timor agora 20.3.18

TIMOR AGORA

Marí Husu Apoiante FRETILIN Diuk Ba Provokasaun
GMN TV | Jornal Nacional Meiu Dia
United Picture Lansa Filme Domin A[R]MANDA
Empreza NOGA Hasoru PM Alkatiri
EVENTU “PRODUSAUN DI’AK BA NUTRISAUN DI’AK LIU” - divulgasaun
Fretilin - PD Sei Lori Progama VII Governu Sai Materia Kampania
Partidu 15 Maka Foti Lista Kandidatura
Governu timoroan asina karta intensaun nian ba fiu submarinu hosi fibra ótika nian
Fórum Mundial Bee nian hahú iha Brazil hodi ko'alia kona-ba rekursu ho problema sira
Servisu Intelijénsia Tenke Matenek Liu Koruptór Sira
Kazu Emilia Pires, Deolindo: “Hau Labele Fo Komentariu”
AMP Rejistu Ona Iha TR
GMN TV | Jornal Nacional Kalan
Governo timorense assina carta de intenções para cabo submarino de fibra ótica
Apoio à independência de Taiwan cai para 38,3% - sondagem
RÚSSIA/ELEIÇÕES | Putin tem 76,67% dos votos com 99,8% das urnas apuradas
Uza Mídia Sosial Insulta Ema Tenke Kriminaliza
KAK Submete Ona Kazu 24 Ba MP
Peace Boat Ho Pasajeiru Pur Volta 600 Vizita Timor-Leste

Marí Husu Apoiante FRETILIN Diuk Ba Provokasaun

Posted: 19 Mar 2018 09:40 PM PDT

DILI, (TATOLI) – Sekretáriu Jerál Partidu FRETILIN, Marí Alkatiri husu ba militante no simpatizante FRETILIN atu diuk ba provokasaun sira ne’ebé adversáriu polítiku sira lansa.

“Dalan ne’ebé adversáriu sira uza agora ne’e maka ho provokasaun. Bainhira ita responde, sira buka atu rekopera sira nia pozisaun. Tanba ne’e, ita hotu tenke diuk ba sira nia provokasaun,” Marí hato’o kestaun ne’e liuhusi konsolidasaun partidu FRETILIN iha Matadouro, Suku Vila Verde, Postu Administrativu Vera Cruz, Munisípiu Dili, sábadu horisehik.

Nia dehan adversáriu nia provokasaun maka oinsá lori nia ho Kay-Rala Xanana Gusmão bele kontra malu, insulta, tolok, deskriminasaun ba rasa no relijiaun.

“Hakilar ba. Tolok karik tolok ba. Ha’u baibain tiha ona,” Marí dehan iha konsolidasaun ho tema “Hametin estrutura baze FRETILIN atu hasoru eleisaun antesipada”.

Alkatiri husu ba militante no simpatizante FRETILIN hosi baze to’o iha leten atu hametin FRETILIN no hametin mós ema hotu-hotu ne’ebé hakarak FRETILIN manán iha eleisaun atu salva Nasaun ida ne’e.

“Ita hotu tenke serbisu maka’as para labele husik ema seluk tama hodi mai bosok povu. Ha’u kontinua hamriik iha FRETILIN nia oin para FRETILIN bele manán,” Marí afirma.

Entertantu koordenadór partidu FRETILIN Suku Vila Verde garante katak FRETILIN sei manán iha suku ne’e.

Tuir dadus eleisaun parlamentár tinan kotuk, FRETILIN hetan votus iha suku Vila Verde kuaze 1446 hosi votante rihun lima resin maka tuir eleisaun.

Observasaun TATOLI iha konsolidasaun refere militante no simpatizante FRETILIN partisipa ho Entusiazmu. Partisipa mós militante sira hosi partidu seluk, enkuantu konsolidasaun hahú iha tuku 11:00-13:30 Otl no hetan animasaun hosi banda múzika Fitun Maubere.

Jornalista: Xisto Freitas | Editór : Manuel Pinto

Imajen: Konsolidasaun partidu FRETILIN iha Suku Vila Verde. Imajen Ajénsia Tatoli/Xisto Freitas.

GMN TV | Jornal Nacional Meiu Dia

Posted: 19 Mar 2018 09:38 PM PDT

United Picture Lansa Filme Domin A[R]MANDA

Posted: 19 Mar 2018 09:22 PM PDT

DÍLI, (TATOLI) – United Picture, empreza timoroan ida, lansa filmajen badak, A[R]MANDA ho gravasaun iha Timor-Leste (TL) no autór sira mós timoroan sira. Baze ba filme A[R]MANDA mak kultura no kostume tradisionál timoroan nian.

Diretora, produsaun filme A[R]MANDA, Eufrasia Vieira, ne’ebé sei protagoniza nu’udar A[R]MANDA iha filme ida ne’e akresenta katak istória filme ida ne’e ko’alia kona-ba dame ho background Timor nia kultura, ho tradisionál ne’ebé forte.

“Ne’e duni, nia settingan ha’u hili cem anos atrás tanba hatudu katak ita-nia natureza tempu uluk hanesan ne’e,” dehan autór filme, A[R]MANDA, Eufrasia Vieira, perante públiku iha konferénsia imprensa, iha Sentru Konvensaun Díli (CCD-sigla portugés), iha fim-de-semana ne’e.

“Ne’e duni ita-nia kultura tradisionál labele lakon, sei bele ita kontinua nafatin tanba bainhira ita hatais vestidu bonita, la’ós estranjeiru nia produtu ou rai seluk mas produtu ita nian ne’ebé mak ita-nia nai ulun sira, família sira, inan doben sira halo husi nia sofrimentu, ho sira-nia tempu, ha’u agradese tebes [tais ne’ebé ha’u uza ne’e tais husi feto timoroan sira, elegante],” nia reforsa.

Filme A[R]MANDA ne’e filme kona-ba domin nian la’ós kona-ba funu. “Ami lakohi halo filme kona-ba funu, maibé ami hakarak halo filme kona-ba domin, domin ne’ebé kona-ba nia kultura, domin ne’ebé kona-ba ita-nia identidade, domin entre ema hanesan maun-alin i bin-alin tanba ita Timor, ran ida de’it,” Eufrasia Vieira fó razaun.

Nia reforsa, A[R]MANDA mós ko’alia kona-ba kestaun nasionál, feto-nia partisipasaun iha sosiedade nomós problema doméstika no ninia orijen.

Filme A[R]MANDA ne’e, nia sinopse katak A[R]MANDA nia aman ema portugés, nia inan ema Timor. A[R]MANDA nia kaben ho mane Timor [Alberto].

“Iha ne’e ami foti barlake. Alberto nia fó barlake A[R]MANDA nian ho folin ne’ebé boot tebes, entaun nia sente katak nia fó barlake A[R]MANDA ho folin ne’ebé boot nia la hodi ba pozitivu maibé negativu. Katak, nia fó folin ona, nia halo konforme tuir nia hakarak; nia halo abuzu, violénsia doméstika ba A[R]MANDA entaun A[R]MANDA sofre,” nia esplika.

Nia mensajen ne’e katak ita hodi ita-nia kultura, barlake ho di’ak ho pozitivu la’ós ba negative. Tanba ita fó folin feto hanesan ita-nia kultura tanba hanesan ita-nia respeitu, família, feto. Ne’e duni, bainhira halo sala reprezenta ita-nia.

“A[R]MANDA lori mensajen paz, domin no fim harohan ita-nia kultura, ita-nia identidade, Timor la’ós rai de’it maibé ema. Bainhira ema moris iha paz, rai mós paz,” Diretora, produsaun filme A[R]MANDA, Eufrasia Vieira esklarese.

Ministru Turizmu, Manuel Florêncio Vong hateten katak Ministériu Turizmu (MT) fó apoiu tomak ba inisiativa ida ne’e tanba turizmu hanesan buat ida ne’ebé liga ho entretenimentu, indústria entretenimentu. Filme hanesan parte ida atu bele lori, aprezenta Timor-Leste nu’udar destinu turístiku ba iha rai seluk.

“Ita hotu hatene Timor-Leste hanesan destinu turístiku foun, destinu turístiku emerjente i presiza fó prioridade ba buat rua,” dehan governante ne’e.

Prioridade, ida mak ita presiza tebes atu dezenvolve no kualifika ita-nia produtu turístíku tomak.

Ida seluk mak ita presiza halo promosaun marketing no investimentu iha ita-nia produtu sira tomak.

Hodi Ministériu Turizmu nomós ba ita-nia komunidade tomak ne’ebé mak hadomi turizmu, ita fó ita-nia apoiu tomak, ita fó ita-nia aplauza ba inisiativa di’ak ida ne’e.
“Ha’u-nia admirasaun ida seluk mak bainhira ita haree turizmu hanesan indústria ida, ita sei iha faze inisiál hanesan ne’e, dala barak ita sempre hanoin, atu hahú husi ne’ebé? Masmana Eufrazia mai ho inisiativa atu loke dalan oinsá atu lori Timor-Leste ba iha mundu no lori mundu mai iha Timor,” nia akresenta.

Tanba ida ne’e, mak valorizasaun ba iha kultura sai hanesan rekursu turístiku ida ne’ebé importante tebes ba iha rai ida ne’e nomós ita-nia natureza ne’ebé mak furak [fatin hirak ne’ebé sei sai hanesan shooting] hatudu momoos rikusoin Timor-Leste ninian.

Ita-nia fiar, ita-nia kultura, ita-nia istória no ita-nia natureza; tanba razaun ida ne’e mak Ministériu Turizmu fó apoiu tomak, pelo menus bele responde ona ita-nia preokupasaun Timor ne’e iha ne’ebé?

Maibé fiar ho filme ida ne’e, ema sei husu tuir Timor-Leste iha ne’ebé? No buka atu hatene. Ita hein katak filme ida ne’e mós, bele reprezenta inisiativa Ministériu Turizmu nian ho organizasaun mundiál ne’ebé mak sei halo lansamentu ofisiál, vizita Timor-Leste 2030, ne’ebé mak sei hala’o ofisialmente iha abril ne’e nia laran.

“Ho nune’e ita-nia target [alvu] katak até 2030, ita bele simu turista; ha’u hanoin A[R]MANDA bele fó mós kontribuisaun atu halo promosaun, vizita Timor-Leste 2030,” garante ministru turizmu, Manuel Vong.

Governante ida, Mariano Sabino, bainhira partisipa iha atividade ne’e afirma katak atividade halo filme ida ne’e hanesan eroiku tebes ba Timor-Leste nia ukun rasik aan. “Ita konsolida buat tolu importante,” friza governante ne’e.

Ida, konsolida ita-nia polítiku para ita hamriik hanesan soberanu, seluk ita konsolida ita-nia rikusoin para ekonomikamente bele ita hamriik ‘iha ita-nia ain leten’, ida seluk mak ita atu hatudu ba mundu katak ita iha identidade rasik, iha kultura rasik, iha lisan, iha tradisaun, igreja katólika, língua portugeza ne’e parte husi ita-nia identidade ne’ebé mak hatudu ba ema seluk katak ita diferente.

“Entaun, inisiativa ida ne’ebé mak ekipa ida ne’e halo, ne’e eroíku tebes i governu apresia tebes tanba iha prosesu konstrusaun estadu, konstrusaun nasaun, até konstrusaun nasaun ne’e ita mais ba iha ita ko’alia polítika, maibé konstrusaun nasaun ne’e buat moris ida; valores, ita-nia hahalok, ita-nia lisan, beiala sira-nia mehi,beiala sira-nia moris, ita-nia uma lisan, barlake, buat sira ne’e hotu hola parte integradu iha konstrusaun nasaun,” nia apresia.

Konstrusaun nasaun mak hatudu ita-nia nasaun ne’e diferente ho nasaun seluk, tanba ne’e iha planu estratéjiku mós ita tau ona iha ne’ebá, ita iha elementu haat iha planu estratéjiku; elementu ida mak dezenvolvimentu sosiál, kulturál i turizmu ho artista sira, hothotu hola parte iha ne’e.

Ba kompañia, doadór sira hotu ne’ebé mak apoiu, ministru Mariano hateten, apoiu ne’e la monu ba rai, governu apresia tanba iha momentu ida ne’ebé governu difísil iha osan atu aloka ba setór hotu-hotu imi bele hamriik para fó apoiu, ida ne’e mak dehan ita timoroan, ita pertense husi ita-nia rain, ita pertense husi ita-nia dezenvolvimentu.

Pasadu ita hotu pertense husi sofrimentu, sakrifísiu husi luta, ohin ita pertense husi dezenvolvimentu, ita buka atu hakmatek, buka ba moris di’ak, buka ba hadomi malu, buka para esplora ita-nia kultura sira.

Pasadu ita reprezenta sofrimentu oioin maibé ita tenke hakat ona ba oin katak harii Timor foun ida ba timoroan tomak, timoroan hotu tenke orgullu ne’e nu’udar Timor ninian, hothotu tenke hola parte i pertense husi prosesu dezenvolvimentu ne’ebé iha. Ita agradese no apresia ba filme A[R]MANDA.

“Ha’u hanoin katak ida ne’e loke dalan para depois sei tuir mai, i filme ida ne’e sei sai banati mós ba jerasaun sira seluk, ba joven sira seluk para hothotu bele tuir,” nia espera.

Prezidente RTTL-EP, Gil Da Costa, kontente no pronto apoia produsaun filme A[R]MANDA. “Ha’u Kontente,” dehan autoridade másima, Rádiu Televizaun Timor-Leste, Empreza Públiku ne’ebé sai mós parseiru ba produsaun filme ne’e.

Nia akresenta, dalabarak ema ko’alia kona-ba polítika de’it, dala barak ko’alia konaba funu de’it maibé la hatene ko’alia kona-ba domin, ha’u sente istória A[R]MANDA istória ida ne’ebé importante ba ita hotu katak kuandu ita fó barlake ba ita-nia feto, ita labele hanoin katak ita hola ona feto ida ne’e, ne’ebé ita halo konforme ita-nia hakarak maibé tuir tradisaun ne’ebé ita aprende, fó barlake porque ita respeita, fó dignidade boot liu ba iha ita-nia moris.

“Ha’u sente mana Eufrasia ne’ebé sei sai hanesan A[R]MANDA, reprezenta la’ós Timor de’it maibé liliu reprezenta Buibere sira ne’ebé tinan ba tinan hetan violasaun, hetan tortura tan de’it liafuan ida barlake ne’e.Maibé, filme ne’e sei reprezenta ita katak barlake ne’e atu dignifika Buibere sira-nia direitu, nia valór sai aas liu,” dehan prezidente RTTL-EP.

Tanba ne’e mak Buibere ida reprezenta ita iha mundu tomak, tuir nia, orgullu. “Ita fó hakat ida ba oin, ita fó espasu ida bele reprezenta ita hotu, la’ós ida de’it maibé ita fó motivasaun ba ita-nia joven sira ne’ebé foin sa’e bele sai kreativu liu, sai inovadór tanba presiza espresaun ho sentimentu ne’ebé di’ak, ho pozitivu, labele hanoin tan funu,” nia konklui.

Entretantu produsaun filme ne’e patrosíniu husi MT, RTTL-EP, Timor Plaza, Timor Telecom, RENTLO, NITL, KMANEK, SUPERBOCK, Pateo, Entreposto, RMS, Silvia Dili no selseluk tan.

Autór prinsipál ba filme ne’e mak Eufrasia Vieira nu’udar A[R]MANDA, Domingos Correia nu’udar Alberto, Isabel de Jesus nu’udar Nina, belun, Joel Martins, Gaspar Sarmento nu’udar vendedór ambulante, Junior Turkel nu’udar oan, no Laurentino Alves nu’udar amo.

Filme ida ne’e sei ba aprezenta iha Festivál Internasionál Sinema iha 2019, iha Estadu Unidu Amérika (EUA).

Bele akompaña mós iha:https://web.facebook.com/pg/armandafilm/posts/?ref=page_internal

Jornalista: Rafy Belo | Editór: Manuel Pinto

Empreza NOGA Hasoru PM Alkatiri

Posted: 19 Mar 2018 08:38 PM PDT

DILI, (TATOLI) – Vise Ministru Obras Públika, Transporte no Komunikasaun, Inácio Moreira akompaña ekipa empreza Northern Oil & Gas Austrália (NOGA) hasoru Primeiru-Ministru hodi ko’alia konaba fasilidade aeroportu ne’ebé empreza ne’e sei uza hodi halo esplorasaun mina rai.

“Ohin Primeiru-ministru bolu atu akompaña investor ida atu esplora mina rai ne’ebé hakarak halo ninia base came iha Timor-Leste no halo aprosimasaun atu uza ita ninia fasilidade hanesan aeroportu ne’ebé agora prepara hela, hein antes tama fulan Abríl bele halo ona kontratu ho sira hodi bele uza fasilidade sira”, tenik ba jornalista sira bainhira hasoru malu ho Xefe Governu iha Palásiu Governu, Segunda horisehik.

Inácio dehan, tanba Aeroportu Suai presiza halo hotu entaun sei organiza para uza lai Aeroportu Dili ne’ebé iha espasu livre.

“Ita tenke haksolok tanba ne’e hanesan parte ida investimentu ne’ebé ema mai investe no nia sei mai lori elikópteru mai hodi ajuda halo transporte aéreu tula ita nia moras iha área rural sira mai Dili”, Inácio dehan.

Iha parte seluk bainhira halo investimentu, empreza Australia ne’e sei rekruta timoroan atu servisu iha ninia empreza.

Tanba ida ne’e, Xefe Governu (Mari Alkatiri) konvida hodi Ministru Inácio akompaña ekipa empreza ne’e no fó instrusaun hodi prepara kontratu hodi bele ona uza fasilidade aeroportu. Maski, governante ne’e (Inácio Moreira) lahatene klaru orsamentu ho montante hira mak kompañia sei investe.

Parte seluk Diretór Ezekutivu Empreza NOGA, Anges Caron hateten empreza ne’e hakarak dezenvolve mina rai ba timoroan no prontu halo operasaun iha tempu badak ho suporta husi governu. Liu-liu servisu hamutuk ho Ministériu Obras Públika, Transporte no Komunikasaun, Ministériu Petroleum, no Ministériu Saúde.

Jornalista: Julia Chatarina | Editór: Manuel Pinto

Imajen: Vise Ministru II Obras Publikas, Transportes no Komunikasaun (MOPTK), Inâcio Moreira

EVENTU “PRODUSAUN DI’AK BA NUTRISAUN DI’AK LIU” – divulgasaun

Posted: 19 Mar 2018 08:27 PM PDT

ANÚNSIU MÍDIA

WORLD VISION AND TOMAK REALIZA EVENTU “PRODUSAUN DI’AK BA NUTRISAUN DI’AK LIU”

Dili, 19 Marsu 2018 — Ita boot sira konvida atu partisipa eventu “Produsaun Di’ak ba Nutrisaun Di’ak Liu” ne’ebé organiza husi World Vision/TOMAK ho ninia parseiru konsórsiu sira. Konsórsiu apoiu ona agrikultór sira hodi hadi’ak sira-nia metódu kultivasaun, produsaun no prosesamentu ai-han riku ho nutrisaun hodi redús deznutrisaun, no hasa’e uma-kain sira nia asesu kualidade informasaun iha nutrisaun, seguransa no diversidade ai-han sira.

Eventu World Vision/TOMAK ne’e sei realiza iha:

Loron : Kinta-feira, 22 Marsu 2018
Oras : 08:30 – 13:00 otl
Fatin : Merkadu Sentrál, Villa-Nova, Baucau

Atu konfirma ita-nia prezensa, favór kontatu:

Jose da Costa
Adjuntu Diretór World Vision
Telemovel: +670 7736 4453
E-mail: [email protected]

Jaime dos Reis
Kordenadór Senior ba Komunikasaun no Advokasia
Telemovel: +670 7738 0585
E-mail: [email protected]

Seung Eun Lim
Ofisiál Komunikasaun
Telemovel: +670 7308 3514
E-mail: [email protected]

MEDIA ADVISORY

WORLD VISION AND TOMAK TO HOLD EVENT “GOOD FARMING FOR BETTER NUTRITION”

Dili, 19 March 2018 — You are invited to the event “Good Farming for Better Nutrition” which is organised by World Vision, TOMAK and its consortia partners. The consortia have been assisting farmers to improve their cultivating methods, processing and preparing of nutrient-rich foods to reduce malnutrition, and increase family access to quality information on nutrition, food security and sustenance diversity.

The World Vision/TOMAK event will be held on:

Day : Thursday, 22 March 2018
Time : 08.30 a.m. – 01.00 p.m.
Venue : Baucau Villa Central Market

To confirm your attendance, please contact:

Jose da Costa
Deputy Country Director
Phone: +670 7736 4453
E-mail: [email protected]

Jaime dos Reis
Senior Communication and Advocacy Coordinator
Phone: +670 7738 0585
E-mail: [email protected]

Seung Eun Lim
Communication Officer
Phone: +670 7308 3514
E-mail: [email protected]

Fretilin – PD Sei Lori Progama VII Governu Sai Materia Kampania

Posted: 19 Mar 2018 01:04 PM PDT

DILI – Partidu Freilin no PD kompromete sei lori programa VII governu Konstitusional neebe maka hetan rejeisaun iha Parlamentu foin lalais nee, sai hanesan materia kampania ba eleisaun antisipada.

“Ami iha fulan neen nian laran koalia bebeik ona kona ba sa programa Fretilin sei uza hodi sai hanesan materia ba kampania elisaun antisipada, programa hirak nee maka hetan ona rezeisaun hanesan ita hatene programa VII governu konstitusional nian ida ita boot sir abele ba hare deit prorama VII governu nian nee klaru ona,” dehn Xefe Bankda Fretilin Francisco Miranda Branco iha Sala Banda Fretlilin Parlamentu Nasional, Segunda (19/3/2018).

Alem ida nee jornalista tenta konfirma asuntu sobre mudansa lista kandidstura Fretilin, Xefe Bankada partidu Fretilin Francisco Miranda Branco rekonese iha mudansa lista kandidatura, maibe nia parte lakohi fo reposta neebe klaru.

Iha fatin hanesan Xefe bankadaPartidu Demokratiku Maria Teresa Gusmao hateten husi partidu PD sempre koalia bebeik ona katak materia PD iha Kampania maka Programa VII governu neebe iha fulan hirak liu ba hetan rezeisaun husi AMP iha Parlamentu Nasional, nomos kontinuasaun programa Planu Dezemvolvimrntu Nasional.

Natalino Costa | Suara Timor Lorosae

Partidu 15 Maka Foti Lista Kandidatura

Posted: 19 Mar 2018 12:58 PM PDT

DILI – Prezidente Tribunal Rekursu Deolindo dos Santos hateten, Iha partidu sanuluh resin lima ba foti formulariu lista kandidatura, mais agora foin partidu ida, ho koligasaun ida maka hatama lista kandidatura ba Tribunal Rekursu.

Nee signifka katak partidu barak ho koligasaun tolu maka seidauk hatama lista kandidatura, neebe prasu nee ita hein to bain rua tuku lima loraik,” dehan Prezidente TR Deolindo, ba jornalista sira, hafoin remata inkontru ho PM Mari Alkatiri, iha Palasiu Governu, Segunda (19/03/2018).

Nia dehan, Iha koligasaun haat ida naran AMP nee partidu tolu, koligasaun ida naran MSD nee partidu haat, iha koligasaun ida naran MDN nee iha partidu haat, iha koligasaun ida naran PDD nee mos iha partidu haat, neebe partidu sanuluh resin lima neebe ke posta koligasaun haat.
Tanba nee Prezidente Tribunal Rekursu Deolindo hateten, saida maka publiku bele hatene katak, ate horseik iha lista kandidatura rua maka hatama ona, I ida nee Tribunal Rekursu halo verefikasaun dadauk ona, I husu mos ba STAE para atu hare kestaun balu regula para atu hare buat nee ho diak liu tan.
Portantu konaba Inkontru ida ohin ho Primeiru Ministru Mari Alkatiri nee, kolia oinsa maka Xefi Governu hare ba servisu Tribunal nian, neebe ke desde mandatu fulan hirak liu ba.

Carme Ximenes/Maria Lay | Suara Timor Lorosae

Governu timoroan asina karta intensaun nian ba fiu submarinu hosi fibra ótika nian

Posted: 19 Mar 2018 12:44 PM PDT

Iha loron-segunda ne’e, Governu timoroan asina ona karta intensaun ida ho empreza indonézia rua hodi instala fiu fibra ótika ida entre illa indonéziu Alor ho Timor-Leste, iha investimentu ida besik dolar millaun 20.

Karta ne’e asina hosi primeiru-ministru timoroan, Mari Alkatiri, no hosi reprezentante sira hosi empreza sira Moratelindo ho Telin, ne’ebé sei kria empreza ida ho direitu timoroan nian hodi jere projetu no ne’ebé sei lidera hosi timoroan Vicente Maubocy.

Ba Mari Alkatiri, hanesan projetu importante ida hodi “hapara ho izolamentu Timor-Leste nian ba mundu no hodi tulun iha dezenvolvimentu nasaun nian” ne’ebé sei iha “benefísiu maka’as ba ema timoroan sira, ba nasaun no ba komunikasaun ho mundu”.

“Atu konsege dezenvolvimentu ami tenki hapara ho izolamentu. Iha mundu globalizasaun ohin loron nian, lahó komunikasaun kualidade nian no karun, sei demora liu kontratu ne’e”, nia hatete no esplika katak ne’e hanesan “prioridade absolutu” ida ba ezekutivu.

“Projetu ne’e hanesan pozitivu tanba reprezenta investimentu estranjeiru diretu, ne’ebé hatudu konfiansa iha nasaun, sei iha impaktu boot iha ekonomia no sei fasilita kombate ba falta planu sira hosi nasaun”, nia hatutan.

Michael McPhail, reprezentante hosi Moratelindo, konsidera ona projetu hanesan “hakat boot ida ba dezenvolvimentu Timor-Leste nian” ho benefísiu sira ba área tomak maibé, liuliu, “ba populasaun ne’ebé sei haree nia folin tuun maka’as”.

Entre projetu sira seluk, empreza ne’e hanesan empreza dahuluk ne’ebé liga Indonézia ba Singapura liuhosi banda larga no marka ona prezensa iha fatin sira ne’ebé sei halo ligasaun ba Timor-Leste ho fiu ida ne’ebé sei halo daudaun iha Alemaña.

Nia esplika katak, fiu sei permiti velosidade ida hosi 100 gigabytes ba segundu ida, “ne’ebé sei bele aumenta” no ekivale “hodi halo download ba knananuk hamutuk rihun 10 iha segundu ida”.

Ba responsável hosi Telin, Yogi Bahar, projetu agora presiza apoiu hosi Governu hodi bele rezolve lalais dokumentasaun importante sira hodi permiti atu “iha fulan neen nia laran” fibra ótika to’o iha Timor-Leste.

Telin hanesan empreza indonéziu ne’ebé kontrola Telkomcel, operadora ida entre operadora tolu hosi merkadu telekomunikasaun nian iha Timor-Leste.

Iha deklarasaun sira ba Lusa, Maubocy esplika ona katak proketu sei halo iha faze rua, faze dahuluk maka ligasaun fiu to’o pontu ida besik Tasi Tolu, iha saída oeste hosi kapital timoroan nian no, hafoin ne’e, faze daruak maka ligasaun ba distritu sira.

Inácio Moreira, visi-ministru hosi Dezenvolvimentu ba Transporte no Komunikasaun sira, esplika ona ba Lusa katak nota investimentu nian kalkula katak Estadu “sei la haruka fundu ruma” iha konstrusaun hosi fiu ne’ebé sei iha naruk kilómetru 190 resin.

“Hanesan projetu ida ne’ebé hanesan investimentu privadu ida, ka, lahó ajuda ida hosi Estadu ba projetu ne’e. Investidor na’in rua hakarak fó mós ba Governu “golden share” ida hosi 30% [iha empreza]”, Moreira esplika.

Asinatura iha loron-segunda ne’e akontese liutiha fulan ida hafoin empreza sira aprezenta tiha projetu ba Konsellu Ministru sira, hodi hato’o detalle katak objetivu maka promove asesu ho velosidade iha fornesimentu hosi serbisu sira internet banda larga nian iha nasaun tomak.

Bainhira konkretiza, ligasaun ne’e sei halibur Timor-Leste ba projetu ida ne’ebé koñesidu ho naran “Palapa Ring”, investimentu ida besik dolar billiaun resin ho sesaun tolu – oeste, sentru ho leste – ne’ebé iha total reprezenta kilómetru rihun 13 resin iha arkipélagu indonéziu tomak.

Inácio Moreira esplika ona katak fiu ne’ebé sei to’o iha Timor-Leste sei halo ligasaun ba pontu uniaun ida iha zona Alor nian, provínsia Nusa Tenggara Oriental ho pontu ida iha Timor-Leste.

SAPO TL ho Lusa

Fórum Mundial Bee nian hahú iha Brazil hodi ko’alia kona-ba rekursu ho problema sira

Posted: 19 Mar 2018 12:42 PM PDT

Fórum Mundial Bee nian, ne’ebé halibur governante sira, organizasaun sira, empreza sira ho espesialista sira, hahú iha loron-segunda ne’e iha Brazília, Brazil, hodi ko’alia kona-ba problema sira hosi rekursu ne’e, ho destake ba mudansa klimátiku sira.

Portugal iha prezensa maka’as iha Fóruma Mundial Bee nian ba daualuk, nasaun dahuluk ne’ebé iha fatin iha nasaun ida lian portugeza nian, ne’ebé hakarak abranje komponente sira polítika, téknika, rejional ho jurídiku no sei hala’o to’o loron-sesta.

Iha pavillaun Portal nian sei liu polítiku sira – ministru Ambiente, sekretáriu Estadu Ambiente nian, sekretária Estadu Negósiu Estranjeiru nian no Koperasaun nian ho deputadu sira -, espesialista sira, emprezáriu sira ho reprezentante sira hosi entidade sira hanesan Ajénsia Portugeza Ambiente nain (APA), Entidade Reguladora hosi Serbisu sira Bee no Rezíduo nian (ERSAR), Águas de Portugal ka Asosiasaun Nasional hosi Munísipiu sira.

Pavillaun Portugal nian sei simu mós responsável sira hosi nasaun sira hosi Komunidade Nasaun sira Lian Portugeza nian (CPLP).

Ministru Ambiente portugés, João Matos Fernandes, sei aproveita eventu hodi hasoru malu ho ministra española ne’ebé kaer knaar iha área ne’e hodi analiza asuntu komun, hanesan Konvensaun Albufeira nian (hodi jere basia hidrográfiku komun), ka mina uránia hosi Retortillo ne’ebé hetan beibeik krítika sira hosi ambientalista sira no autarka sira hosi rejiaun ne’e – portugeza no española.

Tema importante sira ne’ebé sei analiza iha Fórum hamutuk sira – bee ho klima, bee ho saneamentu, bee ho dezenvolvimentu, bee ho sidade sira, bee ho ekosistema sira, bee ho finansiamentu, bee ho partilla, bee ho kapasitasaun no ikusmai bee ho ‘governance’, fahe iha tópiku hamutuk 32 ne’ebé sei ko’alia iha sesaun hamutuk 140.

Iha diskusaun hosi tema ida-idak sei ko’alia situasaun iha rejiaun ida-idak iha mundu.
Portugal kaer responsabilidade hodi lori prosesu rejional tomak hosi Europa. Hala’o ona enkontru sira no inkéritu sira ba nasaun europeu sira hodi elabora dokumentu ida ne’ebé defini prioridade sira tuir área sira, ne’ebé sei aprezenta durante Fórum.

Fórum, ne’ebé organiza hosi Konsellu Mundial Bee nian, integra inisiativu sira dedikadu ba grupu espesífiku sira, hanesan konsumidor sira, joven sira ka labarik sira, iha esforsu ba sensibilizasaun kona-ba importánsia bee nian.

SAPO TL ho Lusa

Servisu Intelijénsia Tenke Matenek Liu Koruptór Sira

Posted: 19 Mar 2018 05:03 AM PDT

DILI, (TATOLI) – Adjuntu Komisáriu Komisaun Anti Korupsaun (KAK), Rui Pereira, afirma ema ne’ebé servisu intelijénsia tenke matenek liu ema ne’ebé halo aktu korupsaun.

“Atu investiga koruptór sira tenke iha koñesimentu intelijénsia kriminál, nune’e bele investiga hodi deskobre buat ruma hosi erru balun ne’ebé komete, se koruptór sira matenek liu fali servisu intelijénsia signifika servisu sei la susesu”, Adjuntu Komisáriu KAK, Rui Pereira, ba jornalista sira hafoin halo abertura treinamentu kona-ba Criminal Intelligence And Investigation ne’ebé halo iha Ótel Ramelau, segunda (19/3).

Treinamentu ne’e importante tebes ba investigadór sira hodi investiga koruptór sira liuhosi koñesimentu ne’ebé apropriadu, se la’o koruptór sira bele matenek liu fali investigadór.

Nune’e, durante ne’e KAK enfrenta difikuldade barak, tinan kotuk kamara kontas halo audit no sira koa osan intelijénsia nian maibé esforsu atu diskute fali ho sira hodi prevee osan tanba servisu intelijénsia tenke haruka ema la’o tun sa’e atu buka informasaun presiza osan, la’os ema ne’ebé deskonfiadu mak fó han fali ba ita, katak adjuntu.

“Ita ba buka informasaun la’os ema ne’ebé ita deskonfia mak fó han fali ba ita, ne’e la loos ona, nune’e mak presiza meiu hotu”, katak.

Enkuantu, tinan kotuk KAK planu atu hola ekipamentu, maibé la konsege tanba proposta la konsege liu iha diskusaun Komisaun C Parlamentu Nasionál.

Ezemplu, servisu intelijénsia Polísia Nasionál Timor-Leste (PNTL) nian, oinsá mak uza ekipamentu hodi hafuu ema ne’ebé halo krime, se KAK ne’ebé atu hafuu ema ne’ebé halo korupsaun.

Entretantu, formasaun ne’e ba autoridade judisiál ne’ebé mai hosi KAK, Servisu Investigasaun Kriminál, Alfandega no PNTL, maske nune’e, treinamentu ne’e la’os foin halo maibé kontinua tinan kotuk nian ne’ebé ko’alia kona-ba intelijénsia kriminál.

Parte seluk, Embaixadora Estadu Unidu Amerika (EUA) iha TL, Kathleen M. Fitzpatrick, reforsa treinamentu ne’e importante tebes atu kapasita servisu intelijénsia nian hodi garante servisu ho professionál iha agora no ba futuru.

Embaixadora EUA husu ba formandu sira atu aproveita oportunidade hodi aprende, aumenta koñesementu iha área intelijénsia kriminál.

Jornalista: Zezito Silva | Editora: Rita Almeida

Imajen: Adjuntu Komisáriu KAK trata asuntu Prevensaun, Rui Pereira dos Santos

Kazu Emilia Pires, Deolindo: “Hau Labele Fo Komentariu”

Posted: 19 Mar 2018 04:46 AM PDT

DILI – Prezidente Tribunal Rekursu Deolindo dos Santos hateten, konaba kazu sira neebe maka pendente, inklu kazu Emilia Pires, hanesan Prezidente TR no Juiz iha TR, labele espresa nia opiniaun konaba kazu sira neebe maka pendente.

Konaba kazu sira neebe ke pendente, inklui ita boot husu dadauk nee hau labele fo komentariu, enkuantu hau Prezidente Tribunal Rekursu I Juiz Tribunal Rekursu, tanba hau labele espresaun hau nia opinuan hanesan konaba kazu sira neebe ke pendente, nee so iha desizaun maka hau bele hateten katak nee halo nusa,” dehan Prezidente TR Deolindo, ba jornalista sira, bainhira remata inkontru ho Primeiru Ministru Mari Alkatiri, iha Palasiu Governu, Dili, Segunda (19/03/2018).

Portantu responde konaba Primeiru Ministru husu atu halo auditoria, Prezidente TR Deolindo hateten, ida nee PM hatoo tiha iha fulan hirak liu ba, depois buat balu neebe ke prevei ona ba planu asaun Tribunal nian iha tinan ida nee, I buat balu neebe ke seidauk iha posibilidade Tribunal husik fali ba prosima anu hodi hare buat sira nee.

Iha parte ketak Eis deputadu Riak Leman hateten, se maka halo korupsaun ou naok povu nia osan, tenke ba hatan iha Tribunal, atu nunee bele toma responsabilidade ba aktu neebe nia komete.

Entretantu Diretor Ezekutivu LABEH Cristopher Henry Samson hateten, ema hotu iha lei nia okos, tanba nee se maka komete korupsaun tenke ba sulan iha kadeia.

Carme Ximenes/Maria Lay | Suara Timor Lorosae

AMP Rejistu Ona Iha TR

Posted: 19 Mar 2018 04:42 AM PDT

DILI – Partidu Aliansa Mudansa ba Progresu (AMP) kompostu husi koligasaun PLP, KHUNTU, CNRT rejista ona iha tribunal rekursu, ho kandidatu 90.

Ohin ofisialmente AMP mai hatama lista kandidatura ba membru Parlamentu Nasional nee sinal ofisial nian, hatudu katak AMP prontu ona, atu kompete iha elisaun antisipada neebe sei mai, ami rejistu legalmente, ami kumpri ona rekejitus neebe iha, AMP prontu kompete,” dehan Kordenador Media AMP Mericio Akara ba Jornalista sira iha Tribunal De Rekursu, Segunda, (19/03/2018).

Hatan konaba kriteira atu hili kandidatu Mericio hatan, kriteira internal iha, kandidatu neebe mai nee, tuir AMP nia kriteira hotu hotu mai husi partidu tolu nee, balu estrutua altu, balu reprezenta feto.

Nunee mos, partidu MDN kompostu husi koligasaun, UNDERTIM, MLPM, APMT, PLPa iha loron Sabadu 17/03 oras tuku 11:00 rejista mos iha tribunal ho lista kandidatu 65.

Partidu PR mos iha loron Domingo 18/03 oras tuku 15:00 rejista iha tribunal rekursu ho kandidatu 65. No partidu neebe rejistu, prense hotu kuota numeru 3 ba feto. No partidu PEP mos rejista ona, iha tribunal rekursu.

Terezinha De Deus | Suara Timor Lorosae

GMN TV | Jornal Nacional Kalan

Posted: 19 Mar 2018 04:29 AM PDT

Governo timorense assina carta de intenções para cabo submarino de fibra ótica

Posted: 19 Mar 2018 04:27 AM PDT

Díli, 19 mar (Lusa) – O Governo timorense assinou hoje uma carta de intenções com duas empresas indonésias para a instalação de um cabo de fibra ótica entre a ilha indonésia de Alor e Timor-Leste, num investimento de cerca de 20 milhões de dólares.

A carta foi assinada pelo primeiro-ministro timorense, Mari Alkatiri, e pelos representantes das empresas Moratelindo e Telin, que criarão uma empresa de direito timorense para gerir o projeto e que vai ser liderada pelo timorense Vicente Maubocy.

Para Mari Alkatiri, trata-se de um projeto essencial para “romper o isolamento de Timor-Leste face ao mundo e para ajudar ao desenvolvimento do país” que terá “grandes benefícios para os timorenses, para o país e para a comunicação com o mundo”.

“Para conseguir o desenvolvimento temos que romper o isolamento. No mundo globalizado de hoje, sem comunicação de qualidade ou cara, fica mais demorado esse contrato”, afirmou, explicando que esta é uma “prioridade absoluta” para o executivo.

“Este projeto é positivo porque representa investimento estrangeiro direto, que mostra confiança no país, terá um grande impacto na economia e facilitará o combate às assimetrias do país”, sublinhou.

Michael McPhail, representante da Moratelindo, considerou o projeto um “grande passo para o desenvolvimento de Timor-Leste” com benefícios para todos os setores mas, particularmente, “para a população que verá os custos baixar significativamente”.

Entre outros projetos, a empresa foi a primeira a ligar a Indonésia a Singapura por banda larga e tem já marcado os locais por onde passará a ligação para Timor-Leste com um cabo que está a ser fabricado na Alemanha.

O cabo, explicou, permitirá uma velocidade de 100 gigabytes por segundo, “que pode ainda ser aumentada”, e que equivale “a descarregar 10 mil canções por segundo”.

Para o responsável da Telin, Yogi Bahar, o projeto requer agora o apoio do Governo em termos de agilizar a documentação necessária permitindo que “dentro de seis meses” haja fibra ótica a chegar a Timor-Leste.

A Telin é a empresa indonésia que controla a Telkomcel, uma das três operadoras do mercado de telecomunicações em Timor-Leste.

Em declarações à Lusa, Maubocy explicou que o projeto será feito em duas fases, a primeira a ligação do cabo até um ponto próximo de Taci Tolo, na saída oeste da capital timorense e, depois, a segunda fase de ligação aos distritos.

Inácio Moreira, vice-ministro de Desenvolvimento para Transportes e Comunicações, explicou à Lusa que a nota de investimento prevê que o Estado “não tenha que injetar quaisquer fundos” na construção do cabo de cerca de 190 quilómetros.

“Trata-se de um projeto que é de puro investimento privado, ou seja, sem qualquer contrapartida do Estado para o projeto. Os dois investidores querem ainda dar ao Governo uma ‘golden share’ de 30% [na empresa]”, explicou Moreira.

A assinatura de hoje ocorreu um mês depois de as empresas terem apresentado o projeto ao Conselho de Ministros, detalhando que o objetivo era promover o acesso e a velocidade no fornecimento dos serviços de internet de banda larga a todo o país.

Quando se concretizar, esta ligação unirá Timor-Leste ao projeto conhecido como ‘Palapa Ring’ (Anel de Palmeira), um investimento de cerca de mil milhões de dólares com três secções – oeste, centro e leste – que no total representam mais de 13 mil quilómetros ao longo do arquipélago indonésio.

Inácio Moreira explicou que o cabo que vai para Timor-Leste vai conectar um ponto de junção na zona de Alor, província de Nusa Tenggara Oriental a um ponto em Timor-Leste.

ASP // VM

Apoio à independência de Taiwan cai para 38,3% – sondagem

Posted: 19 Mar 2018 04:20 AM PDT

Pequim, 19 mar (Lusa) – O apoio à independência de Taiwan baixou de 51,2% para 38,3%, desde maio de 2016, altura em que a atual Presidente taiwanesa, Tsai Ing-wen, assumiu o cargo, segundo uma sondagem divulgada hoje pela fundação Opinião Pública Taiwanesa.

“É uma mudança rara e inesperada”, afirmou o presidente da fundação, You Ying-long, ao apresentar os resultados numa conferência de imprensa, em Taipei.

O apoio à unificação com a República Popular da China alcançou também um apoio recorde, de 20,1%, enquanto 24,1% optou por manter o status quo, e 17,5% não respondeu.

A sondagem foi feita com uma amostra de 1.071 pessoas, com idade superior a 20 anos, entre os dias 11 e 13 deste mês.

A atual política de Pequim, de antagonizar o Governo taiwanês liderado por Tsai, do Partido Democrático Progressista (DPP), pró-independência, enquanto oferece incentivos a indivíduos ou empresas de Taiwan, poderá ter contribuído para elevar o apoio à unificação da ilha, segundo vários especialistas.

Taiwan, a ilha onde se refugiou o antigo governo chinês depois de o Partido Comunista (PCC) tomar o poder no continente, em 1949, assume-se como República da China, mas Pequim considera-a uma província chinesa e ameaça usar a força caso declare independência.

JPI // SB

RÚSSIA/ELEIÇÕES | Putin tem 76,67% dos votos com 99,8% das urnas apuradas

Posted: 19 Mar 2018 02:09 AM PDT

Eleições presidenciais na Rússia

Em 18 de março a Rússia escolheu o presidente que governará o país nos próximos 6 anos. Acompanhe o processo de votação nas seções eleitorais de todo o país. O infográfico interativo da Sputnik mostra o decorrer das eleições.

Putin obtém mais votos que nas eleições anteriores

Segundo a Comissão Eleitoral Central, Vladimir Putin demonstrou um recorde eleitoral, ao obter um maior número de votos em comparação com as eleições anteriores.

Mais de 56 milhões de pessoas votaram nas eleições

De acordo com os dados preliminares da Comissão Eleitoral Central, o comparecimento nas eleições foi de 67,4%. Segundo explicou a presidente da comissão eleitoral, Ella Pamfilova, os altos indicadores estão relacionados à campanha informacional levada a cabo pelas várias entidades ligadas às eleições.

‘Não é somente uma vitória absoluta’

“Não é somente uma vitória absoluta [de Vladimir Putin], mas também uma confirmação convincente de que a linha seguida pelo atual presidente na política interna e externa é apoiada claramente pelos cidadãos russos”, afirmou o presidente do Comitê de Assuntos Exteriores da câmara alta do parlamento russo, Konstantin Kosachev durante um encontro com o deputado do Parlamento Europeu Stefano Maullu.

Putin ganha cerca de 1 milhão de votos na Crimeia

Vladimir Putin teve 92,14% dos votos na Crimeia

‘Você está louco?’ A resposta de Putin quanto à devolução da Crimeia

O presidente russo, Vladimir Putin, declarou no filme “Putin” que a Crimeia nunca mais será parte da Ucrânia. Desta forma, o presidente russo respondeu ao jornalista russo Andrei Kondrashov, que lhe perguntou sobre em quais as circunstâncias a Rússia devolveria a península à Ucrânia.

*Parcial da página

TA com Sputnik | Foto: Sputnik / Mikhail Klimentyev / Kremlin

Uza Mídia Sosial Insulta Ema Tenke Kriminaliza

Posted: 19 Mar 2018 01:19 AM PDT

DILI, (TATOLI) – Vise Ministru Obras Públikas, Transporte no Komunikasaun, Inácio Morreira, hala’o enkontru ho parte kompotente hanesan Prokuradoria Jerál Repúblika (PJR), Polísia Nasionál Timor-Leste (PNTL), Konsellu Imprensa (KI), no operadór telekomunikasaun Timor Telecom, Telkomcel no Telemor, buka meius ba utente mídia sosiál hodi ko’alia aat ema.

“Foin lais ha’u halo reuniaun boot ida ho instituisaun relevante no ikus mai ami deside atu se de’it mak uza identidade falsu hodi insulta ema iha mídia sosial tenke kriminaliza”, tenik ba jornalista sira iha Palásiu Governu, ohin.

Hodi dehan, ikus mai iha parte balun mak uza mídia sosiál hanesan Facebook laiha étika ho liafuan ne’ebé mak ladun di’ak, tolok malu, trata malu, enkuantu Timor nia identidade la’ós hanesan ne’e.

“Hanesan ita hotu hatene nu’udar ema, dala ruma uza mídia sosiál ho identidade falsu ne’ebé trata malu, tolok malu no defama malu ne’ebé ladun di’ak”, katak.

Nune’e, Governante ne’e husu atu ida-idak bele konsiente no komprende atu uza mídia sosiál no importante liu mak bele fó informaasaun no komunikasaun ho loloos no di’ak no alende ne’e parte balun uza mídia sosiál hodi trata lider istóriku sira.

“Ba ita ne’ebé mak uza mídia sosiál, ita harre ba hanesan sira balun la konsiente, uza ninia identidade falsu hodi trata lider sira”, dehan tan.

Tuir nia kódiku penál iha duni dalan hodi kriminaliza maibé ne’e depende ba instituisaun kompetente sira.

“Ba oin hotu-hotu tenke hatene uza Facebook, balun hetan kapturasaun ona no hein katak nia bele rekoñese ninia án tanba nia ko’alia duni hanesan ne’e, ida ne’e mak importante liu”, afirma.

Entretantu kódigu penál TL nian la ko’alia ona kona-ba defamasaun maibé iha artigu 285 kona-ba denúnsia kalunioza. Artigu ne’e iha alinea 1) ema ne’ebé, ho meiu naran ida, iha autoridade nia oin ka publikamente, ho konxiénsia katak imputasaun ne’e falsu, denunsia ka soe suspeita katak ema ida halo krime ida, ho intensaun atu halo ema ne’e hasoru prosedimentu kriminál sei hetan pena prizaun too tinan 3 ka multa.

Alinea 2) Kuandu ajente halo imputasaun falsu kona-ba ilísitu kontra-ordenasionál ka dixiplinár, pena sei hetan atenuasaun extraordinária.

Alinea 3) Kuandu funsionáriu ne’ebé iha obrigasaun atu hala’o prosedimentu kriminál maka promove dolozamente faktu deskritu iha númeru anteriór sira pena aplikavel nia limite mínimu no másimu sei agrava datoluk ida.

Jornalista: Julia Chatarina | Editora: Rita Almeida
Imajen: Vise-Ministru Obras Públikas, Transporte no Komunikasaun, Inácio Moreira

KAK Submete Ona Kazu 24 Ba MP

Posted: 19 Mar 2018 12:59 AM PDT

DILI, (TATOLI) – Adjuntu Komisáriu Komisaun Anti Korrupsaun (KAK), Rui Pereira, informa Komisaun Anti Korrupsaun (KAK) haruka ona kazu 24 ba Ministériu Públiku (MP) atu prepara akuzasaun hodi lori ba Tribunál.

“Kazu liu 28 no 24 mak prosesu investigasaun finaliza no haruka ona ba Ministériu Públiku (MP) atu sira bele haree katak sei falta buat ruma eh menus bele haruka fali mai atu hadi’a hikas, maibé kuandu kompletu ona sira prepara akuzasaun atu lori ba tribunál,” Adjuntu Komisáriu Komisaun Anti Korrupsaun (KAK), Rui Pereira ba Jornalista sira hafoin halo abertura treinamentu kona-ba Criminal Intelligence And Investigation ne’ebé organiza hosi Misaun Estadu Unidus Amérika iha Timor-Leste, Otél Ramelau, Segunda (19/03).

Tipu kazu hirak ne’ebé KAK halo ona investigasaun mak abuzu podér, partisipasaun ekonómiku no negósiu, korrupsaun pasiva no ativa inklui akuzasaun sira seluk.

Nune’e, kazu hirak ne’ebé delega ona ba MP hamutuk 24 liuhosi finalidade investigasaun no restu sei iha prosesu investigasaun eh seidauk konklui no inklui mós kazu foun hirak ne’ebé foin tama.

Kazu hirak ne’e balu mai hosi 2016, 2017 no 2018, nune’e atu investiga kazu korrupsaun, ne’e kazu kompleksu tebes, la’ós krime komún. Tanba ne’e ita presiza koopera ho instituisaun sira seluk atu bele hetan dokumentu hirak komprovativu.

Enkuantu, KAK sei halo imprime relatóriu servisu, no iha tempu badak sei submete relatóriu servisu ba Parlamentu Nasionál.

Maski Parlamentu Nasionál nia funsionamentu ho Komisaun Permanente, maibé KAK sei ba entrega relatóriu servisu tinan ida nian.

“Prezidente Parlamentu, Aniceto Guterres karik bele ajenda ami bele halo esplikasaun, maibé sé lae konforme ba sira,” Komisáriu Rui dehan.

Jornalista: Zezito Sila | Editór: Manuel Pinto

Imajen: Adjunto Komisariu Komisaun Anti Korrupsaun (KAK) Rui Pereira dos Santos koalia ho jornalista sira iha konfrensia imprensa, iha edifisiu KAK, Farol, Segunda (10/07). FOTO Midia KAK

Peace Boat Ho Pasajeiru Pur Volta 600 Vizita Timor-Leste

Posted: 19 Mar 2018 12:59 AM PDT

DILI, (TATOLI) – Peace Boat (Ró Pás) husi Japaun ne’ebé lori pasajeiru husi nasaun barak ho ema pur volta 600 vizita Timor-Leste.

Vizita ida ne’e tanba liuhusi programa entre Timor-Leste no Japaun nu’udar país amigu nomós nasaun ida ne’ebé sai hanesan modelu ba iha dezenvolvimentu pás iha mundu nian.

Aleinde ne’e Timor-Leste hanesan destinu turístiku maka pasejeiru sira ne’e hili Timór hodi haree ho besik.

Ministru Turizmu (MT), Manuel Vong, hatete turista sira ne’e bá vizita fatin turístika hanesan Maubara, Likisá, Muzeu Rezisténsia, Kristu Rei no haleu iha Dili laran liuliu fatin hirak ne’ebé sira hili atu bá haree.

“Ministériu Turizmu rasik mós organiza espozisaun ki’ikoan ida iha Sentru Informasaun Turístika, Bidau-Lesidere hodi bele akolla sira atubele haree nomós sosa ita-nia komunidade sira-nia sasán ruma ne’ebé mak sira fa’an”, Vong hatete iha Portu Dili, ohin, bainhira simu bainaka sira ne’ebé mai vizita Timor-Leste.

Objetivu prinsipál husi vizita ne’e atu hametin relasaun entre nasaun rua ne’e nomós enkuadra Timor-Leste iha mundu tomak nia leet tanba vizitante sira ne’e mai husi país oioin.

“Nune’e tulun ita atu divulga Timor-Leste ba mundu nomós lori munda mai Timór”.

Ministru relata bainhira ko’alia ho bainaka balun katak sira admira tebes Timor-Leste hanesan nasaun ida bonita, kapa’as, nia ema mesak di’ak “entaun mai ita hotu sai hanesan uma-na’in di’ak hodi bele oferese ospitalidade ida ne’ebé di’ak”.

“Ró na’in mós hatete nia sei hakarak atubele lori ró ne’e vizita regularmente mai Timór no señor Ramos Horta mós sei sai hanesan guest spiker iha ró laran entre viajen husi Dili bá Denpasar-Bali (Indonézia). Ha’u hanoin ne’e hanesan oportunidade ida di’ak ba Timór, mai ita hametin pás no estabilidade, lori ita-nia rai ne’e hetan nia liberdade totál no bele halo dezenvolvimentu liuhusi setór turizmu, kontribui bá iha ita-nia libertasaun pátria, nasaun, povu atu hetan moris di’ak ba ema tomak”.

Director of Peace Boat, Nohira Shinsaku, hatete tinan 18 liubá Peace Boat ba dahuluk vizita ona Timor-Leste no momentu ne’e iha ajenda barak mak hela iha komunidade lokál nia uma no lahaluha ospitalidade ne’ebé di’ak tebes no sira kontente hodi vizita tan nasaun ne’e.

“Iha futuru ami sei lori ema barak mai vizita Timor-Leste. Ha’u hanoin ami gosta ospitalidade ema Timór nian no ami bele aprende barak esperiénsia timoroan nian tanba ema Timór nia esforsu ba iha prosesu independénsia no rekonsiliasaun no halo esforsu boot ba pás. Ami hakarak haforsa relasaun entre Peace Boat ho Timor-Leste dalaida tan”.

Notísia ne’ebé relasiona :
http://www.tatoli.tl/2017/08/peace-boat-cruise-sei-vizita-timor-leste/

Jornalista: Merry Freitas | Editór: Manuel Pinto

Imajen: Peace Boat. Foto/Google.
You are subscribed to email updates from TIMOR AGORA.
To stop receiving these emails, you may unsubscribe now. Email delivery powered by Google
Google, 1600 Amphitheatre Parkway, Mountain View, CA 94043, United States

Please follow and like us:
error