kampung Baru iha tinan 2016 nia laran nee, antes nee halao ona iha Bairopite, no atividade nee la illegal tanba hetan lisensa negosiu husi governu.

Madalena Horta | Suara Timor Lorosae

Parlamentos lusófonos defendem maior cooperação entre membros da CPLP

Posted: 06 Dec 2017 06:26 AM PST
Os parlamentos lusófonos defendem uma maior cooperação entre os Estados-membros da Comunidade dos Países de Língua Portuguesa (CPLP) e a necessidade de envolver os observadores associados, o setor privado e outras organizações internacionais.

A posição consta da declaração final da VII Assembleia Parlamentar da CPLP (AP-CPLP), que decorreu na segunda e terça-feira em Lisboa, sob o lema “O reforço dos laços institucionais entre os parlamentos”.

“Os parlamentares recordaram a necessidade de aprofundar a cooperação entre os Estados-membros, pilar estratégico da CPLP, fundamental para a afirmação da identidade da organização e o reforço dos laços comunitários, culturais, sociais, económicos e políticos, aproveitando as boas práticas e as experiências de sucesso no contexto da cooperação bilateral e trabalhando de forma estruturada no quadro multilateral”, lê-se no comunicado final da reunião.

Os deputados dos nove países lusófonos sublinharam ainda a necessidade de “envolver novos atores na cooperação, designadamente os observadores associados, o setor privado e outras organizações internacionais, potenciando a partilha de projetos e programas de desenvolvimento estratégico de interesse comum”.

Por outro lado, apontaram a “importância decisiva da valorização e promoção da língua portuguesa como elo comum entre a comunidade dos países-membros da CPLP e fator de afirmação internacional da lusofonia”.

“A AP-CPLP mandatou a sua futura presidência [que será exercida por São Tomé e Príncipe] a acompanhar, de modo especialmente atento, o compromisso estabelecido pela nova presidência da União Interparlamentar de assegurar a língua portuguesa como língua oficial de trabalho a todos os níveis dos seus órgãos e comissões”, acrescenta a declaração final.

O documento não faz referência ao ensino do português na Guiné Equatorial, o mais recente membro da CPLP, que adotou a língua como oficial em 2014, comprometendo-se a difundir o seu uso entre a população.

Durante a reunião, os parlamentares acordaram preparar um regulamento para permitir a adesão dos países observadores associados à Assembleia Parlamentar. Atualmente, a CPLP tem dez observadores associados: Geórgia, Hungria, Turquia, Maurícia, Uruguai, Japão, Eslováquia, República Checa, Namíbia e Senegal.

Na sua resolução final, a Assembleia Parlamentar transmite a sua solidariedade para com “o povo português, em geral, e em particular com os familiares das vítimas da catástrofe dos incêndios que ocorreram nos meses de junho e outubro”, e que causaram 110 mortos.

Este órgão reconheceu “o imenso desafio e a enorme responsabilidade que representa a situação de milhares de refugiados e migrantes em todo o mundo, em condição extrema de insegurança humana” e os seus membros comprometeram-se com iniciativas para promover, nos respetivos contextos regionais, uma migração “regular e segura”.

“A Assembleia Parlamentar da CPLP repudiou e condenou, sem reservas, os atos de crueldade e de graves violações dos direitos humanos perpetrados contra os migrantes provenientes da Líbia e países da África subsaariana e que se traduzem num ultraje à consciência da humanidade”, refere ainda a posição final.

SAPO TL | Lusa

Timor-Leste: breve crónica de uma turbulência não anunciada

Posted: 06 Dec 2017 12:01 AM PST

Surgem novamente as surpresas e a situação política em Timor está outra vez em ebulição.

Carla Luís* | Público | opinião

A União Europeia apresentou recentemente as suas conclusões sobre a Missão de Observação Eleitoral (MOE) a Timor-Leste, nas legislativas de Julho. Em síntese, há que reforçar o controlo do financiamento das campanhas, uma lacuna que persiste há anos. Os media têm também de ser regulados, para uma cobertura mais equilibrada das candidaturas. Por último, e de forma alguma de menor importância, a Comissão Nacional de Eleições tem de ter os seus poderes reforçados — invertendo o sentido da reforma legislativa de 2015-16, que reduziu ainda mais o poder deste órgão, acentuando a sua dependência das instituições de poder.

As eleições legislativas de Julho foram livres, justas e democráticas, salienta também a MOE. Este será talvez um dos pontos centrais a reter, destacando o progresso assinalável que Timor tem vindo a fazer neste sentido. O país tornou-se independente em 2002, após a Consulta Popular levada a cabo pela ONU em 1999. Foi também a partir desta data que sucessivas missões da ONU permaneceram no país. O objectivo era garantir a paz, mas também (re)construir um país que emergia praticamente das cinzas. Dotado de uma sociedade civil muito forte, nomeadamente instâncias e autoridades tradicionais, o mesmo não se podia dizer do Estado democrático, o qual urgia desenhar.

Em pouco mais de uma década, a conquista é notável. Desde muito cedo as elites timorenses tiveram uma ideia bastante clara de que instituições queriam para o seu país. Mesmo e apesar da presença da ONU, através de sucessivos desdobramentos, muito cedo os timorenses deixaram-na num papel de observador. As instituições foram desenhadas com intentos precisos. O sistema semipresidencialista permite um equilíbrio, às vezes na ponta da espada, entre o Presidente da República, o Governo e o Parlamento. As eleições presidenciais são, assim, um passo decisivo para a futura formação de um governo, advindo das eleições legislativas. O sistema é tão parecido e tão diferente do português que a ideia de uma “geringonça” (no sentido que veio a ter em Portugal) foi levada a cabo em Timor desde 2007, com notável estabilidade. Inovação institucional foi coisa que não faltou, com uma grande elasticidade — e sempre dentro dos limites de cada uma dessas instituições.

As eleições legislativas, que tive oportunidade de observar, decorreram sem sobressaltos. Tudo se afigurava como mais uma eleição normal, na vida normal de um qualquer país. Não houve incidentes, o dia correu pacífico e até à noite já havia gente na rua (facto não tão comum em países em desenvolvimento). Por isso, nada para ver. Os resultados teriam de esperar alguns dias e a vitória foi à tangente. Os dois maiores partidos alternavam e o CNRT, de Xanana Gusmão, ficava agora em segundo, a pouca distância da Fretilin, partido histórico em Timor — tendo embora ambos o mesmo número de deputados. Não havia maioria absoluta e nos restantes partidos, incluindo os mais pequenos, estaria tal soma de mandatos. Após anos na oposição, a Fretilin havia apoiado o governo do CNRT a partir de 2015 (quem disse que as instituições são rígidas?), e a expectativa era agora a do oposto. Xanana Gusmão declarou, com naturalidade, que o partido não procuraria formar governo aliado a partidos mais pequenos, e que assumiria o seu lugar numa oposição construtiva.

No entanto, surgem novamente as surpresas e a situação política em Timor está outra vez em ebulição. A Fretilin formou governo, com membros de outros partidos (incluindo o anterior número dois de Xanana Gusmão, Agio Pereira). No processo de negociações, com todos os partidos, foi perdendo apoios formais, tendo apenas o Partido Democrático (PD) acedido a uma coligação, minoritária. Na apresentação do programa do Governo ao Parlamento, a oposição unida submeteu-o a votação e chumbou-o. Meses depois, começam os rumores de moção de censura. A oposição, maioritária, já a apresentou e exige a sua discussão — se aprovada, o Governo cai.

Entretanto Timor vive num impasse. O Governo toma posse, a sua lei orgânica é promulgada e tenta passar-se uma imagem de naturalidade. Mas não há orçamento e nem sequer programa de Governo, cuja segunda versão não foi ainda submetida. Xanana Gusmão continua ausente do país (desde Julho) e, na semana passada, os líderes dos partidos da oposição divulgaram imagens de um encontro em Singapura, onde terão firmado apoio mútuo. Em Timor, descontando os rumores, permanecem incógnitos os pontos deste dissenso, que imobilizam o país. Os órgãos do Estado ficam num limbo paralisado, que ameaça durar meses. Caindo o Governo, o Presidente da República terá de decidir o que fazer: empossar um novo (composto por quem?), eleições antecipadas (que só podem ter lugar depois de Janeiro) ou procurar novo entendimento alargado?

Timor segue neste vazio, em que nada parece claro e em que até uma reunião tão decisiva tem lugar fora do país. A substância do desacordo, seja ela política ou de protagonismo, nunca é referida por nenhum dos intervenientes. Apesar da pacatez das eleições, e da perspectiva da normalidade democrática, houve de novo surpresas, que permanecem no ar, e cujas motivações estão ausentes de debate público. Espera-se que a via institucional permaneça, nisso incluindo a democracia, e sobretudo a possibilidade de escrutínio público e transparência das decisões tomadas. Só isso permitirá aprofundar a construção democrática, fazendo com que os cidadãos confiem nas instituições que elegem, através do desempenho de um papel claro no Estado e na arquitectura democrática.

*Investigadora

Também publicado em Página Global

UE adopta lista metan hosi paraízu fiskal hamutuk 17 ne’ebé inklui Makau

Posted: 05 Dec 2017 11:54 PM PST
Ministru sira Finansa nian hosi Uniaun Europeia (UE), hasoru malu iha loron-tersa ne’e iha Bruxelas, adopta ona “lista metan” ida hosi paraízu fiskal hamutuk 17, tanba konsidera hanesan juridisaun sira ne’ebé la’ós koperante, entre sira maka Makau, fó sai hosi Konsellu Ecofin.

“Lista metan” inklui Samoa Amerikanu, Bahrein, Barbados, Granada, Guaun, Koreia-Súl, Makau, Illa Marshall, Mongólia, Namíbia, Palau, Panamá, Santa Lúcia, Samoa, Trinidad & Tobago, Tunísia ho Emiradu Árabe Unidu.

Aleinde lista hosi juridisaun sira ne’ebé konsidera la’ós koperante hamutuk 17, UE elabora mós lista “sinzenta” ida hosi juridisaun hamutuk 47 ne’ebé kompromete ona kumpri kritériu sira ne’ebé ezijidu no ne’ebé sei avalia, halo parte mós Cabo Verde.

SAPO TL ho Lusa

Asesu ba kontraseptivu modernu sira iha nasaun kiak sira aumenta maibé sei dook hosi objetivu

Posted: 05 Dec 2017 11:50 PM PST
Númeru hosi feto sira no labarik-feto sira ne’ebé iha asesu ba métodu kontraseptivu sira iha nasaun sira hosi programa Planeamentu Familiar (FP2020) hanesan Mosambike ho Timor-Leste aumenta nafatin maibé sei dook hosi objetivu, haktuir hosi relatóriu ida ne’ebé publika iha loron-tersa ne’e.

Tuir estimativu sira ne’ebé halo hosi autor sira estudu nian “FP2020: The Way Ahead”, iha Jullu tinan ne’e hosi feto no joven sira hosi nasaun 69 ne’ebé halo parte hosi FP2020 uza ona métodu ida modernu hosi kontrasepsaun.

Ne’e ekivale ba millaun 38,8 liu duké millaun 271 resin iha tinan 2012 ne’ebé uza hanesan referénsia, bainhira lansa FP2020 hanesan rezultadu hosi Simeira Londres nian kona-ba Planeamentu Familiar.

Iha momentu ne’ebá, determina ona objetivu ida hodi proporsiona métodu kontraseptivu modernu sira ba joven no feto millaun 120 resin iha nasaun sira ne’ebé kiak liu to’o tinan 2020, hodi garanti protesaun ba direitu ema nian hosi feto sira no asesu ba kuidadu saúde nian no instrumentu sira hosi planeamentu familiar nian.

Tuir relatóriu ne’ebé publika iha loron-tersa ne’e, aumentu hosi asesu entre Jullu 2016 no Jullu 2017 ba métodu kontraseptivu modernu sira, hanesan pílula, kontraseptivu sona, prezervativu sira no dispozitivu intrauterinu sira permiti evita isin-rua ne’ebé lahó planu hamutuk millaun 84, abortu ne’ebé la seguru hamutuk millaun 24 no evita ona mate hamutuk 125,000 hosi inan sira durante tuur-ahi.

Estudu indika katak Áfrika hanesan kontinente ne’ebé hatudu progresu maka’as iha área ne’e, maski, iha númeru, iha Ázia númeru hosi utilizador sira boot tanba iha kontinente ne’e inklui nasaun haat hosi nasaun lima ne’ebé iha populasaun barak liu hosi FP2020: Índia, Indonézia, Pakistaun ho Bangladexe.

“FP2020 hanesan movimentu ida lidera hosi nasaun sira hodi kapasita feto sira no joven sira hodi investe iha direitu ba planeamentu familiar. Ami fiar katak feto tomak tenki iha posibilidade hodi harii nia moris rasik”, afirma hodi diretora ezekutiva hosi FP2020, Beth Schlachter, iha komunikadu ida.

Nia hatete katak planeamentu familiar “hanesan direitu báziku ida no serbisu saúde ida ne’ebé bele muda moris ho potensial hodi aselera progresu iha ita nia objetivu sira tomak dezenvolvimentu nian”.

Mosambike, Guiné-Bissau, São Tomé & Prínsipe ho Timor-Leste hanesan nasaun luzófonu sira ne’ebé halo parte hosi programa ne’e no mós hosi grupu ne’ebé iha kondisaun sira hodi aselera progresu.

Iha Simeira hosi Planeamentu Familiar ne’ebé hala’o iha fulan-Jullu iha tinan ne’e, iha mós Londres, Mosambike hanesan nasaun ida hosi nasaun 33 hosi FP2020 ne’ebé maka renova ona nia kompromisu sira ne’ebé ezisti, indika objetivu foun sira, hakarak tau tan fundu públiku sira no aumentu rekursu sira hodi bele to’o ba númeru barak hosi labarik-feto sira no feto sira.

Mosambike kompromete aumenta taxa prevalénsia hosi kontraseptivu modernu sira hosi joven sira entre tinan 15 to’o tinan 19 hosi 14,1% ba 19,3% to’o tinan 2020 no hosi adolesente sira ne’ebé ativu iha nível seksual ne’ebé la’ós kaben-na’in hosi 26,7% (hosi tinan 2011) ba 50% to’o tinan 2020.

SAPO TL ho Lusa

Opozisaun Sei La-Retira Mosaun Sensura

Posted: 05 Dec 2017 11:33 PM PST
DILI, (TATOLI) – Opozisaun liuhosi deputadu bankada Partidu Libertasaun Populár (PLP), Mericio Akara, husu governu atu labele obriga opozisaun sira hodi retira mosaun sensura tanba instituisaun Estadu ko’alia kona-ba separasaun poder.

“Instituisaun Estadu ko’alia kona-ba prinsípiu separasaun poder iha artigu 69, signifika ema labele obriga no interven ema seluk tanba Parlamentu Nasionál (PN) mak hahoris governu, nune’e governu labele mai muda fali ajenda parlamentu nian”, dehan Akara ba ajénsia Tatoli iha PN, kuarta (6/12).

Konstituisaun Repúblika Demokrátika Timor-Leste (K-RDTL), artigu 69 ko’alia kona-ba prinsípiu sepasaun poder katak órgaun soberania sira iha relasaun ba malu no bainhira hala’o kna’ar tenke tuir prinsípiu separasaun no interdependénsia kbiit nian ne’ebé iha lei inan nia laran.

Opozisaun hato’o mosaun sensura tanba iha loron 30 nian laran governu la submete programa daruak nian mai PN.

“Mosaun sensura akontese tanba iha loron 30 governu la lori programa governu mai PN no to’o ikus opozisaun avansa ho mosaun sensura no agora tempu ona atu ajenda hodi diskute iha plenária”, haktuir.

Nune’e Prezidente PN, Aniceto Guterres, tenke ajenda lalais mosaun sensura atu diskute hafoin hatene rezultadu diskusaun liu eh la’e.

Enkuantu, mosaun sensura iha ona meza parlamentu no PPN admite ona no nia mak asume responsabilidade atu tau ajenda tanba parlamentu mak soberanu hodi deside buat hotu.

“Ha’u la hanoin seluk, klaru katak governu labele interven ajenda PN no ida-idak tenke la’o nia regra sira, nune’e parlamentu servisu tuir prosedimentu”, afirma nia.

Akara hatutan órgaun Estadu seluk labele mai obriga PN atu retira mosaun sensura, parlamentu hala’o kna’ar tuir de’it konstituisaun no tuir ajenda internál parlamentu nian tanba parlamentu nunka interven enkontru Konsellu Ministru.

AMP la’os beik atu aprezenta mosaun sensura maibé halo análiza legál, análiza polítika, risku, benefisiu mak foin hatama.

Opozisaun iha alvu polítika mak desizaun hotu tenke tuir konstituisaun atu garante estabilidade governativa, signifika minoria tenke sumbmete ba maioria la’ós maioria mak submete fali ba minoria.

Iha fatin hanesan, Prezidente Bankada Klibur Haburas Unidade Nasionál Timor Oan (KHUNTO), Luis Roberto, hatutan opozisaun sira sei la dada fali mosaun sensura hafoin governu mai aprezenta programa daruak iha PN.

“Ami la iha ona tempu atu ko’alia kona-ba programa maibé ami bazeia nafatin rekursu no mosaun sensura no karta ne’ebé hatama ona parlamentu atu bele hola konsiderasaun atu tau iha ajenda”, afirma.

Deputadu bankada Kongresu Nasionál Rekonstrusaun Timor (CNRT-sigla portugés), Dionisio Babo Soares, haktuir interpretasaun konstituisaun tuir Manuel Tilman katak ema interpreta lei tuir analojia signifika ne’e la’os norma maibé konsensu presendente ne’ebé akontese iha sisstema legál Timor-Leste.

“Dr. Manuel Tilman sira mak uluk asina konstituisaun RDTL iha loron 30 nia laran governu tenke mai aprezenta programa governu maibé tuir interpretasaun analojia ne’e la loos”, haktuir.

Tuir nia mosaun sensura ne’ebé hato’o ne’e lejítimu no PPN, Aniceto Guterres simu ona no hein halo ajendamentu.

Entretantu, Primeiru Ministru, Marí Alkatiri, hatete governu sei la halo submisaun programa ba PN, enkuantu opozisaun sira la retira mosaun sensura.

“Kuandu opozisaun sira retira ona mosaun sensura, entaun ami sei submete programa ba Parlamentu Nasionál (PN)”, dehan PM ba jornalista sira hafoin hala’o vizita dahuluk ba Ajénsia Dezenvolvimentu Nasionál (ADN) iha Fatuhada, tersa (5/12).

Jornalista: Zezito Silva | Editora: Rita Almeida

Foto: Atividade Parlamentu Nasionál. Foto dokumentasaun relasaun públika PN

Timor Sei La Iha Krize Tan

Posted: 05 Dec 2017 11:08 PM PST
DILI, (TATOLI) – Komandante FALINTIL-Forsa Defeza Timor Leste (F-FDTL), Major Jenerál Lere Anan Timur afirma nia parte sei garante pas no estabilidade relasiona ho konjuntura polítika ohin loron nian, no sei la krize foun mak sei mosu iha Timor.

ʺIta bele halo Buat Hotu-hotu mais krize sei la mosu hanesan esperiénsia ida ne’ebé ami atravesa iha tinan 1974 iha ai-laran,” Lere Anan hato’o asuntu ne’e ba jornalista sira hafoin relata situasaun seguransa ba Prezidente da Repúblika, Francisco Guterres Lú Olo, iha Palásiu Prezidensiál, Bairru-Pité, Kuarta (6/12).

Lere kompara iha tinan 1974 momentu halai iha ai-laran mosu mós krize ba lideransa sira iha momentu ne’ebá, maibé sira (Lere ho nia maluk) nu’udar soldadu tuur hakmatek hodi fó tempu ba maun (komandante) sira rezolve no soldadu sira fó apoiu de’it.

Haree ba esperiénsia liga ho situasaun polítika ohin loron (Governu Minoria Vs Parlamentu Maioria) nu’udar ema rezisténsia Lere husu lideransa sira atu komunga no tau iha pratika “Sentidu Estadu”.

“Ita nia rai presiza nasionalizmu, patriotizmu ba ita nia rain,” Lere hato’o.

Hodi afirma nia pozisaun nu’udar ulun boot ba instituisaun defeza Timor-Leste nia katak sei fó apoiu tomak ba desizaun saida de’it mak Prezidente Repúblika sei hola, hodi solusiona problema ne’ebé ohin loron Timor hasoru. Maski, iha Parlamentu Nasionál tuir Lere nia haree iha ona grupu balun mak tenta atu hafahe veteranu sira nia unidade.

“Ita veteranu sira ne’ebé sei moris la bele soe malu, hamutuk nafatin tau opiniaun hamutuk hodi lori nasaun ba oin,” Lere husu ba nia kompatriota da luta “Veteranu” sira.

Jornalista: Agapito dos Santos | Editór: Manuel Pinto

Foto: Xefe Estadu Maior FALINTIL–Forsa Defeza Timor-Leste (F-FDTL), Majór Jenerál Lere Anan Timur, bainhira hatan jornalista sira iha Palásiu Prezidente Nicolau Lobato Bairo Pité, ohin. Foto mídia PR

Hadi’ak Servisu ADN Alkatiri Hein Xanana

Posted: 05 Dec 2017 10:53 PM PST
DILI, (TATOLI) – Primeiru Ministru Sétimu Governu Konstitusionál, Mari Alkatiri dehan nia sei hein eis ministru planeamentu investimentu e estratéjiku (MPIE) Kay Rala Xanana Gusmão fila mai Timor mak sira nain rua ko’alia kona ba servisu ADN.

“Uluk ha’u nia mandatu no agora tan maibé orsamentu sempre la iha nafatin maibé ha’u hein maun Boot Kay Rala Xanana Gusmão mai mak ami ko’alia,” Primeiru Ministru informa ba jornalista sira hafoin halo primeira vizita traballu ba edifísiu Ajensia Dezenvolvimentu Nasionál (ADN) Fatu-hada, Dili, Horisehik.

Evita “fakum” iha servisu ADN nian, Xefe governu ne’e sujere atu ADN kontinua halo fiskalizasaun diáriu no periódiku hodi aumenta valor ba kualidade obra.

ADN la bele sente laran taridu tanba Primeiru Ministru sei la muda sistema maibé hakarak hadi’ak liu tan.

“Servisu fiskalizasaun importante maibé ha’u hein Xanana Gusmão fila mak ko’alia tanba ha’u lakohi muda sistema no hakarak hadi’ak di’ak liu tan. Labele konta dehan ADN la loos, lalika laran taridu, rai ne’e la’o di’ak nafatin no joven sira tuur hakmatek, maibé ADN sira tenke servisu nafatin hodi kontrola hahú hosi dezeñu to’o implementasaun projetu,” PM Alkatiri enkoraja.

Iha fatin hanesan Diretór Ajénsia Dezenvolvimentu Nasionál (ADN), Samuel Marçal levanta katak Rekursu Umanus la sufisiente, inklui orsamentu ne’ebé limitadu halo servisu Ajénsia Dezenvolvimentu Nasionál (ADN) enfrenta problema atu fiskaliza projetu sira.

Daudaun ne’e, Samuel relata katak rekursu umanu ne’ebé halo fiskalizasaun ba infraestrutura iha munisípiu hotu la sufisiente tanba orsamentu ne’ebé limitadu atu rekruta ema.

“Rekursu umanu iha munisípiu la sufisiente tanba ema nain haat de’it mak dezloka iha munisípiu ida no ida-idak responsabiliza nia servisu mak ida tenke haree ba konstrusaun uma, ida haree ba estrada, ida haree ba irrigasaun no bé,” Samuel Marçal informa ba jornalista sira.

“Ami labele rekruta liu tanba orsamentu la to’o maibé kuandu osan sufisiente ona ita sei rekruta ema ho di’ak atu bele garante servisu fiskalizasaun infraestrutura,” Samuel espera.

Hodi esplika kada tinan orsamentu ba ADN lei la permite atu fó orsamentu boot liu ba ADN maibé só ho osan 1.5 millions de’it atu atende nesesidade operasionál no saláriu.

Entretantu hatán kona ba kapasidade fiskalizasaun, Samuel dehan, Timoroan matenek barak los ona maibé sala mak la aproveita rekursu umanus ne’ebé mak iha hodi kontribui ba prosesu tomak.

“Ita konsultan iha obras públiku nian no iha téknika liña ministeriál hotu maibé ita ladauk utiliza ho di’ak,” Samuel observa.

Obstákulu seluk ne’ebé ADN hasoru mak la iha ekipamentu sufisiente hodi kontrola kualidade obra.

Jornalista: Zezito Silva | Editór: Manuel Pinto

Ró Ida Husi Best Sea Foods Hetan Kaer Husi Indonézia

Posted: 05 Dec 2017 10:55 PM PST
DILI, (TATOLI) – Ró tolu husi kompañia Best Sea Foods ne’ebé Ministériu Agrikultura no Peska (MAP) fó lisensa atu hala’o atividade peska iha Kosta Súl, ida hetan kaer husi parte Indonézia iha Kupan.

Diretór Jerál Peska, MAP, Acácio Guteres, hatete ró ne’e iha ema hamutuk 21, na’in-sia husi Xina, neen ema Indonézia, tolu Vietname no tolu Miyanmar.

“Timoroan laiha. Agora daudaun ita tenta oinsá atu rezolve, ne’ebé dadus balun ami fó ona informasaun ba Negósiu Estranjeiru oinsá mak bele haree, tanba Indónezia mak konfundi uitoan, sira foti fali área JPDA ne’e sai fali fronteira ne’e mak sai problema no ida ne’e mak sira kaer duni”, Acácio informa iha Komoro, ohin, hafoin halo sorumutuk ho ekipa Ministériu Negósiu Estranjeiru.

Acácio relata bainhira haree husi parte istória, área ne’e tama iha tasi Timor-Leste nian.

“Ohin ami reuniaun ho Negósiu Estranjeiru parte bilaterál nian oinsá mak atu foti desizaun no Ministru Negósiu Estranjeiru mós ba ona Jakarta, aban sei hasoru malu ho Ministru Negósiu Estranjeiru Indonézia nian, ne’ebé informasaun balun ami fó tiha ona ba ekipa tékniku Negósiu Estranjeiru para bele reforsa tan ita-nia ministru atu aban ne’e sira ko’alia”.

Ró ne’e kaer iha parte súl entre Indonézia no Timor-Leste tanba ró patrullamentu Indonézia nia mak tama liu mai iha área ne’e tanba sira konfuzaun ho liña netrál maibé sira foti fali husi área JPDA no lafoti fronteira ne’ebé define uluk.

“Sira lakontra tanba bazeia ba lisensa ne’ebé ita fó no iha lisensa ne’e hakerek katak sira kaer to’o iha área ne’e duni. Só husi Indonézia mak foti fali husi liña JPDA hanesan fronteira fali, la’ós liña fronteira tasi nian”.

“Aban ministru hasoru malu ho Indonézia nian. Sira bá la’ós asuntu peska nian maibé konsidera ho akontesimentu ne’e entaun aproveita tempu para ministru mós hato’o ba ninia omólogu oinsá mak haree ró ne’e nomós ita-nia tripulante sira iha ró leten ne’e bele husik”.

Best Sea Foods ne’e hetan lisensa husi Governu atu halo atividade hakail ikan ita tasi mane no durasaun lisensa ne’e durante tinan ida ne’ebé hahú ona iha abríl 2017.

Jornalista: Maria Auxiliadora | Editora: Rita Almeida

Foto: Ró ida husi kompañia Best Sea Food ne’ebé hetan kaer husi Indonézia. Foto/Google
You are subscribed to email updates from TIMOR AGORA.
To stop receiving these emails, you may unsubscribe now. Email delivery powered by Google
Google, 1600 Amphitheatre Parkway, Mountain View, CA 94043, United States

Sobre AICL lusofonias.net

Chrys Chrystello
presidente da direção e da comissão executiva da AICL

Esta entrada foi publicada em AICL no tag com as tags . ligação permanente.

Deixe um comentário