timor agora 30 nov 016

TIMOR AGORA

Sobu Estrada, Moras no Asidente Ameasa Lospalos
MKIA Realiza Kompetisaun Soru Tais
F-FDTL TENKI REFORSA PNTL ATUA GAM
LABELE UZA PATRIMÓNIU ESTADU BA AKTIVIDADE POLITIKU
Governu Tenke Tau Importansia Ba Setor Neebe Hadia Ekonomia
Governu Presiza Investe Makaas Rekursus Umanus TL
Tribunal hasai ema estranjeiru na'in tolu ne'ebé kaer iha findesemana iha Díli
OMS rekomenda autodiagnóstiku HIV tanba 40% la hatene katak sira hetan infesaun
MANUTENSAUN TRAKTOR, DESKONFIA ESTANISLAU FÓ BA FAMÍLIA
DELIMITASAUN FRONTEIRAS TASI, PRESIZA PASIENSIA HO DETERMINASAUN
ABEL XIMENES: “HATUTAN LUTA HEROI PRESIZA MATENEK”
La Asesu Rede Telekomonikasaun, Taur Husu Aprezenta Pedidu
Labele Moe Iha Oan Defisiente, Tenke Haruka Asesu Ba Edukasaun
Estudante Uza Media Sosiais, Tenke Uza Fo Benefisiu Ba Estuda
Ho Antusiazmu, Komunidade Ataúru Selebra Loron Proklamasaun Independensia
Dezde Tempu Indonézia to’o Ukun-an, Makili Seidauk Asesu Eletrisidade
Semana Ida, PNTL Rezista Asidente 17
CRL: Trabalho introdutório à Metodologia de Análise Legislativa
Cooperação entre a China e ONU é "absolutamente essencial", diz António Guterres
Cinco sobreviventes e 76 mortos em acidente de aviação na Colômbia – Oficial
Investimentu ZEESM Larefleta Ba Realidade Moris
Kaju Emilia, Sai Preokupasaun Ba Publiku
Taur: Hau La Faan Dignidade sosa Uma Mutin
OJE 2017 4 Miloens Aloka Ba Pensaun Vitalisia
RAMOS HORTA, LU-OLO NO LERE MAK SEI KOMPETE BA PR

Sobu Estrada, Moras no Asidente Ameasa Lospalos

Posted: 29 Nov 2016 10:29 PM PST

LOSPALOS: Orientasaun governu hodi sobu estrada ne’ebé liga Lautem ho kapital Lospalos, hamosu preokupasaun públiku. Juventude Rezistensia-Veteranus konsidera kondisaun estrada ne’e, sei fó impaktu negativu ba komunidade sira-nia saúde no bele hamosu asidente.

Kompañia sobu tomak estrada, no daudauk ne’e nahe de’it ho rai-mutin ne’ebé hamosu rai-rahun maka’as no namdoras bainhira udan monu rai.

Porta voz Juventude Rezistesia no Veterenus Munisipiu Lautem, Octavio da Conceição “Oslo” hatete, kondisaun estrada ne’e sei hamosu moras infeksaun respiratoria (ISPA) no hamosu asidente, tanba namdoras.

“Komunidade iha Munisípiu Lautem, sei afetadu ba moras infeksaun respiratoriu (ISPA), tanba rai-rahun no dezastre tanba namdoras iha tempu udan,” hatete porta voz ne’e liu husi konferensia imprensa iha fatin Selebrasaun 28 Novembru, Lospalos, Domingu (27/11).

Tuir nia, preparasaun fizika ba seremonia 28 Novembru foin la’o iha fulan Outubru. Tanba, sistema koordenasaun entre governu sentral ho munisípiu ne’ebé ladún apropriadu.

Lee mós: Jeneral Lere Preokupa Estrada Lautem-Lospalos

Tanba ne’e, sira ezije ba kompañia ne’ebé sobu estrada no governu sentral atu hadia lalais estrada ne’ebé ateru de’it ho rai-mutin ne’e.

Ba kestaun ne’e, Administradór Munisípiu Lautem, Zeferino Pereira hatete, hahú hosi Aldeia Rasa to’o Lospalos Vila, komunidade han rai-rahun no afeta ba komunidade sira balun sofre moras.

“Governu sentral nia hanoin atu tau alkatraun husi Rasa mai iha ne’e, mais tanba ho tempu, difikuldades no orsamentu entaun ita altera no ateru de’it. Ida ne’e kompetensia aprovizionamentu nivel nasionál la’ós kompetensia Administrasaun Munisípiu Lautem nian,” hatete Zeferino ba olatimornews iha fatin komemorasaun loron 28 Novembru, Lospalos Vila, Segunda (28/11).

Nia hatete, konstrusaun estrada ne’e sei halo dala ida de’it ho projetu estrada Baukau-Lautem ne’ebé nia prosesu tenderizasaun remata tiha ona.

“Bainhira tau alkatraun mak kualidade la di’ak, iha tempu badak nia laran sei sobu fila-fali, tanba agora dadauk mós estrada husi Baukau to’o Lautem tuir informasuan katak tenderizasaun hotu ona no ita hein implementasaun de’it,” dehan nia. (*)

Ola Timor – Aquino Campos – Editór: Tellukoro

Foto: Kompañia ne’ebé sobu alkatraun iha estrada ne’ebe liga Lospalos Vila-Lautem ateru de’it ho rai mutin, nune’e provoka rai rahun no namdoras iha tempu udan. (Olatimornews Foto/Aquino Campos)

MKIA Realiza Kompetisaun Soru Tais

Posted: 29 Nov 2016 10:26 PM PST

LOSPALOS: Ministériu Komersiu, Industria no Ambiente (MKIA) realiza kompetisaun soru tais hodi harame liu tan selebrasaun loron Proklamasaun Independensia ba tinan 41 iha Munisipiu Lautem.

Kompetisaun soru tais ne’ebé realiza liu husi feira durante loron tolu, hahú husi Sesta (25/11) to’o Domingu (27/11), ne’e ho objetivu atu bele halo animasaun ba komunidade sira no oinsa mak bele promove di’ak liu tan tais Timor.

Aleinde kompetisaun soru tais, iha feira ne’e MKIA realiza programa kompetisaun hakail ikan iha Com ho objetivu atu promove fatin turizmu.

Kompetisaun ne’e hetan partisipasaun husi peskadór sira husi grupu 21, la’os de’it peskadór lokal maibé mós Internasional.

Vise Komisaun Organizadora Anival de Carvalho Martins hatete, MKIA realiza feira hetan apoiu husi Kompaña Heineken, Dellos, W-Four, no Telemor, inklui orsamentu husi governu.

“Ita realiza feira ida ne’e tanba hetan apoiu husi Kompaña sira no mós orsamentu ne’ebé mak aprova husi Parlamentu Nasionál ba iha MKIA nian,” dehan Anival.

Komunidade sira ne’ebé partisipa iha feira hamutuk tenda 102, kompostu husi Grupu Lokal 37, Nasionál 42, inklui institusaun governu.

Vise komisaun ne’e dehan, aleinde kompetisaun hirak ne’e, iha mós kompetisaun Motocross no kompetisaun ba homan taru, nudar dalan ida atu oinsa bele dezenvolve di’ak liu tan kultura ne’ebé TL iha.

Selebrasaun refere partisipa mós husi populasaun sira husi munisipiu sira seluk no hetan animasaun husi artista nasional no mós internasional.

Kona-ba orsamentu, MKIA aloka orsamentu rihun $200 hodi realiza atividade ba loron proklamasaun independensia iha Lospalos. (*)

Ola Timor – Aquino Campos – Editór: Tellukoro

Foto: Kompetisaun soru tais ne’ebé realiza iha Lospalos ho objetivu atu bele halo animasaun ba komunidade sira no oinsa mak bele promove di’ak liu tan tais Timor. (olatimornews FOTO: Aguino Campos)

Lee liu iha Ola Timor
Polisia Kaer Ona Suspeitu Kazu Bebonuk na’in 8
7 Dezembru, TL-Indonezia sei Rezolve Fronteira Naktuka
Adeus ‘El Comandante..!!’

F-FDTL TENKI REFORSA PNTL ATUA GAM

Posted: 29 Nov 2016 09:17 PM PST

Haree ba problema entre Grupu Arte Marsiais (GAM), iha kapital Dili hodi rezulta ema mate, kanek no uma hetan estragus nune’e fo impaktu ba instabilidade mak observador Politika Nasional husi Universidade Nasional Timor Lorosa’e (UNTL), Camilo Ximenes Almeida, husu Falintil Forsa Defeza Timor-Leste atu reforsa Polisia Nasional Timor-Leste (PNTL) atu atua ba krime hirak ne’e.

Camilo dehan, problema entre GAM iha Dili laran, halo povu nia movimentasaun loron no kalan la seguru.

“Falintil Forsa Defeza Timor Leste (F-FDTL), atu reforsa PNTL hodi hala’o operasaun ba Grupu Artemarisiais (GAM) iha kapital Dili, iha tempu kalan nune’e bele garante seguransa no estabilidade ba povu sira. Situasaun ida ne’ebé mak besik ona eleisaun, ha’u hanoin F-FDTL tenki aumenta tan operasaun la’o ba mai iha tempu kalan, so loron ne’e Polisia deit,”esplika Camilo Ximenes Almeida, ba jornalista iha Kampus UNTL Antigu, Caicoli, Dili, Tersa (29/11).

Nia dehan, la’os iha tempu funu deit mak halo operasaun, maibe iha situasaun ida hanesan ne’e ba atu asegura seguransa no estabilidade presiza patrulha ne’ebé mak rutina atu nune’e povu ne’ebé mak la’o ne’e ho liberdade.

Nune’e mós, Camilo Ximenes Almeida, tristi oituan ho servisu autoridade lokal sira, tanba dala ruma problema akontese iha Suku laran no Aldeia entre joven sira, maibe autoridade sira labele buka atu hakalma.

Nune’e nia sujere ba Ministério Estatal tenki fo orientasaun maka’as ba autoridade lokal sira atu kria seguransa ne’ebé mak extra, seguransa ne’e la’os PNTL deit, maibe autoridade sira presiza fo atensaun ba ninia povu sira atu mantein orden públiku.

Alende ne’e Camilo Ximenes Almeida, husu ba PNTL atu atua mós ema sira ne’ebé mak sunu paixon iha tempu kalan. Tanba tuir nia, kuandu ema tiru paixon iha tempu kalan fo impaktu mós ba ema seluk ninia deskansa.

“Los duni menggangu estabilidade. Ha’u hanoin tenki atua duni. Ne’e duni PNTL tenki hasai sira ninia patrulhamentu extra atu bele atua buat sira hanesan ne’e,”hatete Camilo Ximenes Almeida.

Nune’e mós nia dehan, dala ruma bo’ot balun (lider politiku) mak fasilita fugetis ba labarik balun iha Becora hodi sunu paixon tarutu hanesan kainaun.

“Ha’u hela iha Becora labarik sira sempre dehan katak, iha ministru balun iha osan, kuandu iha 31 Dezembru sira ne’e petasan (fugetis) ne’ebé mak tarutu hanesan kainaun ne’ebé mak ita rona. Ne’ebé dala ruma ita husu se mak fo Ministru sira mak faslita hela buat sira hanesa ne’e,”hateten Camilo Ximenes Almeida.

Nia fo hanoin hikas katak, ho problema GAM iha kapital Dili nomós iha teritoriu Timor laran tomak, IV Governu ne’ebé mak lidera husi Kay Rala Xanana Gusmão, desidi no hasai rezolusaun Governu hodi taka tiha GAM, hanesan Kmanek Oan Rai Klaran (KORK), Persaudaran Setia Hati (PSHT), Kera Sakti, atu labele hala’o sira ninia treinamentu. Maibe iha realidade mak GAM sira kontinua hala’o sira ninia aktividade treinamentu, PNTL tenki atua.

Iha parte seluk antes Komandante Jeral PNTL, Komisariu Julio Hornay hatete, atu rezolusaun ne’e forte ka la forte, ne’e iha Tribunal mak hatene, Polisia nia knaar mak oinsa implementa rezolusaun ne’ebé Governu fo sai.

“Ami labele dehan, rezolusaun Governu nian la forte, ami ezekuta deit rezolusaun ne’ebé mak fo sai ona”hatete Julio Hornay, iha Kuartel PNTL Munisipiu Lautem foin lalais ne’e.avi

Jornal Nacional

LABELE UZA PATRIMÓNIU ESTADU BA AKTIVIDADE POLITIKU

Posted: 29 Nov 2016 09:15 PM PST

Prezidenti Comissão Nacional de Eleições (CNE), Alcino Barrís hateten, Lei proibi Partidus Politiku sira uza patrimoniu Estadu hodi ba hala’o aktividades politikus.

“CNE iha kompetensia atu garante tratamentu de igualidade, signifika katak, labele iha parte balun uza fasilidade Estadu nian no balun la’e. Lei dehan katak, labele uza patrimoniu Estadu nian ba hala’o aktividades politikus ka ba fali interese partidarias nian, tamba lei proibi,”informa Prezidenti CNE, Alcino Baris ba jornalista sira foin lalais iha salaun enkontru CNE, hodi responde ba prisaun preventiva ne’ebé CAC harii oras ne’e dadaun iha Palapaço Dili hodi sulan funsionariu ruma ne’ebé karik uza patrimoniu Estadu ba aktividade politika. Depois de hala’o enkontru ho NGO Belun.

Nia hatutan, se lei proibe, se mak pratika asaun ida ne’e automatikamente sei sujeita kedas ba prosesu ruma, tantu disiplinar ka kriminal, tamba ne’e iha razaun CAC koloka situasaun ida ne’e.

“Bele dehan katak CNE mos orgaun ida ne’ebé fo atensaun maka’as ba interesadu sira ka publiku para labele uza bens Estadu nian ba interese partidu politiku. To’o agora kazu balun la’o hela iha Tribunal tamba balun utiliza sala patrimoniu Estadu nian ba interese partidus politikus,”afirma Prezidenti CNE.

Iha fatin hanesan, Diretor NGO Belun, Luis Ximenes mos afirma katak, patrimoniu ne’ebé Estadu nian nunka bele uza fali ba iha interese partidu hodi ba hala’o kampaina ruma.

“Ha’u hanoin iha lei no regulamentu, tantu husi PDHJ, CAC no sosiedade sivil lamenta tebes ho hahalok hanesan ne’e, tamba nunka atu uza fali patrimoniu Estadu ba iha partidu politiku ka ba fali kampania no grupu. Ne’e mos parte ida ami sei kontinua tau matan hodi halo parseria ho PDHJ para bele haree hamutuk kestaun ida ne’e,”dehan Diretor NGO Belun, depois de asina akordu ho CNE hodi monitoriza eleisaun jeral ne’ebé besik dadauk ona.ías

Jornal Nacional

Governu Tenke Tau Importansia Ba Setor Neebe Hadia Ekonomia

Posted: 29 Nov 2016 09:06 PM PST

DILI – Governu tenke tau importansia boot ba setor sira neebe bele hadia ekonomia rai laran, tanba hare ba realidade dezenvolvimentu Ekonomia rai laran seidauk lao diak, povu sei infrenta problema oin-oin iha baze.

Kesatun nee fo sai husi Prezidente Komisaun D neebe trata Asuntu Ekonomia, no Dezenvolvimentu Jacinta Abucau Pereira ba STL, Tersa (29/11/2016) iha nia knaar fatin PN.

Ita hare planu prioridade balun maka governu seidauk halao ho diak, tanba nee susar atu diversifika ekonomia iha rai laran, no ita nafatin depende ba osan husi fundu Mina rai nian,”informa Deputada Jacinta.

Nia mos informa liu tan katak, bain hira membru PN sira ba halo fiskalizasaun iha baze, hare katak komunidade iha area remotas, seidauk sente ninia benefisiu, tanba nee governu tenke dezenvolve diak liu tan seito Turismu, Agrikultura, peskas nomos industria kiik neebe establese iha ona iha rai laran.

Iha fatin hanesan Deputadu Manuel Salsinha mos hatutan katak, atu labele depende liu ba osan husi fundu mina rai nian maka, governu tenke dezenvolve didiak sira nia planu nee aprezenbta ona mai iha PN hodi propoin osan ba sira. Informasaun kompletu iha STL Jornal no STL Web, edisaun Kuarta (30/11/2016). Madalena Horta

Suara Timor Lorosae

Governu Presiza Investe Makaas Rekursus Umanus TL

Posted: 29 Nov 2016 08:59 PM PST

DILI – Oras nee investimentu no dezenvolvimentu depende liu ba orsamentu husi fundu petroliferu, maske nunee husu ba governu presiza konsiente investe makaas iha rekursus umanus iha Timor Leste.

Tuir ativista Roberto Pereira katak foin dadaun Parlamentu Nasional no governu debate orsamentu jeral estadu ba tinan 2017 no orsamentu neebe mak sira foti kauze mai husi fundu petroliferu. Maibe, atu kore an husu dependensia fundu petrolium Timor Leste presiza investe makaas iha area rekursus umanus hodi dezenvolve TL iha futuru mai.

Husu ba governu presiza investe makaas iha area edukasaun ho orsamentu neebe mak mai husi fundu petroliferu no non petroliferu balun,” dehan Roberto.

Tamba, fundu petoliferu loron ida bele hotu no non petroliferu mos ladun iha dezenvolvimentu maibe rekursus neebe mak boot liu ba TL mak rekursus umanus. Tamba nee, husu ba governu presiza investe makaas iha area edukasaun nian atu bele garante destinu vida Timor Leste iha futuru.

Iha fatin ketak, tuir deputadu Fransisco Branco husi bankada Fretelin katak nuudar estadu tenke halo reflesaun neebe klean no urjente ba investimentu neebe seitor ekonomiku neebe mak seidauk hotu hein no investimentu publiku neebe mak boot hanesan maske seidauk atinji 20%.

Hatan ba preokupasaun nee, tuir Primeiru Ministru Interinu, Agio Pereira katak simu no apresia teb-tebes pontus neebe mak bankada Fretelin hatoo artikula Primeiru aspetus positivus orsamentu nee no inklui hamenus gastus publikus, maibe pontu neebe importante liu mak neebe mak deputadu Fransisco Branco deklara. Informasaun kompletu iha STL Jornal no STL Web, edisaun Kuarta (30/11/2016). Domingos Piedade Freitas

Suara Timor Lorosae

Tribunal hasai ema estranjeiru na’in tolu ne’ebé kaer iha findesemana iha Díli

Posted: 29 Nov 2016 10:26 AM PST

Tribunal Distrital Díli liberta ona, iha loron-tersa ne’e, sidadaun estranjeiru na’in tolu, na’in rua hosi Singapura no na’in ida hosi Pakistaun, responsável hosi klínika privadu ida iha Timor-Leste, Stamford Medical, no ne’ebé maka kaer iha loron-sábadu liubá.

“Liberta tiha ona”, konfirma hosi fonte judisial ba Lusa hodi hatete katak mane na’in tolu ne’e hetan ona medida koasaun nian ho Termu Identidade no Rezidénsia (TIR), lahó bandu hodi halo viajen.

Maski hosi tentativu oioin, laiha posibilidade atu Lusa kontakta ho ekipa defeza nian no fonte la ofisial klíniku nian hatete ba Lusa katak “karik aban”, loron-kuarta, sei fó sai komunikadu ida hodi “klarifika situasaun”.

Responsável ida kaer ona iha aeroportu Nicolau Lobato, iha Díli, iha loron-sábadu bainhira besik halo viajen ida ba Denpasar, iha illa indonéziu Bali.

Sasin sira konfirma ona ba Lusa katak haree mane ida sai ho aljema no akompaña hosi efeitvu sira hosi Polísia Sientífiku Investigasaun Kriminal (PCIC). Oras balun hafoin kaer responsável sira seluk, sira na’in tolu aprezenta ona iha loron-tersa ne’e ba Tribunal Distrital Díli nian.

Iha kauza maka investigasaun ida kona-ba importasaun hosi ai-moruk sira, ho fonte klínika nia esplika ba Lusa katak “lisensa sira iha orden”, no sentru hahú hosi detensaun funsiona “ho normalidade”.

Stamford Medical, ne’ebé hahú funsiona dezde 2012, serbisu ho ekipa médiku sira hosi nasaun oioin no hanesan klínika internasional ida referénsia nian iha nasaun, uza hosi sidadaun estranjeiru sira no mós hosi timoroan sira.

SAPO TL ho Lusa

OMS rekomenda autodiagnóstiku HIV tanba 40% la hatene katak sira hetan infesaun

Posted: 29 Nov 2016 10:21 AM PST

Ema na’in haat entre ema na’in sanulu ne’ebé hetan infesaun HIV nian la hatene katak iha vírus, alerta ona hosi Organizasaun Mundial Saúde (OMS) iha loron-tersa ne’e no defende aposta ida iha autodiagnóstiku hodi aumentu tratamentu no prevensaun hosi transmisaun ne’e.

“Ema millaun resin ho HIV seidauk halo parte hosi tratamentu ne’ebé salva moris no mós previni transmisaun ba ema seluk”, hatete hosi diretora-jeral OMS nian, Margaret Chan, ne’ebé haktuir hosi komunikadu hosi organizasaun ne’ebé ho sede iha Jenebra.

“Autodiagnóstiku HIV nian sei loke odamatan ba ema barak hodi hatene nia estadu no hodi deskobre oinsá bele simu tratamentu no asede ba serbisu sira prevensaun nian”, hatutan hosi responsável.

Iha loron balun antes Loron Mundial Sida nian, ne’ebé selebra iha loron-kinta, OMS fó sai iha loron-tersa orientasaun foun sira kona-ba autodiagnóstiku, ne’ebé permiti atu ema hotu hatene, liuhosi análize ida ba sira nia líkidu oral ka sona iha liman, iha ka la’e infesaun ho vírus, iha fatin privadu no konveniente.

Rezultadu sira sei prontu iha la to’o minutu 20.

Ema sira ne’ebé iha rezultadu pozitivu sei hetan konsellu hodi hala’o teste sira konfirmasaun nian iha serbisu sira saúde no OMS rekomenda atu sira simu informasaun no atu haruka sira ba akonsellamentu no ba serbisu sira prevensaun no tratamentu nian.

Tuir organizasaun, falta diagnóstiku HIV nian hanesan obstákulu boot kontra rekomendasaun OMS nian ne’ebé hatete katak ema sira ne’ebé hetan infesaun tenki simu terapia antiretroviral ida (ART, iha sigla lian inglés).

Relatóriu ida hosi OMS hatudu katak ema millaun 18 resin ho HIV agora daudaun simu ART, maibé ema barak mós seidauk simu tratamentu, barak liu la hatene katak sira iha infesaun.

Ohin loron, 40% hosi ema sira ho HIV (millaun 14 resin) seidauk hatene nia kondisaun, barak halo parte iha grupu sira ho risku ba infesaun, maibé konsidera hanesan susar atu hetan serbisu diagnóstiku sira ne’ebé iha.

Entre tinan 2005 no 2015 númeru hosi ema sira ho HIV ne’ebé hatene ona nia kondisaun aumenta hosi 12% ba 60% iha mundu tomak.

Hosi ema sira ne’ebé iha ona diagnóstiku ida, 80% resin simu daudaun ART.

Maibé kobertura hosi diagnóstiku HIV nian tuun iha grupu balun, no sira ne’ebé ki’ik liu maka iha mane sira duké iha feto sira, hanesan ezemplu.

Mane sira reprezenta de’it 30% hosi ema sira ne’ebé halo ona teste diagnóstiku HIV nian. Hanesan rezultadu, mane sira ho HIV iha probabilidade ki’ik atu iha diagnóstiku no iha tratamentu no iha probabilidade boot hodi mate ho kauza sira ne’ebé iha ligasaun ho vírus duké feto sira.

Entre feto sira, ema adolesente sira no joven feto sira iha Áfrika Oriental no Austral iha taxa infesaun aas tebes duké mane sira iha rejiaun hanesan no númeru ki’ik iha joven ida entre joven lima ho tinan entre 15 no 19 hatene katak sira iha ka la’e infesaun.

Diagnóstiku hanesan mós ki’ik iha populasaun importante sira, hanesan mane sira ne’ebé iha seksu ho ema mane sira, traballador seksual sira, ema transjéneru sira, ema sira ne’ebé konsome droga no ema sira iha kadeia, ne’ebé reprezenta besik 44% hosi kazu foun sira infesaun HIV nian iha adultu, iha tinan liubá, hamutuk millaun 1,9.

Autodiagnóstiku duplika frekuénsia ho mane sira ne’ebé iha seksu ho mane seluk halo teste HIV.

Besik 70% hosi parseiru sira hosi ema sira ho HIV hetan mós infesaun no barak maka seidauk hetan diagnóstiku.

Diresaun foun sira OMS nian rekomenda dalan sira hodi tulun ema sira ne’ebé hetan infesaun hodi informa sira nia parseiru no fó korajen ba sira hodi halo teste.

Agora daudaun, nasaun hamutuk 23 iha ona polítika nasional sira ne’ebé apoia autodiagnóstiku HIV nian no barak dezenvolve daudaun polítika sira hanesan ne’e maibé implementasaun boot ida ba autodiagnóstiku sei limitadu.

OMS rekomenda fahe gratuitu kit sira autodiagnóstiku HIV nian no medida seluk ne’ebé bele hamenus folin hosi kit sira hodi aumenta asesu.

SAPO TL ho Lusa

MANUTENSAUN TRAKTOR, DESKONFIA ESTANISLAU FÓ BA FAMÍLIA

Posted: 29 Nov 2016 09:56 AM PST

Membru Parlamentu Nasional (PN) husi Bankada Partidu Demokratiku (PD), Virgilio Hornai, dun Ministru Estado Koordenador Asuntu Ekonomia (MEKAE) no Ministru Agrikultura e Peskas (MAP), Estanislau Aleixo da Silva halo azudikasaun direta hodi fo projetu manutensaun traktor ba nia familia.

“Ministru Estanislau koalia kona ba traktor at, se mak halo ajudikasuan direita ba kompanhia ne’e, hau atu hateten kompanhia ne’ebe mak halo manutensaun ba trator ne’e ninia rian nian, kompanhia naran Liberti, iha tendensia nepostismu no kolusaun iha ninia ministeriu, tanba manutensaun tratores laliu husi prosesu manutensaun normal, mais halo ajudikasaun direita ba ninia rian nia kompanhia,” hateten Deputadu Virgilio ba Jornalista sira bainhira iha diskusaun Orsamentu Jeral Estado (OJE) 2017, iha Parlamentu Nasional, Sesta (25/11/2016).

Hatan ba preukupasaun ne’e, MEKAE Estanislau, dehan katak, sira loke duni prosesu tenderizasaun ka tuir lei aprovizionamentu ne’ebe mak iha, maibe loke dala rua lahetan kompanhia ne’ebe mak iha kapasidade atu halo manutensaun. Nune’e, desidi fo deit ba kompanhia rua, kompamhia Liberti (nasional) no kompanhia internasional Tratorindo.

“Prosesu manutensaun ne’e, ami halo tiha aprovizionamentu, lahetan kompanhia ne’ebe mak diak, ne’ebe tanba presiza lalais, entaun ami deside fo ba kompanhia rua, ida Timor oan no ida Indonesia, ami deside fo duni, tanba urjente ona, se lae traktor ladiak kritika, maibe hadia tiha hakarak kritika nafatin,” esplika Estanislau ho lian maka’as.

Nia argumenta katak, sira deside fo deit ba kompanhia rua, tanba antes sira halo prosesu tenderizasaun maibe lahetan, tanba ne’e maka sira bolu deit kompanhia rua ne’e hodi forma ekipa ida hodi halo entrevista ba kompanhia refere, iha entrevista rezultadu ikus deside fo duni, tanba konsidera iha kualidade no kbi’it duni atu halo manutensaun ba traktores hirak ne’e.

“Tuir loloos ami foti fo ba kompanhia ida deit, tanba lei aprovizionamentu permite, kompanhia ne’e laiha relasaun familia dereita ho ha’u, maibe los duni katak ema ne’e ha’u nia aman mak hakiak, maibe sira involve iha rezistensia, no mate restu 12 Novembru nian, sira mos iha kompanhia konhesidu,” konfirma Estanislau.

Traktores sira ne’ebe mak halo manutensaun hamutuk 300 resin, maibe konsege hadia ona no funsiona fali ona hamutuk, 259, wainhira husu kona ba Orsamentu, tuir MEKAE, Estanislau katak, lafiksa ona ninia orsaentu, tanba Jornalista sira husu urjentemente, ne’ebe nia dehan ninia kakutak la’os makina.

Iha biban ida ne’e mos MEKAE, Estanislau ameasa Jornalista sira atu hodi ba tribunal, kuandu la fo sai klaru liafuan ne’ebe mak nia rasik koalia, no nia dehan hodi ba tribunal nia lapresiza buka tan advogadu, maibé nia oan mane rasik advogadu.

Nune’e mós MEKAE dun Jornalista balu involve iha Partidu Demokratiku (PD), tanba jornalista ne’e husu perguntas lapara, tanba ne’e maka nia deskonfia.

“Hakarek halo loloos, la’e ha’u hodi ba tribunal, kuandu ba tribunal ha’u lapresiza buka tan adovogadu ha’u nia oan mane rasik advogadu, ne’ebé o litik bei-beik ne’e o ketak PD ida karik,” dehan eis Deputadu bankada FRETILIN ne’e.mia

Jornal Nacional

DELIMITASAUN FRONTEIRAS TASI, PRESIZA PASIENSIA HO DETERMINASAUN

Posted: 29 Nov 2016 09:53 AM PST

Prezidenti Repúblika (PR), Taur Matan Ruak hatete katak, delimitasaun fronteira tasi entre Timor Leste (TL) ho Australia, hanesan dezafiu ida atu ejiji pasiensia povu TL nian ho determinasaun.

“Timor-Leste reafirma nia empeñu no abertura ba dezenvolvimentu negosiasaun konaba fronteira tasi nian. Delimitasaun ba fronteira tasi nian hanesan dezafiu ida ke ejiji pasiénsia ho determinasaun, tanba kestaun hirak-ne’e lori tempu naruk para ita bele rezolve. Hanesan Prezidenti Repúblika ha’u akompaiña kestaun hirak-ne’e ho atensaun,” katak Taur Matan Ruak iha nia diskursu ba komemorasaun loron Proklamasaun Independensia Timor Leste ba dala 41 (28 Novembru 1975-28 Novembru 2016), iha Munisípiu Lautem-Lospalos horseik.

Xefi Estadu ne’e dehan, importante povu TL tenki komprende katak, dezafiu konaba demarkasaun fronteira fó mós oportunidade ba nasaun rua ne’e atu hametin ambiente amizade no viziñansia di’ak, no hamutuk dudu dezenvolvimentu ekonómiku rejionál ba oin.

“Alénde ita-nia rejiaun, ita iha mós relasaun amizade no kooperasaun ne’ebé metin ho nasaun barak. Ha’u hakarak temi liuliu Xina, Japaun, Repúblika Korea, Nova Zelándia, Estadus Unidus, Uniaun Europeia, Kuba, inklui mós Portugál no nasaun maun-alin sira CPLP nian,” afirma Taur Matan Ruak.

Alénde ne’e, Taur Matan Ruak mós esklarese katak, Prezidénsia Timór ba CPLP husi 2014-2016, nu’udar susesu ida ne’ebé rekoñesidu husi ema hotu.

CPLP nia atividade iha área konsertasaun Diplomátika, Kooperasaun Multilaterál no Lian maka’as tebes.

“Ha’u hakarak temi de’it Timor-Leste nia inisiativa balun ne’ebé, tuir ha’u-nia hanoin, loke ona dalan foun atu dezenvolve tan CPLP aban-bainrua. Ita-nia programa ba Prezidénsia CPLP kontribui ona ba halo ekonomia no dinamizmu relasaun emprezariál sira-nian sai hanesan foku importante liu Komunidade ida-ne’e nian,” relata Taur Matan Ruak.

Xefi Estadu ne’e afirma, durante TL nia Prezidénsia CPLP, Organiza tiha Forum Ekonómiku Globál ne’ebé hetan susesu bo’ot hodi halibur hamutuk ba dahuluk emprezáriu no organizasaun ekonómika hirak husi Europa, Ázia, Áfrika.

Taur Matan Ruak esklarese, objetivu husi Forum hirak-ne’e mak dada ema nia atensaun ba CPLP nia potensiál nu’udar plataforma globál.

Nia dehan tan, TL mós hala’o tiha sorumutu estraordináriu Konsellu Seguransa Ai-han no Nutrisionál, ne’ebé foka liu ba agrikultura familiár. Agrikultura oin ne’e importante teb-tebes atu bele sustenta-an, no halakon deznutrisaun no kiak.

Taur Matan Ruak kontinua afirma katak, husi parte Lia-Portugés, CPLP organiza tiha Konferénsia Internasionál datoluk kona-ba Lian Portugés nia impaktu iha sistema mundu nian.

“Ha’u senti kontenti loos, tanba durante prezidénsia Timoroan nian ne’e, CPLP fó nia rekoñesimentu ba Institutu Internasionál ba Lia-Portugés nia asaun,” katak Taur Matan Ruak.

Susesu sira-ne’e tenik Taur Matan Ruak, fó prestíjiu ba Timoroan sira no hamorin nasaun nia naran iha komunidade internasionál nia leet.

“Ita hari’i tiha ona relasaun amizade no kooperasaun ne’ebé metin ho Indonézia no Austrália. Interkámbiu kulturál, familiár no ekonómiku entre ita-nia povu no Governu sira kontinua sa’e ba beibeik hodi fó benefísiu ba populasaun sira no dezenvolvimentu rejiaun. Ita-nia rain oras ne’e haka’as an hela hodi hakle’an kooperasaun bilaterál no multilaterál ho Indonézia no Austrália, ho objetivu atu hametin seguransa no estabilidade iha rejiaun,” katak Taur Matan Ruak.

Eis Jeneral ho fitun rua ne’e afirma, ho Indonesia, iha ona progresu relasiona ho kestaun balun ne’ebé mak liga ho negosiasaun fronteira rai-maran. Timor-Leste no Indonézia besik ona atu halo akordu formál kona-ba fronteira Naktuka.cos

Jornal Nacional

ABEL XIMENES: “HATUTAN LUTA HEROI PRESIZA MATENEK”

Posted: 29 Nov 2016 08:36 AM PST

Vise Ministru Edukasaun (VME) Abel da Costa Freitas Ximenes hatete iha tempo ukun rasik an nee presiza ema matenek atu bele hatutan luta heroi asuain sira nian hodi dezenvolve nasaun ida ne’e.

“Ohin ita komemora ita nia proklamasaun indepensia bad ala 41, e iha tinan ida ne’e ita presiza Timor oan ne’ebe matenek tanba ema ne’ebe atu kontinua ita nia luta nain sira nia Vitoria ne’e ba oin, ne’e presiza ema ne’ebe matenek tanba ne’e hau husu ba Timor oan hotu partikularmente Aileu oan sira atu estuda maka’as atu nune’e bele kontinua heroi sira nia luta ne’ebe nakonu ho terus ne’e ba oin,”Segundu VME, Abel da Costa Ximenes ba komunidade sira iha seremonia isar bandeia loron proklamasaun independensia ba dala 41 iha Munisipio Aileu Segunda (28/11/2016).

Eis Vise Ministru Comerciu Industria ne’e haktuir, loronn 28 nudar loron ne’ebe importante tanba iha loron ne’e luta nain rai ida ne’e maske iha situasaun ladiak maibe ho aten brani sira sira deklara independensia TL nian tanba ne’e tenki respeita no tane as deklarasaun refere ho responsavel.

Nia haktur Presidente Republika, Taur Matan Ruak mensiona timor oan tenki manek hoid estuda, tenki hasae nivel akademika tanba ho atu halao Timor nee sai diak primeiru Timor oan tenke sai matenek neebe Timor oan sira hotu buka estuda makas hodi eskola hasae nivel akademiku no hasae konesementu tekniku, hasae konesementu profisionais hodi nune’e servisu ba nia aan, ba nia familia, ba fatin ne’ebe mak nia moris liu-liu kontribui ba munisipal no dezenvolvementu nasaun ida nee.

Tuir nia, atu estudante sira bele sai matenek presiza aprende lisaun husi asuwain, no heroi sira, tanba ita nia heroi sira sai heroi laos tanba tauk ten, maibe sira nee ema veteranus, ema desididu no aten brani iha tempu difisil sira koloka liu interese povu nian iha leten I sira tau aas interese nasaun nian.

“Se kuandu Timor oa sira matenek bele lao ba neebe deit dalan nakloke nebe potensial atu dezenvolve. Aleinde nee haree ba PR Taur nia diskrsu katak ema hotu tenke moris iha paz no unidade nia laran. Husu mos ba media atu habelar informasaun hodi habelar instabillidade ba nasaun,”Tuir nia.

Iha fatin hanesan Administrador Musipiu Aileu João Tilman do Rego, hatete katak loron ne’e komemora loron proklamasaun ba dala 41 ida ne’e, ne’be ema hotu hatene katak rai ida nee hetan independensia lori prosesu no dezafiu bo’ot husi lideransa sira ne’ebe mak balu mate no mos balu sei moris. Maibe tanba sira nia komitmentu no patriotizmu forte tebes mak loron ohin halo tinan ba 41 iha Timor laran inklui munisipiu Aileu. Espetativa saida mak haarak ba prosesu dezenvolvimentu ba futuru nian, tanba nee importante tebes involvimentu ema hotu nian ba dezevolvimentu I save susesu ba ita, tanba hakarak atu konkretiza mehi neebe uluk nian.

“Neebe presiza ema hotu nia partisipasaun no suporta, liu-liu presiza rekursu umanus neebe mak adekuadu diak hodi dezenvolve rai ida nee liu-liu iha munisipiu Aileu.

Entertantu prezideten komisaun organizadora,Moises Sabadu (26/11) hatete katak, preparasaun ba eventu ida nee iha orsamentu 3750 USD, husi total nee ami koloka 750 ba iha postu administrative ida –idak neebe hela iha munisipiu iha 1500 inklui postu administrativu Aileu Vila.

Husi 1500 nee ami aloka tan 200 dolar ba suku neebe mak dook labele partisip iha munisipiu kada suku iha 50 dolar, mezmu kiik ona maibe aloka oituan-oituan. No 300 dolar aloka ba kafe simples iha eventu nee, mill dolar fahe ba ekipa sira neebe mak halo preparasaun ida nee inklui prepara ba parada sira iha eventu ohin nian.

Tuir nia, komemorasaun loron ohin mos komunidade sira iha munisipiu Aileu halao atividade iha lubuk ida hanesan sira kordena ho komunidade no madre sira mezmu sira laiha osan maibe halo expozisaun tanba nee inisiativa rasik husi irman no madre sira, husi komisaun organizadora kordena ho sira atu nunee bele fiar malu hodi prense loron boot nee, aliened nee mos funsionariu sira halo jogu, dada tali, fahe premiu no mos sae bua.

Partisipa iha seremonia nee, segundu vise ME, Abel da Costa, Chefe Gabineti, Administrador Munisipio Aileu, Komandante Policia Munisipio Aileu Estudante no komunidade Munisipio.Ola

Jornal Nacional

La Asesu Rede Telekomonikasaun, Taur Husu Aprezenta Pedidu

Posted: 29 Nov 2016 08:18 AM PST

ILIOMAR – POvu suku Iliomar II, postu Administrativu Iliomar too agora seidauk asesu rede telekomonikasaun hanesan suku sira seluk, tan nee husu ba estadu atu fo atensaun.

Prekupasuan nee fo sai husi povu Suku Iliomar II, Adalberto Bastista Pinto katak povu suku Iliomar II too agora seidauk asesu rede telekomonikasaun hanesan suku sira seluk tan nee susar atu kontaktu malu.

Hau preukupa liu ba rede telekomonikasaun tamba ami nia suku too agora seidauk asesu rede telekomonikasaun tamba nee susar atu kontaktu kuandu ami hetan problema,” dehan Adalberto liu husi Dialogu Komonitaria entre Prezidente Republika Taur Matan Ruak, Tersa (29/11/2016).

Iha fatin hanesan Batista da Silva reforma hodi husu ba estadu hodi hare rede telekomonikasaun iha suku Iliomar II tamba povu too agora seidauk asesu hanesan suku sira seluk neebe mak asesu telekomonikasaun.

Hatan ba prekupasaun nee Prezidente Republika Taur Matan Ruak husu ba Lidersan komonitaria hodi halo pedidu rede telekomonikasaun ba kompania tamba telekomonikasaun laos estadu nian. Informasaun kompletu iha STL Jornal no STL Web, edisaun Kuarta (30/11/2016). Timotio Gusmao

Suara Timor Lorosae

Labele Moe Iha Oan Defisiente, Tenke Haruka Asesu Ba Edukasaun

Posted: 29 Nov 2016 08:16 AM PST

DILI – Inan aman labele moe karik iha oan defisiente tenke haruka asesu ba edukasaun, tanba defisiente mos iha direitu atu asesu ba atividade saida deit hanesan mos ema normal.

Tuir Domingos Gusmao hanesan Asistent Organizasaun ADTL (Asosiasaun Defisiente Timor-Leste) katak, inan aman balu iha oan defisiente maibe sira husik deit iha uma, lakohi halo asesu ba edukasaun, i dala ruma sira lakohi hatama iha organizasaun defisiente sira, tanba sira moe atu haruka asesu ba edukasaun.

Ami hakarak hatete katak defisiente labele hela iha uma deit, ou labele hela iha fatin deit, maibe buka oinsa para atu asesu ba edukasaun no atividade hotu-hotu,” katak Domingos ba STL Tersa (29/11/2016), iha Comoro.

Nia hatete, ema defisiente nee atu asesu ba atividade sira nee importante liu mak iha parte edukasaun nian, liu-liu atu hatudu ba sosiedade sira katak defisiente mos iha diretiu atu asesu ba buat hotu. Mezmu dedisiente maibe hanesan sidadaun timor oan ida, iha diretiu hanesan mos ema normal sira atu aseau ba saida deit.

Nunee mos Defisiente Ahisaun Natalino Alexandre, husu ba inan aman sira labele husi oan sira neebe mak defisiente atu hela deit iha uma, tenke haruka sira asesu ba edukasaun liu-liu atu lori oan sira ba iha organizasaun defisiente sira, atu nunee sira bele halo atividade oin-oin hanesan hetan formasaun, no buat seluk tan. Informasaun kompletu iha STL Jornal no STL Web, edisaun Kuarta (30/11/2016). Guilhermina Franco

Suara Timor Lorosae

Estudante Uza Media Sosiais, Tenke Uza Fo Benefisiu Ba Estuda

Posted: 29 Nov 2016 08:13 AM PST

DILI – Estudante uza media sosiais hodi buka benefisiu ba sira, atu nunee bele aprende materia balu neebe mak liga ba sira nia prosese aprendizajen, hodi nunee labele demafa ema seluk ho lia fuan aat oin-oin.

Kestaun nee hatoo husi Diretor Fundasaun Ceo IOB Pedro Ximenes katak, haree ba media sosiais neebe mak ema uza sala, ida nee sempre dehan globalizasaun nee buat ida neebe mak labele para, sempre lao ba oin, hakarak ka lakohi tenke uza ou uza sala globalizasaun, tanba nee ema ida-idak tenke hatene aan.

Hau hanoin estudante sira uza facebook nee lasala hodi asesu ba buat neebe mak iha, maibe importante mak sira tenke uza hodi suporta sira nia estuda, tanba iha media sosial nee iha mos buat diak barak atu hodi fasilita sira nia estudu,” katak Pedro ba STL Tersa (29/11/2016) iha kampus IOB.

Nia hatete, dala ruma mos ema balu uza media sosiais nee hodi hatete aat ema, ou insulta ema ho lia fuan oin-oin, maibe buat nee fila fali ema ida-idak nia aan atu uza buat sira nee ho konsensia atu nunee labele estraga ema.

Iha fatin neebe deit sempre iha ema laran aat insulta ema husi media sosiais, neebe nia husu ba governu atu tau ida nee ba kestaun, tanba kestaun nee liga ho aspetu legal, i haree fali ba lei mos sei fraku ba iha defamasaun nia, neebe governu tenke buka maneira oinsa para bele prevene tiha hahalok aat sira koalia aat ema. Informasaun kompletu iha STL Jornal no STL Web, edisaun Kuarta (30/11/2016). Guilhermina Franco

Suara Timor Lorosae

Ho Antusiazmu, Komunidade Ataúru Selebra Loron Proklamasaun Independensia

Posted: 29 Nov 2016 04:52 AM PST

ATAÚRU, (ANTIL) – Komemorasaun Loron Proklamasaun Independénsia ba dala-41 iha Postu Administrativu Ataúru, Segunda (28/11) hetan partisipasaun másimu husi komunidade no entidade sira, liuhusi serimónia hasa’e bandeira. Maske loron-manas, komunidade antusiazmu tebes.

Komunidade sira maihusi suku lima iha Postu Administrativu Ataúru, kompostu husi suku Beloi, Bikeli, Makadade, Makili no Vila Maumeta, hamutuk ho estudante pré-sekundária no sekundária, grupu feto no antigu kombatente sira.

Hafoin serimonia hisar bendeira, kontinua ho teatru husi Klibur Foin-sa’e Humanitária no kari ai-funan iha tasi ba eroi sira ne’ebé mate no matebian Feliz Moniz da Costa, ne’ebé foin mate iha tasi ibun suku Vila Maumeta, loron 21 Novembru 2016.

“Serimónia lori ai-funan ba kari iha tasi signifika eroi sira ne’ebé mate ita lahetan sira-nia isin iha tempu okupasaun Indonézia sira soe ita-nia povu barak ba tasi no ita lahetan sira-nia paradeiru, kari ai-funan ida ne’e hodi fó sentidu kondolénsia ba luta-na’in sira hotu”, Administradór hatete.

Aleinde ne’e, kari mós ai-funan ba fatin matebian Feliz Moniz mate, tanba durante nia moris, nia serbisu hanesan mekániku iha kompania Hidayat, no tulun komunidade sira hadi’a sasán ne’ebé komunidade sira presiza.

Administradór Postu Administrativu Ataúru, Mateus Belo iha nia diskursu ba komemorasaun proklamasaun 28 Novembru hatete, Ataúru ba dahuluk hala’o misaun ba lideransa komunitária no iha suku lima ne’e hetan susesu boot.

” Ha’u fó parabéns ba povu tomak ba susesu ne’ebé ita konsege atinji. Ohin-loron iha ita-nia prezente, iha ona xefe suku atuál sira ne’ebé lakleur tan hetan tomada-de-pose “, Mateus dehan no simu ho basa liman husi komunidade sira.

Nia informa ba xefe suku eleitu sira, katak, sei hasoru serbisu boot tanba konfiansa ne’ebé povu fó. ” Hanesan administradór orgullu tanba tinan ida ne’e, Ataúru ho suku lima, ita-nia povu hili xefe suku sira mesak foinsa’e de’it”.

“Ida ne’e mak ita-nia konfiansa, ne’ebé sei hamutuk ho autoridade lokál atubele serbisu hamutuk, lori suku ba tinan hitu mai oin. Kuandu ita fó ona konfiansa, labele husik sira mesak. Povu sira tenke fó apoiu másimu atu sira hala’o sira-nia knaar do susesu,”, Mateus hateten. (Jornalista: Maria Auxiliadora/Editór: Otelio Ote)

Dezde Tempu Indonézia to’o Ukun-an, Makili Seidauk Asesu Eletrisidade

Posted: 29 Nov 2016 04:44 AM PST

ATAÚRU, (ANTIL) – Proklamasaun Independénsia 28 Novembru 2016 ba dala-41, nu’udar loron ida ne’ebé istóriku no progresu ne’ebé Timor-Leste atinje ona dezenvolvimentu komesa la’o, maibé dezde tempu Indonézia to’o Timór ukun-an, suku Makili seidauk asesu eletrisidade.

Xefe suku Makili, Juliaço Gomes ba ANTIL, Segunda (28/11/2016) hafoin serimónia hasa’e bandeira remata hateten, infraestrutura hanesan estrada no bee-moos, sai preokupasaun boot tanba mudansa klimátika.

“Hanesan xefe suku eleitu, hamutuk ho komunidade husu apoiu Governu para ita-nia povu Makili bele asesu ba estrada, bee-moos no eletrisidade”, nia dehan. Dezenvolvimentu ne’ebé la’o tiha ona mak edukasaun no saúde.

Durante ukun-an to’o agora povu seidauk sente ukun-an loloos, tanba dezenvolvimentu suku seidauk la’o, nia hatutan.

Nu’udar joven ne’ebé konfiansa husi povu Makili atu lidera suku, optimista atu serbisu maka’as, atu hadi’ak povu nia moris.

Suku Makili iha luan suku 12 km2, aldeia haat ho totál populasaun 2.416, husi totál populasaun Postu Admibistrativu Ataúru hamutuk 10.651. (Jornalista: Maria Auxiliadora/Editór: Otelio Ote)

Semana Ida, PNTL Rezista Asidente 17

Posted: 29 Nov 2016 04:41 AM PST

ANTIL, (DILI) — Segundu komandante Jerál Polísia Nasionál Timor-Leste (PNTL), Komisariu Polísia Faustino da Costa informa katak, iha semana kotuk PNTL rezista asidente trafiku hamutuk 17.

“Asidente ne’ebé maka akontese maka hanesan kareta soke malu, kareta soke ema lao ain no asidente motor ne’e mak dadus ne’ebé maka PNTL iha durante fim da semana to’o horseik loron komemorasaun 28 Novembru (Horseik),” Komisariu Polísia Faustino da Costa relata ba jornalista sira iha Kuartel Jerál PNTL Kaikoli, Dili (29/11).

Tuir Komisariu Polísia Faustino da Costa asidente trafiku hamutuk 17, maibé la rezulta kanek todan no mate, iha asidente trafiku ne’e rezulta estraga kareta no motor.

Entertantu Proklamasaun Independensia 28 Novembru ba dala 41 lao ho seguru tanba seguransa maximu husi Polísia Nasionál Timor-Leste no kolaborasaun povu Timor-Leste ba loron inportante ne’e.

Segundu Komandante Jeral PNTL Komisariu Polísia Faustino da Costa hateten proklamasaun independensia ba dala 41 ne’ebe maka halao iha nivel Nasionál iha munisipiu Lautem no munisipiu 12 seluk lao ho diak no suksesu. Nia hato’o asuntu ba jornalista sira nia Kuartel Jeral PNTL Kaikoli Dili (29/11).

Lori Komandu Jeral nia naran hato’o parabens ba povu Timor-Leste no agradese ba parte hotu-hotu tanba komemorasaun ne’e lao diak ho kontribusaun ema hot-hotu nian.

Komemorasaun Proklamasaun Independensia ba dala 41 nivel Nasionál nebe halao iha munisipiu Lautem komandu PNTL munisipiu Lautem koloka membru nain 157 hodi fo seguransa ba eventu ne’e.(Jornalista : Manuel Pinto)

Foto: Segundu komandante Jerál Polísia Nasionál Timor-Leste (PNTL) Komisariu Polísia Faustino da Costa

CRL: Trabalho introdutório à Metodologia de Análise Legislativa

Posted: 29 Nov 2016 04:04 AM PST

A Comissão para a Reforma Legislativa e do Sector da Justiça (CRL) realizou duas Sessões de Trabalho introdutório à Metodologia de Análise Legislativa, entre os dias 24 a 25 de novembro no Palácio do Governo em Díli, segundo a informacao do CRL.

Os primeiros pontos focais nomeados pelo Ministro de Estado e da Presidência do Conselho de Ministros, Ministro de Estado Coordenador dos Assuntos Sociais e Ministério da Educação, Ministério do Interior, Ministério das Obras Públicas, Transportes e Comunicações, Ministério das Finanças, Ministério da Saúde, Ministério do Comércio, Indústria e Ambiente, Ministério do Turismo, Arte e Cultura, Ministério do Petróleo e Recursos Naturais.

A Comissão aguarda a nomeação dos restantes pontos focais pelos demais ministérios conforme a Resolução do Governo de 31 de Outubro de 2016, que determina que “a reforma legislativa tem um caracter transversal e exige o envolvimento e a análise legislativa de cada um dos sectores tutelados pelos Ministérios”.

A Comissão realizará também uma Sessão de Trabalho introdutória com os restantes pontos focais logo que sejam nomeados.

Realizará também, no dia 19 de dezembro, com a participação da Direcção Geral de Estatística, uma Sessão de Trabalho conjunta com todos os pontos focais nomeados para o aprofundamento e finalização da análise do Calendário e Questionário de Exame do Estado da Legislação, cujo preenchimento e relatório sectorial deve ser apresentado à Comissão no ínicio de Março de 2017.

@CRL com foto – em SAPO TL

Cooperação entre a China e ONU é “absolutamente essencial”, diz António Guterres

Posted: 29 Nov 2016 03:52 AM PST

Pequim, 28 nov (Lusa) – A cooperação entre a China e a ONU é “absolutamente essencial”, perante um “mundo perigoso”, disse hoje em Pequim António Guterres, destacando o papel que o país asiático pode desempenhar na diplomacia para a paz.

O próximo secretário-geral da ONU falava em conferência de imprensa, após reunir-se com o ministro chinês dos Negócios Estrangeiros, Wang Yi.

“Vivemos num mundo perigoso. Assistimos à multiplicação de novos conflitos e velhos conflitos que nunca morrem”, disse António Guterres.

O antigo primeiro-ministro de Portugal lembrou que “cada vez mais pessoas sofrem”, devido às “mudanças climáticas, crescimento da população, insegurança alimentar e escassez de água”.

E apontou que as desigualdades se estão a tornar “um importante fator de instabilidade no mundo”, que “o progresso económico e tecnológico não conseguiu reduzir”.

“Estamos perante problemas globais, que exigem soluções globais, para as quais necessitamos de mecanismos de governação de natureza multilateral”, disse.

Guterres sublinhou que “a China é hoje um pilar sólido do multilateralismo no mundo” e que pode ser um “mediador justo muito importante, tentando unir partes que estão envolvidas em conflitos”.

“Isto torna a cooperação entre a China e a ONU absolutamente essencial”, realçou.

António Guterres enalteceu a “importante contribuição” do país asiático para a organização que dirigirá a partir do próximo ano.

“A China é hoje um dos maiores financiadores da ONU e das suas ações. Ao mesmo tempo, está a dar um contributo muito importante para as nossas missões de manutenção da paz e para mais iniciativas que serão anunciadas em breve”, disse.

E lembrou que Pequim desenvolveu “novas formas de cooperação internacional, como a iniciativa ‘uma faixa, uma rota'”, contribuindo para o sucesso das ações da ONU no mundo.
Wang Yi, por seu lado, apontou que o “papel das Nações Unidas só pode ser fortalecido, e não debilitado”.

“Vivemos num mundo caótico (…) Enfrentamos desafios globais. Nenhum país pode superar esses desafios sozinho”, lembrou.

António Guterres vai assumir o lugar de secretário-geral das Nações Unidas, por um período de cinco anos, a partir de 01 de janeiro de 2017.

A deslocação a Pequim segue-se a uma visita a Moscovo, onde Guterres se reuniu com o Presidente russo, Vladimir Putin, parte de um périplo pelas cinco capitais dos países-membros permanentes do Conselho da Segurança da ONU.

JOYP // JMR

Cinco sobreviventes e 76 mortos em acidente de aviação na Colômbia – Oficial

Posted: 29 Nov 2016 04:00 AM PST

Cinco pessoas sobreviveram ao desastre de avião, perto do aeroporto internacional de Medellín, e 76 morreram, anunciou o general Jose Acevedo, chefe da polícia daquela área da Colômbia.

O aparelho fazia um voo ‘charter’ com 81 pessoas a bordo, incluindo a equipa de futebol brasileira Chapecoense Real, que ia disputar a final da Taça Sul-Americana com uma equipa colombiana.

Entre os sobreviventes estão o guarda-redes Marcos Danilo Padilha, de 31 anos, o guarda-redes de reserva Jackson Follmann, de 24 anos, e o lateral Alan Ruschel, de 27 anos.

O acidente ocorreu numa zona montanhosa a cerca de 50 quilómetros de Medellin.

Em comunicado, o aeroporto de Medellin refere que o avião, com matrícula da Bolívia, “declarou-se em emergência” às 22:00 locais (03:00 em Lisboa) “por falhas técnicas”, de acordo com a transmissão feita para a torre de controlo.

O avião tinha saído do aeroporto Viru Viru, de Santa Cruz de la Sierra, na Bolívia, onde aparentemente tinha realizado uma escala técnica.

EJ (FPA) // VM – Lusa

ÚLTIMA HORA
Oficial – São seis os sobreviventes do desastre aéreo. Foi descoberto mais uma pessoa com vida entre os destroços do avião que se despenhou na Colômbia – Tudo sobre a tragédia que enluta também o futebol brasileiro – NOTÍCIAS AO MINUTO

  • Um dos jogadores sobreviventes não resistiu e acabou por falecer. Danilo era um dos sobreviventes apontado pelas autoridades oficiais.

Leia a noticia em tétum em SALVIO ONLINE

Investimentu ZEESM Larefleta Ba Realidade Moris

Posted: 29 Nov 2016 02:50 AM PST

DILI – Politika estadu Timor Leste hodi halao investimentu iha rai laran liu-liu investimentu projetu ZEESM (Zona Espesial Ekonomia Sosial Merkadu) lafo vantajen ba povu, tanba labazeia ba realidade moris povu.

Tuir Vigariu Episkolpal Diocese Dili, Amu Juvito do Rego hatete katak, investimentu neebe mak estadu Timor Leste halo iha ZEESM nee iha laiha benefisiu ba povu.

Investimentu estadu nian ba iha ZEESM nee interogasaun boot ida kuandu ita seidauk hatene inserteza absoluta katak ida nee bele fo vantajen ida. nee sei mehi hela deit, ita haree foin kuda batar musa ida, batar musan seidauk sae mai,” dehan Amu Juvito ba STL iha Lospalos-Lautem, Segunda (28/11/2016).

Amu Juvito haktuir, ida nee sai interogasaun tanba politika investimentu estadu nian ba ZEESM nee labazeia ba realidade moris povu nian neebe mak oras nee povu hasoru.

Iha fatin ketak, Observador Politika, Francisco Mausoro dehan, estadu nia investimentu ba projetu ZEESM nee ho nia konseitu nee diak, maibe kestaun mak estudu viabilidade nee halo ka lae. Mausoro esplika, ezemplu durante nee media barak publika konaba impaktu husi investimentu ZEESM ba povu nia moris, haree iha fatin barak laiha bee moos. Ida nee problema ba Timor. Informasaun kompletu iha STL Jornal no STL Web, edisaun Kuarta (30/11/2016). Raimundo S. Fraga

Suara Timor Lorosae

Kaju Emilia, Sai Preokupasaun Ba Publiku

Posted: 29 Nov 2016 02:39 AM PST

DILI – Kaju arguida Emilia Pires sai preokupasaun ba publiku tamba publiku hakarak hatene lolos serteza ho klaru, no la duvida atu nunee povu bele satisfas ho sistema judisial iha Timor Leste.

Tuir Diretor JSMP, Luis de Oliveira Sampaio preokupa oituan ho kaju Emilia Pires tamba atrazu tempu, hodi impedimentu mai husi arguida Emilia Pires no nia kolaborasaun minimu afeita ba prosesu justisa neebe mak oras nee lao.

Tamba nee, dala ida tan ita preokupa tamba deit impedimentu neebe mak mai husi arguida Emilia Pires maibe ita rekomenda tribunal se iha ona konkluzaun ba kaju arguida Emilia nian marka deit tempu atu anunsia ninia desijaun atu ita bele hatene katak sala ka la sala atu ema hotu la bele moris ho duvidas, moris ho preokupa katak tamba saida mak kaju adia no tamba saida mak kaju nee seidauk hotu no hamosu perguntas oi-oin liliu kria persepsaun neebe mak la diak iha publiku,” dehan Luis ba STL iha ninia edifisiu JSMP, Colmera, Tersa (29/11/2016).

Nia dehan tuir informasaun iha semana kotuk atu rona deklarasaun husi arguida Emilia Pires, hodi halo ka nomeia data foun atu halo desijaun final, maibe arguida nafatin la mosu no kompozisaun panel juiz ida moras, sira hadia fali iha 30 de Novembru atu rona deklarasaun ikus ka hasai desijaun.

Iha fatin ketak, tuir observador Politiku, Fransisco Mausoro katak dalaruma mafia sira iha laran no joga buat nee no se la joga buat nee la fasil, atu sai iha rai liur no kuandu ema hatene frakeza sira nee dada atu halai husi tribunal. Informasaun kompletu iha STL Jornal no STL Web, edisaun Kuarta (30/11/2016). Domingos Piedade Freitas

Suara Timor Lorosae

Taur: Hau La Faan Dignidade sosa Uma Mutin

Posted: 29 Nov 2016 02:32 AM PST

ILIOMAR – Prezidente Republika Taur Matan Ruak Durante nee halo vizita tama sai suku hodi husu povu atu hamutuk buka moris diak, tamba Timor oan hotu neebe luta laos atu hetan deit ukun Aan maibe buka moris diak.

Nia hatete Funu tinan 24 sae ema nia kareta, ema trata tan maibe kabun ten barak neebe sosa kareta rasik la halo buat ida, ema seluk neebe la halo funu hetan uma diak maibe ida neebe luta ba ukun Aan kontinua moris kiak.

Hau la faan hau nia dignidade hodi sosa uma mutin, zeneral beik liu mak mak Taur Matan Ruak tamba halo funu tinan 24 iha ai laran hakarak husik kargu nudar zeneral hodi sai prezidente no vizita suku,” dehan Taur liu husi Dialogu Tersa (29/11/2016) ho Suku Iliomar II, Postu Administrativu Iliomar, Munisipiu Lautem.

Nia fo hela servisu ba povu hanesan hadia ekonomia uma laran hodi halo buat neebe mak nakfilak ba osan, haruka oan sira ba eskola tamba futuru oan sria nian inportante no husu inan no labarik sira kuidade saude.

Iha fatin hanesan suku Iliomar II Adelino Barreto hatete nia parte agradese ba vizita Prezidente Republika nian neebe konsege vizita suku hodi rona povu nia prekupasaun neebe mak povu hasoru. Nia hatete Povu suku Iliomar iha populasaun hamutuk 1986 kompostu husi feto 1028 no mane 956, neebe mak husi aldeia 5, povu maioria moris ho agrikultura maibe kondisaun Estrada mak ladiak.

Vizita Prezidente Republika Taur Matan Ruak nee sai konvidadu espesial mak hanesan Administrador Postu Adminisrtativ u Liquisa Vila, Xefi Suku Oges, Postu Maucatar, Covalima, Xefi Suku Horai Kiik, Postu Administrativu Maubisse, Ainaro no Xefi suku Lesuata Manufahi inkliu mos Administrador Postu Iliomar, Diretores Munisipiu Lautem, Komando PNTL. Informasaun kompletu iha STL Jornal no STL Web, edisaun Kuarta (30/11/2016). Timotio Gusmao

Suara Timor Lorosae

OJE 2017 4 Miloens Aloka Ba Pensaun Vitalisia

Posted: 29 Nov 2016 02:40 AM PST

DILI – Orsamentu Jeral Estadu (OJE) 2017 neebe aloka ba pensaun eis titularis no eis orgaun soberanu hamutuk 4 Miloens.

Membru Komisaun C, neebe trata asuntu Finansas Publika (PN), deputada Angelina Machado de Jesus hateten, OJE 2017 iha dotasaun para todu Governu, neebe aloka ba eis titularis no eis membru orgaun soberanu kuaze 4.000 Miloens.

OJE 2017 ita hare iha dotasaun para todu Governu neebe aloka ba eis titulars no eis membru orgaun soberanu sira hamutuk 4.000 Miloens,” dehan deputada Angelina, ba STL, iha PN, Dili, Tersa (29/11/2019).

Nia dehan, eis titularis sira nee maka hanesan, eis Prezidente Republika, eis Prezidente Parlamentu Nasional, Eis Primeiru Ministru no eis Prezidente Tribunal Rekursu.

Iha fatin hanesan membru PN husi bankada PD Adriano do Nascimento hateten, lei importante ba nasaun ida nee lei lubun ida, liu liu lei tolu, pensaun vitalisia para hakotu polemika publik neebe PD fo ona nia projetu, I Fretilin fo ona nia projetu.

Entertantu Prezidente Parlamentu Nasional Aderito Hugo da Costa hateten, antes tama ba feria natal iha 23 Dezembru, PN sei halo diskusaun ba lei pensaun vitalisia iha parte espesilidade nian. Informasaun kompletu iha STL Jornal no STL Web, edisaun Kuarta (30/11/2016). Carme Ximenes

SuaraTimor Lorosae

RAMOS HORTA, LU-OLO NO LERE MAK SEI KOMPETE BA PR

Posted: 29 Nov 2016 01:38 AM PST

Eis Prezidenti Repúblika, José Ramos Horta, eis Prezidenti Parlamentu Nasionál iha Primeiru Governu konstitusionál, Francisco Guterres Lu-Olo ho Jeneral Lere Anan Timur mak sei hada’u malu iha eleisaun Prezidensiál 2017 hodi troka Prezidenti Repúblika (PR) atual, Taur Matan Ruak.

“Tinan oin, ita sei simu ita nia Prezidenti Repúblika foun, ita lahatene sé mak atu sa’e, maun Ramos Horta ka, imi nia oan Lu-Olo ka imi nia oan Lere, ita lahatene los,” dehan Taur Matan Ruak iha nia diskursu, iha loron komemorasaun Proklasaun Independensia Timor Leste ba dala 41 (28 Novembru 1975-28 Novembru 2016) iha Munisípiu Lautem Lospalos, Segunda (28/11).

Prezidenti Repúblika (PR), Taur Matan Ruak hateten katak, Maiu 2017, povu Timor Leste (TL) tomak sei simu sira nia Prezidenti Repúblika foun.

Maibé Taur Matan Ruak dehan, nia kontenti tebes, tanba durante nia mandatu hanesan Prezidenti Repúblika, nia bele vizita hotu suku sira iha Timor laran tomak.

“Tinan oin sai tinan ida importante. Ita sei hala’o eleisaun ba Xefi Estadu nian ho Parlamentu Nasionál. Ha’u husu boot ba sidadaun sira atu partisipa iha eleisaun 2017 hodi hametin Estadu no páz iha sosiedade nia leet. Mai ita hatudu ba mundu ita-nia determinasaun atu kaer metin estabilidade no asegura dezenvolvimentu ekonómiku no sosiál nia susesu. Páz no estabilidade hanesan rikusoin tanba, la hó páz no estabilidade, dezenvolvimentu la bele la’o,” dehan Taur Matan Ruak.

Xefi Estadu ne’e hatutan, konkista ba Independénsia fó oportunidade atu harii mákina Estadu ida ne’ebé funsiona hela maski sei presiza hasa’e tan nia kualidade.

“Iha okaziaun ida-ne’e, ha’u hakarak hahii inisiativa sira-ne’ebé foti kona-ba desentralizasaun, hanesan kria Munisípius, transfere Estadu nia kompeténsia sira ba iha órgaun Administrasaun lokal, sira ne’ebé besik liu povu no halo deskonsentrasaun ba servisu públiku sira,” katak Taur Matan Ruak.

Xefi Estadu ne’e hatutan, medida sira-ne’e mak hasa’e kondisaun hirak ne’ebé presiza hodi lori sidadaun sira atu buka solusaun ba sira-nia problema rasik no partisipa iha dezenvolvimentu lokál.

Taur Matan Ruak haktuir, desentralizasaun hanesan prosesu kompleksu ida, ejiji sidadaun sira-nia empeñu ho partisipasaun.

Eis Jeneral ho fitun rua ne’e dehan, iha tinan 15 ikus ne’e, Estadu kria rede eskola, sentru saúde no klínika maternidade ne’ebé namkari iha territóriu tomak.

Prezidenti Repúblika ne’e afirma, Estadu investe ona iha infraestrutura hirak ba dezenvolvimentu, 90% husi populasaun bele asesu ona eletrisidade, no harii tiha ona ponte no hadi’ak tiha ona estrada balun.

“Ikus liu atu dehan katak, Independénsia fó posibilidade mai ita atu kria sistema apoiu ida ba ferik-katuas, feto-faluk, oan-kiak no grupu vulneravel sira seluk. Sistema hirak-ne’e konsege ona hamenus moris mukit, maibé ita presiza halo liután hodi halakon kiak iha ita-nia rain,” katak Xefi Estadu ne’e.cos

Jornal Nacional
You are subscribed to email updates from TIMOR AGORA.
To stop receiving these emails, you may unsubscribe now. Email delivery powered by Google
Google Inc., 1600 Amphitheatre Parkway, Mountain View, CA 94043, United States

Please follow and like us:
error

Publicado por

chrys chrystello

Chrys Chrystello presidente da direção e da comissão executiva da AICL