timor agora 19/5/17

TIMOR AGORA

Jornalista Oki Ameasa Tama Prizaun Tinan Ida
Governu Empresta ona Tokon $400
Taur Matan Ruak sei eleitu líder ba partidu foun oras balun hafoin hakotu mandatu
Governu timoroan aprova asinatu ba koperasaun foun defeza nian ho Portugal
“Ha’u Nia Hanoin ho Imi Kongresista”
Ohin, Prezidente Taur Lansa Nia Livru
Ezisténsia PLP La’ós De’it Harame Palku Polítiku
Kontratu ba Funsionariu Kontratadu iha Palásiu Prezidensiál
PR timorense deverá ser eleito líder de novo partido horas após terminar mandato
Lu-Olo, o ex-guerrilheiro que vai ser Presidente da República
Kongresu edukativu timoroan hakarak revizaun ba lei no valida utilidade portugés nian ba dosente sira
PM timoroan promete katak Governu sei fó atensaun ba proposta edukativu sira
Delegasaun internasional 50 resin iha pose hosi Prezidente foun nian
PM: Númeru hosi eskola no alunu sira iha Timor-Leste kuaze duplika iha tinan 15 ne'e
Lu-Olo: Hau Kontra Korupsaun
Estadu Atribui Kondekorasaun Grande Kolar ba Mario Carrascalao

Jornalista Oki Ameasa Tama Prizaun Tinan Ida

Posted: 18 May 2017 12:37 PM PDT
DILI: Kazu publikasaun diáriu Timor Post hasoru lezada Rui Maria de Araújo, Ministériu Públiku akuza arguidu Raimundus Oki tama prizaun tinan ida efetivu no Lourenço Vicente Martins pena prizaun tinan ida no suspende ba tinan rua.

Ministériu públiku alega arguidu sira tanba komete krime denúnsia kalunioza ne’ebé previstu iha artigu 285 kódigu penál Timor‐leste nian.

Tuir Ministériu Públiku, ba arguidu Lourenço iha kontestasaun kona‐ba informasaun arguidu haruka jornalista ba konfirma notísia ne’ebé públika iha média Timor Post, tanba ne’e ministériu públiku konsidera faktu ne’e prova hotu.

Kona‐ba arguidu Raimundus Oki ne’ebé hakerek iha jornál ho títulu “Deskonfia eis asesór Ministériu Finansas atuál Primeiru Ministru fó projetu ba kompañia PT Packet Sistem Indonesia”.

Tuir lezadu nia deklarasaun ne’ebé Ministériu Públiku lee sai iha julgamentu katak, loos duni iha altura ne’ebá lezadu atuál Primeiru Ministru asina duni, maibé arguidu sira produs ba kompañia nia naran ne’e sala.

Nune’e bainhira arguidu atu konfirma kazu ne’e, lezadu Rui Araújo hi’it liman iha momentu ne’e, lezadu dehan la hatene interese saida mak hodi públiku sai nia naran iha jornál no arguidu sira la ko’alia iha provas ne’e.

Aleinde ne’e, iha asinatura ne’e la’ós lezadu Rui Araújo mesak mak asina, maibé iha mós ema seluk, maibé arguidu sira la temi iha publikasaun jornál ne’e, nune’e lezadu dehan faktu ne’e falsu.

Entretantu, tuir testemuña Virgílio da Silva deklara ba Tribunál katak, jornalista nia servisu ba rekolla dadus iha terrenu no rona voice hakerek, bainhira hakerek hotu entrega ba editór depois notísia ne’e tun ka la tun ne’e desizaun husi xefe redasaun nia mak deside.

Iha parte ida mós tuir testemuña katak, kona‐ba títulu notísia ne’e atu atrai ema hodi sosa jornál ne’e la’ós atu hafo’er lezadu nia naran.

Nune’e, husi parte husi defeza husu ba Tribunál katak, faktu ne’e defeza konsidera la vale hotu, tanba ne’e mak husu ba Tribunál arguidu Lourenço atu absolve nia husi kazu ne’e, tanba arguidu sira la komete krime denunsia kalunioza.

Nune’e mós defeza husi arguidu Raimundus Oki husu ba Tribunál atu fó pena ne’ebé mak justu ba arguidu tanba sira la fó prejuizu ba lezadu no notísia ne’e la prezudika ba lezadu intermus materiál no morál.

Hafoin rona tiha deklarasaun husi Advogadu arguidu ho Ministériu Públiku, Tribunál deside hodi adia fali julgamentu ne’e ba loron 1 fulan Juñu tinan 2017 tuku 17:00 lokraik, hodi rona desizaun final.

Iha audiénsia julgamentu ne’e prezide husi singulár Ivan Suritay, Ministériu Públiku reprezenta husi Prokuradora Lídia Soares, arguidu Lourenço Vicente Martins hetan legál husi advogadu privadu José Pedro Camões, Raimundus Oki hetan asisténsia legál husi advogadu, Arlindo Sanches.

Martinha Gusmão | Independente | Foto: Jornalista Timor Post, Raimundo Oki

Governu Empresta ona Tokon $400

Posted: 18 May 2017 12:18 PM PDT
DILI: Governu Timor Leste halo emprestimu orsamentu hamutuk tokon $400 husi rai li’ur hodi hadi’a infraestrutura, hahú husi tinan 2012 to’o ohin loron.

Vise Ministru Finansas, Hélder Lopes hateten, governu opta polítika ida halo emprestimu ka mobiliza rekursu finanseiru husi rai li’ur hodi finansia projetu dezenvolvimentu, liuliu ba infraestrutura iha rai laran.

“Ita empresta tokon $400 mai husi ajénsia sira hanesan JICA, ADB, Banku Mundiál no Exim Bank of China”, dehan nia, iha edifísiu Ministériu Finansas Ai‐Tarak Laran, horisehik.

Nia dehan, Exim Bank of China ne’e seidauk implementa tanba seidauk hetan aprovasaun husi Tribunál.

Nia esplika, osan emprestimu ne’e atu investe iha projetu ne’ebé fó retornu ekonómiku ba nasaun ne’e. Orsamentu barak liu ba projetu infraestrutura, liuliu estrada ligasaun Dili ba munisípiu.

Hélder hateten, Timor iha osan barak, maibé iha prinsípiu haat ne’ebé governu estabelese bainhira atu halo emprestimu mak hanesan osan baratu tanba agora osan petrolíferu ne’ebé iha balansu agora biliaun $16.2, ne’ebá la’ós ba rai de’it maibé ba investe iha Equity no Bons hodi bele hatama fali lukru.

“Durante ita halo investimentu ita nian liu husi lukru ne’ebé ita hetan kada tinan liu 3%, tanba ne’e mak kuandu ita ba halo emprestimu ita tenke asegura katak osan ne’ebé ita empresta ne’e funan ita atu selu ne’e tenke menus husi 3%, se liu entaun ita uza osan rasik”, nia esplika.

Nia dehan, iha nasaun hotu‐hotu ema sempre halo emprestimu infraestrutura tanba iha nasaun ida ezemplu, investe iha estrada bele dudu dezenvolvimentu ekonómiku la’o ema mai loke fabrika no selu impostu mai estadu no osan sira mak selu fali ba emprestimu ida ne’e mak lójika.

Entretantu, Diretór Ezekutivu La’o Hamutuk, Juvinal Dias hateten, foti osan hodi hadi’a de’it infraestrutura ne’e la to’o ba povu nia moris, maibé povu nia hakarak mak tenke ajuda sira nia ekonomia.

Tanba halo emprestimu ne’e la’ós polítika di’ak, bele ajuda iha tempu badak, maibé lori todan iha tempu naruk tanba TL tenke selu fila‐fali tusan no nia funan.

Hetan Apoiu Biliaun $8 Husi Parseiru Dezenvolvimentu

Dezde ukun‐aan too agora, Timor‐Leste hetan apoiu orsamentu husi parseiru dezenvolvimentu hamutuk Biliaun $8.

Vise Ministru Finansas, Hélder Lopes hateten, governu halo enkontru ho parseiru dezenvolvimentu no setór privadu no sosiedade sivíl hodi dezemina informasaun sobre polítika ne’ebá governu estabelese atu iha efisiénsia no efikásia iha koordenasaun servisu no ajuda ne’ebé parseiru dezenvolvimentu fó ba estadu hodi suporta dezenvolvimentu ne’ebé iha.

Nia dehan, governu mai ho polítika ida oinsá atu iha efisiénsia husi ajuda esterna tanba sira gasta osan barak ona kuandu kompara ho ninia rezultadu ladún másimu, entaun mai ho polítika ida ne’e para ba oin sira husi parseiru tenke asegura katak osan ne’ebé fó mai ne’e iha duni rezultadu.

Sira ajuda depois la kontrola no osan ne’ebé ajuda mai la hatene gasta ba programa hira no implementa duni ka lae. Tanba ne’e, halo diálogu ho sira atu hatene reasaun husi sira no responde ho pozitivu tebes.

Parseiru sira mós dehan presiza duni halo koordenasaun no tenke iha diálogu regulár para bele identifika lakuna sira ne’ebé iha hodi hadi’a koordenasaun servisu para bele dezenvolve TL di’ak liután.

Tanba ne’e, osan ne’ebé ajuda mai ne’e tenke loloos atu bele suporta duni programa no tenke governu rasik mak implementa no bele tau iha sistema.

Iha fatin hanesan, Diretór Ezekutivu La’o Hamutuk, Juvinal Dias hateten, apoiu doadór sira ba setór sira ne’ebé bele ajuda povu nia moris hanesan apoiu ba bee moos, uma, kooperativu atu bele prienxe lakuna ne’ebé la konsege halo.

“Ita haree katak governu la konsege dezenvolve agrikultura, setór peska, turizmu tanba ne’e ami hanoin katak parseiru sira bele apoiu estadu ba setór sira ne’e hodi ajuda fó rendimentu mai estadu”, tenik Juvinal.

Tanba ne’e, parseiru sira tenke halo kritika ba governu liu husi sira nia planu, atu nune’e bele ajuda governu ba buat ne’ebé seidauk halo.

Ligia Noronha | Independente

Taur Matan Ruak sei eleitu líder ba partidu foun oras balun hafoin hakotu mandatu

Posted: 18 May 2017 11:25 AM PDT
Prezidente timoroan, Taur Matan Ruak, sei eleitu líder iha loron-sábadu, oras balun hafoin hakotu nia mandatu, nu’udar prezidente hosi Partidu Libertasaun Popular (PLP), ne’ebé sei kandidata ba eleisaun parlamentar sira iha loron 22 Jullu.

“Sei eleitu iha loron-sábadu dadeer. Ha’u laiha dúvida ida”, hatete ba Lusa hosi Adérito Soares, intelektual timoroan no fundador ida hosi PLP ne’ebé aprezenta aan nu’udar alternativu ida ba partidu istóriku sira no konsolidadu sira, Fretilin ho CNRT.

Kongresu PLP nian hahú iha loron-kinta ne’e iha Díli, laiha publisidade ba parte exterior partidu nian, ho delegadu na’in 1.363 no “fundador rihun 35”, hanesan hatete hosi Abel da Silva, hosi komisaun organizador enkontru nian, ba Lusa.

Taur Matan Ruak sai hanesan ema ne’ebé auzente klaru no prezensa markante liu, iha tempu hanesan, – pelumenus iha kamizola sira no iha diskursu sira hosi kongresista sira – iha loron dahuluk hosi Kongresu partidu nian ne’ebé hatete katak apoia iha “prinsípiu ida hosi justisa sosial nian”.

Iha kuaze diskursu tomak refere ba Taur Matan Ruak, ho militante balun garanti katak, hahú loron-sábadu, xefe Estadu no eis-guerilleiru sei komanda partidu, ne’ebé moris ho tema “Hisik Kosar Ba Moris Diak”.

“Viva” ba veteranu sira, ba PLP no ba Taur Matan Ruak bele rona beibeik durante loron tomak.

Liuliu iha momentu ne’ebé maka eis-guerilleiru ida, L4, bolu veteranu sira hosi PLP, mane sira ne’ebé luta ona hasoru okupasaun indonéziu no ne’ebé serve ona, iha ai-laran, ho Taur Matan Ruak – komandante ikus Falintil nian, frente armada hosi rezisténsia nian.

Enkontru, ne’ebé halo iha salaun ida festa nian iha Díli, hahú lahó prezensa hosi parte barak imprensa nian hetan informasaun, lahó prezensa hosi dirijente sira hosi partidu sira seluk ka hosi korpu diplomátiku nian.

Taur Matan Ruak konfirma ona iha fulan-Novembru 2015, fulan ida antes rejistu ofisial hosi PLP iha Tribunal Rekursu, katak sei la kandidatu ba prezidénsia, husik nakloke aposta iha kandidatura ba ezekutivu.

Dúvida sai hanesan lia-loos bainhira, durante hahú ona kampaña ba prezidensial sira, Taur Matan Ruak aproveita pergunta ida hosi observadora eleitoral ida hosi Uniaun Europeia kona-ba oinsá nia futuru hodi konfirma katak ema tomak iha Timor-Leste diskuti tiha ona.

“Prezidente iha planu ida ba futuru: ha’u nia partidu maka PLP. Bainhira ha’u manán ha’u sei sai nu’udar xefe Governu nian. Ha’u sei labele husik kombate ho CNRT ka Fretilin”, Taur Matan Ruak hatete, iha enkontru iha Baucau, bainhira hatán ba pergunta hosi observadora, lituana Ruta Avulyte Jelage.

PLP moris maski lahó koñesimentu kona-ba nia polítika sira no iha fatin seluk karik halibur veteranu balun luta nian no mós grupu intelektual timoroan sira ne’ebé iha tinan entre 30 no 45, forma barak liu iha estranjeiru.

Entre ema sira ne’ebé marka prezensa iha sala kongresu iha, hanesan ezemplu, Hugo Fernandes, akadémiku no membru ida hosi Konsellu Imprensa no Fidelis Magalhães, eis-xefe Uma Sivil Taur Matan Ruak nian, aleinde elementu sira hosi ekipa média hosi xefe Estadu ne’e nian.

“Hanesan kombinasaun di’ak ida entre veteranu sira no intelektual sira. Programa partidu nian, estratéjika eleitoral hanesan serbisu konjuntu ida hosi ema tomak, ne’ebé ema hotu kolabora”, nia hatutan.

Agora daudaun, no entre aspetu lojístiku sira seluk, delegadu sira hili meza Kongresu nian. Maski antes fó sai rezultadu sira votasaun nian, hatene ona katak meza kongresu nian sei lidera hosi Saka’Onar (Deométrio Amaral Carvalho) – nia naran okupa fatin dahuluk hosi lista tolu ne’ebé maka aprezenta, no manán dahuluk ho votu 698.

Adérito Soares, ne’ebé hakotu ohin – ho eleisaun hosi mesa Kongresu nian – nia kargu nu’udar prezidente interinu partidu nian, explika ona ba Lusa katak PLP iha orsamentu ida liu dolar rihun 30, hetan hosi doasaun hosi “intelektual” balun no hosi “privadu” sira.

“Ami senti otimizmu katak ami sei sai hanesan poder forte ida iha senáriu polítiku Timor nian. Tenki konta ho ami. Bainhira votu hahú iha semana ida oinmai, ami sei konsege iha mínimu fatin 15”, nia hatete.

Hetan fatin 15 iha parlamentu hosi fatin 65 implika konsege, besik, votu rihun 126.

SAPO TL ho Lusa

Governu timoroan aprova asinatu ba koperasaun foun defeza nian ho Portugal

Posted: 18 May 2017 11:20 AM PDT
Iha loron-kinta ne’e Governu timoroan fó sai ona katak aprova tiha asinatura ba Programa-Kuadru foun hosi Koperasaun iha Domíniu Defeza nian ho Portugal, ne’ebé sei hala’o to’o tinan 2022 no sei asina iha semana oinmai, iha Lisboa.

Iha komunikadu, Konsellu Ministru sira timoroan nian informa katak programa foun, ne’ebé haree ba aspetu koperasaun bilateral ne’ebé hahú iha tinan 2002, aprova ona iha loron-tersa ne’e.

Programa foun, vale ba tinan lima oinmai, sei asina iha semana oinmai, iha Lisboa, durante vizita hosi ministru Defeza timoroan nian, Cirilo Cristóvão, iha Portugal.

Programa ba tinan lima oinmai “inklui projetu oioin hosi koperasaun iha domíniu Defeza nian, ho espesial reflesaun iha kapasitasaun institusional, formasaun ba rekursu ema nian no uzu hosi lian portugeza”, nia hatete.

Akordu-Kuadru Koperasaun entre nasaun rua ne’e asina tiha ona iha loron 20 Maiu 2002, aliña objetivu estratéjiku sira ba koperasaun global entre Timor-Leste ho Portugal.

Iha reuniaun loron-tersa nian Konsellu Ministru aprova mós proposta ida hosi Ministériu Defeza kona-ba efetivu hodi inkorpora iha Forsa sira Defeza Timor-Leste nian (F-FDTL) hahú tinan 2018, hodi kumpri orientasaun estratéjiku sira hosi planu Forsa 2020 nian.

“Efetivu anual hodi inkorpora iha F-FDTL, hahú hosi 2018, sei hamutuk mane/feto na’in 600, iha klase prasa sira”, refere hosi komunikadu.

SAPO TL ho Lusa

“Ha’u Nia Hanoin ho Imi Kongresista”

Posted: 18 May 2017 10:54 AM PDT
DILI, (TATOLI) – “Ha’u labele marka prezensa iha abertura kongresu maibé ha’u nia hanoin ho imi kongresista, militante, simpatizante no família boot Partidu Libertasaun Populár (PLP)”, hato’o Taur Matan Ruak liuhosi karta ne’ebé lé hosi Fidelis Magalhães ba kongresista iha salaun Delta Nova, ohin.

Liuhosi karta ne’e, TMR fó obrigadu ba esforsu estrutura interina ne’ebé servisu maka’as no dedikasaun hodi buka no hetan fatin ba PLP iha prosesu polítiku Repúblika Demokrátika Timor-Leste (RDTL).

Antes ne’e, espoza TMR, Isabel da Costa Ferreira hateten Prezidente Repúblika, Taur Matan Ruak la’os fundadór ba partidu PLP maibé partidu ne’e mosu tanba espíritu hosi TMR.

“Prezidente la funda partidu ida maibé partidu ne’e harii ho espiritu Prezidenti nian hanesan mós Partidu Demokrátiku (PD) ne’ebé harii ho espiritu Kay-Rala Xanana Gusmão.

Jornalista: Zezito Silva | Editora: Rita Almeida

Foto: Kongresista PLP bainhira partisipa kongresu dahuluk iha Delta Nova, ohin. Foto Tatoli/Zezito Silva

Ohin, Prezidente Taur Lansa Nia Livru

Posted: 18 May 2017 10:47 AM PDT
DILI, (TATOLI)—Atuál Prezidente Repúblika, Taur Matan Ruak lansa nia livru ho títulu: “Taur Matan Ruak: Ser livre é ser capaz de dizer não” ohin, kinta (18/5) iha Arkivu Múzeu Reziténsia Timor-Leste (AMRT), Dili.

Xefe Estadu, Taur Matan Ruak iha lansamentu ne’e informa katak livru ne’e fofoun nu’udar relatóriu enkontru ne’ebé halo durante luta maibé ikus mai deside halo ba livru nune’e bele públika.

Relatóriu husi debate ne’ebé “inkrivel” maibé sempre ho respeitu no sivismu iha 1994 to’o 1996. “Atu enkoraja joven sira hodi persebe realmente katak ser livre é ser capaz de dizer não (sai livre ne’e, di’ak liu hateten lae),” nia afirma.

Só ba sira ne’ebé mak iha klamar no iha konviksaun rasik. “Modu seluk, sosiedade la evolui maibé estagnada, paradu,” nia hatutan.

Eis-gerilleiru ne’e tenik tan katak iha linguajen vulgar povu babain hateten ser livre é ser capaz de dizer não, ne’e hodi julga katak la iha ema ida bele no obriga atu konkorda ho saida mak nia hakarak mezmu hatene katak iha seguru no serteza ida, bainhira vontade hatene reziste katak ne’e falsa.

“Diriji ha’u-nia intensaun nesesária ba esperimentasaun to’o konfirma katak ne’e realmente loos duni no hetan bosok. Tenta esprimenta ha’u-nia liberdade liuhusi ezersísiu dúvida ida no tau iha prova ho pensamentu umanu hotu hodi sai atualizada liu ba objetivu posível, como tal sei inkomoda ha’u-nia teimozia,” nia esplika.

Livru ne’e hafoin lansamentu, prezidente Taur entrega nu’udar onra espesiál ida Major kapitaun F-FDTL ida ho kódigu “Bersama” tanba bainhira reziténsia nu’udar forsa ida ne’ebé ho de’it segunda klase Indonézia nian, laduun hatene hakerek nein lee maibé ikus mai bainhira aprende portugés nia ema ne’ebé hetan valór di’ak.

“Úniku nia ho Somotxo de’it mak bele lee ha’u-nia eskrita. Nia halo sakrifísiu boot ida,” nia konklui.

Nune’e mós, lansamentu hotu entrega mós ba eis-prezidente Ramos Horta nomós ba AMRT inklui membru governu balun.

Tuir mai, eis-brigadeiru jenerál ne’e halo mós asinatura autória ba interesadu sira ne’ebé hola nia obra eskrita ne’e no tuir observasaun Ajénsia Tatoli katak ema barak, lokál nomós estranjeiru sira entuziasmu tebes hodi hola livru ne’e hafoin lansamentu. Livru ne’e imprime hosi Timor Editora.

Jornalista: Rafy Belo | Editora: Rita Almeida

Foto: Relatóriu ne’ebé sai livru. Foto Tatoli: Egas Cristovão

Ezisténsia PLP La’ós De’it Harame Palku Polítiku

Posted: 18 May 2017 10:19 AM PDT
DILI, (TATOLI) – Prezidente Interinu Estrutura Nasionál Partidu Libertasaun Populár (PLP), Aderito de Jesus hateten partidu foun ne’e eziste la’òs atu harame palku polítiku maibé hakarak kontribui dezenvolvimentu liuhosi programa kuandu manan iha eleisaun lejislativa.

“Partidu barak ne’ebé dadaun ne’e eziste tanba prinsípiu demokrátiku maibé PLP mai hakarak hisik kosar ba moris di’ak”, hatutan Prezidente Interinu iha nia diskursu ohin ba loron dahuluk kongresu partidu ne’e iha Delta Nova Komoro.

Tuir nia PLP alin ba partidu hotu, enkuantu laloran mezmu boot, udan maka’as maibé sempre firme nafatin ultrapasa eleisaun parlamentár ne’ebé sei akontese iha 22 jullu.

Nia apela ba delegadu no simpatizante hotu atu labele halo violasaun maibé tenke disiplina, onestidade populár hodi liberta ki’ak no mukit.

Partidu polítiku hanesan mákina ida hodi mobiliza masa iha baze liuhosi konsiénsia síviku atu kontribui no hamutuk ho partidu PLP hodi luta ba libertasaun povu.

Enkuantu, PLP nu’udar partidu foun maibé konjuntura polítika ne’ebé mosu iha Nasaun dezenvolvidu sira mosu, partidu polítiku barak ne’ebé eziste kle’ur maibé povu la fò fiar ba sira no ikus mai partidu foun mak manan hodi ukun, nune’e mós hanesan PLP mosu iha partidu antigu barak ne’ebé eziste.

Kongresu dahuluk ne’e hetan partisipasaun hosi delegadu munisípiu 12 inklui Rejiaun Autonomu Enklave Oe-Cusse Ambeno. Kongresista ne’ebè partisipa besik rihun ida.

Jornalista: Zezito Silva | Editora: Rita Almeida

Foto: Kongresista PLP bainhira partisipa kongresu dahuluk iha Delta Nova, ohin. Foto Tatoli/Zezito Silva

Kontratu ba Funsionariu Kontratadu iha Palásiu Prezidensiál

Posted: 18 May 2017 10:12 AM PDT
DILI, (TATOLI) – Prezidente eleitu, Francisco Guterres Lú-Olo haruka ona karta ba Prezidente sesante, Taur Matan Ruak hodi hanaruk kontratu ba funsionariu kontratadu iha Palásiu Prezidensiál to’o agostu 2017.

“Karta prezidente eleitu mai husu ba prezidente atuál atu prolonga kontratu ba fulan tolu nomos lista foun husi Prezidente eleitu foun, tanba ne’e maka oras ne’e ami prepara hela kontratu”, dehan Xefe Casa Sivíl, Rui Gomes ba TATOLI iha Palásiu Prezidensiál Bairo-Pite Dili.

Tuir lolos funsionariu hotu sei termina kontratu iha loron 20 maiu 2017, maibé tenke extende to’o loron 31 fulan agostu 2017.

Funsionariu sira ne’e mak moradór ema 36 husi sekretariadu, gabinete Prezidente Republika, protolu, IT ( Information and Technology), finansas no asesór balun hamutuk ema 15. Enkuantu, lista funsionariu nomeasaun polítika ne’ebé sei servisu hamutuk ema nain 19.

Entretantu, karta pedidu ne’e haruka iha loron 16 foin lalais ne’e.

Jornalista: Agapito dos Santos | Editora: Rita Almeida

Foto: Prezidente eleitu, Francisco Guterres Lu-Olo ho Prezidente sesante, Taur Matan Ruak hasoru malu iha Palásiu Prezidensiál foin lalais ne’e. Foto espesiál

PR timorense deverá ser eleito líder de novo partido horas após terminar mandato

Posted: 18 May 2017 08:24 AM PDT
Díli, 18 mai (Lusa) – O Presidente timorense, Taur Matan Ruak, deverá ser eleito no sábado, horas depois de terminar o seu mandato, como presidente do Partido de Libertação Popular (PLP), que se candidatará às eleições parlamentares de 22 de julho.

“Deve ser eleito no sábado de manhã. Não tenho qualquer dúvida disso”, disse à Lusa Adérito Soares, intelectual timorense e um dos fundadores do PLP que se apresenta como uma alternativa aos partidos históricos e mais consolidados, Fretilin e CNRT.

O congresso do PLP começou hoje em Díli, praticamente sem publicidade fora das estruturas do partido, com 1.363 delegados e “35 mil fundadores”, como disse à Lusa Abel da Silva, da comissão organizadora do encontro.

Taur Matan Ruak foi, ao mesmo tempo, a ausência mais evidente e a presença mais marcante – pelo menos nas camisolas e nos discursos dos congressistas – no primeiro dia do Congresso do partido que se diz assentar num “princípio de justiça social”.

Praticamente todos os discursos se referiram a Taur Matan Ruak, com alguns militantes a garantirem que, a partir de sábado, o chefe de Estado e ex-guerrilheiro comandará o partido, que nasce sob o lema “Hisik Kosar Ba Moris Diak”, “Suar pelo desenvolvimento e bem-estar”.

‘Vivas’ aos veteranos, ao PLP e a Taur Matan Ruak ouviram-se repetidamente durante o dia.

Inclusive no momento em que um ex-guerrilheiro, L4, chamou os veteranos do PLP, homens que lutaram contra a ocupação indonésia e que serviram, no mato, sob Taur Matan Ruak – o último comandante das Falintil, o braço armado da resistência.

O encontro, que decorre num salão de festas em Díli, arrancou sem que grande parte da imprensa tenha sido informada, sem a presença de dirigentes de outros partidos ou do corpo diplomático.

Taur Matan Ruak confirmou em novembro de 2015, um mês antes do registo oficial do PLP no Tribunal de Recurso, que não se recandidataria à presidência, deixando em aberto a aposta numa corrida ao executivo.

A dúvida passou a certeza quando, já durante a campanha para as presidenciais, Taur Matan Ruak aproveitou uma pergunta de uma observadora eleitoral da União Europeia sobre qual seria o seu futuro para confirmar o que todos em Timor-Leste já discutiam abertamente.

“O Presidente tem um plano para o futuro: o meu partido é o PLP. Quando eu ganhar eu vou ser chefe do Governo. Eu sei que não posso deixar de combater com o CNRT e a Fretilin”, disse Taur Matan Ruak, no encontro em Baucau, em resposta à pergunta da observadora, a lituana Ruta Avulyte Jelage.

O PLP nasce ainda sem que sejam conhecidas as suas políticas e aparenta reunir, por um lado, alguns veteranos da luta e, por outro, um grupo de intelectuais timorenses de entre 30 e 45 anos, formados em grande parte no estrangeiro.

Entre os presentes na sala do congresso estavam, por exemplo, Hugo Fernandes, académico e um dos membros do Conselho de Imprensa e Fidelis Magalhães, ex-chefe da Casa Civil de Taur Matan Ruak, além de elementos da equipa de media do ainda chefe de Estado.

“É uma boa combinação entre veteranos e intelectuais. O programa do partido, a estratégica eleitoral foi um trabalho conjunto de todos, em que todos colaboram”, frisou.

Para já, e entre outros aspetos logísticos, os delegados escolheram a mesa do Congresso. Mesmo antes dos resultados da votação serem conhecidos, já se sabia que a mesa do congresso seria liderada por Saka’Onar (Deométrio Amaral Carvalho) – o seu nome estava no topo das três listas apresentadas, tendo ganho a primeira com 698 votos.

Adérito Soares, que terminou hoje – com a eleição da mesa do Congresso – o seu cargo como presidente interino do partido, explicou à Lusa que o PLP teve um orçamento de pouco mais de 30 mil dólares, reunido com doações de alguns dos “intelectuais” e de “privados”.

“Estamos otimistas de que seremos um poder forte no cenário político de Timor. Terão de contar connosco. Se o voto fosse já daqui a uma semana, conseguiríamos no mínimo 15 lugares”, disse.

Obter 15 lugares no parlamento de 65 implica conseguir, aproximadamente, 126 mil votos.

ASP // FPA

Lu-Olo, o ex-guerrilheiro que vai ser Presidente da República

Posted: 18 May 2017 08:18 AM PDT
Díli, 18 mai (Lusa) – Francisco Guterres Lu-Olo, um dos últimos guerrilheiros a descer das montanhas de Timor-Leste, toma posse sábado como Presidente de República timorense, exatamente 15 anos depois de ele próprio ter proclamado a restauração da República Democrática de Timor-Leste.

Há 15 anos, no mesmo espaço em Tasi Tolu, nos arredores da capital timorense, Lu-Olo, então presidente do Parlamento Nacional teve a honra de declarar o nascimento da primeira Nação do novo milénio.

Presidiu à subida da bandeira do novo Estado e momentos depois, deu posse ao primeiro Presidente pós-restauração, Xanana Gusmão.

Esse foi, porventura, o fim do maior capítulo da vida de Lu-Olo, que nasceu a 07 de setembro de 1954 em Ossú, zona remota de Timor-Leste, no subdistrito de Viqueque, a sudeste de Díli.

Para um homem que passou grande parte da vida a combater soldados indonésios nas montanhas de Timor-Leste – fugiu para o mato pouco depois da invasão indonésia em 1975 e só entregou as armas em 2000 – esta semana parece ter-se fechado um ciclo.

Em primeiro lugar porque foi à terceira vez que conseguiu finalmente ser eleito para a Presidência – perdeu na primeira volta em 2007 e 2012 – mas também porque com a sua tomada de posse é o terceiro líder da Frente Revolucionária do Timor-Leste Independente (Fretilin) a assumir o cargo.

Francisco Xavier do Amaral e Nicolau Lobato foram os primeiros presidentes depois da proclamação unilateral da independência, a 07 de dezembro de 1975, com o cargo a ficar vazio até que Lu-Olo deu posse a Xanana Gusmão, em 2002.

Presidente da Assembleia Constituinte entre 15 de setembro de 2001 e 20 de maio de 2002 – quando passa a presidente do Parlamento Nacional – Lu-Olo conclui em 2011 o curso de Direito na Universidade Nacional de Timor Lorosa’e, que começou ainda quando liderava o parlamento.

Quando deixa o cargo de presidente do Parlamento, em junho de 2007, Lu-Olo fica alguns anos afastado de cargos públicos, dedicando-se mais ao partido, até fevereiro de 2014 quando é nomeado presidente da Comissão Preparatória da Cimeira dos Chefes de Estado e de Governo da Comunidade dos Países da Língua Portuguesa.

Lu-Olo começou os estudos no Colégio Sta. Teresinha de Ossú, onde completou a 4.ª classe em 1969, ano em que viaja para a capital, onde ingressa no Liceu de Díli, que frequentou até 1973, regressando depois para o Colégio St. Teresinha como monitor escolar, funções que ocupa até 1974 quando a vontade de continuar os estudos o trazem de volta à capital.

Em 1975 aderiu à Fretilin, tornando-se simpatizante deste partido político por ter gostado, diz, do seu programa político, onde se defendia a independência de Timor-Leste e mudanças na vida sociopolítica e económica da população, através de reformas estruturais à herança do sistema colonial português.

Quando se deu a invasão indonésia de Timor-Leste, a 07 dezembro de 1975, Lu-Olo foge para o mato com a população da sua zona, em especial com a juventude de quem desfrutava confiança e amizades profundas.

Une-se ao pelotão comandado por Lino Olkasa e inicia assim a sua vida como combatente pela Fretilin.

Em junho de 1976 é nomeado vice-secretário de Ossú, depois passa a secretário, substituindo outro conterrâneo capturado pelo inimigo durante uma incursão militar.

Após uma primeira reunião do Comité Central da Fretilin (CCF), foi destacado como vice-secretário da Região Leste, ficando mais próximo de Xanana Gusmão.

Um ano depois é nomeado vice-secretário do partido, e em 1978 delegado do Comissariado do Setor na Ponta Leste, entre muitos outros cargos dos quadros médios da Fretilin.

Em 1982 é nomeado adjunto e colocado na Região Centro Leste, onde integra o Comando da 3.ª Companhia da guerrilha, sendo ainda responsável político, um cargo para que é nomeado formalmente em 1984.

Foi em 1987, já com esta dupla função executiva, que Lu-Olo é transferido para a Região Cruzeiro (Same, Manatuto Oeste, Aileu e parte oriental de Dili).

Em 1997 assume a função de secretário da Comissão Diretiva da Fretilin, após a morte por acidente de Konis Santana, assim preenchendo o vazio político da Fretilin na resistência armada.

Como a criação do Conselho Nacional da Resistência Timorense, em 1998, Lu-Olo acumula os cargos de membro do CPN/CNRT, de secretário da Frente Política Interna, membro do Conselho Político Militar na resistência armada e ainda as funções que ocupava no Conselho Presidencial da Fretilin.

O fim da guerra, depois de um quarto de século, permite que Lu-Olo desça das montanhas com as Forças Armadas de Libertação Nacional de Timor-Leste (Falintil) para a vila de Aileu, a sul de Díli.

A 26 de novembro de 2000 entrega a sua arma e munições ao Comando das Falintil, desce para Díli onde incentiva a criação da Conferência Nacional da Fretilin, e depois a reorganização das estruturas de base do partido a pensar no Congresso de julho de 2001 em que é eleito presidente.

Após as eleições de 30 de agosto de 2001, que culminou com a vitória da Fretilin, Lu-Olo toma posse como membro da Assembleia Constituinte de Timor-Leste, sendo eleito presidente do órgão.

No sábado passa a ser o sexto Presidente timorense desde a proclamação e o quarto desde a restauração da independência.

ASP // EL

PARCERIA COM PÁGINA GLOBAL

Kongresu edukativu timoroan hakarak revizaun ba lei no valida utilidade portugés nian ba dosente sira

Posted: 18 May 2017 08:04 AM PDT
Timor-Leste tenki adopta polítika ida hosi uzu lian ofisial sira iha ensinu ho halo revizaun ba lei baze sira, hodi garanti katak dosente sira iha “dominíu di’ak hosi lian portugeza bainhira hanesan lian prinsipal ba intrusaun”, rekomenda hosi Kongresu Edukasaun nian.

Ne’e hanesan rekomendasaun prinsipal ida entre rekomendasaun sira seluk hosi Deklarasaun Ikus hosi Kongresu Nasional Edukasaun nian ba dala tolu, ne’ebé hotu iha loron-kuarta ne’e iha Díli hafoin loron tolu nakonu ho debate ho líder polítiku sira, espesialista sira, parseiru nasional sira no internasional sira no responsável governativu sira.

Textu rekomenda “elabora no aprova Polítika ida hodi uza Lian Ofisial sira iha nível ida-idak hosi sistema ensinu nian” no atu halo revizaun ba Lei Baze sira Edukasaun nian (hosi tinan 2008), liuliu iha artigu kona-ba lian sira hosi sistema edukativu nian.

Objetivu maka harmoniza lei hosi baze sira ho Estatutu Kareira hosi Edukador sira Infánsia nian no hosi Profesor sira Ensinu Báziku no Sekundáriu nian “ne’ebé hatudu katak ema dosente tenki iha domíniu di’ak hosi lian portugeza bainhira hanesan lian prinsipal hosi instrusaun no hosi akizisaun siénsia no koñesimentu nian”.

Kongresu, debate nasional boot dahuluk kona-ba edukasaun iha kuaze tinan 10 nia laran, mosu hafoin diagnóstiku detalladu ba área edukativu, ne’ebé halo dezde fulan-Setembru tinan liubá hosi ekipa timoroan sira hosi Ministériu Edukasaun.

Tuir nota deklarasaun final, hanesan hodi buka resposta konsensual sira ba dezafiu sira ne’ebé mosu iha sistema edukativu, maski hosi progresu sira, no hodi garanti edukasaun ida ho kualidade ne’ebé kontribui ba dezenvolvimentu timoroan sira nian no nasaun nian.

Textu reflete iha nesesidade hodi hetan “paktu sosial boot sira no akordu iha nível polítiku, pedagójiku no tékniku” iha área edukasaun nian, ne’ebé hanesan responsabilidade koletivu ida”.

Fó hanoin mós “preokupasaun hosi maioria partisipante sira kona-ba uzu hosi lian ofisial sira, hanesan instrumentu potensiador sira hodi konkretiza edukasaun ida ho kualidade ba sidadaun tomak”.

Nafatin kona-ba kestaun lian nian, deklarasaun defende estudu ida kona-ba deklarasaun hosi Sentru Aprendizajen no Formasaun Eskolar nian (CAFE) ba Postu Administrativu sira “ho objetivu hodi komplementa formasaun kontínua no akompañamentu pedagójiku hosi profesor sira nian hosi eskola sira iha rede públiku ensinu nian”.

CAFE, antigu eskola sira referénsia nian, konsidera hanesan eskola di’ak sira hosi sistema públiku timoroan nian, konta ho dosente portugés sira no timoroan sira, iha ámbitu hosi programa ida ho kolaborasaun entre Portugal no Timor-Leste.

Agora daudaun iha sentru ida iha kapital munisípiu ida-idak maibé dirijente timoroan balun defende katak aumenta tan sentru sira ne’e ba nível hosi postu administrativu nian.

SAPO TL ho Lusa | Foto@ António Sampaio / EPA

PM timoroan promete katak Governu sei fó atensaun ba proposta edukativu sira

Posted: 18 May 2017 07:56 AM PDT
Iha loron-kuarta ne’e, primeiru-ministru timoroan afirma ona katak Governu sei fó atensaun ba proposta sira hosi Kongresu Nasional Edukasaun nian ba dala tolu, hodi fó koñese rekomendasaun sira iha nível nasional no ba ezekutivu foun.

“Governu, liuhosi Ministériu Edukasaun, sei halo buat hotu hodi divulga iha nível nasional Deklarasaun Ikus hosi Kongresu Nasional Edukasaun nian ba dala tolu to’o hakotu nia mandatu, kompromete mós hodi informa ho dia’k ba Ezekutivu foun kona-ba importánsia hosi rekomendasaun sira ne’e”, hatete hosi Rui Maria de Araújo.

“Kongresu ne’e kumpri ona nia objetivu, no liuhosi diskusaun saudável ida hosi nia debate temátiku sira relasionadu ho hanoin interese nasional nian, halo ona proposta terapéutika ida”, nia hatete iha momentu ikus hosi enkontru loron tolu ne’ebé hotu ona iha Díli.

Rui Araújo fó hanoin katak rekomendasaun sira aprovadu mosu hosi proseu diagnóstiku ida detalladu ne’ebé halo hosi funsionáriu públiku sira edukasaun nian no, antes, hosi debate loron tolu iha kongresu edukativu.

“Ami rejista ona rekomendasaun sira kona-ba uzu hosi lian ofisial sira hanesan dalan komunikasaun nian, edukasaun no transmisaun hosi koñesimentu sira, no hodi harii Konsellu Nasional Edukasaun ida ne’ebé iha afetu ba Komisaun Sientífiku Espesializadu”, nia hatete.

“Kona-ba dezafiu ne’ebé relasionadu ho formasaun hosi profesor sira nian, imi nia rekomendasaun sei iha sentida hodi analiza posibilidade hodi aumenta CAFE, aliña formasaun dahuluk hosi profesor sira ho Kuríkulu Nasional, estabelese polítika ida jestaun formasaun kontínua nian no halo diagnóstiku nasional ne’ebé bele hetan lukru nesesidade sira formasaun dahuluk no kontínua hosi profesor sira”, nia hatutan.

Entre proposta sira iha rekomendasaun sira iha área sira hosi Kuríkulu Nasional Ensinu nian, jestaun no formasaun ba profesor sira, administrasaun no inspesaun eskolar, infraestrutura sira, ekipamentu sira no rekursu edukativu sira, jestaun hosi Ensinu Superior públiku no privadu no partisipasaun hosi aman-inan sira, hosi komunidade, hosi área privadu no parseiru sira seluk.

Primeiru-ministru timoroan hatete katak edukasaun hanesan “prioridade nasional ida no hanesan interese komun” no senti konviktu katak rekomendasaun sira sei kontribui ba faze implementasaun daruak hosi Planu Estratéjiku Dezenvolvimentu nian no sei ajuda Timor-Leste hodi kumpri Objetivu sira Dezenvolvimentu Sustentável nian.

“Baze ida Nasaun inan, hanesan ida ne’e hosi Edukasaun, sei la metin hosi loron ida ba loron seluk”, nia afirma.

Rui Araújo aproveita intervensaun hodi agradese apoiu hosi parseiru internasional sira ba área edukativu.

Primeiru-ministru destaka ona liuliu nasaun sira hosi Komunidade Nasaun sira Lian Portugeza (CPLP) nian, liuliu Portugal ho Brazil, “ba apoiu maka’as”, no mós Kuba, Koreia-Súl, Austrália ho Nova Zelándia, Estadus Unidus, no Japaun, aleinde instituisaun internasional sira seluk.

“Di’ak tebes haree uma nakonu iha kongresu ida ne’ebé la’ós partidáriu. Ne’e signifika de’it katak ita hotu hanesan partidáriu polítiku sira ba kualidade ensinu nian iha Timor-Leste. No tanba iha eis-titular sira hosi Ministériu Edukasaun nian hosi Governu oioin, hosi kuadrante oioin, hanesan sasin katak edukasaun hanesan suprapartidáriu”, nia konsidera.

SAPO TL ho Lusa

Delegasaun internasional 50 resin iha pose hosi Prezidente foun nian

Posted: 18 May 2017 07:48 AM PDT
Sei reprezenta nasaun hamutuk 60 resin karik iha serimónia tinan 15 ba independénsia Timor-Leste nian, iha findesemana, loron ne’ebé maka Prezidente eleitu, Francisco Guterres Lu-Olo, simu pose.

Entre prezente sira, destaka ba Governador-jeral australianu, Peter Cosgrove, ne’ebé buat hotu indika katak sei sai nu’udar úniku xefe Estadu prezente, haktuir hosi fonte Ministériu Negósiu Estranjeiru nian.

Ministru Negósiu Estranjeiru no Koperasaun (MNEC) timoroan, Hernâni Coelho, konfirma ona ba Lusa katak serimónia sira no simu pose nian sei akompaña hosi nia homólogu sira hosi Tailándia, Don Pramudwinai, no hosi Indonézia, Retno Marsudi.

“Organizasaun tomak la’o daudaun ho di’ak. Ami toman ona hasoru ho delegasaun sira hanesan ne’e. Iha 2012 ami simu iha tempu hanesan vizita Estadu lima”, nia hatete ba Lusa.

“Iha kazu ne’e, barak liu mai iha ne’e hodi asisti de’it tomada pose no ha’u nia homólogu hosi Tailándia de’it maka sei halo vizita ofisial ida. Maibé sei iha enkontru bilateral oioin ho reprezentante sira”, nia hatete.

Sei marka mós prezensa hosi sekretáriu-ezekutivu hosi Komunidade Nasaun sira Lian Portugeza nian (CPLP), Maria do Carmo Silveira, ne’ebé to’o iha Díli iha loron-tersa ne’e, no sekretáriu-jeral hosi Fórum Dezenvolvimentu hosi Illa Pasífiku nian (PIDF, sigla iha lian inglés), François Martel.

Sira na’in rua, hanesan reprezentante sira seluk, iha ona markasaun enkontru sira ho autoridade nasional sira no partisipa iha konferénsia sira ne’ebé relasionadu ho ekonomia, iha loron 21 Maiu, no ho Ajenda 2030 ne’ebé previstu ba loron 22 no 23 Maiu.

Sekretáriu-jeral ONU nian, António Guterres, sei reprezenta hosi nia xefe gabinete, Maria Luisa Ribeiro Viotti.

Nasaun besik dezena ida, inklui Angola, Brazil, Xina, Japaun, Portugal ho Mosambike, sei reprezenta hosi sira nia reprezenta espesial sira.

Portugal sei reprezenta hosi ministru Agrkultura, Floresta no Dezenvolvimentu Rural, Capoulas Santos, ne’ebé to’o iha Díli iha loron-kinta no sei hela to’o loron 22 Maiu.

Aleinde ajenda hosi komemorasaun sira nian, Capoulas Santos sei partisipa, iha loron-kinta, iha serimónia ida lansamentu ba projetu hamutuk ida hosi Uniaun Europeia ho FAO hodi kombate rai-maran iha zona oioin iha Timor-Leste.

Angola sei reprezenta hosi prezidente Asembleia Nasional, Fernando da Piedade Dias dos Santos, no Brazil reprezenta hosi ministru-xefe hosi Gabinete Seguransa Institusional hosi Prezidénsia Repúblika nian, jeneral Sérgio Etchegoyen.

Iha reprezentasaun hosi Xina sei halo hosi Zhang Ping, hanesan reprezentante espesial ne’ebé haruka hosi Prezidente Xi Jinping no visi-prezidente hosi Asembleia Popular Nasional.

Estadus Unidus sei reprezenta hosi W. Patrick Murphy, visi-sekretáriu hosi Estadu adjuntu ba sudeste aziátiku, Japaun reprezenta hosi senador Gen Kakatami no Nova Zelándia hosi ministru Dezenvolvimentu Maori, Te Ururoa Flavell.

Iha kazu Vatikanu nian, sei to’o iha Díli enviadu espesial hosi Santa Sé, núnsiu apostóliku ba Austrália, Adolfo Tito Yllana, núnsiu apostóliku ba Timor-Leste, hela iha Kuala Lumpur, Joseph Marino, no enkaregadu hosi negósiu sira ne’ebé hela iha Díli, Mario Codamo.

“Ami hein katak iha nasaun sei iha diplomata sira no reprezentante sira hosi organizasaun internasional sira hamutuk 40 resin”, hatutan hosi Hernâni Coelho.

Lei hatete katak xefe Estadu eleitu simu pose iha sesaun solene ida plenáriu nian ne’ebé sei loke iha tuku 22:30 loron 19 Maiu (oras lokal) hosi prezidente Parlamentu Nasional nian, Adérito Hugo da Costa.

Hafoin le Akórdaun hosi Tribunal Rekursu ne’ebé konfirma vitória eleitoral hosi Lu-Olo iha eleisaun prezidensial sira loron 20 Marsu nian, sei halo juramentu no asina auto hosi pose deklarasaun kompromisu nian.

Asaun pose nian halo iha tuku 00:00 loron 20 Maiu nian.

Hafoin juramentu, Lu-Olo sei halo nia diskursu dahuluk nu’udar xefe Estadu.

Lu-Olo nia tomada pose halo parte iha komemorasaun sira tinan 15 hosi restaurasaun independénsia, ne’ebé hahú iha loron 18 Maiu ho misa ida agradesimentu nian iha Katedral Díli nian.

SAPO TL ho Lusa

PM: Númeru hosi eskola no alunu sira iha Timor-Leste kuaze duplika iha tinan 15 ne’e

Posted: 18 May 2017 07:45 AM PDT
Timor-Leste rejista ona avansu maka’as iha área edukativu ho eskola hamutuk 772 resin, aumentu ida hosi 113% iha númeru hosi dosente sira no 64% iha alunu sira iha tinan 15 ikus ne’e, kontinua ho dezafiu importante sira, hatete hosi primeiru-ministru iha loron-segunda ne’e.

Informasaun sira fó sai hosi Rui Maria de Araújo bainhira hahú Kongresu Nasional Edukasaun nian ba dala tolu no hanesan balansu kona-ba saida maka hetan dezde restaurasaun independénsia nasaun nian, ne’ebé nia tinan 15 sei selebra iha loron 20 Maiu.

Rui Araújo hatete ona kata, maski iha rezultadu di’ak sira, iha dezafiu maka’as sira ho taxa reprovasaun nian no husik eskola ne’ebé aas no avaliasaun negativu sira kona-ba kapasidade linguístiku hosi alunu sira.

Estudante liu 70% iha tinan dahuluk nia rohan “la konsege le liafuan ruma hosi textu simples ida iha lian Portugés no iha lian Tétun”, númeru ne’ebé tuun ba 40% iha tinan daruak, nia hatete, no refere ba lian ofisial rua nasaun nian.

“Iha de’it estudante balun hosi tinan datoluk eskolar nian bele le liafuan hamutuk 60 iha minutu ida (kuantidade ne’ebé admiti hanesan baze importante ba aprendizajen di’ak ida hosi estudante) no hatán ho di’ak ba pergunta simples sira komprensaun nian”, nia hatete.

Nia hatete mós katak hanesan mós importante tebes informasaun hosi inkéritu nasional kona-ba forsa serbisu nian ne’ebé “hatudu ba 60% ba falta adekuasaun nian entre habilidade ne’ebé hetan ba serbisu no nível edukasaun hosi empregadu sira”.

Entre avansu sira, primeiru-ministru fó hanoin katak iha tinan 15 ikus ne’e númeru hosi eskola sira pré-eskolar nian, báziku no sekundáriu aumenta hosi 93 ba 1.715 (liu 772), númeru hosi alunu sira aumenta ona 64% (hosi 238.639 ba 391.611) no númeru hosi dosente sira aumenta ona 113% (hosi 6.541 ba 13.948).

Relasaun hosi alunu ho profesor tuun hosi 36 ba 28 no iha de’it tinan tolu ikus ne’e taxa líkidu hosi asesu nian aumenta pontu rua hosi 13 ba 15% iha pré-eskolar no nee, hosi 26% ba 32% iha ensinu sekundáriu.

Maski hosi susar ne’ebé sei iha, Governu sira fó ona ba eskola sira konjuntu hosi meza no kadeira sira hamutuk 98.500 fahe ona manual no material didátiku sira ba nível oioin ensinu nian hamutuk rihun 957.

Iha prosesu implementasaun nian iha konversaun hosi eskola hosi ensinu sekundáriu hamutuk 21 ba ensinu tékniku vokasional, fó benefísiu ba kuaze alunu na’in 3.500, instala ona Sentru Aprendizajen no Formasaun Eskolar (CAFE) hamutuk 13, eskola sira referénsia nian ne’ebé apoia hosi Governu portugés.

Iha ensinu superior númeru hosi alunu sira aumenta hosi 23.460 iha tinan 2011 ba na’in 50.500 iha tinan 2015, no profesor sira aumenta ona hosi 948 ba 2.100 no profesor na’in 10.700 simu formasaun kontínua.

Iha momentu ida krítiku sira nian ne’ebé ema barak iha Timor-Leste konsidera investimentu ne’ebé la to’o hosi Orsamentu Estadu iha área edukativu, primeiru-ministru insisti ona katak gastu maka 7,9% hosi PIB, aas liu iha 4% hosi médiu gastu iha nasaun sira rejiaun nian, ka 3,9%.

Bainhira sura hamutuk gastu hosi Ministériu Edukasaun maibé mós finansiamentu hosi infraestrutura sira Edukasaun nian liuhosi Fundu Infraestrutura sira nian, hosi Universidade Nacional Timor Lorosa’e (UNTL) no hosi Fundu Dezenvolvimentu hosi Kapital Humanu, média maka 9,21% hosi orsamentu sira ne’ebé aprovadu dezde tinan 2015, nia hatete.

“Diminuisaun ki’ik hosi persentajen finansiamentu nian” ba área iha tinan hirak ikus ne’e akontese iha momentu ida ne’ebé nasaun tenki diresiona parte barak hosi Orsamentu ba konstrusaun hosi infraestrutura báziku sira, importante “ba asesu ba edukasaun, hodi nune’e nasaun no povu bele aumenta no dezenvolve ho dalan sustentável”, nia hatete.

“Atu hetan rezultadu sira labele asosia de’it ba orsamentu rasik, maibé mós, no liuliu, ba kapasidade hodi jere, estabelese prioridade no implementa tuir akordu ho polítika sira edukasaun nian ne’ebé defini ona”, nia konsidera.

Kongresu Nasional Edukasaun nian ba dala tolu halo iha Díli to’o loron-kuarta.

SAPO TL ho Lusa

Lu-Olo: Hau Kontra Korupsaun

Posted: 18 May 2017 07:03 AM PDT
DILI – Korupsaun hanesan firus aat ida, firus nee, sirkula ona iha rai laran hodi fo impaktu ladiak ba povu nia moris, halo povu kontinua moris iha situasaun kiak no mukit nia laran. Tanba nee Prezidente Eleitu kompromete sei kombate.

Tuir Prezidente Eleitu, Francisco Guteres “Lu-Olo” katak, hanesan prezidente eleitu kontra korupsaun, tanba korupsaun ladiak no estraga povu nia moris halo povu moris iha kiak no mukit nia laran.

Korupsaun nee uluk kedas ema hotu kontra ate hau mos kontra ida nee (korupsaun),” dehan Prezidente Eleitu, Francisco ba jornalista sira hafoin remata misa agradesementu prezidente eleitu, neebe halao iha igreza Katedral-Dili, Kinta (18/05/2017).

Prezidente Eleitu haktuir, kualker se deit mak ba kaer ukun tenke uza riku soin povu nian ho didiak, uza hadia povu nia moris liu husi dalan dezenvolvimentu, maibe labele uza riku soin povu nian ba interese grupu ida nian deit.

Iha fatin hanesan, Bispu Diocese Maliana, Dom Norberto Amaral, SDB hatete, oras nee korupsaun sai problema boot ba sosiedade, ida nee hodi afeita ba dezenvolvimentu nasional liu-liu iha area infra estrutura halo estrada sira laiha kualidade. Raimundo S. Fraga

Suara Timor Lorosae

Estadu Atribui Kondekorasaun Grande Kolar ba Mario Carrascalao

Posted: 18 May 2017 06:59 AM PDT
DILI – Estadu Timor-Leste atrubui kondekorasaun grande kolar grau orden de Timor-Leste ba Ir. Mario Viegas Carrasscalao tamba husi nia kontribuisaun, no dedikasaun servisu iha tempu okupasaun Indonesia nudar governador.

Seremonia atribuisaun neebe kondekorasaun grande kolar grau orden de Timor-Leste ba Ir. Mario Viegas Carrasscalao neebe maka halo iha palasiu Presidensial Aitarak Laran nee hetan partisipasaun husi entidade nasaun hanesan Primeiru Ministru Rui Maria de Araujo, Prokurador Jeral Republika Jose Ximenes, no familia husi k Ir. Mario Viegas Crasscalao rasik.

Iha deskursu PR Taur hateten Mario Viegas Carrasscalao ema neebe maka fo nia kontribuisaun ba prosesu luta libertasaun nasional, tamba nia mos hola parte iha prosesu libetasaun nasional TL iha okupasaun Indonesia.

Mario Viegas Crasscalao ema neebe maka mos halo prosesu dezemvolvimentu iha TL nian bainhira Timor Leste sei sai hanesan nasaun neebe uluk okupa husi Indonesia husi nian konsege loke eskola sira iklui univesidade sira iha Timor-Leste no ho ida fasilita ema timor oan barak hodi halo estudaalem ida nee halo buat barak liu iha parte dezemvolvimentu iha Timor-Lete neebe iluk sei hola parte hanesan Indonesia nia,” dehan PR Taur, Kinta (18/5/2017) iha palasiu presidensial, Aitarak Laran.

Xefe estadu nee hatutan husi nia kontribuisaun neebe maka durante nee sai governador iha tempu Indonesia, ho esforsu hirak neebe maka nia halo alem de husi aspektu Dezemvolvimentu, maka estadu ho gratidaun kondekora nia liu husi asaun neebe maka halo ba iha TL.

Iha fatin hanesan Mario Viegas Crasscalao nebe maka hetan kodekorasaun husi estadu hateten nia parte la espera atu hetan medalall refere maibe konforme ba estadu nian hare durante nee liu huai nian servisu.

Nia hatutan momentu nia halo servisu nee laos atu halo sumu kondekorasaun maibe ida nee nudar obrigasaun ida neebe momentu nee kaer kargu nudar governadorl. Natalino Costa

Suara Timor Lorosae
You are subscribed to email updates from TIMOR AGORA.
To stop receiving these emails, you may unsubscribe now. Email delivery powered by Google
Google Inc., 1600 Amphitheatre Parkway, Mountain View, CA 94043, United States

Sobre AICL lusofonias.net

Chrys Chrystello presidente da direção e da comissão executiva da AICL
Esta entrada foi publicada em AICL no tag com as tags . ligação permanente.

Deixe um comentário